संत.मत्ती 8
8
छुँत घाव उनी होड़ के बेस लियाय
(संत.मरकुस 1:40–45; संत.लुकास 5:12–16)
1ईसु जब बुरु तरअः अड़गु नेनाय, दो मियांड ढेर बड़े तुन्दरा होड़ हुनी के ओतोंग लियाकु। 2हिमीन बेरा मियांड छुँत घाव उनी हुनी दुबाःड़े हीःग नेनाय, आउर हुनी नोकान कंहड़ी यअते हुनी के जोहार लियाय, “ए परभु, जदि आम चहाअ तनाम होले आम ईङ के सुध दाड़ीआम।”
3ईसु तीः तायके जिलींग केते छुवाँव लियाय आउर कंहड़ी लःअय, “ईङ चहाअ तानिङ, ची आम सुध जुनोः में।” आउर “हुनी तुरते छुँत घाव तरअः सुध नाय।” 4#लेवी 14:1–32ईसु हुनी के चेताव केते बेता लियाय “नेलेमे, ओके केहोः एतान होः आलुम उदूः किकु, बकिर आम सेन केते पुरोहित के दिखाई मे, जे छुँत तरअः छुटाअ रअः बारे, मुसा जे लकान कनहुन बनाव तदाय हेंकान भेंट रकाबेमे, ची हुंकू लःअय साबुत पाड़ी योअ ची आम बेस नाम।”
सुबेदार आला बिसवास
(संत.लुकास 7:1–10)
5आउर जब ईसु कफरनहुम हीःग नेनाय, दो मियांड सुबेदार हुनी दुबाःड़े हीःग केते हुनी तरअः गोहराव नेनाय। 6“ए परभु, ईङ आली धाँगड़ तिंग ओड़ाअ रे लकवा बेमार रे पड़ाव तनाय, आउर मुरुक बिपाईत सहाव दाय।”
7“ईङ सेन केते, हुनी के बेसियीङ,” मेन केते ईसु हुनी के बेता लियाय।
8सुबेदार कंहड़ी रूवाड़ोः लियाय, “परभु ईङ नोःआँ जुकूर कनिङा ची आम ईङ ओड़ाअ हिजोआम। बकिर मि-कड़ी कंहड़ी गोअ तामे, हिना तरअः गी ईङ आली धाँगड़ तिंग चंगा जुनोआय। 9ईङ होः मियांड हाकिम तरअः लतार रे कामीयींग? ईङ तरअः लतार रे सिपाहीकु ताहिनोआकु, जब ईङ मिहोंड़ के बितायिङ, ‘जू’ दो हुनी सेनाय, आउर एटाःई के ‘एला’ बितायिङ, दो हुनी हिजोआय आउर अपन बंधाउवा के नोःआँ के कामी मे, दो हुनी होना के कमीयाय।”
10जब ईसु नोःआँ आयुम केते छकित नाय, आउर आनेःग तयोम रे हिजोअ केनाकु के बेता लिकुआय, “ईङ आपे के सचे बेताः दिपीईंग, इसराइल रे होः ईङ नोकान ओके रे होः, नुमिन बड़े बिसवास काईंग नाम लआ। 11#सं.लुका 13:29ईङ आपे के बेताः दिपीईंग, ची ढेर होड़कु पुरूब-पछिम तरअः हीःग केते अब्राहम, इसाहक आउर याकुब लोः सिरमा राईज रअः भोज रे गाती कोआकु। 12#सं.मत्ती 22:13; 25:30; सं.लुका 13:28बकिर राईज रिनकु परजा के बाहरी अंधार रे गिड़ी किकुआकु, होनाःड़े हुंकू ईईयाम आउर डाटा रिड़िःग एका केआकु।”
13आउर ईसु सुबेदार के बेता लियाय, “जु, जे लकान आम आला बिसवास एदनाअ, हिना लकान आम लःअय होः हुयाअः, आउर हुनी आली धाँगड़ ताय हेने घड़ीक बेस नाय।”
ईसु ढेर होड़कु के बेस लिकुआय
(संत.मरकुस 1:29–34; संत.लुकास 4:38–41)
