Matta 13
13
Ma marərək a talaŋ hedi mə zlək
(Markus 4:1-9; Luka 8:4-8)
1Əŋ waŋ ta mba, Yesu a təɗaha a ge, a nda, a nja a meɗek gaw. 2Hedi makwas sə mbeh səku iyi i ndaha əŋ kelek ŋga. Məŋgəvday a ɗek, a tap əŋ kambuwal, ɓa, a nja a ɗəməŋ, hedi iyi ta i gar a meɗek yim. 3A zlapaŋta a talaŋ məsəkəŋ sə mbeh səku iyi abə ma marərək. A zla: «Əŋ waŋ aka, hedi mə zlək, a nda i kʉyaha siŋ əŋ lay ŋga. 4Əŋ mbiŋ a kəkʉy siŋ sey, siŋ dakayta iyi i nah a meɗek kataf, abə dawaŋ ta, vigem iyi i ndaha, ɓa, i miɗta. 5Siŋ dakayta iyi i nah əŋ lay nvəŋ iyi, hayak ɓəraŋ. I dəvaha viyu məŋgəvday hayak ɓəraŋ a tata. 6Ama əŋ pis mə təɗaha seh, a da, a var ndəri madəvaha iyi ta, i hwal tata məŋgəvday i kəkwar zem iyi guduk halla. 7Siŋ dakayta iyi i nah əŋ faŋw tə digeɗ iyi. Digeɗ iyi i gəl, i kəŋgəcta. 8Ama siŋ dakayta iyi i nah əŋ lay hayak səntaŋ, i gəl, i mbuw. Talaŋ məzəwindi kəmbuw temere, talaŋ məzəwindi kəmbuw ndəra ŋkuh, talaŋ məzəwindi bahayim kəmbuw ndəra maakaɗ.» 9Yesu a zlapaŋta baha, a zla: «Hedi abə zləm, mə zlimʉ!»
Yesu a zlapaŋta əŋ hedi iyi abə ma marərək seh, məŋgəvday a mey?
(Markus 4:10-12; Luka 8:9-10)
10Gula tə Yesu iyi i kərəɗaha əŋ kelek ŋga, i ɗəpu, i zla: «Hwa kəzlapaŋta əŋ hedi iyi abə ma marərək seh, məŋgəvday a mey?» 11A ziŋgeŋta zlap, a zla: «Heni seh, Bizlaf kəvəlaheni kataf ley səŋ ma maɓah iyi tə Bay tə wuzlaf za, ama əŋ tata seh, kəvəlaŋta kataf ley səŋ halla. 12Məŋgəvday hedi abə məsəkəŋ, i vəlaŋ za baha, ɓa, a nda i nja abə məsəkəŋ mbeh səku. Ama hedi məsəkəŋ ŋga halla seh, i kuwaŋ sə betem ŋga mba za. 13Məŋgəvday a ɗek, sa zlapaŋta abə ma marərək seh: Məŋgəvday i kəgər nje, ama i kəlim nje səku. I kəteh zləm, ama i kəzlim səku. 14Mənaŋ wa, məsəkəŋ mə ɗalaŋta wa, ar məsəkəŋ hedi mə giz ma abə miya tə Bizlaf, Esaya mə giz sey, a zla:
“Heni nda i zlim abə zləm təheni lawlaw,
ama heni kənda i zlim halla,
heni nda i gər nje abə nje təheni lawlaw,
ama heni kənda i lim nje halla.
15Məŋgəvday hedi iyi ta talaŋ tata kəmbaɗ za tawytawy,
i kədəzl zləm tata iyi za,
i kəpek nje tata iyi za,
amba ley tak nje tata iyi ley gər,
ley tak zləm tata iyi ley zlim zləm,
ley tak talaŋ tata iyi ley zlim məsəkəŋ,
mənaŋ wa, i kənda i ziŋgehe əŋ kelek na amba sa mbəlta seh halla#13:15 Esaya 6:9-10..”
16«Ama heni seh, nja səntaŋ əŋ heni aka, məŋgəvday nje təheni iyi i kəlim, zləm təheni iyi i kəzlim. 17Sa kəzlapaheni məndiwiŋ, hedi mə giz ma abə miya tə Bizlaf iyi mbeh səku abə hedi sə delele iyi mbeh səku iyi i kəmba i lim məsəkəŋ heni mə lim wa, ama i kəlim halla, i kəmba i zlim məsəkəŋ heni mə zlim wa, ama i kəzlim halla.»
