JOHAN 11
11
Lazarus Tsit
1 #
Luk. 10:38,39. Mige pezi Lazarus, Bethany ga kelunghme ge, matyei bam. Bethany de au Mary penai sinapui Martha lungh bam kela nam. 2#Jhn. 12:3.(Mary aipau pui dene Rampaube pi gage marim kehengui rui gai eh pe tam le cide neu; mateei kebambe de au pe heibe Lazarus.) 3Pe time Jisu dage sam ge lang gai: “Rampaubo, nang hungkela zangbe au mateei bam dida.” 4Jisu cide siu luge, pa rang di, “Mateei aide teupung eh Lazarus tsai dilak; Tinggwang da kendu teugwang lu kerane aide tei dida, nah cide gade Tinggwang Nabe kendu ngau luzie.”
5Jisu au Martha nah pe sinapui nah Lazarus de hung. 6Dede pa Lazarus mateei kebam ha siu luge, pa kebam ga lang nane bam si di. 7Pecai pa ledeukelume dage rang, “Anui Judah ga caili gwang cuhgo.” 8Ledeukelume keli gai, “Keledeubo, peting keduihna ge gwang kedi dau cika mina dung ncu ntsu saam neu di; nah nang caili gwang kera riam lani?” 9Jisu rang gai, “Tingba ge bamdapkak kereikena bam la, ciciu melui ni? Cine ting baaha kecu ga tet kelame pi nsui lama, kedanemene pa kideu aide kebaabe ngau kelane. 10Dede pa tingmui tet cai pa kau dila, pa kebaa bam kemakne.” 11Jisu aide rang gai eh pecai de rang si gai, “Anui zangbe Lazarus zip zeu dida, dede I mie pecu nkia luzie.” 12Ledeukelume keli gai, “Pa au zip zeu cai, Rampaubo, pa au yi luzie.” 13Jisu au Lazarus tsai di delie kecu kieh gade rang gai, dede penui au pa mina kezip de rang zeu lie kecu cet ti. 14Cine Jisu penui dage ncigi eh ranglia, “Lazarus au tsai dida, 15dede nnui ziemne I pecu ngngwa bam kemak I a sui da, ciciu eh nnui nlum lu kerane. Anui peda mie cuhgo.” 16Thomas (Nedui lie qu kelabe), ledeukelu pe zangme dage rang di, “Anui pelane keledeube de ngngwa mie go, ciciu eh anui de pecu ngngwa tsai lu kerane!”
Jisu au Ringcuhdaibe nah Keringriabe
17Jisu gwang cang kelu dau, pa Lazarus de kung kedi pedwa lang mdai ne kedi ngau lu. 18Bethany au Jerusalem gade kilometre kecum swa cam, 19nah Judahme kekiee ge Martha penai Mary ze ngau gai eh penai heibe tsai kedine penai lung taumla gai kerane gwang bam.
20Jisu gwang la delie kecu Martha ci luge, pa pecu redau kera pet ti, dede Mary kilung ga bam di. 21Martha au Jisu dage rang di, “Nang aika bam lie cai, Rampaubo, a heibe tsai dilak nage! 22Dede cude nang pe ziemne keheibe kie liede Tinggwang ncu peu zie.”
23Jisu peda ge rang gai, “N sinabe ringcu luzie.”
24Pa keli gai, “I ci bam, pa kekam benai ringcu lu kera.”
25Jisu peda ge rang gai, “I au ringcuhdai kecube nah keringriabe da. Acu nlum kelu leune ring luzie, pa tsaidi liede; 26nah ring kelame nah nlum kelame madau gede tsai dilak. Nang aide nlum mi?”
27Pa keli gai, “Yeo, Rampaubo! Nang au Messiah, Tinggwang Na, kideu ga gwang lai eh kelabe kecu I nlum.”
Jisu Kehap
28Martha aide rang kedi cai, pa caili gwang nkim eh pe sinapui Mary ze qulu. Pa peda de, “Keledeube aika bam lie, nah pa ncu keteu lalie” dedi. 29Mary aide siu luge, pa cuh lü pecu redau kera kelwa pet ti. 30(Jisu renam ga gwang lu mereu, dede Martha pecu keredau kecu ni ga la reu.) 31Mina dung Mary lung taumla eh pecu ngngwa kebamme pa cuh lü kelwa pet kedi ngau eh pecai sui gwang di. Penui au pa herau gade hap kerane mie la dilie kecu cet ti.