14ईसु पतरस आला ओड़ाअ सोदोर नेनाय, दो पतरस आली हनहारते के जोड़ से जाईड़रा रे डिसना रे गितीःग उनी नेल लियाय। 15ईसु, हुनी आला तीः तेके छुवाँव लःअय, आउर हुनी आला जाईड़रा अड़गुअ ना, आउर हुनी बिरिःड केते, ईसु के सेवा-सुसार रे लगाव नाय।
16आयुबोः केना हिमीन बेरा ढेर मुवाँ आतमा जकड़ाव उनकु के, ईसु दुबाःड़े आगु लिकुआकु। हुनी जामा मुवाँ आतमाकु के मि-कड़ी रे उडुंग लिकुआय आउर जामा बेमराहाकु के बेस लिकुआय। 17#जसा 53:4नोःआँ लकान इसायस आगमजानी आला नोःआँ कंहड़ी लअः पुराव नेना, “हुनी आबु आला कमजोरी के ईदी लःअय आउर आबु आला बेमार के गोअ ईदी लःअय।”
चेला बनाअः रअः कीमत
(संत.लुकास 9:57–62)
18ईसु आनेःग चौगिरदा मियांड बड़े तुन्दरा नेल केते, समुदर तरअः होना पखी सेनोः लःअय हुंकू के हुकूम एमा लिकुआय। 19हिमीन बेरा मियांड धरम पुथी सि-सिखावी ईसु दुबाःड़े हीःग केते बेता लियाय, “ए गुरू”, “आम जहान ते होः सेनाम, ईङ आम तयोम-तयोम सेनिङ।”
20ईसु हुनी के बेता लियाय, “हुंर्ड़रा आला अपन लात, आउर सिरमा रिनकु ओड़े आला अपन खोता एदनाअ, बकिर होड़ होपोन लःअय, बोहोअ दो-दोहो लःअय होः ठाँव कनोआँ।”
21आउर मिहोंड़ एटाअ चेला ईसु के बेता लियाय, “परभु, ईङ के बाबा तिंग के ते-तेपेःड लःअय पहिल रे सेन चाईंङ में।”
22बकिर ईसु हुनी के बेता लियाय, “ईङ तयोम रे हिजोअ मे, गोएःग उनकु, अपन मुरदा के तेपेःड चाकु मे।”
गर्ड़रा के थ-थामभाव ची
(संत.मरकुस 4:35–41; संत.लुकास 8:22–25)
23जब ईसु डोंगा रे रकाःब नेनाय, दो हुनी आलकु चेला होः हुनी लोः साँघेः नाकु। 24हिमीन बेरा अचाका समुदर रे गर्ड़रा बिरिःड ना, ची हलफा तेरे डोंगा तापेःगोअ केना। बकिर ईसु दो निन्दोः केनाय। 25चेलाकु हुनी दुबाःड़े सेन केते, ईसु के फाटिःग लियाकु। आउर “परभु, आबु डुबाअ तनाबु, आले के बंचाव लेमे।” मेन केते बेता लियाकु।
26हुनी, हुंकू के बेता लिकुआय, “ए थोड़हे बि-बिसवासकु, एता लःअय बोरोयोअ तानापे?” तब हुनी बिरिःड केते गर्ड़रा आउर समुदर के डपटाव लःअय आउर जामा असथीर ना।
27आउर होड़कु छकित केते कंहड़ीः दाकु, ची “नुई एतान लकान होड़ हेके?” ची “गर्ड़रा आउर समुदर होः हुनी आला हुकूम के मनआ।”
बनहोंड़ के मुवाँ आतमा तरअः बेबेस
(संत.मरकुस 5:1–20; संत.लुकास 8:26–39)
28जब ईसु समुदर होना पखी गदरेनियोंकु आला राईज सोदोर नेनाय, दो बनहोंड़ होड़ रे मुवाँ आतमा ताहिनाकु, हुनी लोः मारघटा तरअः उड़ूंगोः ते भेटाव नेनाकिन। हुंकिन नुमिन मान तेजाव थिनाकिन ची ओके होः होना होरा रे हिजोः-सेनोः काकु दाड़ी केना। 29हुंकिन गुल लअकिन, “ए परमेसर आली होपोन, आम आलिंग तरअः एतान चहाआम? आम नोआँड़े आलिंग के बेरा हुयाअः तरअः पहिल रे स-सताव लःअय हीःग तनाम एतान?”
