San Mateo 6
6
Jesús yachachin cunamanda
1»Mana ruraichu alicunata runacuna ricunanllapa. Chasna rurashpaiguichica Papaiguichi cielopi cajucca manami nima imata cungachu. 2Imasnapimi canga cujungui shuc pobreta, mana cuindashpa purichu yanapashcaiguimanda hipocritacunashina#6.2 hipocritacunashina Hipócrita can alitami rurajuni rimac runa. paigunaca ricuchinajumi sinagogacunapi, chaimanda runacuna purinapipas, chasna paigunata runacunaca alabanangunapa. Quiquimbata rimani runacuna valichishcallami paigunata pagashcaca. 3Astahua can pobreta yanapashpaiguica mana cuindaichu nima quiquimba amigüiguita. 4Chasna pacalla yanapashcaiguitaca Papaiguimi ricun. Paimi canda cunga cushichishpa achca runapi.
Jesús yachachin mañanamanda
(Lc 11.2-4)
5»Canguna mañajushpaiguichica, mana caichichu hipocritacunashina, paigunaca shayarishpalla mañanata gustanaju judiocunapa sinagogapi, chaimanda runacuna pasanapipas, chasna paigunata runacunaca ricunangunapa. Quiquimbata rimani runacuna valichishcallami paigunata pagashcaca. 6Can randi, cuartuiguipi yaicushpaigui pungüiguita tapashpaigui sapallaigui mañai Papaiguita. Chasna pacalla mañajushcaiguita Yaya Diosmi ricun. Paimi canda cunga cushichishpa achca runapi.
7»Canguna mañajushpaiguichica, mana yanga achcata rimaichichu Yaya Diosta mana ricsiccunashina, paigunaca yuyarinajumi achcata rimashpainimi uyahuanga. 8Cangunaca mana paigunashina caichichu, Papaiguichica ñami yachan ima munajushcaiguita, manara tapujushpaiguichi. 9Chairaigu cangunaca casna mañaichi:
“Cielopi cajuc Papanchi,
camba shutiqui respetashca cachu.
10Cai allpama shamui camachinaiguipa.
Camba munashcaiguita ruranajuchu, imasnami cielopi munashcaiguita runaju chasnallatata.
11Caran puncha micunata cunan ñucanchita cui.
12Perdonai ñucanchita mana alicunata rurashcanchimanda, imasnami ñucanchipas perdonanchi mana alita ruraccunata.
13Prueba shamushpambas, mana saquichu anchurinanchipa canmanda, cuirai ñucanchita mana alicunamanda”. Cambami camachinaca, poderca, gloriaca, huiñaipa. Chasna cachu.
14»Canguna perdonashpaiguichica shuccunata mana alita rurashcangunamanda, chasnallatata Papaiguichi cielopi causacca cangunata perdonanga. 15Astahua canguna mana perdonashpaiguichica shuccunata mana alita rurashcangunamanda, nima cangunapa Papaiguichi perdonangachu mana alita rurashcaiguichimanda.
Jesús yachachin ayunumanda
16»Imasnapimi canguna ayunajunguichi, mana llaquirishcata uyaiguichita ricuchinguichichu hipocritacunashina, paigunaca ricuchinaju uyangunata llaquirishcata runacunaca rimanangunapa ayunajumi; quiquimbata rimani ñami ganashcacuna paigunapa regalongunata.
17Can randi ayunajushpaiguica, perfumeta armai umaiguipi maillari uyaiguitapas, 18mana ricuchinaiguipa shuccunata ayunajushcaiguita. Chasna ayunajushcaiguita ricushpanmi Papaiguica, canda achca runapi cushichishpa cunga.
Yaya Diosta casuc runaraiguca tucui valic samicunami tiyan cielopi
(Lc 12.33-36)
19»Cangunaca mana tandachichichu ima valic samicunata cai allpapi. Cai allpapica tsutsumi micushpan tucuchin chaimanda valiccunapas tsupacayanajumi, shuhuacunapas yaicushpanguna apanaju.
20Astahua, tandachichi valiccunata cielopi, chaibica mana yaicunchu tsutsuca nima ima tsupacayanchu shuhuapas mana atipanchu yaicunata. 21Maibimi camba valic samica caju, chaillatami shungüiguipas yuyarin.
Ñahuimi aichata punchayachin
(Lc 11.34-36)
22»Ñahuiquichimi can aichaiguichita punchayachic. Ñahuiquichi ali cashpanga tucui aichaiguichimi caju punchapi.
23Ñahuiqui mana ali cashpanga, tucui aichaiguimi caju amsapi. Cambi puncha tiyanan randi astahua amsa tiyashpanga, ¡camba causaiguica amsapimi caju!
