رَوْمَا 10
10
1يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ. 2أَنَا نَشْهَدْ لَيْهُمْ كَدَرْ هُمَّنْ مُنْكَرِبِينْ فِي عِبَادَةْ اللّٰهْ لَاكِنْ فِيَّهْ شَيّءْ وَاحِدْ مَا يَعَرْفُوهْ. 3هُمَّنْ مَا يَعَرْفُوا كِكَّيْف اللّٰهْ يِسَوِّي النَّاسْ صَالِحِينْ وَ خَلَاصْ يِدَوْرُوا يَبْقَوْا صَالِحِينْ بِجُهُدْهُمْ. وَ أَبَوْا مَا يَقْبَلَوْا الدَّرِبْ الْاللّٰهْ فَتَحَهْ لِلنَّاسْ الْبَيَّهْ يَبْقَوْا صَالِحِينْ. 4أَشَانْ الْمَسِيحْ جَاءْ وَ تَمَّ شُرُوطْ التَّوْرَاةْ وَ بِالْمَسِيحْ كُلَّ النَّاسْ يَبْقَوْا صَالِحِينْ، كَنْ يِآمُنُوا بَيَّهْ.
5وَ فِي الْكِتَابْ، مُوسَى فَسَّرْ لَيْنَا كِكَّيْف النَّاسْ يَبْقَوْا صَالِحِينْ بِشُرُوطْ التَّوْرَاةْ. هُو قَالْ: <النَّادُمْ الْيِطَبِّقْ كُلَّ الشُّرُوطْ دَوْل يَحْيَى بَيْهُمْ.>#10:5 الكلام دا تلقوه في لاوِيِّين 18:5. 6لَاكِنْ هُو قَالْ بَتَّانْ كِكَّيْف النَّاسْ يَبْقَوْا صَالِحِينْ بِالْإِيمَانْ. مَكْتُوبْ: <مَا تُقُولْ فِي قَلْبَكْ، يَاتُو الْيَطْلَعْ فِي السَّمَاءْ؟> يَعْنِي يِنَزِّلْ الْمَسِيحْ. 7وَ بَتَّانْ مَكْتُوبْ: <مَا تُقُولْ يَاتُو الْيَنْزِلْ فِي الْهَاوِيَةْ؟> يَعْنِي يَمْرُقْ الْمَسِيحْ مِنْ أُسْط الْمَيْتِينْ. 8لَاكِنْ الشَّيّءْ الْبُقُولَهْ شُنُو؟ بُقُولْ: <الْكَلَامْ قَاعِدْ قَرِيبْ لَيْك. هُو فِي خَشْمَكْ وَ فِي قَلْبَكْ.>#10:8 الكلام دا تلقوه في تَثْنِية 30:12-14.
وَ الْكَلَامْ دَا، هُو كَلَامْ الْإِيمَانْ النِّبَلُّغُوهْ لَيْكُو. 9كَنْ بِخَشْمَكْ تَشْهَدْ لِعِيسَى وَ تُقُولْ هُو الرَّبّ وَ فِي قَلْبَكْ تِآمِنْ كَدَرْ اللّٰهْ بَعَثَهْ مِنْ أُسْط الْمَيْتِينْ، بِمِثِلْ دَا تَنْجَى خَلَاصْ. 10أَشَانْ بِسَبَبْ الْإِيمَانْ الْقَاعِدْ فِي الْقَلِبْ، اللّٰهْ يَجْعَلْ النَّادُمْ صَالِحْ وَ بِسَبَبْ شَهَادَةْ خَشْمَهْ، اللّٰهْ يِنَجِّيهْ. 11الْكِتَابْ بُقُولْ: <أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>#10:11 الكلام دا تلقوه في إشَعْيا 28:16. 12وَ دَا بِقِي سَوَا سَوَا لِلْيَهُودْ وَ لِلْمَا يَهُودْ أَشَانْ الرَّبّ الْوَاحِدْ، هُو رَبّ كُلَّ النَّاسْ وَ هُو كَرِيمْ لِأَيِّ نَادُمْ الْيَدْعِي بِأُسْمَهْ. 13أَشَانْ مَكْتُوبْ: <أَيِّ نَادُمْ الْيَدْعِي بِأُسُمْ اللّٰهْ يَنْجَى.>#10:13 الكلام دا تلقوه في يُوِيل 2:32.