32Mary au Jisu kela ga gwang lu, nah pa pecu ngau lu kerikezi, pa pe pi ga keumie lu. Pa rang gai, “Rampaubo, nang aika bam lie cai, a sinabe tsai dilak nage!”
33Jisu au pa kehap ngau lu, nah mina pecu ngngwa kebamme de dainzwa hap bam bi kecu ngau lu; pe mlung tung di, nah pecu peu pesui sia süt ti. 34Pa penui dade keteu, “Nnui daiga ge pecu kung di deno?”
Penui keli gai, “Gwang eh pielo, Rampaubo.”
35Jisu hap di. 36Mina dung rang di, “Pielo pa dai kenzwa gede pecu kubi!”
37Dede midung ge rang di, “Pa mikcietbe de mangau kelu peu meni? Pa Lazarus ze ketsai gade kaam gailak di zie ni?”
Lazarus ze tei Nring kelu
38Piage pelung sia süt dai eh, Jisu herau ga miedi, cide tsupop ge kimui gade ntsuqang ge kaizeu. 39Jisu aja kai gai, “Ntsuqang de pwa kezia di!” Martha, ketsaibe tipui keli gai, “Cika perim kesia ge bam di zieda, Rampaubo. Pecu lang mdai ne kungzeu dida!”
40Jisu peda ge rang di, “Nang nlum lu cai nang Tinggwang kendu ngau zie lie kecu I nda ge rang beu meni?” 41Penui ntsuqang de pwa kezia di. Jisu ngangcuh eh rang gai, “I ncu twa la, Peibo, nang a koa kingnei kelane. 42Nang a koa kingnei mui kela I ci bam, dede I aika kebam mina dung ziemne sam aide rang gailie, ciciu eh penui nang ne acu lang gailie kecu nlum lu kerane.” 43Pa aide rang kegai cai, pa sabaq eh marang gai, “Lazarus, mpet lulo!” 44Pa mpet lu, herau pai dung le pe pi pe ba kaangpung eh, nah pai ge pe zu hezuilü. Jisu penui dage rang gai, “Pecu hiak gai delü pecu peu tet lu.”
Jisu ze Kemmau Ciem kepei
(Mat. 26:1-5; Mrk. 14:1-2; Luk. 22:1-2)
45Mary ze gwang pie kecume mina kekiee ge Jisu tei kegai de ngau lu, delü penui pecu nlum lu. 46Dede midung ge Phariseeme da caili gwang penui dage Jisu tei kegai de pau beu. 47Cine Phariseeme nah cingku kedihme dung Baudi bede redau eh rang di, “Anui daipai teilai? Mina aipau de teikela miswa kega bata dung pelane pie gailo! 48Anui pecu peu ainzwa jüja la cai, mina leune pecu nlum dizie, nah Romme kenkieng heta tei eh anui gu Kerecaki nah anui leuh de nkap dizie!”
49Penui kak ga hang ge, pezi Caiaphas, cipau kum de cingku pei tei kebambe, rang gai, “Nnui kemaang dai kenzwa kau dungge no! 50Heleuh pelane de nkap kedi swa au peu migede mina dung ziemne tsai kedibe yiki meni?” 51Kesangbe, pa aide pesui gade rang ma; menane, pa cipau kum de cingku pei tei kebam nzwa eh, Jisu au Judahme ziemne tsaibeu lai bam lie kecu caihasam pa rang gai, 52nah penui ziemne rünne ma, dede Tinggwang mina zangra la kedi pelane de keu hekwa teugwang pum ge lu zie lie kecu.
53Cipau nai gade Judahme kenkieng Jisu ze teitset di kera heciem peei ladi. 54Cine Jisu au Judah ga mdudie eh mbeuh tadi, dede cide püt ti eh hetaideu tai ga heni gega, nah Ephraim lie qu kela nam gega mie ledeukelume de ngngwa bam di.
55Kahkegwang Ngyi ting mna gwang di, nah mina kekiee ge hengyi kedi dwa tei kemci renet tei kerane renam gade Jerusalem ga miedi. 56Penui Jisu ze peei ladi, nah penui Kerecaki ga nkwa luge, penui ketket dade keteu di, “Nnui daipai mning lano? Pa hengyi ga gwang lak cika, pa gwang zie ni?” 57Cingku kedihme dung nah Phariseeme keheibe de Jisu kebam ga ci kelube cide pau beu maisia lie aja kai gai, ciciu eh penui pecu tuih lu kerane.
Chwazi Kounye ya:
JOHAN 11: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.
