LUKE 16
16
Mabam Kekwa Masang Kemakbe
1Pa pe caisuime dage marang lia si eh cu, “Makeheime ge pe ma kekwame ge bam, nah cipau de pe ma keheitei di zeu lie eh mi peda rang gwang. 2Ge pa pecu qu lü peda de, ‘I n ha kesiu aide ai daino? Nang mania teu kela hekwa gailo, kedanemene peu ncu a ma kekwabe tei si lakta,’ dedi. 3Ge hema kekwabe pekatei pecu mpau eh, ‘I depai tei zie ah, a mpaube peu acu pema kekwa tei si lakta? I kideu su kera nkieng ma, nah mahaa tyei kera I ngngam 4I tei maikesia ge cet luda, I hema kekwa tei ta dide mide peu penui ki ga acu ngngwa lalu kera!’ dedi.
5“Ciciu eh pa pe mpaube pauh pung kelame dung hang ge gede qu lü, keraibe dade cu, ‘Nang a mpaube pauh dai kenzwa ge pungla ah?’ dedi. 6Pa cu, ‘Tierbung hai ge,’ delu. Ge pa peda de, ‘N laisiu keu lü bam kelwa lu, delü rengei rau lu’ debeu. 7Pecai de pa keda ge dage rang eh, ‘Nang dai kieege pungla ah?’ dedi. ‘Ge pa wheat bung hai ge,’ debeu. Pa peda de ‘N laisiu keu lü riakheset rau lu’ debeu.
8“Ciciu ge pe mpaube hema kekwa masangkemakpe de twa gai, kedanemene mriak eh pe ta ketei ne; kedanemene kideube name au penui tingdau kebaabe name dung swa mriakki kecune.”
9Nah I nnui dage ranglia zie, nci kemak kideu mahei dede ngngwa zangna tei lulo, ciciu de cidung de gah di sangne mi nnui de kelungta bam kela bahm dung gage ngngwa gai luzie. 10“Ma kecam nage gade kesamsangme kekiee gade de samsang la nah ma kecam nage gade samsang lula kemakme kekiee gade de samsang lu lama. 11Cine, ma gade nnui kesang kemak mahei gade de masanglu la melie cai, cau nnui de mahei kesangbe pwa nlum beu laino? 12Ma gade nnui mi kedame gu teu masanglu la melie cai, cau nnui ba gage makai eh nnui de teu peu nnui gu tei zie no?
13 #
Mat. 6:24. “Kila hang ge mi hang na nküt tei gailak; kedanemene pa hang gede nkau nah kedabe de ku, mede pa hang ge kilam bam di eh kedabe de cauh dizie. Nang Tinggwang nah rangkang kila tei gailak.”
Jisu Keledeu dung
(Mat. 11:12-13; 5:31-32; Mrk. 10:11-12)
14Ciciu ge Phariseeme rangkang kehengim ne aidung de siu luge pecu nuih neu di. 15Dede pa penui dade, “Nnui au mina dwa de nnui de tei masang teu kelame dung da, dede Tinggwang nnui lung ci bam; kedanemene mina dwa de tei mdi kelube au Tinggwang dwa de nkau kenneu ge kecune.
16 #
Mat. 11:12,13. “Johan kegwang dwa hezaibe nah caihakecime de peu la; cipau cai au Tinggwang Hegwangram Samlia keyibe teu rang ledeu gwang, nah keheibe de cika nsung lüt. 17#Mat. 5:18.Dede hezai keceuna gede teicang kemak swa au tingkideu ga kedibe laki zie.
18 #
Mat. 5:32; 1 Ko. 7:10,11. “Keheibe de pe nau de tadi eh keda gede luu cai mmha la dida, nah mige pe naane tah kebeu pui gede luu cai mmha la dida.
Keheime ge nah Lazarus
19“Makeheime ge pe pai kegie nah linen pai bah lü tingnai ramsangne tyei keneu leu tyei bam la. 20Nah pe kirie ga kegame ge pezi Lazarus, keteei zam le pecu puih eh, 21pa keheibe kaira gade tera kemiebe de pa tyei neu eh bam la; cirünne mene hetoi dung gwang pe mateei zam dung mniak bam la.