بلِّغين البِشارة واجِب
14وَ كِكَّيْف يَدْعُوا بِالرَّبّ، كَنْ مَا آمَنَوْا بَيَّهْ؟ وَ كِكَّيْف يِآمُنُوا بِالرَّبّ، كَنْ مَا سِمْعَوْا بَيَّهْ؟ وَ كِكَّيْف يَسْمَعَوْا بَيَّهْ، كَنْ مَا فِي نَادُمْ بَلَّغْ لَيْهُمْ الْبِشَارَةْ؟ 15وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>#10:15 الكلام دا تلقوه في إشَعْيا 52:7.
16وَ لَاكِنْ مَا كُلَّ النَّاسْ قِبْلَوْا الْبِشَارَةْ. أَشَانْ دَا، النَّبِي إِشَعْيَا قَالْ: <يَا اللّٰهْ، يَاتُو الْآمَنْ بِخَبَرْنَا؟>#10:16 الكلام دا تلقوه في إشَعْيا 53:1. 17خَلَاصْ، النَّاسْ مَا يَبْقَوْا مُؤمِنِينْ بِالْمَسِيحْ إِلَّا كَنْ يَسْمَعَوْا الْبِشَارَةْ وَ مَا يَسْمَعَوْا الْبِشَارَةْ إِلَّا كَنْ نَادُمْ يِبَلِّغْهَا لَيْهُمْ. 18لَاكِنْ نَسْأَلْ شَيّءْ وَاحِدْ. صَحِيحْ، الْيَهُودْ لِسَّاعْ مَا سِمْعَوْا الْبِشَارَةْ دِي وَلَّا؟ لَا، هُمَّنْ سِمْعَوْهَا. الْكِتَابْ بُقُولْ: <حِسُّهُمْ أَنْسَمَعْ فِي كُلَّ الْأَرْض، أَيْوَى كَلَامْهُمْ لَحَدِّي آخِرْ الدُّنْيَا.>#10:18 الكلام دا تلقوه في زَبُور 19:4.
19وَ بَتَّانْ نَسْأَلْ، بَنِي إِسْرَائِيلْ مَا فِهْمَوْا الْكَلَامْ وَلَّا؟ أَوَّلْ بِخَشُمْ مُوسَى، اللّٰهْ قَالْ: <نِسَوِّيكُو حَسُودِينْ بِالشَّعَبْ الْمَا تَمَّوْا أُمَّةْ وَ نِزَعِّلْكُو بِأُمَّةْ جَاهْلَةْ.>#10:19 الكلام دا تلقوه في تَثْنِية 32:21. 20وَ النَّبِي إِشَعْيَا قَمَّ حَجَّى كَلَامْ اللّٰهْ لَيْهُمْ بَلَا شَكَكْ وَ قَالْ: <النَّاسْ اللِّقَوْنِي، هُمَّنْ مَا النَّاسْ الْفَتَّشَوْنِي. وَ بَيَّنْت نَفْسِي لِنَاسْ الْمَا نَادَوْنِي.>#10:20 الكلام دا تلقوه في إشَعْيا 65:1، حسب الترْجمة اليونانيّة. 21لَاكِنْ فِي بَنِي إِسْرَائِيلْ، هُو قَالْ: <كُلَّ يَوْم أَنَا مَدَّيْت إِيدَيْنِي لِشَعَبْ عَاصِيِينْ وَ رَاسْهُمْ قَوِي.>#10:21 الكلام دا تلقوه في إشَعْيا 65:2.
