Matié 15
15
Kupundunɔ meelínyé míinsuá
(Mál 7.1-13)
1Pafalisiɛ́ŋ ne pemenyí pikotí páatɔk Yelúsalɛm páayɔɔk kú Yésus, pɔ́ kɛ́ɛ́yɛ́ ɛ́ɛ́: 2«Kiákí popíónyí pááwu tiányípá pɛ́nɛkɛn nú pataatɛ́ɛ? Á kiákí ɛ́ɛ́ pátipá pápísuka imbɔ́k á kupísukɔn kisíósíó ɛ́ pápíyaka?» 3Wookoówun pɔ́ ɛ́ɛ́: «Panɔ́ muɛ́t kiákí nunananɛ́ kikotí kí Támbák ó pusíó pú meelíe máánɔ́? 4Támbák ɔ́ɔ́kɔɔyɔ kɔk ɛ́ɛ́: Kɔ́l tiɔ́ no nikóótí ɔ́ niɔlɔ́: Ewú unyɔmɔnɛ́ si wɛɛyɛ́ kúnyaánɛ yóótíe ɛ́ɛ́kɛɛsikɛnɛn ne niku: 5maná, panɔ́ nuókoónyonyi ɛ́ɛ́: Mɔɔnd nyɛ kutían pepíényí pɛ́ɛ́yɛ́ ɛ́ɛ́: Niap yáányípá ɛ́ɛ́ íŋufá ɛ́ɛ́ níkuɔk, iméékí Támbákɛ́ɛ 6akáánɛ́ atipá aákan pepíényí pááwɔ ɔ́ niɔlɔ́, nuényúkuse nukál nú Támbák ó pusíó pú meelié máánɔ́. 7Pɛɛnd pɛ́ nunɛ́m epe! Isayí meémí mekélié ma Támbák káánɔ́ ó pusíó aká umɔɔ́yit ɛ́ɛ́:
8Nikúli enie ékiŋúmesi ɔ́ piɔ́lɔ́lɔ pí níítí,
maná ɔtɛ́m wɛ́ɛ́yɛ́ nyɛ kaáyɛ́ naamɛ.
9Kisayi píŋɛlɛnɛ́ nyɛ sɛ́kísɛ́k,
á kiákí ɛ́ɛ́ iŋónyítónyí siɔ́pɔ́ nyɛ esí síólinoné ɛ́ pɛɛnd.»
Putipá epú púpíkené é nííti ní mɔɔnd púnyúkusené wɔ
(Mál 7.14-23)
10É kélém kúɛ́yí, Yésuse waapílikɛn embúl ú pɛɛnd, wɔ́ kɔ́ɔ́p ɛ́ɛ́: «Ɔ́nupítɔ́líkɛn, núɔ́p peseékése! 11Pútipá epú púpíkené é níítí ní mɔɔnd púnyúkusenyé wɔ, maná: epú púáminanɛ́ é níítí ní mɔɔnd púú pukáánɛ́ púnyúkusené wɔ.» 12Akáání kɔk popíónyí pɛ́ɛ́yɛ́ péépísíítin wɔ, pɔ́ kɛ́ɛ́yɛ́ ɛ́ɛ́: «Eémenyen ɛ́ɛ́ tukál túáwɔ mépuéŋítényí Pafalisiɛ́ŋ á?» 13Woondinyi pɔ́ ɛ́ɛ́: «Putɛ́ kitikit epú Síí waamɛ unyɛ́ mɛnɛ́mɛnɛ́ɛ manyɛɛ́ utikɔ́n páányípál pɔ́. 14Ánuyap pɔ́ɔ, pányi pepútepute péendesíé pɔsɔ́k pepútepute. Índɛ epútepute ékendesi sɔ́k epútepute, peem páandɛ́ ákuanɛn kɔ́ ɔmbɛ́l!» 15Píɛlɛ wɔɔkɔ́l nukál, wɔ́ kɛ́ɛ́yɛ́ ɛ́ɛ́: «Túsɛɛ́kúnɛ́n insap eye.» 16Yésuse woondinyi pɔ́ ɛ́ɛ́: «Panɔ́ kákánɔ nutipá na tutátɔ́ á? 17Nutipá numenyen ɛ́ɛ́ epú púpíkené é niít ní mɔɔnd áátápukanin kí itɔk púákuanin ó kindoóndó á? 18Maná epú puámanɛ é niít ní mɔɔnd ókólinon kɔ́ ɔtɛ́m, púú púákanɛ́ mɔɔnd pinyik. 19púnyɛ kɔ́ ɔtɛ́m ú mɔɔnd pilɔk pí imbítáákítɛn áámanɛ́ɛ: tuɔ́nɔnɔ, musɔm, puɛndɛndɛ, puépi, pipɔ́ŋ, insikɛ́ maandá makáánɛ́ kitikit óókoólinon kɔ́ ɔtɛ́m ú mɔɔnd. 20Índɛ, máamakáánɛ́ máákanɛ́ mɔɔnd pinyik; maná, kupíyak kati kupísukɛt imbɔ́k tipá kúnyúkuse mɔɔnd.»