22“Ciciu la eh lang nai ge ma kegabe de tsaidi, nah pecu tinggimgwame ne pwa gwang Abraham heqarak reu gage kaizeu di. Keheibe de tsaidi eh kung di; 23nah pa Hades#16:23. Hades: Ketsaime deu. gade keherei süt eh ngangcuh ge kemdei ga Lazarus Abraham heka ga kebam ngau lu. 24Nah pa sabaq eh cu, ‘A pei Abraham, acu ngau nggia eh Lazarus de lang gai eh peu pecu dui gage pe zurang tün tau lü a mleu tei nkung gaibeu lo; kedanemene I miheu aika de keherei süt bam di delu,’ dedi.
25“Dede Abraham cu, ‘A na, nang n kering tingdau n gu makeyi dung ngaukelu nah Lazarus de cinzwa kesia ngau kedi de nsung lulo; dede pa au cu au aika relui bam dida, nah nang au keherei bam dida. 26Nah cirünne mene anui nah n kak ga heko kecuk ge bam dida, cine aika de n lambie pet kailak da, nah migede cika de anui lambie de pet gailak’ dedi. 27Ge pa cu, ‘Ciciu cai I nda de a nggia kiela, a pei, pecu a pei ki gage lang gaibeu lo, 28kedanemene I a siname hang mengei bam, peu penui dede keherei bam aika gwang di melu kerane, peu pecu gwang rang beu lo!’ dedi.
29“Dede Abraham cu, ‘Penui da Mosa nah caihakecime de bam; penui de peu penui koa nking lulo,’ debeu. 30Ge pa cu, ‘Ma, a pei Abraham; dede ketsai gade midung ge penui da gwang cai penui lung nreu luzie,’ dedi. 31Dede pa peda de, ‘Penui Mosa nah caihakecime koa nking mai, penui ketsai gade mige nli gwang de nlum lak,’ ” debeu.
Chwazi Kounye ya:
LUKE 16: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.
LUKE 16
16
Mabam Kekwa Masang Kemakbe
1Pa pe caisuime dage marang lia si eh cu, “Makeheime ge pe ma kekwame ge bam, nah cipau de pe ma keheitei di zeu lie eh mi peda rang gwang. 2Ge pa pecu qu lü peda de, ‘I n ha kesiu aide ai daino? Nang mania teu kela hekwa gailo, kedanemene peu ncu a ma kekwabe tei si lakta,’ dedi. 3Ge hema kekwabe pekatei pecu mpau eh, ‘I depai tei zie ah, a mpaube peu acu pema kekwa tei si lakta? I kideu su kera nkieng ma, nah mahaa tyei kera I ngngam 4I tei maikesia ge cet luda, I hema kekwa tei ta dide mide peu penui ki ga acu ngngwa lalu kera!’ dedi.
5“Ciciu eh pa pe mpaube pauh pung kelame dung hang ge gede qu lü, keraibe dade cu, ‘Nang a mpaube pauh dai kenzwa ge pungla ah?’ dedi. 6Pa cu, ‘Tierbung hai ge,’ delu. Ge pa peda de, ‘N laisiu keu lü bam kelwa lu, delü rengei rau lu’ debeu. 7Pecai de pa keda ge dage rang eh, ‘Nang dai kieege pungla ah?’ dedi. ‘Ge pa wheat bung hai ge,’ debeu. Pa peda de ‘N laisiu keu lü riakheset rau lu’ debeu.
8“Ciciu ge pe mpaube hema kekwa masangkemakpe de twa gai, kedanemene mriak eh pe ta ketei ne; kedanemene kideube name au penui tingdau kebaabe name dung swa mriakki kecune.”
