JOHAN 1
1
Kering Sambe
1Kideube damkelu dwa, Sambe la dida; pa Tinggwang ze ngngwa, nah pa au Tinggwang da. 2pendeu gade Sambe Tinggwang ze ngngwa la. 3Peda de Tinggwang ma pelane tei lu; damkelu pelane gade pecu si mene kette ketei ga. 4Sambe au kering rwakbe,#1:4. Sambe au kering rwakbe; mede tei kelu de Sambe si lü keringbe bam di. nah kering aide ne minaleu da kebaa teugwang beu. 5Kebaabe au kemui ga taubaa la, nah kemuibe madaude cide tei mmüt luma.
6 #
Mat. 3:1; Mrk. 1:4; Luk. 3:1,2. Tinggwang pe samgwame de lang gai, mige pezi Johan, 7pa mina dung dage kebaabe ha ranglia kera gwang, ciciu eh pelane samlia siu lü nlum lu kerane. 8Pa au kebaabe ma; pa kebaabe ha ranglia kera gwang. 9Aide kebaa kesangbe kebaa kideube ga gwang nah mina pelane reu ga baa kela de.
10Sambe kideu ga gwang da, nah Tinggwang peda de kideube tei lu liede, ciciu de kideube pecu ci lu tadi. 11Pa pekatei pe ram ga gwang, dede pe ramme pecu luu lu tadi. 12Ciciu de, kangge luu lu nah pecu nlum lu; cine pa penui de Tinggwang name tei lu kebui mjeu peu. 13Penui pumteih zai gade Tinggwang mina name dung tei luma, cide, pumteih pei ne hename de nna kelu nzwa ma; Tinggwang au penui pei.
14Sambe mina mmi gwang nah ngaugia nah kesangbe puih eh, anui kak ga lungh. Anui pe kendu ngau da, Peibe Na kepumlibe kendu pa ngaukelu de. 15Johan pe ha rang gai. Pa sa gai, “I rang kegai dau aide ha rang bam lie, ‘Pa a cai gwang la, dede pa au a swa dihki, kedanemene pa au acu nna kelu dwa ladi delu.’”
16Pe ngaugia puihting kecu gade pa anui pelane de samlam beu, samlam ket cai ket eh anui de peu. 17Tinggwang au Hezaibe Mosa dade peu gai, dede ngaugia nah kesangbe Jisu Khrista dade gwang. 18Migede madaude Tinggwang ze ngau ma. Kepumli Nabe, pa Tinggwang kecube nah Peibe tai ga kebambe, pa ne pecu pwalia gai.
Johan Duipum keteibe Sam
(Mat. 3:1-12; Mrk. 1:1-8; Luk. 3:1-18)
19“Nang cau no?” de eh pecu keteu kera Jerusalem ga Judahme kenkieng keteu mene cingkume nah Levime kang gede Johan dage lang gai.
20Johan keli gai kera mlai dima, dede mdu nah ncigi eh rang gai: “I au Messiah au ma.”
21 #
Mal. 4:5; Hez. 18:15,18. Penui keteu di, “Sui, nang cau no? Nang Elijah ni?” Johan keli gai, “Ma, I ma. Penui keteu di, “Nang Caihakecibe deni?#1:21. Caihakecibe: Messiah gwang kera reci beu kera regui kebambe de.”
Pa keli gai, “Ma.”
22Penui rang di, “Ciciu cai nang cau bi anui dage ranglia lo. Anui au anui de langkegaime da samli ge teu caili gwang maisia. Nang n ha daipai rang lano?”
23 #
Isa. 40:3. Johan au caihakecibe Isaiah sam teu lü keli gai:
“I au ‘renaam ga mige sa kela koa deda:
Rampaube mbeuh kera ziemne lampui kemzui ge tei lu!’”
24Phariseeme ne langkegai samgwame, 25pecai#1:25. Samgwame, Phariseeme, pecai; mede Phariseeme ne langkegaime; penui. Johan ze keteu, “Nang au Messiah mede Elijah mede Caihakecibe melie cai, nang daitei duipum tei lano?”
26Johan keli gai, “I duile duipum teila, dede nnui kak ga nnui ci kemak ge sap. 27Pa a cai ga gwang la, dede I au pe picum kaangria de hiak lu dui.”