Yaya Dios chaimanda valic samicunamanda
(Lc 16.13)
24»Nima maigan atipanchu ishcai patronda servinata, shucta chicninga shucta yuyanga, shucta valichinga shuctaca mana valichingachu. Cangunapas mana atipanguichu servinata Yaya Diosta valic samicunatapas.
Yaya Diosmi cuiran huahuangunata
(Lc 12.22-31)
25»Chairaigu cangunata rimani: Mana yuyarishpa causaichichu, imatami micusha upiasha ima llachapatami churarisha. Micunamanda churarinaiguimanda, causaigui aichaiguipas astahua valicmi can.
26Ricuichi pishcucunata, mana tarpunajuchu nima pallanajuchu nima huacaichanajuchu, Yaya Diosmi caran paigunata. ¿Manachu astahua cangunaca valinguichi pishcucunamandapas? 27¿Pitaya cangunamanda, maituida camashpambas, atipan ahuaininda mirachinata chaupillatapas?
28¿Imaraigutaya llaquiringuichi llachapamanda? Ricuichi imasnami huiñanaju sisacunaca chagrapi: Mana tarahuanajuchu nima ahuanajuchu. 29Nima rey Salomón tucui glorianhua súmata churarirgachu paigunashina. 30Chasnami Yaya Diosca sisacunata sumacta ricuchin, shuc puncha chagrapi caju cayandima huichun ninama. ¡Mana sumacta quiric runacuna! astahua cangunataca tucuidami cunga. 31Chairaigu, mana yuyaringuichu tapushpa: “¿Imatata micusha, upiasha, churarisha?” 32Tucui caigunatami yuyarinaju Yaya Diosta mana quiriccunaca. Cangunapaca cielopi tiyac Papaiguichi ricsin tucui munajushcaiguichita. 33Astahua pundiru ruraichi Yaya Diospa camachishcanda chaimanda munashcanda, chasnami tucui munashcaiguichita cunga. 34Chairaigu, mana yuyarichichu cayaraigu, astahua Cayaca paiguiquimba yuyarinami tiyan ¡Cayandimapas achca imacuna paiguiquimba mana alicuna tiyan!
Chwazi Kounye ya:
San Mateo 6: QUPN
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company
San Mateo 6
6
Jesús yachachin cunamanda
1»Mana ruraichu alicunata runacuna ricunanllapa. Chasna rurashpaiguichica Papaiguichi cielopi cajucca manami nima imata cungachu. 2Imasnapimi canga cujungui shuc pobreta, mana cuindashpa purichu yanapashcaiguimanda hipocritacunashina#6.2 hipocritacunashina Hipócrita can alitami rurajuni rimac runa. paigunaca ricuchinajumi sinagogacunapi, chaimanda runacuna purinapipas, chasna paigunata runacunaca alabanangunapa. Quiquimbata rimani runacuna valichishcallami paigunata pagashcaca. 3Astahua can pobreta yanapashpaiguica mana cuindaichu nima quiquimba amigüiguita. 4Chasna pacalla yanapashcaiguitaca Papaiguimi ricun. Paimi canda cunga cushichishpa achca runapi.
Jesús yachachin mañanamanda
(Lc 11.2-4)
5»Canguna mañajushpaiguichica, mana caichichu hipocritacunashina, paigunaca shayarishpalla mañanata gustanaju judiocunapa sinagogapi, chaimanda runacuna pasanapipas, chasna paigunata runacunaca ricunangunapa. Quiquimbata rimani runacuna valichishcallami paigunata pagashcaca. 6Can randi, cuartuiguipi yaicushpaigui pungüiguita tapashpaigui sapallaigui mañai Papaiguita. Chasna pacalla mañajushcaiguita Yaya Diosmi ricun. Paimi canda cunga cushichishpa achca runapi.
7»Canguna mañajushpaiguichica, mana yanga achcata rimaichichu Yaya Diosta mana ricsiccunashina, paigunaca yuyarinajumi achcata rimashpainimi uyahuanga. 8Cangunaca mana paigunashina caichichu, Papaiguichica ñami yachan ima munajushcaiguita, manara tapujushpaiguichi. 9Chairaigu cangunaca casna mañaichi:
“Cielopi cajuc Papanchi,
camba shutiqui respetashca cachu.
10Cai allpama shamui camachinaiguipa.
Camba munashcaiguita ruranajuchu, imasnami cielopi munashcaiguita runaju chasnallatata.
11Caran puncha micunata cunan ñucanchita cui.