Pipíóndínyí ɔtɛ́m pí akáandɔ́ u kánahan
(Mál 7.24-30)
21Umɛɛlɛ́ upálukan akáánɛ́, Yésuse waayɔɔk ɔ́ kitɔŋ kí Tíil nɔ Síítɔŋ. 22Kaátakáánɛ́ indónyí i Kanáan yoond á kuákan nukokóo wɔɔyɔn Yésuse ɛ́ɛ́ «Íŋɛ́n ɔsúkɔ, Ɔkɔ́n, Muɔ́nɔ́ u Tafíit! Kilɔk kí kiliínditíe épueŋenyi ɔmbɔ́l waamɛ, peseé tipá.» 23Yésus timondinyi wɔ́ tɛ pukétíkéketi. Popíónyí pɛ́ɛ́yɛ́ péépísíítini wɔ́, pɔ́ kɛ́ɛ́yɛ́ ɛ́ɛ́: «Kúúkí wɔ́, á kiákí ɛ́ɛ́ wɔɔ́kɔŋɔn káásɔ́ no tukokóo túɛ́yí.» 24Yésuse wookondinyi ɛ́ɛ́: «Pámindɔ́m ó pusíó pú paán pí Isilayɛ́l pɛ́nyɛɛ́ ɛlɛɛ́ pitúúmbɛ́ɛ piinyímén.» 25Maná akáandɔ́ waasikɔɔ́n Yésuse iŋɔlɔpɛ kɛ́ɛ́yɛ́ ó pusíó, wɔ́ kɛ́ɛ́yɛ́ ɛ́ɛ́: «Ɔkɔ́n, óló káámɛ kí iŋɔ́yikinɔ!» 26Yésuse woondinyi wɔ́ ɛ́ɛ́: «Pútipá peseé ɔ́ kukɔ́l múkunyá mú paápayɔ́ á kutúútɛn tupúápúá.» 27Akáandɔ́ woondinyi wɔ́ ɛ́ɛ́: «púnyɛ nɔ́, Ɔkɔ́n, maná tíkɛ tupúápúá áápáta imfumfí síkuanɛ́ é tépéle u pɛɛ́t nuya.» 28Akáánɛ́ kɔk Yésuse woondinyi ɛ́ɛ́: «Ɛ́ɛ́ɛ, ɔndɔ́kɔ́n, pipíóndínyí ɔtɛ́m píáwɔ nyɛ kiandákáand! Ɛ́nyɛɛ́ púpíɛl aná ɔpílɔ́ŋɔnɛ́ɛ!» Á kiátakáánɛ́ kisikɛl ɔmbɔl u akáandɔ́ ukáánɛ́ weéŋuk.
Yésus mééŋúkí kutek kú pɛɛnd á masiá má asaá ú Kalilée
(Mál 7.31)
29Kaátakáání, Yésuse waayɔɔk á kiŋindiŋɛnd kí asaá ú Kalilée. Umákatan kɔ́ ɔkɛ́l wɔɔnyɔ́mbɛt. 30Kiandákáand kí embúl ú pɛɛnd óólinon wɔ́ no pikóndi, ne pepútepute, ne epé pámaápíán piénsi pí maláŋ, pindikélítíé no puólíkóoli pú pikóndi pílotí, páasipítíkán píi kɛɛyí ó pusíó; kaátakáánɛ́ weéŋuki pɛ́ɛ. 31Embúl ú pɛɛnd ɛ́ɛ́nɛn anakáánɛ́, póond á kuyíkina, aná pɛ́mɛɛ́nɛ́n pindikelítíé kála, pákati maláŋ meeme ɛ́ɛ́ndɛ é pukilikile, pikóndi ɛ́ɛ́ndɛ indɛ́ndɛ́nɛ, pepútepute ɛ́ɛ́nɛn. Embúl wóond é kukúmesi Támbákɛ́ɛ u Isilayɛ́l.
