Isaiah 7:13-16

Lè sa a, Ezayi di konsa:
— Koute non, moun fanmi David yo! Sa pa kont nou toujou? Jan nou fè moun bouke ak nou pou kounyeya nou sòti pou nou fè Bondye mwen an bouke ak nou tou? Enben, se Senyè a menm ki pral ban nou yon siy. Men jenn fi a ansent. Li pral fè yon pitit gason. Y'a rele li Emanyèl Non sa a vle di: “Bondye avèk nou”. Se lèt ak siwo myèl ase l'a manje jouk l'a rive laj pou l konnen sa ki mal ak sa ki byen. Men, anvan menm ti gason an rive konnen sa ki byen ak sa ki mal, peyi de wa sa yo k'ap fè ou pè a ap rete konsa san pyès moun ladan yo.