Yesu a pəl ma marərək tə a talaŋ hedi mə zlək
(Markus 4:13-20; Luka 8:11-15)
18«Heni zlim pəl tə ma marərək tə a talaŋ hedi mə zlək sey. 19Hedi iyi i mə zlim labara tə Bay tə Bizlaf, ama i kəsəŋ ma ta a mba i zlap seh viŋgey səku. Tata mənaŋ siŋ mə nah tə a meɗek kataf: Məsəkəŋ madawar a ndaha, a ɓət ma tə Bizlaf mazlək tə əŋ nəf tata. 20Hedi dakayta iyi mənaŋ siŋ mə nah tə əŋ lay nvəŋ iyi. Tata i kəzlim ma tə Bizlaf, i kuwu viyu abə səsəm. 21Ama i kəyak ma tə Bizlaf ley ɗal zem əŋ nəf tata səku, i buw wulək tata viyu, abə dawaŋ ta, əŋgah tuwah abə təl ma kəlim ta za, məŋgəvday ma tə Bizlaf, i yak kuw ma tata viyu. 22Hedi dakayta iyi bahayim, tata mənaŋ siŋ mə nah tə əŋ walaŋ tə digeɗ iyi. I kəzlim ma tə Bizlaf, ama wulək tə əŋ məŋhayak abə məsəkəŋ mə ŋgasl hedi iyi ley lim məsəkəŋ abə kataf madawar iyi i kəŋgəc ma tə Bizlaf, hedi iyi ta i kənda i ɗal məsəkəŋ səntaŋ halla. 23Hedi dakayta iyi, tata mənaŋ siŋ mə nah tə əŋ hayak səntaŋ. Tata i kəzlim ma tə Bizlaf, i kəsəŋ ma ta mə mba i zlap, i kəmbuw wuziyi: Dakayta iyi temere, dakayta ndəra ŋkuh, dakayta iyi bahayim ndəra maakaɗ.»
Ma marərək tə a talaŋ deŋdeŋ tə əŋ ndəri
24Yesu a gizeŋta ma marərək wa baha, a zla: «Bay tə wuzlaf seh mənaŋ wa: əŋ waŋ məzəwindi aka, hedi a zlək siŋ səntaŋ əŋ lay ŋga. 25Əŋ njaɗu hedi iyi fuk i kəwaŋ, məsəgər ŋga a ndaha, a zlək siŋ tə deŋdeŋ əŋ lay tə ndəri ŋga ta, ɓa, a nda ŋga. 26Ndəri a dəvaha, a gəl, a daha talaŋ, deŋdeŋ a təɗaha bahayim. 27Hedi mə ɗal kəzəɗ tə hedi tə lay ta, i ndaha, i zlapaŋgu, i zla: “Metir, hwa zlək əŋ lay təkwa seh siŋ tə ndəri səku vaw? Kaa! deŋdeŋ a ndaha a ɗəməŋ wa seh, a tikey?” 28A ziŋgeŋta zlap, a zla: “Ar məsəgər na mə ɗalu.” Ɓa, hedi mə ɗal kəzəɗ iyi i zlapaŋgu, i zla: “Hwa mba nini nda i dəɗta vaw?” 29A ziŋgeŋta zlap, a zla: “Kay, əŋgah heni kədəɗta seh, hi nda i dəɗta abə ndəri dakayta iyi bahayim. 30Hi yakta fuk i mə gəl a lay ta ha əŋ pis kə bəl ndəri. Əŋ hala ta mba, sa zlapaŋta za əŋ hedi mə bəl ndəri iyi, hi mar ley cakal deŋdeŋ iyi ndagwa, hi jawta njakw njakw, ley var. Ama ndəri seh, abə dawaŋ ta, ndəri seh hi dahaku əŋ tebeŋ na.”»
Ma marərək abə wuziyi tə veŋcehew iyi
(Markus 4:30-32; Luka 13:18-19)
31Yesu a gizeŋta ma marərək par baha, a zla: «Bay tə wuzlaf seh mənaŋ mbu tə veŋcehew, hedi a ɓətu, a zləku əŋ lay ŋga. 32Mbiŋ mekedek tə əŋ faŋw tə siŋ iyi fuk, ama əŋgah kədəvaha za seh, a gəl pay day a wuri tə əŋ jerne iyi fuk, a mbaɗ əŋ mpay ha vigem iyi i ndaha ley ɗiy ge tata iyi a ma ndəra iyi ta.»