Yésus móoyí pɛɛnd tukɔ́n túni
(Mál 8.1-10; Mat 14.13-21)
32Yésus mápílíkɛ́n popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Embúl ú pɛɛnd ewe ɛ́ɛ́kíŋɛlɛ ɔsɔ́k, á kiákí púkanyi metúk mátátɔ́ tunyɛɛ́ nɔɔpɔ́, pátikápá na púkunyá, indipá imbílɔ́ɔ́ŋɔ ɛ́ɛ́ íŋúúki pɔ́ kati kunyɛ́ɛ: pátiákiipɛ kuám kuɔpɔ́, tuɔ́l túɔ́p kaná asulukɔk kí iŋilí.» 33Popíónyí póondinyi wɔ́ ɛ́ɛ́: «Naání múkunyá kaáná otúóliné ɔ́ kiɔ́sɔ́kɔ́líɔ́ ekie ɛ́ɛ́ pányáan póond póoy á kitáám kí pɛɛnd ekie pɛ́nyɛɛ́?» 34Yésuse woówun pɔ́ ɛ́ɛ́: «Nuápian pilɛ́ɛt pínɛk?» Pɔ́ kɛ́ɛ́yɛ́ ɛ́ɛ́: «Pitíndátɔ neémue na paán pɔ́ pinsɔpɔ́.» 35Weekeeki pukaaka ɛ́ɛ́ pɛɛnd nyɔ́mbitɔn é kuúsí, 36wɔɔkɔ́l pilɛ́ɛt pikáaní piimi pítíndátɔ neémue na paán pɔ́ pinsɔpú, é kélém kú kuekí Támbákɛ́ɛ ilémbie, waasúmba pɛ́ɛ weekenyi popíónyí pɛ́ɛ́yɛ́ ɛ́ɛ́ páapan pɛɛnd. 37Pɛɛnd peem páápíyaka póókooy; popíónyí páápáta piénsi pí pilɛ́ɛt píméésíén, póowóónyi musááŋ mutíndátɔ neémue. 38Pɛɛnd pámaápíyaká mapá tukɔ́n túni, kati kuan pakáandɔ́ na paápayɔ́. 39É kélém kú kuman ekúúkesi imbúl sí pɛɛnd, Yésuse waamákat ó kitóóŋ, waayɔɔk ɔ́ kitɔŋ kí Makatáŋ.
Chwazi Kounye ya:
Matié 15: yav
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2026, CABTAL
Matié 15
15
Kupundunɔ meelínyé míinsuá
(Mál 7.1-13)
1Pafalisiɛ́ŋ ne pemenyí pikotí páatɔk Yelúsalɛm páayɔɔk kú Yésus, pɔ́ kɛ́ɛ́yɛ́ ɛ́ɛ́: 2«Kiákí popíónyí pááwu tiányípá pɛ́nɛkɛn nú pataatɛ́ɛ? Á kiákí ɛ́ɛ́ pátipá pápísuka imbɔ́k á kupísukɔn kisíósíó ɛ́ pápíyaka?» 3Wookoówun pɔ́ ɛ́ɛ́: «Panɔ́ muɛ́t kiákí nunananɛ́ kikotí kí Támbák ó pusíó pú meelíe máánɔ́? 4Támbák ɔ́ɔ́kɔɔyɔ kɔk ɛ́ɛ́: Kɔ́l tiɔ́ no nikóótí ɔ́ niɔlɔ́: Ewú unyɔmɔnɛ́ si wɛɛyɛ́ kúnyaánɛ yóótíe ɛ́ɛ́kɛɛsikɛnɛn ne niku: 5maná, panɔ́ nuókoónyonyi ɛ́ɛ́: Mɔɔnd nyɛ kutían pepíényí pɛ́ɛ́yɛ́ ɛ́ɛ́: Niap yáányípá ɛ́ɛ́ íŋufá ɛ́ɛ́ níkuɔk, iméékí Támbákɛ́ɛ 6akáánɛ́ atipá aákan pepíényí pááwɔ ɔ́ niɔlɔ́, nuényúkuse nukál nú Támbák ó pusíó pú meelié máánɔ́. 7Pɛɛnd pɛ́ nunɛ́m epe! Isayí meémí mekélié ma Támbák káánɔ́ ó pusíó aká umɔɔ́yit ɛ́ɛ́:
8Nikúli enie ékiŋúmesi ɔ́ piɔ́lɔ́lɔ pí níítí,
maná ɔtɛ́m wɛ́ɛ́yɛ́ nyɛ kaáyɛ́ naamɛ.
9Kisayi píŋɛlɛnɛ́ nyɛ sɛ́kísɛ́k,
á kiákí ɛ́ɛ́ iŋónyítónyí siɔ́pɔ́ nyɛ esí síólinoné ɛ́ pɛɛnd.»
