JOHAN 18
18
Jisu ze Tuihkelu
(Mat. 26:47-56; Mrk. 14:43-50; Luk. 22:47-53)
1Jisu kekie aide tei kedi cai, pa ledeukelume de ngngwa eh Kidron reuhet de tet kah miedi. Heni cika hegurie ge bam, ge Jisu nah pa ledeukelume cika lüt ti. 2Judas, nim gai kebeube, cide daiga bam bi ci bam, kedanemene Jisu cika pa ledeukelume de pia kekiee ngngwa mie de kecune. 3Cine Judas hegurie ga miedi, Romme roigwa maa ge, nah cingku kedihme dung nah Phariseeme ne langkegai kerecaki kekwa kang gede ngngwa eh; penui au heroinet teu nah mitaubung nah kebaa teu la. 4Jisu au peda ge tei gai kerabe leune ci bam, cine pa tetpet eh penui de keteu, “Nnui cau bede peei lano?”
5Penui keli gai, “Nazarethme Jisu lie” dedi. Pa rang gai, “I pa delie,” dedi. Judas, nim gai kebeube, cika penui de ngngwa sap bam. 6Jisu penui dage “I de pa delie” de eh rang kegai dau, penui caisin mpet eh kideu ga kaumie di. 7Jisu penui de keteu dai gai, “Nnui peei kelabe de cau no?” dedi. Penui rang di, “Nazarethme Jisu lie,” dedi. 8Jisu rang gai, “I de pa delie nnui dage rang gaibeu dida. Nnui sui acu peei lalie cai, peu keda aidung de tetti lu.” 9(Pa aide kerang au pa nda rang kegaibe teicang lu kerane: “Peibo, nang acu pwa kepeu hang ge dede I tei nggah dima”) 10Simon Peter, qiengtie ge kebambe, cide pwa lü Cingku pei kilabaang de bi, ge pe kwen zetle bi tüt ti. Kilabaang cide zi au Malchus. 11#Mat. 26:39; Mrk. 14:36; Luk. 22:42.Jisu Peter dage rang gai, “N qiengtie pe bahm gage kai dai di lo! Lungrei piak a Pei ne acu pwa kepeu de I sak laklie eh nang cet lani?”
Jisu Annas dwa ga
12Pecai Romme roigwame penui reu keteube nah Judahme kekwame Jisu ze tuih lu, pecu kaang lu, 13delü Annas da ngngwa mie rai di. Pa au cipau kum de Cingku pei, Caiaphas pao. 14#Jhn. 11:49,50.Caiaphas cipau de mina pelane ziemne mige tsaidi kerabe lie eh Judahme kenkiengme dage ledeu gaibeu.
Peter Jisu ze Kemlai
(Mat. 26:69,70; Mrk. 14:66-68; Luk. 22:55-57)
15Simon Peter nah ledeukelu keda ge Jisu caisui di. Ledeukelu kedabe cide de Cingku pei ci hemi süt, cine pa Jisu ze ngngwa Cingku pei ki ga tutiak bung ga lüt ti, 16cidau Peter hegole kirieki tai ga bam di. Pecai ledeukelu kedabe de caili hegole pet, kirieki ga releipui dage marang gai, delü Peter ze helungle ngngwa lüt lu. 17Kirieki ga releipui de Peter dage rang di, “Nang de mina cipau dene ledeukelume ge meni?” dedi. Peter keli gai, “Ma, I au ma” dedi. 18Cika nkung bam, cine kilame nah kekwame mi tei lu delü cika sap togwa bam, penui de tei lum eh. Cine Peter penui da pet eh penui de ngngwa sap bam, pecu tei lum eh.
Cingku pei Jisu ze Keheteu
(Mat. 26:59-66; Mrk. 14:55-64; Luk. 22:66-71)
19Cingku pei Jisu ze pa ledeukelume nah pe keledeu ha keteu gai. 20Jisu keli gai, “I keheibe dage de mdudie eh marang muih gwang; a keledeu pelane au synagogue nah Kerecaki gade tei gwang da, cika mina pelane gwang nkwa kela gade. I madau gede nkim eh magede rang lama. 21Daitei, sui, nang acu keteu lano? A koa siu kelume de keteu lulo. I daipai penui dage rang beu bi penui de keteu lu — penui I rang kegai de ci bam.” 22Jisu aide rang kegai dau, cika kekwame hang ge pecu kepoi eh rang gai, “Nang dainzwa Cingku pei dage cinzwa marang kera kuu eh lano!” 23Jisu pe sam keli gai, “I magede rang mau kedi tei cai, cide daipai bi aika mina leune dage rang gailo. Dede I kerang de petau lie cai, nang daitei acu kepoi no?” 24Pecai Annas pecu kaanglü Cingku pei Caiaphas dage lang gaidi.