Ma marərək abə is
(Luka 13:20-21)
33Yesu a gizeŋta ma marərək par baha, a zla: «Bay tə wuzlaf seh, mənaŋ is. Wala a ɓətu, a javaɗu əŋ nfa mbeh səku ha nfa ta fuk a kərətaha.»
Yesu a zlap abə ma marərək seh, məŋgəvday a mey
(Markus 4:33-34)
34Məsəkəŋ iyi ta wa fuk, Yesu a zlapaŋta əŋ hedi makwas sə mbeh səku iyi wa abə ma marərək, kwa kəzlapaŋta abə ma mə tak ma marərək iyi seh halla. 35A ɗal mənaŋ wa, amba ma hedi mə giz ma abə miya tə Bizlaf, Esaya mə zlap zlezle seh, a ɗal, a kəzlap, a zla:
«Sa nda i zlap abə ma marərək,
sa nda i giz məsəkəŋ maɓah iyi mar tə əŋ ləmaha tə məŋhayak#13:35 Jabura 78:2..»
Yesu a pəlaŋta ma marərək tə a deŋdeŋ tə əŋ ndəri
36Abə dawaŋ ta izey, Yesu a yak hedi makwas iyi, a təɗ ŋga əŋ ge#13:36 Markus 2:1.. Gula ŋga iyi i ndaha əŋ kelek ŋga, i ɗəpu, i zla: «Pəlanini ma marərək tə a deŋdeŋ tə əŋ lay tə ndəri seh gey.» 37Yesu a ziŋgeŋta zlap, a zla: «Hedi mə zlək siŋ səntaŋ seh, ar Mbu tə Hedi. 38Lay seh, ar məŋhayak, siŋ səntaŋ seh, ar hedi tə Bay tə wuzlaf iyi, deŋdeŋ bahayim, ar hedi tə Məsəkəŋ madawar iyi. 39Məsəgər mə zlək deŋdeŋ seh, ar Iblisa, ley cakalaha məsəkəŋ əŋ wuta seh, ar cukwaɗ tə məŋhayak, hedi mə cakalaha məsəkəŋ iyi əŋ wuta seh, ar mələɓ tə Bizlaf iyi. 40Mənaŋ i mə cakal deŋdeŋ ley var əŋ kahaw mba seh, a ɗal za mənaŋ mba, əŋ cukwaɗ tə məŋhayak. 41Mbu tə Hedi a ləɓ mələɓ tə Bizlaf iyi za, i təɗaha hedi mə deɓ hedi iyi ley ɗal hem za mar tə əŋ bay ŋga a palah abə hedi mə ɗal məsəkəŋ madawar iyi fuk. 42I kapta za əŋ kahaw mə cukwaɗ səku. A namba i haŋ za, i ɓam ndiŋ za. 43Ama hedi sə delele iyi seh, i waɗ za mənaŋ pis əŋ Bay tə Baba tata. Hedi abə zləm, mə zlimʉ.»
Ma marərək a talaŋ məsəkəŋ səntaŋ maɓah abə a talaŋ gəvde səntaŋ
44«Bay tə wuzlaf seh, mənaŋ məsəkəŋ səntaŋ maɓah tə əŋ lay, hedi a limʉ, a ɓahaw baha. Kəsəsəm mbeh səku, a nda ŋga, a berehe məsəkəŋ ŋga iyi fuk, ɓa, a ziŋgehe ley səkəm lay ta.»
45«Baha, Bay tə wuzlaf seh mənaŋ hedi mə ber məsəkəŋ mə pələk gəvde səntaŋ iyi. 46Əŋ mbiŋ mə lim gəvde səntaŋ ta, a nda ŋga, a ber məsəkəŋ ŋga iyi fuk, ɓa, a səkəmu.»
Ma marərək a talaŋ kʉse
47«Baha, Bay tə wuzlaf seh, mənaŋ kʉse i mə nahaw əŋ talafay, a məlaha ntaŋw tə kəlif ntaŋw par par. 48Əŋ kʉse ta kəhaf cuza seh, hedi mə məl kəlif iyi ta i ŋgaslahaw əŋ meɗek tə yim, ɓa, i nja ley cam kəlif iyi ta. Kəlif səntaŋ iyi i ɗiyta əŋ gadakar tata, ama kəlif madawar iyi seh, i kapta. 49Məsəkəŋ ta, a nda i ɗal mənaŋ wa, əŋ cukwaɗ tə məŋhayak: Mələɓ tə Bizlaf iyi i nda i ndaha ley wuɗak hedi sə lem iyi abə hedi səntaŋ iyi, 50i nda i nah hedi sə lem iyi əŋ kahaw mə cukwaɗ səku. A namba i haŋ za, i ɓam ndiŋ za.»