28Aidung pelane Jordan reu tingbangle kebam Bethany gade tei di, cika Johan au duipum teila.
Tinggwang Meurünna
29Pecai benai Johan au Jisu peda gwang kela ngau lü rang di, “Luga Tinggwang meurünna lada, kideube mau keugi di kelabe de! 30I rang kegai dau I aipau ha de rang bam da, ‘Mige a cai ga gwang la, dede pa au a swa dihki, kedanemene acu nna kelu dwa pa la kedine’ 31Pa cau be bi I ci lama, dede pecu Israelme de peu ci lu kerane I dui teu duipum tei eh gwang,”
32Nah Johan zierang aide peu gai: “I Tinggim gade Rabe tamhau ge nzwa hungh eh pe reu ga bam kedi ngau da. 33I au pa delie kecu ci luma, dede Tinggwang, acu dui teu duipum tei lo langkegaibe ada ge rang di, ‘Nang mige reu ga Rabe hungh eh bam kedi ngau zie; pa Kemci Rabe teu mide duipum tei kelabe da.’ ” 34Johan rang gai, “I cide ngau da, nah I nnui dage rang gaila pa au Tinggwang Nabe da.”
Jisu Ledeukelu Keraime
35Pecai benai Johan au pa ledeukelu hang na de cika ngngwa sap dai bam, 36pa Jisu tet gwang kela ngau luge rang di, “Luga Tinggwang meurünna!”
37Ledeukelu ci kena de pa kerang cide siu lü Jisu ze ngngwa tetti. 38Jisu nreu gwang, ge penai pecai sui kela ngau lu, delü keteu di, “Nnai daipai peei lano?” Penai keli gai, “Rabbi, nang daiga lungh bam lano?” (Sam aide pekieh “Keledeubo”)
39Pa rang gai, “Gwang eh pielo.” (cidau tingna cai bam mdai di.) Cine penai pecu nzang gwang ge pa lungh bam kela ga ngau lu, nah cipau nai kebanghbe pecu ngngwa bam di.
40Penai hang ge au Andrew, Simon Peter sinabe. 41Pa pe sinabe Simon Peter ze ngau zette lu delü peda ge rang gai, “Anui Messiah ze ngau luda.” (sam aide pekieh “Khrista”) 42Pecai pa Simon de Jisu da ngngwa gwang. Jisu pecu pie eh rang gai, “Mzi au Johan napei Simon, dede ncu le Cephas qu zie.” (Aide Peter nzwakap da nah pekieh “Tsura ge”)
Jisu Philip penai Nathanael ze Qukelu
43Pecai benai Jisu Galilee ga mie kera mning lu. Pa Philip ze ngau lü peda ge rang gai, “Acu ngngwa gwang lulo!” 44(Philip au Bethsaida gade gwang, Andrew penai Peter kelungh be ram de.) 45Philip Nathanael ze ngau lü peda ge rang gai, “Anui Mosa Hezai laisiukwak gage pe ha raukenzeube de nah caihakecime de pe ha raukenzeube de ngau lu delie. Pa au Joseph napei Jisu, Nazareth gade kegwangbe.”
46Nathanael keteu di, “Makeyi gede Nazareth gade gwang lubui ni?” Philip keli gai, “Gwang eh pielo.”
47Jisu au Nathanael peda gwang kela ngau luge, pa pe ha rang gai, “Aika Israelme kesang ge lada; peda magede kenret bam ma!”
48Nathanael pecu keteu di, “Nang dainzwa acu ci luno?” Jisu keli gai, “Philip ncu kequ dwa nang nzüt bang ge kang ga kebam dau I ncu ngau da.”
49Nathanael keli gai, “Keledeubo, nang au Tinggwang Nabe delie! Nang au Israel Gwangpei da!”
50Jisu rang gai, “Nang nzüt bang kang ga kebam dau I ncu ngau lie kegaine nang nlum di deni? Nang aiswa de ma dihgwa kecu dung ngau zie!” 51#Ken. 28:12.Nah pa penui dage rang gai, “I nnui dage kesangbe ranglia zeu: nnui tinggim nkei beu eh Mina Nabe reu ga Tinggwang gwame hangh nah hungh kecu ngau zie.”
Chwazi Kounye ya:
JOHAN 1: ZemeNB
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.