Peter Jisu ze Mlai Dai kedi
(Mat. 26:71-75; Mrk. 14:69-72; Luk. 22:58-62)
25Peter cika pecu tei lum eh sap bamreu. Cine kedame dung peda de rang gai, “Nang de mina cipau dene ledeukelu hang ge meni?” dedi. Dede Peter cide mlai di. Pa rang gai “Ma, I ma,” dedi. 26Cingku pei kilabaang ge, Peter ne pe kwen bi tüt kedibe kibaume ge marang gai. Pa keteu di, “Nang pecu hegurie ga ngngwa la eh I ncu ngau meni?” 27Peter “Ma” de eh rang dai dige nrui ge koa zette gai.
Jisu ze Pilate dwa ga Kegwang
(Mat. 27:1-2,11-14; Mrk. 15:1-5; Luk. 23:1-5)
28Tingco nuge Jisu ze Caiaphas ki gade deuceudih ki ga ngngwa miedi. Judah kenkieng keteume hegwangki ga lüt ma, kedanemene penui au renet gade penui de nci eh kaipwa bam lu keneu ne, ciciu eh kahkegwang taktyei de tyeilu kerane. 29Cine Pilate hegole penui da pet keteu gai, “Nnui mina aide de daipai mmau lano?” dedi. 30Penui samli cai, “Pa tei mau mecai anui pecu n dwa ga ngngwa gwang lak nage.” 31Pilate penui dage rang gai, “Ciciu cai nnuikatei pecu ngngwa nnui Zai gade pecu tiak lulo,” dedi. Penui keli gai, “Anui de peu migede tei ketset tei beu ma.” 32#Jhn. 3:14; 12:32.(Aiciu kedi Jisu sam dung de peu teicang lu kerane, pa daipai tsit tei eh tsai zie bi rang kegai de pa sam aide teu eh marang gai.) 33Pilate hegwangki ga caili nlüt eh Jisu ze qulu. Pa pecu keteu, “Nang Judahme Gwangpei ni?” dedi. 34Jisu keli gai, “Keheteu aide nda de gwang mi kedame ne a ha nda ge rang beu no?” dedi. 35Pilate keli gai, “Nang acu le Judahme ge lie cet lani? N leuhme nah cingku kedihme dung ne ncu a ba gage kai beu. Nang daipai tei di dino?” 36Jisu rang gai, “A hegwangram au kideu aika gu melie; a hegwangram kideu aika gulie cai, a caisuime acu Judahme kenkieng gage kai di melu kerane keregih zie de nage. Melie, a hegwangram aika gu melie!” 37Cine Pilate pecu keteu di, “Sui, nang hegwangpei ge lie rang lani?” dedi. Jisu keli gai, “Nang au I hegwangpei ge lie rang zeu. I makieh ket aide ziemne acu nna lu nah kideu ga lungh gwang lu, kesangbe ranglia kerane. Kesangbe gu tei kelame a koa kingnei la.” 38Pilate keteu di, “Nah daipai de kesangbe no?” dedi.
Jisu ze Teitset kera Rang kebeu
(Mat. 27:15-31; Mrk. 15:6-20; Luk. 23:13-25)
Pecai Pilate hegole mina dung da pet eh penui dage rang gai, “I pecu mmau kera makieh gede ngau luma. 39Dede nnui teikela Zai kebam nzwa, I Kahkegwang tingdau hebaangme gede lungmpet beu muih la. Nnui Judahme Gwangpei de peu acu lungmpet beu neu lani?” 40Penui sabaq eh pe sam keli gai, “Ma, Pa ma! Anui Barabbas ze luu neu la.” (Barabbas au sütketyeime ge.)
Chwazi Kounye ya:
JOHAN 18: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.