Putipá epú púpíkené é nííti ní mɔɔnd púnyúkusené wɔ
(Mál 7.14-23)
10É kélém kúɛ́yí, Yésuse waapílikɛn embúl ú pɛɛnd, wɔ́ kɔ́ɔ́p ɛ́ɛ́: «Ɔ́nupítɔ́líkɛn, núɔ́p peseékése! 11Pútipá epú púpíkené é níítí ní mɔɔnd púnyúkusenyé wɔ, maná: epú púáminanɛ́ é níítí ní mɔɔnd púú pukáánɛ́ púnyúkusené wɔ.» 12Akáání kɔk popíónyí pɛ́ɛ́yɛ́ péépísíítin wɔ, pɔ́ kɛ́ɛ́yɛ́ ɛ́ɛ́: «Eémenyen ɛ́ɛ́ tukál túáwɔ mépuéŋítényí Pafalisiɛ́ŋ á?» 13Woondinyi pɔ́ ɛ́ɛ́: «Putɛ́ kitikit epú Síí waamɛ unyɛ́ mɛnɛ́mɛnɛ́ɛ manyɛɛ́ utikɔ́n páányípál pɔ́. 14Ánuyap pɔ́ɔ, pányi pepútepute péendesíé pɔsɔ́k pepútepute. Índɛ epútepute ékendesi sɔ́k epútepute, peem páandɛ́ ákuanɛn kɔ́ ɔmbɛ́l!» 15Píɛlɛ wɔɔkɔ́l nukál, wɔ́ kɛ́ɛ́yɛ́ ɛ́ɛ́: «Túsɛɛ́kúnɛ́n insap eye.» 16Yésuse woondinyi pɔ́ ɛ́ɛ́: «Panɔ́ kákánɔ nutipá na tutátɔ́ á? 17Nutipá numenyen ɛ́ɛ́ epú púpíkené é niít ní mɔɔnd áátápukanin kí itɔk púákuanin ó kindoóndó á? 18Maná epú puámanɛ é niít ní mɔɔnd ókólinon kɔ́ ɔtɛ́m, púú púákanɛ́ mɔɔnd pinyik. 19púnyɛ kɔ́ ɔtɛ́m ú mɔɔnd pilɔk pí imbítáákítɛn áámanɛ́ɛ: tuɔ́nɔnɔ, musɔm, puɛndɛndɛ, puépi, pipɔ́ŋ, insikɛ́ maandá makáánɛ́ kitikit óókoólinon kɔ́ ɔtɛ́m ú mɔɔnd. 20Índɛ, máamakáánɛ́ máákanɛ́ mɔɔnd pinyik; maná, kupíyak kati kupísukɛt imbɔ́k tipá kúnyúkuse mɔɔnd.»
Pipíóndínyí ɔtɛ́m pí akáandɔ́ u kánahan
(Mál 7.24-30)
21Umɛɛlɛ́ upálukan akáánɛ́, Yésuse waayɔɔk ɔ́ kitɔŋ kí Tíil nɔ Síítɔŋ. 22Kaátakáánɛ́ indónyí i Kanáan yoond á kuákan nukokóo wɔɔyɔn Yésuse ɛ́ɛ́ «Íŋɛ́n ɔsúkɔ, Ɔkɔ́n, Muɔ́nɔ́ u Tafíit! Kilɔk kí kiliínditíe épueŋenyi ɔmbɔ́l waamɛ, peseé tipá.» 23Yésus timondinyi wɔ́ tɛ pukétíkéketi. Popíónyí pɛ́ɛ́yɛ́ péépísíítini wɔ́, pɔ́ kɛ́ɛ́yɛ́ ɛ́ɛ́: «Kúúkí wɔ́, á kiákí ɛ́ɛ́ wɔɔ́kɔŋɔn káásɔ́ no tukokóo túɛ́yí.» 24Yésuse wookondinyi ɛ́ɛ́: «Pámindɔ́m ó pusíó pú paán pí Isilayɛ́l pɛ́nyɛɛ́ ɛlɛɛ́ pitúúmbɛ́ɛ piinyímén.» 25Maná akáandɔ́ waasikɔɔ́n Yésuse iŋɔlɔpɛ kɛ́ɛ́yɛ́ ó pusíó, wɔ́ kɛ́ɛ́yɛ́ ɛ́ɛ́: «Ɔkɔ́n, óló káámɛ kí iŋɔ́yikinɔ!» 26Yésuse woondinyi wɔ́ ɛ́ɛ́: «Pútipá peseé ɔ́ kukɔ́l múkunyá mú paápayɔ́ á kutúútɛn tupúápúá.» 27Akáandɔ́ woondinyi wɔ́ ɛ́ɛ́: «púnyɛ nɔ́, Ɔkɔ́n, maná tíkɛ tupúápúá áápáta imfumfí síkuanɛ́ é tépéle u pɛɛ́t nuya.» 28Akáánɛ́ kɔk Yésuse woondinyi ɛ́ɛ́: «Ɛ́ɛ́ɛ, ɔndɔ́kɔ́n, pipíóndínyí ɔtɛ́m píáwɔ nyɛ kiandákáand! Ɛ́nyɛɛ́ púpíɛl aná ɔpílɔ́ŋɔnɛ́ɛ!» Á kiátakáánɛ́ kisikɛl ɔmbɔl u akáandɔ́ ukáánɛ́ weéŋuk.
