JOHAN 9
9
Pe mik Ciet eh Nna kelu gede Jisu Teimmi kebeu
1Jisu tet gwang zeu ge, pa mige pe pui nna gade pe mik keciet gede ngau lu. 2Pa ledeukelume pecu keteu, “Keledeubo, cau be mau ziemne pe mikciet eh nna luno? Cide pe mau mi pe puipei mau ziemne no?”
3Jisu keli gai, “Pe mik keciet de au pe mau mede pe puipei mau ziemne magede ketei ga. Pa pe mikciet kecu de au peda de peu Tinggwang kenkieng pe ta ketei ngau lu kerane lie. 4Cide tingba kebamtane, nnui acu langkegaibe ta tei eh bam maisia; migede matei gai kelak tingmui gwang zeu. 5#Mat. 5:14; Jhn. 8:12.I kideu ga kebam dau, I kideu kebaabe delie.”
6Pa aide rang kegai cai, Jisu hangdeu gage ncai msui gai delü pe ncaile nyasai tei lu; pa nyasai de pwa minabe mik gage neu gai 7eh rang gai, “Mie delü n ju Siloam Jaai gade hui di lo.” (Aide pekieh “Langkegai.”) Cine minabe miedi, pe zu hui di, delü mangau eh caili gwang lu.
8Pecai, pe kidame, nah pedwa pa mahaa la eh kengaume, keteu di, “Mina aipau de ntum eh mahaa kelabe de meni?”
9Kangge rang di, “Pa deda,” dede kedame dung rang di, “Ma, pa ma; pa au cipau de kenzwa kauge.” Cine mina cipau de pekatei rang di, “I mina cide da.”
10Penui pecu keteu di, “Nang dainzwa cu ngau lu dino?”
11Pa keli gai, “Jisu lie qu kelabe de nyasai tei lu, cide a mik gage keniak gai, delü acu Siloam Jaai ga mie a zu mrüt di lo beu. Cine I mie, nah mrüt di kerikezi, I mangau lu.”
12Penui keteu di, “Pa daiga lano?”
Pa keli gai, “I ci ma.”
Phariseeme tei Kenkeih de hecung kecu
13Pecai penui mina mikcietbe de Phariseeme da ngngwa gwang. 14Jisu pe mik keciet de tei myi kebeu benai au Sabbath nai ge. 15Pecai Phariseeme minabe de dainzwa eh mangau lu bi kecu keteu dai. Pa penui dage rang beu, “Pa a mik gage nyasai kesa kai gai, I a zu mrüt di, ge I cu mangau luda.”
16Phariseeme kangge rang di, “Mina aide tei kegaibe au Tinggwang dade gwang melu bui, kedanemene pa Sabbath zai mzai kemakne.” Dede kedame dung rang di, “Dainzwa eh mina kemaume ge miswa kega ai kenzwa bedung tei lu laino?” Nah penui kak ga mzipang di.
17Cine Phariseeme minabe de piage keteu dai, “Nang au pa ne n mikciet de tei hemmi beu lie rang la, petau da, nang pe ha daipai rang lano?”
Minabe keli gai, “Pa au caihakecime ge.”
18Ciciu de Judahme kedihme dung au pa pe mik ciet lie kecu nah cu mangau lulie kecu de nlum lu neu tadi, penui pe puipei de qu 19lü penai de keteu kemakta, “Aide nnai na ni?” Nnai au pe mik ciet eh nna lulie rang la; dainzwa dino, sui, pa cu mangau lu kedi?
20Pe puipei keli gai, “Pa anai napei kecu anai ci bam, nah pe mik ciet eh pecu nna kelu anai ci bam. 21Dede pa cu dainzwa mangau lu dibi nah cau ne pe mikciet kedi de tei myi beu bi anai ci ma. Pecu keteu lu; pa au nkieng dida, nah pa pe ziemne sam keli lu buida!” 22Pe puipei aide rang gai kedanemene penai au Judah kedihme de kehing ne, penui mina keheibe de Jisu au Messiah lie nlum kedibe de synagogue gade gwa di zie lie samdau lü la kedine. 23Cine pe puipei rang gai, “Pa au nkieng dida; pecu keteu lu!”
24Pia pekenabe penui pe mik ciet eh nna kelu bede qu caili gwang lu, delü peda ge rang gai, “Nang kesangbe rang zie lie kecu Tinggwang dwa gade rang lulo! Mina ncu tei myi kegaibe de au kemaume ge kecu anui ci bam.”
25Minabe keli gai, “Pa au kemaume ge mi mebi I ci ma. I mage ci bam: I au a mik ciet lage, I cu au mangau luda.”
26Penui keteu, “Pa nda ge daipai tei gai no? Dainzwa pa n mik ciet tei myi beu no?”
