Madcos 11
11
Chuiquid tapabimbuec Edusaden yacno Esus chouaid
(Mat. 21.1-11; Duc. 19.28-40; Uan 12.12-19)
1Adec nidequi Edusaden anoentsëqui shubu daëdpactsëcquid Bedpaque caid yacno Esus chopanëdash. Edusaden anoentsëcbidi shubu daëdpactsëcquid Betania caid icuapanëdash. Aid daëdi macuësh Odibos caidën icquid anoentsëqui icpanëdash. Ambo choshon: Ubëd icquid daëd shubuno nidmenu, quequin tantiec Esus nadpanëdash: 2Nëid podquiedën nidquimbi shubu daëdpactsëcquid yacno nidshun mimbi cabachubitsecquidën bacuë caniactsëc catsadabicquid nëshac tsadsho mimbi istuidendac. Aid istuidshun bucun nëshaid chicshun nëmbo bëta. 3Aden mimbi chicsho isash: ¿Atotsi canun aid chique? quendac. Adsho tantiashun: Cun Icbon: Bedtan, cac naimbique. Badedquio bëuaindambi, quequin chuita, quepanëdash Esus abëd icquid daëd chiec.
4Aden Esusën chiaquien abidaëdi nidpanëdash. Adec nidquimbi cabachubiecquidën bacuë caniactsëc shubu puduedte shëcuë dayun cuesten nëshac tsadsho istuidshun bucun nëshaid chicpanëdash. 5Aden bucun nëshaid chicsho istanquin: ¿Atotsi canun aid chicquin nai? capanëdash ambocquidon.
6Adoaquien: Bucun nëshaid chicshun bëta, cun icbon cabocpadembi naimbi, caquien: Buanec nid, capanëdash.
7Adoac Esus yacno bëpanëdash. Aden bëquimbi aton dashcute bëntsecquid chicshun cabachubiecquidën bacuë caniactsëc capucpanëdash. Adoaidën Esus catsadtopanëdash. 8Adanec nidsho: Chuiquid Esus nec, quequin ismequin utsibo dadpenshun aton dashcute bëntsecquid chicbededshun podquied ansambededpanëdash. Adembidi tantiaquin utsibontsen budëd podobiecquid tebededshun podquied ansambededuapanëdash. 9Aden ansambededash matses dadpen bëyuc nidannenubi Esus nënantanquio nidnubi aidtedbidi tsiuec chochoec nadec cuëdëncuededpanëdash:
Adeduya. Mibi chomequid Nuquin Papatsen abitedishun Icbombo yec bëdamboshë iquec.
10Nëid nuquin Chuiquid Tapa icnuec choec
nuquin tsusedpa Dabid chuiquid tapa icacpadec.
Abi chomequid Nuquin Papa bëdamboshë iquec. Adeduya,
quec cuëdëncuededpanëdash Esusbëd nidquido.#11.9-10 Chotaquën onqueten Cuëd. 118.25-26 isbanta.
11Adec cuëdëncuededequi Edusaden yacno chochopanëdash. Choashic Nuquin Papa tabadte shubu dapa yacno nidash daquënë uaidën Esus puduedpanëdash. Adec puduedshun abitedi isbanash uëshë budsho istanec Esus abëd icquid 12ted icquidobëd Betania yacno nidpanëdash.
2. Edusaden yacnoshon nabanaid
(11.12—13.37)
Cute icueda bacuëesa icsho uënësmiaid
(Mat. 21.18-19)
12Abadiadtsashi Betania yacnouësh puduanec nidequi Esus bundopanëdash. 13Adec bundoshon isac cute icueda caid podo bëdapambo yec ancuenquio nidsho istuidec Esus: Icueda podo bëdapambo podoash nideque. Bacuëash icnushe. Isbono, quianec nidpanëdash. Adanec nidquimbi icueda podouidquio icsho istuidpanëdash. Uëshë utsimbi bacuëtequid yec bacuëabi podopac.#11.13 Nuquin Papan Chiaid tantiaquidën naden chiec: Aton matses isadaidbo cuëte icuedabimbuec icpec, quepec. 14Adquid icsho issun Esusën: Adequi bacuëesa icsho ma matsesën chenquio icpanuna, quequin chuisho abëd icquidon tantiapondambi.