Chwazi Kounye ya:
رَوْمَا 10: ع.د.ت19
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Bible en arabe tchadien © Alliance biblique du Tchad, 2019
رَوْمَا 10
10
1يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ. 2أَنَا نَشْهَدْ لَيْهُمْ كَدَرْ هُمَّنْ مُنْكَرِبِينْ فِي عِبَادَةْ اللّٰهْ لَاكِنْ فِيَّهْ شَيّءْ وَاحِدْ مَا يَعَرْفُوهْ. 3هُمَّنْ مَا يَعَرْفُوا كِكَّيْف اللّٰهْ يِسَوِّي النَّاسْ صَالِحِينْ وَ خَلَاصْ يِدَوْرُوا يَبْقَوْا صَالِحِينْ بِجُهُدْهُمْ. وَ أَبَوْا مَا يَقْبَلَوْا الدَّرِبْ الْاللّٰهْ فَتَحَهْ لِلنَّاسْ الْبَيَّهْ يَبْقَوْا صَالِحِينْ. 4أَشَانْ الْمَسِيحْ جَاءْ وَ تَمَّ شُرُوطْ التَّوْرَاةْ وَ بِالْمَسِيحْ كُلَّ النَّاسْ يَبْقَوْا صَالِحِينْ، كَنْ يِآمُنُوا بَيَّهْ.
5وَ فِي الْكِتَابْ، مُوسَى فَسَّرْ لَيْنَا كِكَّيْف النَّاسْ يَبْقَوْا صَالِحِينْ بِشُرُوطْ التَّوْرَاةْ. هُو قَالْ: <النَّادُمْ الْيِطَبِّقْ كُلَّ الشُّرُوطْ دَوْل يَحْيَى بَيْهُمْ.>#10:5 الكلام دا تلقوه في لاوِيِّين 18:5. 6لَاكِنْ هُو قَالْ بَتَّانْ كِكَّيْف النَّاسْ يَبْقَوْا صَالِحِينْ بِالْإِيمَانْ. مَكْتُوبْ: <مَا تُقُولْ فِي قَلْبَكْ، يَاتُو الْيَطْلَعْ فِي السَّمَاءْ؟> يَعْنِي يِنَزِّلْ الْمَسِيحْ. 7وَ بَتَّانْ مَكْتُوبْ: <مَا تُقُولْ يَاتُو الْيَنْزِلْ فِي الْهَاوِيَةْ؟> يَعْنِي يَمْرُقْ الْمَسِيحْ مِنْ أُسْط الْمَيْتِينْ. 8لَاكِنْ الشَّيّءْ الْبُقُولَهْ شُنُو؟ بُقُولْ: <الْكَلَامْ قَاعِدْ قَرِيبْ لَيْك. هُو فِي خَشْمَكْ وَ فِي قَلْبَكْ.>#10:8 الكلام دا تلقوه في تَثْنِية 30:12-14.
وَ الْكَلَامْ دَا، هُو كَلَامْ الْإِيمَانْ النِّبَلُّغُوهْ لَيْكُو. 9كَنْ بِخَشْمَكْ تَشْهَدْ لِعِيسَى وَ تُقُولْ هُو الرَّبّ وَ فِي قَلْبَكْ تِآمِنْ كَدَرْ اللّٰهْ بَعَثَهْ مِنْ أُسْط الْمَيْتِينْ، بِمِثِلْ دَا تَنْجَى خَلَاصْ. 10أَشَانْ بِسَبَبْ الْإِيمَانْ الْقَاعِدْ فِي الْقَلِبْ، اللّٰهْ يَجْعَلْ النَّادُمْ صَالِحْ وَ بِسَبَبْ شَهَادَةْ خَشْمَهْ، اللّٰهْ يِنَجِّيهْ. 11الْكِتَابْ بُقُولْ: <أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>#10:11 الكلام دا تلقوه في إشَعْيا 28:16. 12وَ دَا بِقِي سَوَا سَوَا لِلْيَهُودْ وَ لِلْمَا يَهُودْ أَشَانْ الرَّبّ الْوَاحِدْ، هُو رَبّ كُلَّ النَّاسْ وَ هُو كَرِيمْ لِأَيِّ نَادُمْ الْيَدْعِي بِأُسْمَهْ. 13أَشَانْ مَكْتُوبْ: <أَيِّ نَادُمْ الْيَدْعِي بِأُسُمْ اللّٰهْ يَنْجَى.>#10:13 الكلام دا تلقوه في يُوِيل 2:32.