9Nah I nnui dage ranglia zie, nci kemak kideu mahei dede ngngwa zangna tei lulo, ciciu de cidung de gah di sangne mi nnui de kelungta bam kela bahm dung gage ngngwa gai luzie. 10“Ma kecam nage gade kesamsangme kekiee gade de samsang la nah ma kecam nage gade samsang lula kemakme kekiee gade de samsang lu lama. 11Cine, ma gade nnui kesang kemak mahei gade de masanglu la melie cai, cau nnui de mahei kesangbe pwa nlum beu laino? 12Ma gade nnui mi kedame gu teu masanglu la melie cai, cau nnui ba gage makai eh nnui de teu peu nnui gu tei zie no?
13 #
Mat. 6:24. “Kila hang ge mi hang na nküt tei gailak; kedanemene pa hang gede nkau nah kedabe de ku, mede pa hang ge kilam bam di eh kedabe de cauh dizie. Nang Tinggwang nah rangkang kila tei gailak.”
Jisu Keledeu dung
(Mat. 11:12-13; 5:31-32; Mrk. 10:11-12)
14Ciciu ge Phariseeme rangkang kehengim ne aidung de siu luge pecu nuih neu di. 15Dede pa penui dade, “Nnui au mina dwa de nnui de tei masang teu kelame dung da, dede Tinggwang nnui lung ci bam; kedanemene mina dwa de tei mdi kelube au Tinggwang dwa de nkau kenneu ge kecune.
16 #
Mat. 11:12,13. “Johan kegwang dwa hezaibe nah caihakecime de peu la; cipau cai au Tinggwang Hegwangram Samlia keyibe teu rang ledeu gwang, nah keheibe de cika nsung lüt. 17#Mat. 5:18.Dede hezai keceuna gede teicang kemak swa au tingkideu ga kedibe laki zie.
18 #
Mat. 5:32; 1 Ko. 7:10,11. “Keheibe de pe nau de tadi eh keda gede luu cai mmha la dida, nah mige pe naane tah kebeu pui gede luu cai mmha la dida.
Keheime ge nah Lazarus
19“Makeheime ge pe pai kegie nah linen pai bah lü tingnai ramsangne tyei keneu leu tyei bam la. 20Nah pe kirie ga kegame ge pezi Lazarus, keteei zam le pecu puih eh, 21pa keheibe kaira gade tera kemiebe de pa tyei neu eh bam la; cirünne mene hetoi dung gwang pe mateei zam dung mniak bam la.
22“Ciciu la eh lang nai ge ma kegabe de tsaidi, nah pecu tinggimgwame ne pwa gwang Abraham heqarak reu gage kaizeu di. Keheibe de tsaidi eh kung di; 23nah pa Hades#16:23. Hades: Ketsaime deu. gade keherei süt eh ngangcuh ge kemdei ga Lazarus Abraham heka ga kebam ngau lu. 24Nah pa sabaq eh cu, ‘A pei Abraham, acu ngau nggia eh Lazarus de lang gai eh peu pecu dui gage pe zurang tün tau lü a mleu tei nkung gaibeu lo; kedanemene I miheu aika de keherei süt bam di delu,’ dedi.
25“Dede Abraham cu, ‘A na, nang n kering tingdau n gu makeyi dung ngaukelu nah Lazarus de cinzwa kesia ngau kedi de nsung lulo; dede pa au cu au aika relui bam dida, nah nang au keherei bam dida. 26Nah cirünne mene anui nah n kak ga heko kecuk ge bam dida, cine aika de n lambie pet kailak da, nah migede cika de anui lambie de pet gailak’ dedi. 27Ge pa cu, ‘Ciciu cai I nda de a nggia kiela, a pei, pecu a pei ki gage lang gaibeu lo, 28kedanemene I a siname hang mengei bam, peu penui dede keherei bam aika gwang di melu kerane, peu pecu gwang rang beu lo!’ dedi.
29“Dede Abraham cu, ‘Penui da Mosa nah caihakecime de bam; penui de peu penui koa nking lulo,’ debeu. 30Ge pa cu, ‘Ma, a pei Abraham; dede ketsai gade midung ge penui da gwang cai penui lung nreu luzie,’ dedi. 31Dede pa peda de, ‘Penui Mosa nah caihakecime koa nking mai, penui ketsai gade mige nli gwang de nlum lak,’ ” debeu.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.