27“Pa keli gai, I nnui dage ranglia dida, nah nnui kingnei lu meda. Daitei nnui cide kingnei dai neu lano? Nnui de pa ledeukelume tei di neu la au zie?”
28Penui pecu reset eh rang di, “Nang au cipau de caisuime; nah anui au Mosa caisuime. 29Tinggwang Mosa dage marang kegai anui ci bam; ciciu de cipau de ziemne au, pa daiga de gwang bi kecu de anui au ci ma!”
30Minabe keli beu, “Cide miswa kega dai kenzwa ge no! Nnui pa daiga de gwang bi ci ma, dede pa a mik keciet de tei myi beu da! 31Anui au Tinggwang kemaume koa kingnei la kemak ci bam; pa mina pecu rüt kelame nah pe suibe tei kelame koa kingnei la. 32Kideube ndeu kelu gade migede pe mikciet eh nna kelu gede mangau kelu peu gai kecu siu ma. 33Mina aipau de Tinggwang dade gwang melie cai, pa magede tei gailak.”
34Penui keli gai, “Ncu kemau gade nna lü lungh cu lu nah nang anui de ledeu kera tei lani?” Nah penui pecu synagogue gade gwa di.
Rabe lam Mikciet
35Jisu daipai tei dibi kecu de siu luge, pa minabe de ngau lu delü pecu keteu, “Nang Mina Nabe de nlum lami?”
36Minabe keli gai, “Kedihbo, pa cau bi ada ge ranglia lo, ciciu de I pecu nlum luzie!”
37Jisu peda ge rang gai, “Nang pecu ngau luda, nah cu pa au ncu ngngwa mpau kebambe delie.”
38“I nlum lie, Rampaubo” de eh minabe rang gai eh Jisu dwa ga kokdung mie.
39Jisu rang gai, “I ncet gai kerane kideu aika gwang lie, ciciu de mikcietme mangau lu nah ngau kelame mik ciet di kerane lie.”
40Phariseeme kangge cika kebamme pa cide kerang siu lü pecu keteu, “Nang anui de anui mik ciet lie kecube au mahai?”
41Jisu keli gai, “Nnui mikciet lie cai, nnui mau dilak nage; dede nnui mangau lubui lie kelame, aide pekieh nnui cude mau la reu.”
Chwazi Kounye ya:
JOHAN 9: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.
JOHAN 9
9
Pe mik Ciet eh Nna kelu gede Jisu Teimmi kebeu
1Jisu tet gwang zeu ge, pa mige pe pui nna gade pe mik keciet gede ngau lu. 2Pa ledeukelume pecu keteu, “Keledeubo, cau be mau ziemne pe mikciet eh nna luno? Cide pe mau mi pe puipei mau ziemne no?”
3Jisu keli gai, “Pe mik keciet de au pe mau mede pe puipei mau ziemne magede ketei ga. Pa pe mikciet kecu de au peda de peu Tinggwang kenkieng pe ta ketei ngau lu kerane lie. 4Cide tingba kebamtane, nnui acu langkegaibe ta tei eh bam maisia; migede matei gai kelak tingmui gwang zeu. 5#Mat. 5:14; Jhn. 8:12.I kideu ga kebam dau, I kideu kebaabe delie.”
6Pa aide rang kegai cai, Jisu hangdeu gage ncai msui gai delü pe ncaile nyasai tei lu; pa nyasai de pwa minabe mik gage neu gai 7eh rang gai, “Mie delü n ju Siloam Jaai gade hui di lo.” (Aide pekieh “Langkegai.”) Cine minabe miedi, pe zu hui di, delü mangau eh caili gwang lu.
8Pecai, pe kidame, nah pedwa pa mahaa la eh kengaume, keteu di, “Mina aipau de ntum eh mahaa kelabe de meni?”
9Kangge rang di, “Pa deda,” dede kedame dung rang di, “Ma, pa ma; pa au cipau de kenzwa kauge.” Cine mina cipau de pekatei rang di, “I mina cide da.”
10Penui pecu keteu di, “Nang dainzwa cu ngau lu dino?”
11Pa keli gai, “Jisu lie qu kelabe de nyasai tei lu, cide a mik gage keniak gai, delü acu Siloam Jaai ga mie a zu mrüt di lo beu. Cine I mie, nah mrüt di kerikezi, I mangau lu.”
12Penui keteu di, “Pa daiga lano?”
Pa keli gai, “I ci ma.”