30होनाःड़े तरअः थोड़ेक लंका रे ढेर बगरा सुकरी चराअ केनाकु। 31मुवाँ आतमा नोकान कंहड़ी केते हुनी तरअः गोहराव नेनाकु, ची “जदि आले के आम उडुंग देलेआम गी, दो सुकरीकु रअः गोहड़ा रे कुलगोःड लेमे।”
32ईसु हुंकू के, “जू” बेता लिकुआय, तब मुवाँ आतमा हुंकिन होड़ तरअः उडुंग केते सुकरीकु एड़े सेन बोलोअ नाकु। आउर जामा गोहड़ा सुकरी ढेरंगा रे गुंड़राव यअते नीर याःते समुदर रे डेगाव नाकु, आउर जामा दाअः रे डुबाव गोएःग नाकु।
33सुकरी चरवाहाकु नीर नाकु, आउर मुवाँ आतमा जकड़ाल होड़ लोः आउर सुकरी लोः जे हुयाव थिना होना जामा खभाईर के, सहर रे सेन कोअते उदूगोः लिकुआकु। 34नोःआँ रअः चलते गोटा सहर रिनकु ईसु लोः भेंटोः लःअय उडुंग नेनाकु, आउर हुनी के नेल केते होड़कु गोहराव नेनाकु, ची आम आले आला पहटा तरअः उडुंग जुनोः में।
Chwazi Kounye ya:
संत.मत्ती 8: ASR
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023 NLCI CC BY-NC-ND 4.0
संत.मत्ती 8
8
छुँत घाव उनी होड़ के बेस लियाय
(संत.मरकुस 1:40–45; संत.लुकास 5:12–16)
1ईसु जब बुरु तरअः अड़गु नेनाय, दो मियांड ढेर बड़े तुन्दरा होड़ हुनी के ओतोंग लियाकु। 2हिमीन बेरा मियांड छुँत घाव उनी हुनी दुबाःड़े हीःग नेनाय, आउर हुनी नोकान कंहड़ी यअते हुनी के जोहार लियाय, “ए परभु, जदि आम चहाअ तनाम होले आम ईङ के सुध दाड़ीआम।”
3ईसु तीः तायके जिलींग केते छुवाँव लियाय आउर कंहड़ी लःअय, “ईङ चहाअ तानिङ, ची आम सुध जुनोः में।” आउर “हुनी तुरते छुँत घाव तरअः सुध नाय।” 4#लेवी 14:1–32ईसु हुनी के चेताव केते बेता लियाय “नेलेमे, ओके केहोः एतान होः आलुम उदूः किकु, बकिर आम सेन केते पुरोहित के दिखाई मे, जे छुँत तरअः छुटाअ रअः बारे, मुसा जे लकान कनहुन बनाव तदाय हेंकान भेंट रकाबेमे, ची हुंकू लःअय साबुत पाड़ी योअ ची आम बेस नाम।”
सुबेदार आला बिसवास
(संत.लुकास 7:1–10)
5आउर जब ईसु कफरनहुम हीःग नेनाय, दो मियांड सुबेदार हुनी दुबाःड़े हीःग केते हुनी तरअः गोहराव नेनाय। 6“ए परभु, ईङ आली धाँगड़ तिंग ओड़ाअ रे लकवा बेमार रे पड़ाव तनाय, आउर मुरुक बिपाईत सहाव दाय।”
7“ईङ सेन केते, हुनी के बेसियीङ,” मेन केते ईसु हुनी के बेता लियाय।