Məsəkəŋ lawayaŋ iyi abə məsəkəŋ mavəva iyi
51Yesu a ɗəp gula ŋga iyi, a zla: «Heni kəzlim məsəkəŋ iyi wa fuk za vaw?» I ziŋgeŋ zlap, i zla: «Ayaw, nini kəzlim za.» 52Abə dawaŋ ta, Yesu a zlapaŋta, a zla: «Məŋgəvday a ɗek, kwa viyey əŋ faŋw tə metir tə ma majaw mə mbaɗ əŋ gula tə Bay tə wuzlaf seh, mbiŋ mənaŋ hedi lə ge mə təɗaha məsəkəŋ lawayaŋ iyi abə məsəkəŋ mavəva ŋga iyi fuk tə əŋ lay kə ɓah məsəkəŋ ŋga iyi.»
Hedi tə Nasaratu iyi i ŋgəm ley kuw ma tə Yesu səku
(Markus 6:1-6; Luka 4:16-30)
53Əŋ Yesu kəcukwaɗ za ley zlapaŋta əŋ hedi iyi abə ma marərək seh, a gar ŋga za a lay ta, 54a nda əŋ berne mbiŋ mə gəlaha tə əŋ ɗəməŋ. Ɓa, a mar ley sərək hedi iyi əŋ biŋ tata kə ɗal mbuh əŋ Bizlaf tə a namba. Ha hedi tə a namba iyi i kəhar za, i zla: «Mə vəlaŋ burŋguzl wa seh viyey? Mə vəlaŋ mazla ley ɗal məsəkəŋ iyi wa seh viyey? 55Mbiŋ seh, ar mbu tə hedi mə pəɗak mpay iyi səku vaw? Mama ŋga seh, ar Mariyama səku vaw? Abə zliŋgeŋ iyi Yakuba, Yusufa, Simaŋw liŋ Yahuda səku vaw? 56Zliŋgeŋ hazləma hazləma iyi i mbə abə nakwa a nawa səku vah? Ayaw, a limehe fagay iyi wa fuk seh, a tikey?» 57Məŋgəvday a ɗek, i ŋgəm ley kuwza səku. Mənaŋ izey, Yesu a zlapaŋta, a zla: «Hedi iyi i kəkuwaŋ ma tə hedi mə giz ma abə miya tə Bizlaf kwa a tikey fuk, ama əŋ hayak ŋga, əŋ faŋw tə hedi tə ge tata iyi seh, i kuwaŋ ma səku.» 58A Nasaratu seh, Yesu kəlim ley ɗal mazla iyi mbeh səku seh halla, məŋgəvday i kəkuwaŋ ma halla.
Chwazi Kounye ya:
Matta 13: xmd
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Matta 13
13
Ma marərək a talaŋ hedi mə zlək
(Markus 4:1-9; Luka 8:4-8)
1Əŋ waŋ ta mba, Yesu a təɗaha a ge, a nda, a nja a meɗek gaw. 2Hedi makwas sə mbeh səku iyi i ndaha əŋ kelek ŋga. Məŋgəvday a ɗek, a tap əŋ kambuwal, ɓa, a nja a ɗəməŋ, hedi iyi ta i gar a meɗek yim. 3A zlapaŋta a talaŋ məsəkəŋ sə mbeh səku iyi abə ma marərək. A zla: «Əŋ waŋ aka, hedi mə zlək, a nda i kʉyaha siŋ əŋ lay ŋga. 4Əŋ mbiŋ a kəkʉy siŋ sey, siŋ dakayta iyi i nah a meɗek kataf, abə dawaŋ ta, vigem iyi i ndaha, ɓa, i miɗta. 5Siŋ dakayta iyi i nah əŋ lay nvəŋ iyi, hayak ɓəraŋ. I dəvaha viyu məŋgəvday hayak ɓəraŋ a tata. 6Ama əŋ pis mə təɗaha seh, a da, a var ndəri madəvaha iyi ta, i hwal tata məŋgəvday i kəkwar zem iyi guduk halla. 7Siŋ dakayta iyi i nah əŋ faŋw tə digeɗ iyi. Digeɗ iyi i gəl, i kəŋgəcta. 8Ama siŋ dakayta iyi i nah əŋ lay hayak səntaŋ, i gəl, i mbuw. Talaŋ məzəwindi kəmbuw temere, talaŋ məzəwindi kəmbuw ndəra ŋkuh, talaŋ məzəwindi bahayim kəmbuw ndəra maakaɗ.» 9Yesu a zlapaŋta baha, a zla: «Hedi abə zləm, mə zlimʉ!»