Yésus mééŋúkí kutek kú pɛɛnd á masiá má asaá ú Kalilée
(Mál 7.31)
29Kaátakáání, Yésuse waayɔɔk á kiŋindiŋɛnd kí asaá ú Kalilée. Umákatan kɔ́ ɔkɛ́l wɔɔnyɔ́mbɛt. 30Kiandákáand kí embúl ú pɛɛnd óólinon wɔ́ no pikóndi, ne pepútepute, ne epé pámaápíán piénsi pí maláŋ, pindikélítíé no puólíkóoli pú pikóndi pílotí, páasipítíkán píi kɛɛyí ó pusíó; kaátakáánɛ́ weéŋuki pɛ́ɛ. 31Embúl ú pɛɛnd ɛ́ɛ́nɛn anakáánɛ́, póond á kuyíkina, aná pɛ́mɛɛ́nɛ́n pindikelítíé kála, pákati maláŋ meeme ɛ́ɛ́ndɛ é pukilikile, pikóndi ɛ́ɛ́ndɛ indɛ́ndɛ́nɛ, pepútepute ɛ́ɛ́nɛn. Embúl wóond é kukúmesi Támbákɛ́ɛ u Isilayɛ́l.
Yésus móoyí pɛɛnd tukɔ́n túni
(Mál 8.1-10; Mat 14.13-21)
32Yésus mápílíkɛ́n popíónyí pɛ́ɛ́yɛ́, wɔ́ kɔ́ɔ́p ɛ́ɛ́: «Embúl ú pɛɛnd ewe ɛ́ɛ́kíŋɛlɛ ɔsɔ́k, á kiákí púkanyi metúk mátátɔ́ tunyɛɛ́ nɔɔpɔ́, pátikápá na púkunyá, indipá imbílɔ́ɔ́ŋɔ ɛ́ɛ́ íŋúúki pɔ́ kati kunyɛ́ɛ: pátiákiipɛ kuám kuɔpɔ́, tuɔ́l túɔ́p kaná asulukɔk kí iŋilí.» 33Popíónyí póondinyi wɔ́ ɛ́ɛ́: «Naání múkunyá kaáná otúóliné ɔ́ kiɔ́sɔ́kɔ́líɔ́ ekie ɛ́ɛ́ pányáan póond póoy á kitáám kí pɛɛnd ekie pɛ́nyɛɛ́?» 34Yésuse woówun pɔ́ ɛ́ɛ́: «Nuápian pilɛ́ɛt pínɛk?» Pɔ́ kɛ́ɛ́yɛ́ ɛ́ɛ́: «Pitíndátɔ neémue na paán pɔ́ pinsɔpɔ́.» 35Weekeeki pukaaka ɛ́ɛ́ pɛɛnd nyɔ́mbitɔn é kuúsí, 36wɔɔkɔ́l pilɛ́ɛt pikáaní piimi pítíndátɔ neémue na paán pɔ́ pinsɔpú, é kélém kú kuekí Támbákɛ́ɛ ilémbie, waasúmba pɛ́ɛ weekenyi popíónyí pɛ́ɛ́yɛ́ ɛ́ɛ́ páapan pɛɛnd. 37Pɛɛnd peem páápíyaka póókooy; popíónyí páápáta piénsi pí pilɛ́ɛt píméésíén, póowóónyi musááŋ mutíndátɔ neémue. 38Pɛɛnd pámaápíyaká mapá tukɔ́n túni, kati kuan pakáandɔ́ na paápayɔ́. 39É kélém kú kuman ekúúkesi imbúl sí pɛɛnd, Yésuse waamákat ó kitóóŋ, waayɔɔk ɔ́ kitɔŋ kí Makatáŋ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2026, CABTAL