8सुबेदार कंहड़ी रूवाड़ोः लियाय, “परभु ईङ नोःआँ जुकूर कनिङा ची आम ईङ ओड़ाअ हिजोआम। बकिर मि-कड़ी कंहड़ी गोअ तामे, हिना तरअः गी ईङ आली धाँगड़ तिंग चंगा जुनोआय। 9ईङ होः मियांड हाकिम तरअः लतार रे कामीयींग? ईङ तरअः लतार रे सिपाहीकु ताहिनोआकु, जब ईङ मिहोंड़ के बितायिङ, ‘जू’ दो हुनी सेनाय, आउर एटाःई के ‘एला’ बितायिङ, दो हुनी हिजोआय आउर अपन बंधाउवा के नोःआँ के कामी मे, दो हुनी होना के कमीयाय।”
10जब ईसु नोःआँ आयुम केते छकित नाय, आउर आनेःग तयोम रे हिजोअ केनाकु के बेता लिकुआय, “ईङ आपे के सचे बेताः दिपीईंग, इसराइल रे होः ईङ नोकान ओके रे होः, नुमिन बड़े बिसवास काईंग नाम लआ। 11#सं.लुका 13:29ईङ आपे के बेताः दिपीईंग, ची ढेर होड़कु पुरूब-पछिम तरअः हीःग केते अब्राहम, इसाहक आउर याकुब लोः सिरमा राईज रअः भोज रे गाती कोआकु। 12#सं.मत्ती 22:13; 25:30; सं.लुका 13:28बकिर राईज रिनकु परजा के बाहरी अंधार रे गिड़ी किकुआकु, होनाःड़े हुंकू ईईयाम आउर डाटा रिड़िःग एका केआकु।”
13आउर ईसु सुबेदार के बेता लियाय, “जु, जे लकान आम आला बिसवास एदनाअ, हिना लकान आम लःअय होः हुयाअः, आउर हुनी आली धाँगड़ ताय हेने घड़ीक बेस नाय।”
ईसु ढेर होड़कु के बेस लिकुआय
(संत.मरकुस 1:29–34; संत.लुकास 4:38–41)
14ईसु पतरस आला ओड़ाअ सोदोर नेनाय, दो पतरस आली हनहारते के जोड़ से जाईड़रा रे डिसना रे गितीःग उनी नेल लियाय। 15ईसु, हुनी आला तीः तेके छुवाँव लःअय, आउर हुनी आला जाईड़रा अड़गुअ ना, आउर हुनी बिरिःड केते, ईसु के सेवा-सुसार रे लगाव नाय।
16आयुबोः केना हिमीन बेरा ढेर मुवाँ आतमा जकड़ाव उनकु के, ईसु दुबाःड़े आगु लिकुआकु। हुनी जामा मुवाँ आतमाकु के मि-कड़ी रे उडुंग लिकुआय आउर जामा बेमराहाकु के बेस लिकुआय। 17#जसा 53:4नोःआँ लकान इसायस आगमजानी आला नोःआँ कंहड़ी लअः पुराव नेना, “हुनी आबु आला कमजोरी के ईदी लःअय आउर आबु आला बेमार के गोअ ईदी लःअय।”
चेला बनाअः रअः कीमत
(संत.लुकास 9:57–62)
18ईसु आनेःग चौगिरदा मियांड बड़े तुन्दरा नेल केते, समुदर तरअः होना पखी सेनोः लःअय हुंकू के हुकूम एमा लिकुआय। 19हिमीन बेरा मियांड धरम पुथी सि-सिखावी ईसु दुबाःड़े हीःग केते बेता लियाय, “ए गुरू”, “आम जहान ते होः सेनाम, ईङ आम तयोम-तयोम सेनिङ।”
20ईसु हुनी के बेता लियाय, “हुंर्ड़रा आला अपन लात, आउर सिरमा रिनकु ओड़े आला अपन खोता एदनाअ, बकिर होड़ होपोन लःअय, बोहोअ दो-दोहो लःअय होः ठाँव कनोआँ।”
21आउर मिहोंड़ एटाअ चेला ईसु के बेता लियाय, “परभु, ईङ के बाबा तिंग के ते-तेपेःड लःअय पहिल रे सेन चाईंङ में।”