Phariseeme tei Kenkeih de hecung kecu
13Pecai penui mina mikcietbe de Phariseeme da ngngwa gwang. 14Jisu pe mik keciet de tei myi kebeu benai au Sabbath nai ge. 15Pecai Phariseeme minabe de dainzwa eh mangau lu bi kecu keteu dai. Pa penui dage rang beu, “Pa a mik gage nyasai kesa kai gai, I a zu mrüt di, ge I cu mangau luda.”
16Phariseeme kangge rang di, “Mina aide tei kegaibe au Tinggwang dade gwang melu bui, kedanemene pa Sabbath zai mzai kemakne.” Dede kedame dung rang di, “Dainzwa eh mina kemaume ge miswa kega ai kenzwa bedung tei lu laino?” Nah penui kak ga mzipang di.
17Cine Phariseeme minabe de piage keteu dai, “Nang au pa ne n mikciet de tei hemmi beu lie rang la, petau da, nang pe ha daipai rang lano?”
Minabe keli gai, “Pa au caihakecime ge.”
18Ciciu de Judahme kedihme dung au pa pe mik ciet lie kecu nah cu mangau lulie kecu de nlum lu neu tadi, penui pe puipei de qu 19lü penai de keteu kemakta, “Aide nnai na ni?” Nnai au pe mik ciet eh nna lulie rang la; dainzwa dino, sui, pa cu mangau lu kedi?
20Pe puipei keli gai, “Pa anai napei kecu anai ci bam, nah pe mik ciet eh pecu nna kelu anai ci bam. 21Dede pa cu dainzwa mangau lu dibi nah cau ne pe mikciet kedi de tei myi beu bi anai ci ma. Pecu keteu lu; pa au nkieng dida, nah pa pe ziemne sam keli lu buida!” 22Pe puipei aide rang gai kedanemene penai au Judah kedihme de kehing ne, penui mina keheibe de Jisu au Messiah lie nlum kedibe de synagogue gade gwa di zie lie samdau lü la kedine. 23Cine pe puipei rang gai, “Pa au nkieng dida; pecu keteu lu!”
24Pia pekenabe penui pe mik ciet eh nna kelu bede qu caili gwang lu, delü peda ge rang gai, “Nang kesangbe rang zie lie kecu Tinggwang dwa gade rang lulo! Mina ncu tei myi kegaibe de au kemaume ge kecu anui ci bam.”
25Minabe keli gai, “Pa au kemaume ge mi mebi I ci ma. I mage ci bam: I au a mik ciet lage, I cu au mangau luda.”
26Penui keteu, “Pa nda ge daipai tei gai no? Dainzwa pa n mik ciet tei myi beu no?”
27“Pa keli gai, I nnui dage ranglia dida, nah nnui kingnei lu meda. Daitei nnui cide kingnei dai neu lano? Nnui de pa ledeukelume tei di neu la au zie?”
28Penui pecu reset eh rang di, “Nang au cipau de caisuime; nah anui au Mosa caisuime. 29Tinggwang Mosa dage marang kegai anui ci bam; ciciu de cipau de ziemne au, pa daiga de gwang bi kecu de anui au ci ma!”
30Minabe keli beu, “Cide miswa kega dai kenzwa ge no! Nnui pa daiga de gwang bi ci ma, dede pa a mik keciet de tei myi beu da! 31Anui au Tinggwang kemaume koa kingnei la kemak ci bam; pa mina pecu rüt kelame nah pe suibe tei kelame koa kingnei la. 32Kideube ndeu kelu gade migede pe mikciet eh nna kelu gede mangau kelu peu gai kecu siu ma. 33Mina aipau de Tinggwang dade gwang melie cai, pa magede tei gailak.”
34Penui keli gai, “Ncu kemau gade nna lü lungh cu lu nah nang anui de ledeu kera tei lani?” Nah penui pecu synagogue gade gwa di.
Rabe lam Mikciet
35Jisu daipai tei dibi kecu de siu luge, pa minabe de ngau lu delü pecu keteu, “Nang Mina Nabe de nlum lami?”
36Minabe keli gai, “Kedihbo, pa cau bi ada ge ranglia lo, ciciu de I pecu nlum luzie!”
37Jisu peda ge rang gai, “Nang pecu ngau luda, nah cu pa au ncu ngngwa mpau kebambe delie.”
38“I nlum lie, Rampaubo” de eh minabe rang gai eh Jisu dwa ga kokdung mie.
39Jisu rang gai, “I ncet gai kerane kideu aika gwang lie, ciciu de mikcietme mangau lu nah ngau kelame mik ciet di kerane lie.”
40Phariseeme kangge cika kebamme pa cide kerang siu lü pecu keteu, “Nang anui de anui mik ciet lie kecube au mahai?”
41Jisu keli gai, “Nnui mikciet lie cai, nnui mau dilak nage; dede nnui mangau lubui lie kelame, aide pekieh nnui cude mau la reu.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.