JOHAN 1
1
Kering Sambe
1Kideube damkelu dwa, Sambe la dida; pa Tinggwang ze ngngwa, nah pa au Tinggwang da. 2pendeu gade Sambe Tinggwang ze ngngwa la. 3Peda de Tinggwang ma pelane tei lu; damkelu pelane gade pecu si mene kette ketei ga. 4Sambe au kering rwakbe,#1:4. Sambe au kering rwakbe; mede tei kelu de Sambe si lü keringbe bam di. nah kering aide ne minaleu da kebaa teugwang beu. 5Kebaabe au kemui ga taubaa la, nah kemuibe madaude cide tei mmüt luma.
6 #
Mat. 3:1; Mrk. 1:4; Luk. 3:1,2. Tinggwang pe samgwame de lang gai, mige pezi Johan, 7pa mina dung dage kebaabe ha ranglia kera gwang, ciciu eh pelane samlia siu lü nlum lu kerane. 8Pa au kebaabe ma; pa kebaabe ha ranglia kera gwang. 9Aide kebaa kesangbe kebaa kideube ga gwang nah mina pelane reu ga baa kela de.
10Sambe kideu ga gwang da, nah Tinggwang peda de kideube tei lu liede, ciciu de kideube pecu ci lu tadi. 11Pa pekatei pe ram ga gwang, dede pe ramme pecu luu lu tadi. 12Ciciu de, kangge luu lu nah pecu nlum lu; cine pa penui de Tinggwang name tei lu kebui mjeu peu. 13Penui pumteih zai gade Tinggwang mina name dung tei luma, cide, pumteih pei ne hename de nna kelu nzwa ma; Tinggwang au penui pei.
14Sambe mina mmi gwang nah ngaugia nah kesangbe puih eh, anui kak ga lungh. Anui pe kendu ngau da, Peibe Na kepumlibe kendu pa ngaukelu de. 15Johan pe ha rang gai. Pa sa gai, “I rang kegai dau aide ha rang bam lie, ‘Pa a cai gwang la, dede pa au a swa dihki, kedanemene pa au acu nna kelu dwa ladi delu.’”
16Pe ngaugia puihting kecu gade pa anui pelane de samlam beu, samlam ket cai ket eh anui de peu. 17Tinggwang au Hezaibe Mosa dade peu gai, dede ngaugia nah kesangbe Jisu Khrista dade gwang. 18Migede madaude Tinggwang ze ngau ma. Kepumli Nabe, pa Tinggwang kecube nah Peibe tai ga kebambe, pa ne pecu pwalia gai.
Johan Duipum keteibe Sam
(Mat. 3:1-12; Mrk. 1:1-8; Luk. 3:1-18)
19“Nang cau no?” de eh pecu keteu kera Jerusalem ga Judahme kenkieng keteu mene cingkume nah Levime kang gede Johan dage lang gai.
20Johan keli gai kera mlai dima, dede mdu nah ncigi eh rang gai: “I au Messiah au ma.”
21 #
Mal. 4:5; Hez. 18:15,18. Penui keteu di, “Sui, nang cau no? Nang Elijah ni?” Johan keli gai, “Ma, I ma. Penui keteu di, “Nang Caihakecibe deni?#1:21. Caihakecibe: Messiah gwang kera reci beu kera regui kebambe de.”
Pa keli gai, “Ma.”
22Penui rang di, “Ciciu cai nang cau bi anui dage ranglia lo. Anui au anui de langkegaime da samli ge teu caili gwang maisia. Nang n ha daipai rang lano?”
23 #
Isa. 40:3. Johan au caihakecibe Isaiah sam teu lü keli gai:
“I au ‘renaam ga mige sa kela koa deda:
Rampaube mbeuh kera ziemne lampui kemzui ge tei lu!’”
24Phariseeme ne langkegai samgwame, 25pecai#1:25. Samgwame, Phariseeme, pecai; mede Phariseeme ne langkegaime; penui. Johan ze keteu, “Nang au Messiah mede Elijah mede Caihakecibe melie cai, nang daitei duipum tei lano?”
26Johan keli gai, “I duile duipum teila, dede nnui kak ga nnui ci kemak ge sap. 27Pa a cai ga gwang la, dede I au pe picum kaangria de hiak lu dui.”