Yesu a zlapaŋta əŋ hedi iyi abə ma marərək seh, məŋgəvday a mey?
(Markus 4:10-12; Luka 8:9-10)
10Gula tə Yesu iyi i kərəɗaha əŋ kelek ŋga, i ɗəpu, i zla: «Hwa kəzlapaŋta əŋ hedi iyi abə ma marərək seh, məŋgəvday a mey?» 11A ziŋgeŋta zlap, a zla: «Heni seh, Bizlaf kəvəlaheni kataf ley səŋ ma maɓah iyi tə Bay tə wuzlaf za, ama əŋ tata seh, kəvəlaŋta kataf ley səŋ halla. 12Məŋgəvday hedi abə məsəkəŋ, i vəlaŋ za baha, ɓa, a nda i nja abə məsəkəŋ mbeh səku. Ama hedi məsəkəŋ ŋga halla seh, i kuwaŋ sə betem ŋga mba za. 13Məŋgəvday a ɗek, sa zlapaŋta abə ma marərək seh: Məŋgəvday i kəgər nje, ama i kəlim nje səku. I kəteh zləm, ama i kəzlim səku. 14Mənaŋ wa, məsəkəŋ mə ɗalaŋta wa, ar məsəkəŋ hedi mə giz ma abə miya tə Bizlaf, Esaya mə giz sey, a zla:
“Heni nda i zlim abə zləm təheni lawlaw,
ama heni kənda i zlim halla,
heni nda i gər nje abə nje təheni lawlaw,
ama heni kənda i lim nje halla.
15Məŋgəvday hedi iyi ta talaŋ tata kəmbaɗ za tawytawy,
i kədəzl zləm tata iyi za,
i kəpek nje tata iyi za,
amba ley tak nje tata iyi ley gər,
ley tak zləm tata iyi ley zlim zləm,
ley tak talaŋ tata iyi ley zlim məsəkəŋ,
mənaŋ wa, i kənda i ziŋgehe əŋ kelek na amba sa mbəlta seh halla#13:15 Esaya 6:9-10..”
16«Ama heni seh, nja səntaŋ əŋ heni aka, məŋgəvday nje təheni iyi i kəlim, zləm təheni iyi i kəzlim. 17Sa kəzlapaheni məndiwiŋ, hedi mə giz ma abə miya tə Bizlaf iyi mbeh səku abə hedi sə delele iyi mbeh səku iyi i kəmba i lim məsəkəŋ heni mə lim wa, ama i kəlim halla, i kəmba i zlim məsəkəŋ heni mə zlim wa, ama i kəzlim halla.»
Yesu a pəl ma marərək tə a talaŋ hedi mə zlək
(Markus 4:13-20; Luka 8:11-15)
18«Heni zlim pəl tə ma marərək tə a talaŋ hedi mə zlək sey. 19Hedi iyi i mə zlim labara tə Bay tə Bizlaf, ama i kəsəŋ ma ta a mba i zlap seh viŋgey səku. Tata mənaŋ siŋ mə nah tə a meɗek kataf: Məsəkəŋ madawar a ndaha, a ɓət ma tə Bizlaf mazlək tə əŋ nəf tata. 20Hedi dakayta iyi mənaŋ siŋ mə nah tə əŋ lay nvəŋ iyi. Tata i kəzlim ma tə Bizlaf, i kuwu viyu abə səsəm. 21Ama i kəyak ma tə Bizlaf ley ɗal zem əŋ nəf tata səku, i buw wulək tata viyu, abə dawaŋ ta, əŋgah tuwah abə təl ma kəlim ta za, məŋgəvday ma tə Bizlaf, i yak kuw ma tata viyu. 22Hedi dakayta iyi bahayim, tata mənaŋ siŋ mə nah tə əŋ walaŋ tə digeɗ iyi. I kəzlim ma tə Bizlaf, ama wulək tə əŋ məŋhayak abə məsəkəŋ mə ŋgasl hedi iyi ley lim məsəkəŋ abə kataf madawar iyi i kəŋgəc ma tə Bizlaf, hedi iyi ta i kənda i ɗal məsəkəŋ səntaŋ halla. 23Hedi dakayta iyi, tata mənaŋ siŋ mə nah tə əŋ hayak səntaŋ. Tata i kəzlim ma tə Bizlaf, i kəsəŋ ma ta mə mba i zlap, i kəmbuw wuziyi: Dakayta iyi temere, dakayta ndəra ŋkuh, dakayta iyi bahayim ndəra maakaɗ.»
