1 Peter 3:8-10

Pou fini, nou tout nou dwe dakò yonn ak lòt, se pou nou gen menm santiman yonn pou lòt. Se pou nou yonn renmen lòt tankou frè ak sè, se pou nou gen bon kè, san lògèy. Pa rann moun mal pou mal, jouman pou jouman. Okontrè, lè konsa, mande benediksyon pou yo, paske se benediksyon Bondye te pwomèt pou l ban nou lè li te rele nou an. Paske:
Si yon moun vle jwi lavi a,
si l anvi pase kèk bon kadè sou latè,
se pou l kenbe lang li pou l pa pale moun mal.
Se pou l veye bouch li pou l pa bay manti.