JOHAN 11
11
Lazarus Tsit
1 #
Luk. 10:38,39. Mige pezi Lazarus, Bethany ga kelunghme ge, matyei bam. Bethany de au Mary penai sinapui Martha lungh bam kela nam. 2#Jhn. 12:3.(Mary aipau pui dene Rampaube pi gage marim kehengui rui gai eh pe tam le cide neu; mateei kebambe de au pe heibe Lazarus.) 3Pe time Jisu dage sam ge lang gai: “Rampaubo, nang hungkela zangbe au mateei bam dida.” 4Jisu cide siu luge, pa rang di, “Mateei aide teupung eh Lazarus tsai dilak; Tinggwang da kendu teugwang lu kerane aide tei dida, nah cide gade Tinggwang Nabe kendu ngau luzie.”
5Jisu au Martha nah pe sinapui nah Lazarus de hung. 6Dede pa Lazarus mateei kebam ha siu luge, pa kebam ga lang nane bam si di. 7Pecai pa ledeukelume dage rang, “Anui Judah ga caili gwang cuhgo.” 8Ledeukelume keli gai, “Keledeubo, peting keduihna ge gwang kedi dau cika mina dung ncu ntsu saam neu di; nah nang caili gwang kera riam lani?” 9Jisu rang gai, “Tingba ge bamdapkak kereikena bam la, ciciu melui ni? Cine ting baaha kecu ga tet kelame pi nsui lama, kedanemene pa kideu aide kebaabe ngau kelane. 10Dede pa tingmui tet cai pa kau dila, pa kebaa bam kemakne.” 11Jisu aide rang gai eh pecai de rang si gai, “Anui zangbe Lazarus zip zeu dida, dede I mie pecu nkia luzie.” 12Ledeukelume keli gai, “Pa au zip zeu cai, Rampaubo, pa au yi luzie.” 13Jisu au Lazarus tsai di delie kecu kieh gade rang gai, dede penui au pa mina kezip de rang zeu lie kecu cet ti. 14Cine Jisu penui dage ncigi eh ranglia, “Lazarus au tsai dida, 15dede nnui ziemne I pecu ngngwa bam kemak I a sui da, ciciu eh nnui nlum lu kerane. Anui peda mie cuhgo.” 16Thomas (Nedui lie qu kelabe), ledeukelu pe zangme dage rang di, “Anui pelane keledeube de ngngwa mie go, ciciu eh anui de pecu ngngwa tsai lu kerane!”
Jisu au Ringcuhdaibe nah Keringriabe
17Jisu gwang cang kelu dau, pa Lazarus de kung kedi pedwa lang mdai ne kedi ngau lu. 18Bethany au Jerusalem gade kilometre kecum swa cam, 19nah Judahme kekiee ge Martha penai Mary ze ngau gai eh penai heibe tsai kedine penai lung taumla gai kerane gwang bam.
20Jisu gwang la delie kecu Martha ci luge, pa pecu redau kera pet ti, dede Mary kilung ga bam di. 21Martha au Jisu dage rang di, “Nang aika bam lie cai, Rampaubo, a heibe tsai dilak nage! 22Dede cude nang pe ziemne keheibe kie liede Tinggwang ncu peu zie.”
23Jisu peda ge rang gai, “N sinabe ringcu luzie.”
24Pa keli gai, “I ci bam, pa kekam benai ringcu lu kera.”
25Jisu peda ge rang gai, “I au ringcuhdai kecube nah keringriabe da. Acu nlum kelu leune ring luzie, pa tsaidi liede; 26nah ring kelame nah nlum kelame madau gede tsai dilak. Nang aide nlum mi?”
27Pa keli gai, “Yeo, Rampaubo! Nang au Messiah, Tinggwang Na, kideu ga gwang lai eh kelabe kecu I nlum.”
Jisu Kehap
28Martha aide rang kedi cai, pa caili gwang nkim eh pe sinapui Mary ze qulu. Pa peda de, “Keledeube aika bam lie, nah pa ncu keteu lalie” dedi. 29Mary aide siu luge, pa cuh lü pecu redau kera kelwa pet ti. 30(Jisu renam ga gwang lu mereu, dede Martha pecu keredau kecu ni ga la reu.) 31Mina dung Mary lung taumla eh pecu ngngwa kebamme pa cuh lü kelwa pet kedi ngau eh pecai sui gwang di. Penui au pa herau gade hap kerane mie la dilie kecu cet ti.