Nuquin Papa tabadte shubu dapa yacnoshon Esusën cuenmiaid
(Mat. 21.12-17; Duc. 19.45-48; Uan 2.13-22)
15Aden chuibëtsenec Edusaden yacno chopanëdash. Ambo choashic Nuquin Papa tabadte shubu dapa tsicatiaidën Esus puduedpanëdash. Adec puduedquin isaquien atona menequin piucquid bednun sandoaid tabëcaid dadpen icnubi aid bedquido dadpen icuapanëdash. Adsho istanquin tabëcte bidiacbanquimbi nidaid utsi yacnouësh choquidën piucquid bedshunquin meneuaquidobëta oshpodcobiecquid menequin piucquid bedquidon tsadtetsen bëcunneshumbanquin icbotedi umanuc cuenmequin niacumpanëdash. 16Aden niacunshun Nuquin Papa tabadte shubu dapa yacnoshon nasiadquin atona bedbededshun buansho issun: Nuquin Papan shubu neque. Nëmbo mitsana bëbëash capucuededenda, capanëdash Esusën cumapenen chushcaquin. 17Adembidi tantiamenuen chuibanquin: Nuquin Papan chuiquin dada uamiampid nad iquec: Ubi tabadte shubu dapa nidaid utsi utsiec yacnoquido ubi chiannec tabadte shubu iquendac, quequin chiampid iquec. Aden chiampid icnubi mitsanauidi bedte bunquin ampec tabadte shubu mibitedishun icmiaye. Niecun,#11.17 Isa. 56.7bëta Ede. 7.11 tantiaquin Esusën aden chuipanëdash. Aid daëd isbanta. quequin Esusën chushcapanëdash. 18Aden chuisho tantiash matses dadpen: Chuiquid tapan chiacpadombuen Esusën chiec, quepanëdash. Aden chuisho tantiash dacuëdequi: Icsambocquid Esus neque. ¿Mitsipadombuen bedmeshun uënës uametiad? Aid tantiaquin matsesën nuqui chiacpadombuen nainquio ictsiashe, quequin Nuquin Papa ismequin nëish iua cuessunneshun pichicaquidon chuiquidobëtan Moisesën chiampid tantiamequidon tantiapanëdash. 19Adnubien inchëshsho istanec abëd icquidobëd Edusaden yacnouësh puduanec Esus niduapanëdash.
Cute icueda bacuëesa uënësaid chuibanaid
(Mat. 21.19-22)
20Abadiadtsashi Edusaden yacno niduaquimbi cute icueda caid datanquin bidiquec uënësacsho istuidpanëdash. 21Aden Esusën icueda bacuëambocsho chuibued tantiactanquin Petedon: Mimbi bacuëabicsho: Uënësta, cabued bidiquec uënësaque. Is, Icbo, capanëdash.
22Adoaquien Esusën: Nuquin Papa nadatiambocquin nabanquid nec, quequin tantiaquiota. 23Aden tantiaquin: ¿Umbi chiacpadombuenda napatsiashba? quenquiocquin abi chuisho mimbi chiacpadombuen natsiash. Adoac mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuaindac. 24Umbi chiacpadombuen Nuquin Papan naindac, quequin abimbo tantiaquin mibitedishun abi chuisho tantiashun Nuquin Papan adombuen nashunendac. 25Aden Nuquin Papa chuinuec utsin mibi icsambuen nashunaid tantienquio yec bëshunta. Adsho abucshun isash Nuquin Papa mimbi icsambuen naid tantienquio yec bëshunendac. 26Adenquio mibi icsho issun Nuquin Papan mimbi icsambuen naid tantiec bëshunenquio iquendac, quepanëdash Esus abëd icquido chiec.#11.26 Madcosën Dada uaid isquin abibidi chuiquin dada uaquidën utsin utsinquien nëid versiculo dada uambo icpanëdash.