JOHAN 18
18
Jisu ze Tuihkelu
(Mat. 26:47-56; Mrk. 14:43-50; Luk. 22:47-53)
1Jisu kekie aide tei kedi cai, pa ledeukelume de ngngwa eh Kidron reuhet de tet kah miedi. Heni cika hegurie ge bam, ge Jisu nah pa ledeukelume cika lüt ti. 2Judas, nim gai kebeube, cide daiga bam bi ci bam, kedanemene Jisu cika pa ledeukelume de pia kekiee ngngwa mie de kecune. 3Cine Judas hegurie ga miedi, Romme roigwa maa ge, nah cingku kedihme dung nah Phariseeme ne langkegai kerecaki kekwa kang gede ngngwa eh; penui au heroinet teu nah mitaubung nah kebaa teu la. 4Jisu au peda ge tei gai kerabe leune ci bam, cine pa tetpet eh penui de keteu, “Nnui cau bede peei lano?”
5Penui keli gai, “Nazarethme Jisu lie” dedi. Pa rang gai, “I pa delie,” dedi. Judas, nim gai kebeube, cika penui de ngngwa sap bam. 6Jisu penui dage “I de pa delie” de eh rang kegai dau, penui caisin mpet eh kideu ga kaumie di. 7Jisu penui de keteu dai gai, “Nnui peei kelabe de cau no?” dedi. Penui rang di, “Nazarethme Jisu lie,” dedi. 8Jisu rang gai, “I de pa delie nnui dage rang gaibeu dida. Nnui sui acu peei lalie cai, peu keda aidung de tetti lu.” 9(Pa aide kerang au pa nda rang kegaibe teicang lu kerane: “Peibo, nang acu pwa kepeu hang ge dede I tei nggah dima”) 10Simon Peter, qiengtie ge kebambe, cide pwa lü Cingku pei kilabaang de bi, ge pe kwen zetle bi tüt ti. Kilabaang cide zi au Malchus. 11#Mat. 26:39; Mrk. 14:36; Luk. 22:42.Jisu Peter dage rang gai, “N qiengtie pe bahm gage kai dai di lo! Lungrei piak a Pei ne acu pwa kepeu de I sak laklie eh nang cet lani?”
Jisu Annas dwa ga
12Pecai Romme roigwame penui reu keteube nah Judahme kekwame Jisu ze tuih lu, pecu kaang lu, 13delü Annas da ngngwa mie rai di. Pa au cipau kum de Cingku pei, Caiaphas pao. 14#Jhn. 11:49,50.Caiaphas cipau de mina pelane ziemne mige tsaidi kerabe lie eh Judahme kenkiengme dage ledeu gaibeu.
Peter Jisu ze Kemlai
(Mat. 26:69,70; Mrk. 14:66-68; Luk. 22:55-57)
15Simon Peter nah ledeukelu keda ge Jisu caisui di. Ledeukelu kedabe cide de Cingku pei ci hemi süt, cine pa Jisu ze ngngwa Cingku pei ki ga tutiak bung ga lüt ti, 16cidau Peter hegole kirieki tai ga bam di. Pecai ledeukelu kedabe de caili hegole pet, kirieki ga releipui dage marang gai, delü Peter ze helungle ngngwa lüt lu. 17Kirieki ga releipui de Peter dage rang di, “Nang de mina cipau dene ledeukelume ge meni?” dedi. Peter keli gai, “Ma, I au ma” dedi. 18Cika nkung bam, cine kilame nah kekwame mi tei lu delü cika sap togwa bam, penui de tei lum eh. Cine Peter penui da pet eh penui de ngngwa sap bam, pecu tei lum eh.