بلِّغين البِشارة واجِب
14وَ كِكَّيْف يَدْعُوا بِالرَّبّ، كَنْ مَا آمَنَوْا بَيَّهْ؟ وَ كِكَّيْف يِآمُنُوا بِالرَّبّ، كَنْ مَا سِمْعَوْا بَيَّهْ؟ وَ كِكَّيْف يَسْمَعَوْا بَيَّهْ، كَنْ مَا فِي نَادُمْ بَلَّغْ لَيْهُمْ الْبِشَارَةْ؟ 15وَ كِكَّيْف يِبَلُّغُوا لَيْهُمْ الْبِشَارَةْ، كَنْ مَا رَسَّلَوْهُمْ؟ أَشَانْ دَا، الْكِتَابْ بُقُولْ: <مَرْحَباً بِجَيَّةْ الْمُرْسَالْ الْيِبَلِّغْ الْبِشَارَةْ.>#10:15 الكلام دا تلقوه في إشَعْيا 52:7.
16وَ لَاكِنْ مَا كُلَّ النَّاسْ قِبْلَوْا الْبِشَارَةْ. أَشَانْ دَا، النَّبِي إِشَعْيَا قَالْ: <يَا اللّٰهْ، يَاتُو الْآمَنْ بِخَبَرْنَا؟>#10:16 الكلام دا تلقوه في إشَعْيا 53:1. 17خَلَاصْ، النَّاسْ مَا يَبْقَوْا مُؤمِنِينْ بِالْمَسِيحْ إِلَّا كَنْ يَسْمَعَوْا الْبِشَارَةْ وَ مَا يَسْمَعَوْا الْبِشَارَةْ إِلَّا كَنْ نَادُمْ يِبَلِّغْهَا لَيْهُمْ. 18لَاكِنْ نَسْأَلْ شَيّءْ وَاحِدْ. صَحِيحْ، الْيَهُودْ لِسَّاعْ مَا سِمْعَوْا الْبِشَارَةْ دِي وَلَّا؟ لَا، هُمَّنْ سِمْعَوْهَا. الْكِتَابْ بُقُولْ: <حِسُّهُمْ أَنْسَمَعْ فِي كُلَّ الْأَرْض، أَيْوَى كَلَامْهُمْ لَحَدِّي آخِرْ الدُّنْيَا.>#10:18 الكلام دا تلقوه في زَبُور 19:4.
19وَ بَتَّانْ نَسْأَلْ، بَنِي إِسْرَائِيلْ مَا فِهْمَوْا الْكَلَامْ وَلَّا؟ أَوَّلْ بِخَشُمْ مُوسَى، اللّٰهْ قَالْ: <نِسَوِّيكُو حَسُودِينْ بِالشَّعَبْ الْمَا تَمَّوْا أُمَّةْ وَ نِزَعِّلْكُو بِأُمَّةْ جَاهْلَةْ.>#10:19 الكلام دا تلقوه في تَثْنِية 32:21. 20وَ النَّبِي إِشَعْيَا قَمَّ حَجَّى كَلَامْ اللّٰهْ لَيْهُمْ بَلَا شَكَكْ وَ قَالْ: <النَّاسْ اللِّقَوْنِي، هُمَّنْ مَا النَّاسْ الْفَتَّشَوْنِي. وَ بَيَّنْت نَفْسِي لِنَاسْ الْمَا نَادَوْنِي.>#10:20 الكلام دا تلقوه في إشَعْيا 65:1، حسب الترْجمة اليونانيّة. 21لَاكِنْ فِي بَنِي إِسْرَائِيلْ، هُو قَالْ: <كُلَّ يَوْم أَنَا مَدَّيْت إِيدَيْنِي لِشَعَبْ عَاصِيِينْ وَ رَاسْهُمْ قَوِي.>#10:21 الكلام دا تلقوه في إشَعْيا 65:2.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
La Bible en arabe tchadien © Alliance biblique du Tchad, 2019