¿Tsuntsin: Chuibanta, caid mibi ne? caid
(Mat. 21.23-27; Duc. 20.1-8)
27Adashic padpidec Edusaden yacno Esus abëd icquidobëd chochouapanëdash. Adec chouash Nuquin Papa tabadte shubu dapa tsicatiaidën puduedash capusho istuidshun nëidtedshun Esus chuimetuidpanëdash. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Nëidic chuiquid tapa utsi tsësiobon. Aidtedshun Esus naden chuimepanëdash: 28¿Tsuntsin: Chuibanquin nabanta, cac chuibanquin nai? capanëdash.
29Adoaquien Esusën: Adembidi umbitsen mibi chuimenu. Umbi chiac mimbi chuisho tantiashun umbitsen mibi chiembi, 30Tantia. Chuinu. ¿Tsuntsin namiac Uanën matses acten mentopadennec? ¿Matsesënda namepadennec? ¿Nuquin Papan namiacta napadennec? En chui. Tantianu, capanëdash Esusën aido chuiquin.
31Aden Esusën chuisho tantiash badedquio chienquio yec uannotantsëc tabadec nadec onquecuededpanëdash: ¿Mitsipaden chuitiad? Nuquin Papan namiaidquio Uan nepadennec, nuqui cac: ¿Atotsi queshun aidën chiacpadombuen nainquio icconda? quetsiash Esus. 32Matsesën: Nata, caid Uan nepadennec, nuqui quesho tantiashun: ¿Atotsi nuqui capatsiash Uanën chuisho tantiondaidon? Aidon: Nuquin Papan oncamiaid Uan niondash, quequin tantiabededquin nuqui cuënoten seshun secatsiash, quec dacuëdcuededpanëdash. 33Aden chiec onquecuededashic: Tsaudi. ¿Tantienquio iquembi. Tsundan namiaquien nachitondash? queshobien: Adembidi umbitsen ubi namequid chienquio iquembi, capanëdash Esusën.
Chwazi Kounye ya:
Madcos 11: mcfNT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2023, Wycliffe Bible Translators, Inc. All rights reserved.
Madcos 11
11
Chuiquid tapabimbuec Edusaden yacno Esus chouaid
(Mat. 21.1-11; Duc. 19.28-40; Uan 12.12-19)
1Adec nidequi Edusaden anoentsëqui shubu daëdpactsëcquid Bedpaque caid yacno Esus chopanëdash. Edusaden anoentsëcbidi shubu daëdpactsëcquid Betania caid icuapanëdash. Aid daëdi macuësh Odibos caidën icquid anoentsëqui icpanëdash. Ambo choshon: Ubëd icquid daëd shubuno nidmenu, quequin tantiec Esus nadpanëdash: 2Nëid podquiedën nidquimbi shubu daëdpactsëcquid yacno nidshun mimbi cabachubitsecquidën bacuë caniactsëc catsadabicquid nëshac tsadsho mimbi istuidendac. Aid istuidshun bucun nëshaid chicshun nëmbo bëta. 3Aden mimbi chicsho isash: ¿Atotsi canun aid chique? quendac. Adsho tantiashun: Cun Icbon: Bedtan, cac naimbique. Badedquio bëuaindambi, quequin chuita, quepanëdash Esus abëd icquid daëd chiec.
4Aden Esusën chiaquien abidaëdi nidpanëdash. Adec nidquimbi cabachubiecquidën bacuë caniactsëc shubu puduedte shëcuë dayun cuesten nëshac tsadsho istuidshun bucun nëshaid chicpanëdash. 5Aden bucun nëshaid chicsho istanquin: ¿Atotsi canun aid chicquin nai? capanëdash ambocquidon.
6Adoaquien: Bucun nëshaid chicshun bëta, cun icbon cabocpadembi naimbi, caquien: Buanec nid, capanëdash.
7Adoac Esus yacno bëpanëdash. Aden bëquimbi aton dashcute bëntsecquid chicshun cabachubiecquidën bacuë caniactsëc capucpanëdash. Adoaidën Esus catsadtopanëdash. 8Adanec nidsho: Chuiquid Esus nec, quequin ismequin utsibo dadpenshun aton dashcute bëntsecquid chicbededshun podquied ansambededpanëdash. Adembidi tantiaquin utsibontsen budëd podobiecquid tebededshun podquied ansambededuapanëdash. 9Aden ansambededash matses dadpen bëyuc nidannenubi Esus nënantanquio nidnubi aidtedbidi tsiuec chochoec nadec cuëdëncuededpanëdash:
Adeduya. Mibi chomequid Nuquin Papatsen abitedishun Icbombo yec bëdamboshë iquec.
