Miqueas 5
5
1Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel. 2La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic. 3Joꞌcan utan li Dios tixcanabeb xjuneseb lix tenamit toj ta̱cuulak xkꞌehil nak ta̱yoꞌla̱k li Acuabej arin saꞌ ruchichꞌochꞌ. Ut ta̱cuulak xkꞌehil nak teꞌsukꞌi̱k cuiꞌchic saꞌ lix tenamiteb laj Israel li joꞌ qꞌuial chic queꞌcana. 4Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ. 5Ut aꞌan ta̱cꞌamok chak re li tuktu̱quil usilal saꞌ kaya̱nk la̱o li ralal xcꞌajol. Ut aꞌan ta̱colok ke saꞌ rukꞌeb laj Asiria nak teꞌraj oc saꞌ li katenamit chixjucꞌbal li kapalacio. Ut la̱o takaxakab cuukubak chi cui̱nk re teꞌilok ke ut takaxakab ajcuiꞌ cuakxakibak chi cui̱nk cua̱nkeb xcuanquil re teꞌcꞌamok be chiku. 6Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin. 7Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l. 8Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru. 9La̱ex aj Israel texnumta̱k saꞌ xbe̱neb li xicꞌ nequeꞌiloc e̱re ut te̱sacheb chixjunileb. 10Ut saꞌ eb li cutan aꞌan, chan li Ka̱cuaꞌ, la̱in tintakla xcamsinquil chixjunil le̱ cacua̱y ut tinsach ruheb le̱ carruaje. 11Ut tinjucꞌ chixjunileb li tenamit saꞌ le̱ naꞌaj ut tinjucꞌ ajcuiꞌ chixjunil li cab li nequecol cuiꞌ e̱rib. 12Ut tinsacheb laj kꞌe ut tinsacheb ajcuiꞌ laj tu̱l. 13Tinjuqꞌueb ajcuiꞌ le̱ yi̱banbil dios joꞌqueb ajcuiꞌ li jalam u̱ch li xeyi̱b. Ut incꞌaꞌ chic te̱lokꞌoni le̱ dios li nequeyi̱b riqꞌuin le̱ rukꞌ. 14Ut la̱in tinpuqꞌui chixjunileb li yi̱banbil dios lix Asera xcꞌabaꞌ li cuanqueb saꞌ e̱ya̱nk ut tinsacheb ajcuiꞌ li tenamit bar cuanqueb cuiꞌ. 15Ut xban injoskꞌil la̱in tinqꞌueheb chixtojbal rix lix ma̱queb chixjunileb li tenamit li nequeꞌkꞌetoc re li cua̱tin, chan li Ka̱cuaꞌ.
Chwazi Kounye ya:
Miqueas 5: kek
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2019, Wycliffe Bible Translators. All rights reserved.