28Aidung pelane Jordan reu tingbangle kebam Bethany gade tei di, cika Johan au duipum teila.
Tinggwang Meurünna
29Pecai benai Johan au Jisu peda gwang kela ngau lü rang di, “Luga Tinggwang meurünna lada, kideube mau keugi di kelabe de! 30I rang kegai dau I aipau ha de rang bam da, ‘Mige a cai ga gwang la, dede pa au a swa dihki, kedanemene acu nna kelu dwa pa la kedine’ 31Pa cau be bi I ci lama, dede pecu Israelme de peu ci lu kerane I dui teu duipum tei eh gwang,”
32Nah Johan zierang aide peu gai: “I Tinggim gade Rabe tamhau ge nzwa hungh eh pe reu ga bam kedi ngau da. 33I au pa delie kecu ci luma, dede Tinggwang, acu dui teu duipum tei lo langkegaibe ada ge rang di, ‘Nang mige reu ga Rabe hungh eh bam kedi ngau zie; pa Kemci Rabe teu mide duipum tei kelabe da.’ ” 34Johan rang gai, “I cide ngau da, nah I nnui dage rang gaila pa au Tinggwang Nabe da.”
Jisu Ledeukelu Keraime
35Pecai benai Johan au pa ledeukelu hang na de cika ngngwa sap dai bam, 36pa Jisu tet gwang kela ngau luge rang di, “Luga Tinggwang meurünna!”
37Ledeukelu ci kena de pa kerang cide siu lü Jisu ze ngngwa tetti. 38Jisu nreu gwang, ge penai pecai sui kela ngau lu, delü keteu di, “Nnai daipai peei lano?” Penai keli gai, “Rabbi, nang daiga lungh bam lano?” (Sam aide pekieh “Keledeubo”)
39Pa rang gai, “Gwang eh pielo.” (cidau tingna cai bam mdai di.) Cine penai pecu nzang gwang ge pa lungh bam kela ga ngau lu, nah cipau nai kebanghbe pecu ngngwa bam di.
40Penai hang ge au Andrew, Simon Peter sinabe. 41Pa pe sinabe Simon Peter ze ngau zette lu delü peda ge rang gai, “Anui Messiah ze ngau luda.” (sam aide pekieh “Khrista”) 42Pecai pa Simon de Jisu da ngngwa gwang. Jisu pecu pie eh rang gai, “Mzi au Johan napei Simon, dede ncu le Cephas qu zie.” (Aide Peter nzwakap da nah pekieh “Tsura ge”)
Jisu Philip penai Nathanael ze Qukelu
43Pecai benai Jisu Galilee ga mie kera mning lu. Pa Philip ze ngau lü peda ge rang gai, “Acu ngngwa gwang lulo!” 44(Philip au Bethsaida gade gwang, Andrew penai Peter kelungh be ram de.) 45Philip Nathanael ze ngau lü peda ge rang gai, “Anui Mosa Hezai laisiukwak gage pe ha raukenzeube de nah caihakecime de pe ha raukenzeube de ngau lu delie. Pa au Joseph napei Jisu, Nazareth gade kegwangbe.”
46Nathanael keteu di, “Makeyi gede Nazareth gade gwang lubui ni?” Philip keli gai, “Gwang eh pielo.”
47Jisu au Nathanael peda gwang kela ngau luge, pa pe ha rang gai, “Aika Israelme kesang ge lada; peda magede kenret bam ma!”
48Nathanael pecu keteu di, “Nang dainzwa acu ci luno?” Jisu keli gai, “Philip ncu kequ dwa nang nzüt bang ge kang ga kebam dau I ncu ngau da.”
49Nathanael keli gai, “Keledeubo, nang au Tinggwang Nabe delie! Nang au Israel Gwangpei da!”
50Jisu rang gai, “Nang nzüt bang kang ga kebam dau I ncu ngau lie kegaine nang nlum di deni? Nang aiswa de ma dihgwa kecu dung ngau zie!” 51#Ken. 28:12.Nah pa penui dage rang gai, “I nnui dage kesangbe ranglia zeu: nnui tinggim nkei beu eh Mina Nabe reu ga Tinggwang gwame hangh nah hungh kecu ngau zie.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018, The Bible Society of India
All rights reserved.