Isaiah 25:8-12

Senyè a pral fè pa janm gen lanmò ankò.
Li pral siye dlo nan je tout moun.
Li pral wete lawont sa a ki te sou pèp li a toupatou sou latè.
Se Senyè a menm ki di sa!
Jou sa a, tout moun va di:
Se li menm ki Bondye nou.
Nou te mete tout espwa nou nan li.
Li delivre nou! Se li menm ki Senyè a!
Nou te mete konfyans nou nan li.
Ann fè kè nou kontan.
Ann fè fèt, paske li delivre nou.

Senyè a ap pwoteje mòn Siyon an.
Men, l'ap pilonnen moun peyi Mowab yo anba pye l,
menm jan yo pilonnen pay nan labou pak bèt.
Nan mitan labou a, y'a lonje bra yo tankou si yo ta vle naje sòti.
Men Senyè a pral kraze lògèy yo,
l'ap defèt tou sa yo te fè ak men yo.
L'ap kraze gwo ranpa byen wo yo te bati sou miray yo,
l'ap jete yo plat atè,
l'ap fè yo tounen pousyè.