22बकिर ईसु हुनी के बेता लियाय, “ईङ तयोम रे हिजोअ मे, गोएःग उनकु, अपन मुरदा के तेपेःड चाकु मे।”
गर्ड़रा के थ-थामभाव ची
(संत.मरकुस 4:35–41; संत.लुकास 8:22–25)
23जब ईसु डोंगा रे रकाःब नेनाय, दो हुनी आलकु चेला होः हुनी लोः साँघेः नाकु। 24हिमीन बेरा अचाका समुदर रे गर्ड़रा बिरिःड ना, ची हलफा तेरे डोंगा तापेःगोअ केना। बकिर ईसु दो निन्दोः केनाय। 25चेलाकु हुनी दुबाःड़े सेन केते, ईसु के फाटिःग लियाकु। आउर “परभु, आबु डुबाअ तनाबु, आले के बंचाव लेमे।” मेन केते बेता लियाकु।
26हुनी, हुंकू के बेता लिकुआय, “ए थोड़हे बि-बिसवासकु, एता लःअय बोरोयोअ तानापे?” तब हुनी बिरिःड केते गर्ड़रा आउर समुदर के डपटाव लःअय आउर जामा असथीर ना।
27आउर होड़कु छकित केते कंहड़ीः दाकु, ची “नुई एतान लकान होड़ हेके?” ची “गर्ड़रा आउर समुदर होः हुनी आला हुकूम के मनआ।”
बनहोंड़ के मुवाँ आतमा तरअः बेबेस
(संत.मरकुस 5:1–20; संत.लुकास 8:26–39)
28जब ईसु समुदर होना पखी गदरेनियोंकु आला राईज सोदोर नेनाय, दो बनहोंड़ होड़ रे मुवाँ आतमा ताहिनाकु, हुनी लोः मारघटा तरअः उड़ूंगोः ते भेटाव नेनाकिन। हुंकिन नुमिन मान तेजाव थिनाकिन ची ओके होः होना होरा रे हिजोः-सेनोः काकु दाड़ी केना। 29हुंकिन गुल लअकिन, “ए परमेसर आली होपोन, आम आलिंग तरअः एतान चहाआम? आम नोआँड़े आलिंग के बेरा हुयाअः तरअः पहिल रे स-सताव लःअय हीःग तनाम एतान?”
30होनाःड़े तरअः थोड़ेक लंका रे ढेर बगरा सुकरी चराअ केनाकु। 31मुवाँ आतमा नोकान कंहड़ी केते हुनी तरअः गोहराव नेनाकु, ची “जदि आले के आम उडुंग देलेआम गी, दो सुकरीकु रअः गोहड़ा रे कुलगोःड लेमे।”
32ईसु हुंकू के, “जू” बेता लिकुआय, तब मुवाँ आतमा हुंकिन होड़ तरअः उडुंग केते सुकरीकु एड़े सेन बोलोअ नाकु। आउर जामा गोहड़ा सुकरी ढेरंगा रे गुंड़राव यअते नीर याःते समुदर रे डेगाव नाकु, आउर जामा दाअः रे डुबाव गोएःग नाकु।
33सुकरी चरवाहाकु नीर नाकु, आउर मुवाँ आतमा जकड़ाल होड़ लोः आउर सुकरी लोः जे हुयाव थिना होना जामा खभाईर के, सहर रे सेन कोअते उदूगोः लिकुआकु। 34नोःआँ रअः चलते गोटा सहर रिनकु ईसु लोः भेंटोः लःअय उडुंग नेनाकु, आउर हुनी के नेल केते होड़कु गोहराव नेनाकु, ची आम आले आला पहटा तरअः उडुंग जुनोः में।
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2023 NLCI CC BY-NC-ND 4.0