12Perdonai ñucanchita mana alicunata rurashcanchimanda, imasnami ñucanchipas perdonanchi mana alita ruraccunata.
13Prueba shamushpambas, mana saquichu anchurinanchipa canmanda, cuirai ñucanchita mana alicunamanda”. Cambami camachinaca, poderca, gloriaca, huiñaipa. Chasna cachu.
14»Canguna perdonashpaiguichica shuccunata mana alita rurashcangunamanda, chasnallatata Papaiguichi cielopi causacca cangunata perdonanga. 15Astahua canguna mana perdonashpaiguichica shuccunata mana alita rurashcangunamanda, nima cangunapa Papaiguichi perdonangachu mana alita rurashcaiguichimanda.
Jesús yachachin ayunumanda
16»Imasnapimi canguna ayunajunguichi, mana llaquirishcata uyaiguichita ricuchinguichichu hipocritacunashina, paigunaca ricuchinaju uyangunata llaquirishcata runacunaca rimanangunapa ayunajumi; quiquimbata rimani ñami ganashcacuna paigunapa regalongunata.
17Can randi ayunajushpaiguica, perfumeta armai umaiguipi maillari uyaiguitapas, 18mana ricuchinaiguipa shuccunata ayunajushcaiguita. Chasna ayunajushcaiguita ricushpanmi Papaiguica, canda achca runapi cushichishpa cunga.
Yaya Diosta casuc runaraiguca tucui valic samicunami tiyan cielopi
(Lc 12.33-36)
19»Cangunaca mana tandachichichu ima valic samicunata cai allpapi. Cai allpapica tsutsumi micushpan tucuchin chaimanda valiccunapas tsupacayanajumi, shuhuacunapas yaicushpanguna apanaju.
20Astahua, tandachichi valiccunata cielopi, chaibica mana yaicunchu tsutsuca nima ima tsupacayanchu shuhuapas mana atipanchu yaicunata. 21Maibimi camba valic samica caju, chaillatami shungüiguipas yuyarin.
Ñahuimi aichata punchayachin
(Lc 11.34-36)
22»Ñahuiquichimi can aichaiguichita punchayachic. Ñahuiquichi ali cashpanga tucui aichaiguichimi caju punchapi.
23Ñahuiqui mana ali cashpanga, tucui aichaiguimi caju amsapi. Cambi puncha tiyanan randi astahua amsa tiyashpanga, ¡camba causaiguica amsapimi caju!
Yaya Dios chaimanda valic samicunamanda
(Lc 16.13)
24»Nima maigan atipanchu ishcai patronda servinata, shucta chicninga shucta yuyanga, shucta valichinga shuctaca mana valichingachu. Cangunapas mana atipanguichu servinata Yaya Diosta valic samicunatapas.
Yaya Diosmi cuiran huahuangunata
(Lc 12.22-31)
25»Chairaigu cangunata rimani: Mana yuyarishpa causaichichu, imatami micusha upiasha ima llachapatami churarisha. Micunamanda churarinaiguimanda, causaigui aichaiguipas astahua valicmi can.
26Ricuichi pishcucunata, mana tarpunajuchu nima pallanajuchu nima huacaichanajuchu, Yaya Diosmi caran paigunata. ¿Manachu astahua cangunaca valinguichi pishcucunamandapas? 27¿Pitaya cangunamanda, maituida camashpambas, atipan ahuaininda mirachinata chaupillatapas?
28¿Imaraigutaya llaquiringuichi llachapamanda? Ricuichi imasnami huiñanaju sisacunaca chagrapi: Mana tarahuanajuchu nima ahuanajuchu. 29Nima rey Salomón tucui glorianhua súmata churarirgachu paigunashina. 30Chasnami Yaya Diosca sisacunata sumacta ricuchin, shuc puncha chagrapi caju cayandima huichun ninama. ¡Mana sumacta quiric runacuna! astahua cangunataca tucuidami cunga. 31Chairaigu, mana yuyaringuichu tapushpa: “¿Imatata micusha, upiasha, churarisha?” 32Tucui caigunatami yuyarinaju Yaya Diosta mana quiriccunaca. Cangunapaca cielopi tiyac Papaiguichi ricsin tucui munajushcaiguichita. 33Astahua pundiru ruraichi Yaya Diospa camachishcanda chaimanda munashcanda, chasnami tucui munashcaiguichita cunga. 34Chairaigu, mana yuyarichichu cayaraigu, astahua Cayaca paiguiquimba yuyarinami tiyan ¡Cayandimapas achca imacuna paiguiquimba mana alicuna tiyan!
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 AIDIA
© 2025 Seed Company