Cingku pei Jisu ze Keheteu
(Mat. 26:59-66; Mrk. 14:55-64; Luk. 22:66-71)
19Cingku pei Jisu ze pa ledeukelume nah pe keledeu ha keteu gai. 20Jisu keli gai, “I keheibe dage de mdudie eh marang muih gwang; a keledeu pelane au synagogue nah Kerecaki gade tei gwang da, cika mina pelane gwang nkwa kela gade. I madau gede nkim eh magede rang lama. 21Daitei, sui, nang acu keteu lano? A koa siu kelume de keteu lulo. I daipai penui dage rang beu bi penui de keteu lu — penui I rang kegai de ci bam.” 22Jisu aide rang kegai dau, cika kekwame hang ge pecu kepoi eh rang gai, “Nang dainzwa Cingku pei dage cinzwa marang kera kuu eh lano!” 23Jisu pe sam keli gai, “I magede rang mau kedi tei cai, cide daipai bi aika mina leune dage rang gailo. Dede I kerang de petau lie cai, nang daitei acu kepoi no?” 24Pecai Annas pecu kaanglü Cingku pei Caiaphas dage lang gaidi.
Peter Jisu ze Mlai Dai kedi
(Mat. 26:71-75; Mrk. 14:69-72; Luk. 22:58-62)
25Peter cika pecu tei lum eh sap bamreu. Cine kedame dung peda de rang gai, “Nang de mina cipau dene ledeukelu hang ge meni?” dedi. Dede Peter cide mlai di. Pa rang gai “Ma, I ma,” dedi. 26Cingku pei kilabaang ge, Peter ne pe kwen bi tüt kedibe kibaume ge marang gai. Pa keteu di, “Nang pecu hegurie ga ngngwa la eh I ncu ngau meni?” 27Peter “Ma” de eh rang dai dige nrui ge koa zette gai.
Jisu ze Pilate dwa ga Kegwang
(Mat. 27:1-2,11-14; Mrk. 15:1-5; Luk. 23:1-5)
28Tingco nuge Jisu ze Caiaphas ki gade deuceudih ki ga ngngwa miedi. Judah kenkieng keteume hegwangki ga lüt ma, kedanemene penui au renet gade penui de nci eh kaipwa bam lu keneu ne, ciciu eh kahkegwang taktyei de tyeilu kerane. 29Cine Pilate hegole penui da pet keteu gai, “Nnui mina aide de daipai mmau lano?” dedi. 30Penui samli cai, “Pa tei mau mecai anui pecu n dwa ga ngngwa gwang lak nage.” 31Pilate penui dage rang gai, “Ciciu cai nnuikatei pecu ngngwa nnui Zai gade pecu tiak lulo,” dedi. Penui keli gai, “Anui de peu migede tei ketset tei beu ma.” 32#Jhn. 3:14; 12:32.(Aiciu kedi Jisu sam dung de peu teicang lu kerane, pa daipai tsit tei eh tsai zie bi rang kegai de pa sam aide teu eh marang gai.) 33Pilate hegwangki ga caili nlüt eh Jisu ze qulu. Pa pecu keteu, “Nang Judahme Gwangpei ni?” dedi. 34Jisu keli gai, “Keheteu aide nda de gwang mi kedame ne a ha nda ge rang beu no?” dedi. 35Pilate keli gai, “Nang acu le Judahme ge lie cet lani? N leuhme nah cingku kedihme dung ne ncu a ba gage kai beu. Nang daipai tei di dino?” 36Jisu rang gai, “A hegwangram au kideu aika gu melie; a hegwangram kideu aika gulie cai, a caisuime acu Judahme kenkieng gage kai di melu kerane keregih zie de nage. Melie, a hegwangram aika gu melie!” 37Cine Pilate pecu keteu di, “Sui, nang hegwangpei ge lie rang lani?” dedi. Jisu keli gai, “Nang au I hegwangpei ge lie rang zeu. I makieh ket aide ziemne acu nna lu nah kideu ga lungh gwang lu, kesangbe ranglia kerane. Kesangbe gu tei kelame a koa kingnei la.” 38Pilate keteu di, “Nah daipai de kesangbe no?” dedi.
Jisu ze Teitset kera Rang kebeu
(Mat. 27:15-31; Mrk. 15:6-20; Luk. 23:13-25)
Pecai Pilate hegole mina dung da pet eh penui dage rang gai, “I pecu mmau kera makieh gede ngau luma. 39Dede nnui teikela Zai kebam nzwa, I Kahkegwang tingdau hebaangme gede lungmpet beu muih la. Nnui Judahme Gwangpei de peu acu lungmpet beu neu lani?” 40Penui sabaq eh pe sam keli gai, “Ma, Pa ma! Anui Barabbas ze luu neu la.” (Barabbas au sütketyeime ge.)
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.