32Mary au Jisu kela ga gwang lu, nah pa pecu ngau lu kerikezi, pa pe pi ga keumie lu. Pa rang gai, “Rampaubo, nang aika bam lie cai, a sinabe tsai dilak nage!”
33Jisu au pa kehap ngau lu, nah mina pecu ngngwa kebamme de dainzwa hap bam bi kecu ngau lu; pe mlung tung di, nah pecu peu pesui sia süt ti. 34Pa penui dade keteu, “Nnui daiga ge pecu kung di deno?”
Penui keli gai, “Gwang eh pielo, Rampaubo.”
35Jisu hap di. 36Mina dung rang di, “Pielo pa dai kenzwa gede pecu kubi!”
37Dede midung ge rang di, “Pa mikcietbe de mangau kelu peu meni? Pa Lazarus ze ketsai gade kaam gailak di zie ni?”
Lazarus ze tei Nring kelu
38Piage pelung sia süt dai eh, Jisu herau ga miedi, cide tsupop ge kimui gade ntsuqang ge kaizeu. 39Jisu aja kai gai, “Ntsuqang de pwa kezia di!” Martha, ketsaibe tipui keli gai, “Cika perim kesia ge bam di zieda, Rampaubo. Pecu lang mdai ne kungzeu dida!”
40Jisu peda ge rang di, “Nang nlum lu cai nang Tinggwang kendu ngau zie lie kecu I nda ge rang beu meni?” 41Penui ntsuqang de pwa kezia di. Jisu ngangcuh eh rang gai, “I ncu twa la, Peibo, nang a koa kingnei kelane. 42Nang a koa kingnei mui kela I ci bam, dede I aika kebam mina dung ziemne sam aide rang gailie, ciciu eh penui nang ne acu lang gailie kecu nlum lu kerane.” 43Pa aide rang kegai cai, pa sabaq eh marang gai, “Lazarus, mpet lulo!” 44Pa mpet lu, herau pai dung le pe pi pe ba kaangpung eh, nah pai ge pe zu hezuilü. Jisu penui dage rang gai, “Pecu hiak gai delü pecu peu tet lu.”
Jisu ze Kemmau Ciem kepei
(Mat. 26:1-5; Mrk. 14:1-2; Luk. 22:1-2)
45Mary ze gwang pie kecume mina kekiee ge Jisu tei kegai de ngau lu, delü penui pecu nlum lu. 46Dede midung ge Phariseeme da caili gwang penui dage Jisu tei kegai de pau beu. 47Cine Phariseeme nah cingku kedihme dung Baudi bede redau eh rang di, “Anui daipai teilai? Mina aipau de teikela miswa kega bata dung pelane pie gailo! 48Anui pecu peu ainzwa jüja la cai, mina leune pecu nlum dizie, nah Romme kenkieng heta tei eh anui gu Kerecaki nah anui leuh de nkap dizie!”
49Penui kak ga hang ge, pezi Caiaphas, cipau kum de cingku pei tei kebambe, rang gai, “Nnui kemaang dai kenzwa kau dungge no! 50Heleuh pelane de nkap kedi swa au peu migede mina dung ziemne tsai kedibe yiki meni?” 51Kesangbe, pa aide pesui gade rang ma; menane, pa cipau kum de cingku pei tei kebam nzwa eh, Jisu au Judahme ziemne tsaibeu lai bam lie kecu caihasam pa rang gai, 52nah penui ziemne rünne ma, dede Tinggwang mina zangra la kedi pelane de keu hekwa teugwang pum ge lu zie lie kecu.
53Cipau nai gade Judahme kenkieng Jisu ze teitset di kera heciem peei ladi. 54Cine Jisu au Judah ga mdudie eh mbeuh tadi, dede cide püt ti eh hetaideu tai ga heni gega, nah Ephraim lie qu kela nam gega mie ledeukelume de ngngwa bam di.
55Kahkegwang Ngyi ting mna gwang di, nah mina kekiee ge hengyi kedi dwa tei kemci renet tei kerane renam gade Jerusalem ga miedi. 56Penui Jisu ze peei ladi, nah penui Kerecaki ga nkwa luge, penui ketket dade keteu di, “Nnui daipai mning lano? Pa hengyi ga gwang lak cika, pa gwang zie ni?” 57Cingku kedihme dung nah Phariseeme keheibe de Jisu kebam ga ci kelube cide pau beu maisia lie aja kai gai, ciciu eh penui pecu tuih lu kerane.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.