10Nëid nuquin Chuiquid Tapa icnuec choec
nuquin tsusedpa Dabid chuiquid tapa icacpadec.
Abi chomequid Nuquin Papa bëdamboshë iquec. Adeduya,
quec cuëdëncuededpanëdash Esusbëd nidquido.#11.9-10 Chotaquën onqueten Cuëd. 118.25-26 isbanta.
11Adec cuëdëncuededequi Edusaden yacno chochopanëdash. Choashic Nuquin Papa tabadte shubu dapa yacno nidash daquënë uaidën Esus puduedpanëdash. Adec puduedshun abitedi isbanash uëshë budsho istanec Esus abëd icquid 12ted icquidobëd Betania yacno nidpanëdash.
2. Edusaden yacnoshon nabanaid
(11.12—13.37)
Cute icueda bacuëesa icsho uënësmiaid
(Mat. 21.18-19)
12Abadiadtsashi Betania yacnouësh puduanec nidequi Esus bundopanëdash. 13Adec bundoshon isac cute icueda caid podo bëdapambo yec ancuenquio nidsho istuidec Esus: Icueda podo bëdapambo podoash nideque. Bacuëash icnushe. Isbono, quianec nidpanëdash. Adanec nidquimbi icueda podouidquio icsho istuidpanëdash. Uëshë utsimbi bacuëtequid yec bacuëabi podopac.#11.13 Nuquin Papan Chiaid tantiaquidën naden chiec: Aton matses isadaidbo cuëte icuedabimbuec icpec, quepec. 14Adquid icsho issun Esusën: Adequi bacuëesa icsho ma matsesën chenquio icpanuna, quequin chuisho abëd icquidon tantiapondambi.
Nuquin Papa tabadte shubu dapa yacnoshon Esusën cuenmiaid
(Mat. 21.12-17; Duc. 19.45-48; Uan 2.13-22)
15Aden chuibëtsenec Edusaden yacno chopanëdash. Ambo choashic Nuquin Papa tabadte shubu dapa tsicatiaidën Esus puduedpanëdash. Adec puduedquin isaquien atona menequin piucquid bednun sandoaid tabëcaid dadpen icnubi aid bedquido dadpen icuapanëdash. Adsho istanquin tabëcte bidiacbanquimbi nidaid utsi yacnouësh choquidën piucquid bedshunquin meneuaquidobëta oshpodcobiecquid menequin piucquid bedquidon tsadtetsen bëcunneshumbanquin icbotedi umanuc cuenmequin niacumpanëdash. 16Aden niacunshun Nuquin Papa tabadte shubu dapa yacnoshon nasiadquin atona bedbededshun buansho issun: Nuquin Papan shubu neque. Nëmbo mitsana bëbëash capucuededenda, capanëdash Esusën cumapenen chushcaquin. 17Adembidi tantiamenuen chuibanquin: Nuquin Papan chuiquin dada uamiampid nad iquec: Ubi tabadte shubu dapa nidaid utsi utsiec yacnoquido ubi chiannec tabadte shubu iquendac, quequin chiampid iquec. Aden chiampid icnubi mitsanauidi bedte bunquin ampec tabadte shubu mibitedishun icmiaye. Niecun,#11.17 Isa. 56.7bëta Ede. 7.11 tantiaquin Esusën aden chuipanëdash. Aid daëd isbanta. quequin Esusën chushcapanëdash. 18Aden chuisho tantiash matses dadpen: Chuiquid tapan chiacpadombuen Esusën chiec, quepanëdash. Aden chuisho tantiash dacuëdequi: Icsambocquid Esus neque. ¿Mitsipadombuen bedmeshun uënës uametiad? Aid tantiaquin matsesën nuqui chiacpadombuen nainquio ictsiashe, quequin Nuquin Papa ismequin nëish iua cuessunneshun pichicaquidon chuiquidobëtan Moisesën chiampid tantiamequidon tantiapanëdash. 19Adnubien inchëshsho istanec abëd icquidobëd Edusaden yacnouësh puduanec Esus niduapanëdash.
Cute icueda bacuëesa uënësaid chuibanaid
(Mat. 21.19-22)
20Abadiadtsashi Edusaden yacno niduaquimbi cute icueda caid datanquin bidiquec uënësacsho istuidpanëdash. 21Aden Esusën icueda bacuëambocsho chuibued tantiactanquin Petedon: Mimbi bacuëabicsho: Uënësta, cabued bidiquec uënësaque. Is, Icbo, capanëdash.
22Adoaquien Esusën: Nuquin Papa nadatiambocquin nabanquid nec, quequin tantiaquiota. 23Aden tantiaquin: ¿Umbi chiacpadombuenda napatsiashba? quenquiocquin abi chuisho mimbi chiacpadombuen natsiash. Adoac mimbi nëid macuësh cain: Mananuc icbuedi adquiecbidi acte nantan icuata, mimbi cac nëid macuësh acte nantan icuaindac. 24Umbi chiacpadombuen Nuquin Papan naindac, quequin abimbo tantiaquin mibitedishun abi chuisho tantiashun Nuquin Papan adombuen nashunendac. 25Aden Nuquin Papa chuinuec utsin mibi icsambuen nashunaid tantienquio yec bëshunta. Adsho abucshun isash Nuquin Papa mimbi icsambuen naid tantienquio yec bëshunendac. 26Adenquio mibi icsho issun Nuquin Papan mimbi icsambuen naid tantiec bëshunenquio iquendac, quepanëdash Esus abëd icquido chiec.#11.26 Madcosën Dada uaid isquin abibidi chuiquin dada uaquidën utsin utsinquien nëid versiculo dada uambo icpanëdash.
¿Tsuntsin: Chuibanta, caid mibi ne? caid
(Mat. 21.23-27; Duc. 20.1-8)
27Adashic padpidec Edusaden yacno Esus abëd icquidobëd chochouapanëdash. Adec chouash Nuquin Papa tabadte shubu dapa tsicatiaidën puduedash capusho istuidshun nëidtedshun Esus chuimetuidpanëdash. Nëidic nëish iua cuessunneshun pichicaquidon chuiquidon. Nëidic Moisesën chiampid tantiamequidon. Nëidic chuiquid tapa utsi tsësiobon. Aidtedshun Esus naden chuimepanëdash: 28¿Tsuntsin: Chuibanquin nabanta, cac chuibanquin nai? capanëdash.
29Adoaquien Esusën: Adembidi umbitsen mibi chuimenu. Umbi chiac mimbi chuisho tantiashun umbitsen mibi chiembi, 30Tantia. Chuinu. ¿Tsuntsin namiac Uanën matses acten mentopadennec? ¿Matsesënda namepadennec? ¿Nuquin Papan namiacta napadennec? En chui. Tantianu, capanëdash Esusën aido chuiquin.
31Aden Esusën chuisho tantiash badedquio chienquio yec uannotantsëc tabadec nadec onquecuededpanëdash: ¿Mitsipaden chuitiad? Nuquin Papan namiaidquio Uan nepadennec, nuqui cac: ¿Atotsi queshun aidën chiacpadombuen nainquio icconda? quetsiash Esus. 32Matsesën: Nata, caid Uan nepadennec, nuqui quesho tantiashun: ¿Atotsi nuqui capatsiash Uanën chuisho tantiondaidon? Aidon: Nuquin Papan oncamiaid Uan niondash, quequin tantiabededquin nuqui cuënoten seshun secatsiash, quec dacuëdcuededpanëdash. 33Aden chiec onquecuededashic: Tsaudi. ¿Tantienquio iquembi. Tsundan namiaquien nachitondash? queshobien: Adembidi umbitsen ubi namequid chienquio iquembi, capanëdash Esusën.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2023, Wycliffe Bible Translators, Inc. All rights reserved.