Ma marərək tə a talaŋ deŋdeŋ tə əŋ ndəri
24Yesu a gizeŋta ma marərək wa baha, a zla: «Bay tə wuzlaf seh mənaŋ wa: əŋ waŋ məzəwindi aka, hedi a zlək siŋ səntaŋ əŋ lay ŋga. 25Əŋ njaɗu hedi iyi fuk i kəwaŋ, məsəgər ŋga a ndaha, a zlək siŋ tə deŋdeŋ əŋ lay tə ndəri ŋga ta, ɓa, a nda ŋga. 26Ndəri a dəvaha, a gəl, a daha talaŋ, deŋdeŋ a təɗaha bahayim. 27Hedi mə ɗal kəzəɗ tə hedi tə lay ta, i ndaha, i zlapaŋgu, i zla: “Metir, hwa zlək əŋ lay təkwa seh siŋ tə ndəri səku vaw? Kaa! deŋdeŋ a ndaha a ɗəməŋ wa seh, a tikey?” 28A ziŋgeŋta zlap, a zla: “Ar məsəgər na mə ɗalu.” Ɓa, hedi mə ɗal kəzəɗ iyi i zlapaŋgu, i zla: “Hwa mba nini nda i dəɗta vaw?” 29A ziŋgeŋta zlap, a zla: “Kay, əŋgah heni kədəɗta seh, hi nda i dəɗta abə ndəri dakayta iyi bahayim. 30Hi yakta fuk i mə gəl a lay ta ha əŋ pis kə bəl ndəri. Əŋ hala ta mba, sa zlapaŋta za əŋ hedi mə bəl ndəri iyi, hi mar ley cakal deŋdeŋ iyi ndagwa, hi jawta njakw njakw, ley var. Ama ndəri seh, abə dawaŋ ta, ndəri seh hi dahaku əŋ tebeŋ na.”»
Ma marərək abə wuziyi tə veŋcehew iyi
(Markus 4:30-32; Luka 13:18-19)
31Yesu a gizeŋta ma marərək par baha, a zla: «Bay tə wuzlaf seh mənaŋ mbu tə veŋcehew, hedi a ɓətu, a zləku əŋ lay ŋga. 32Mbiŋ mekedek tə əŋ faŋw tə siŋ iyi fuk, ama əŋgah kədəvaha za seh, a gəl pay day a wuri tə əŋ jerne iyi fuk, a mbaɗ əŋ mpay ha vigem iyi i ndaha ley ɗiy ge tata iyi a ma ndəra iyi ta.»
Ma marərək abə is
(Luka 13:20-21)
33Yesu a gizeŋta ma marərək par baha, a zla: «Bay tə wuzlaf seh, mənaŋ is. Wala a ɓətu, a javaɗu əŋ nfa mbeh səku ha nfa ta fuk a kərətaha.»
Yesu a zlap abə ma marərək seh, məŋgəvday a mey
(Markus 4:33-34)
34Məsəkəŋ iyi ta wa fuk, Yesu a zlapaŋta əŋ hedi makwas sə mbeh səku iyi wa abə ma marərək, kwa kəzlapaŋta abə ma mə tak ma marərək iyi seh halla. 35A ɗal mənaŋ wa, amba ma hedi mə giz ma abə miya tə Bizlaf, Esaya mə zlap zlezle seh, a ɗal, a kəzlap, a zla:
«Sa nda i zlap abə ma marərək,
sa nda i giz məsəkəŋ maɓah iyi mar tə əŋ ləmaha tə məŋhayak#13:35 Jabura 78:2..»
Yesu a pəlaŋta ma marərək tə a deŋdeŋ tə əŋ ndəri
36Abə dawaŋ ta izey, Yesu a yak hedi makwas iyi, a təɗ ŋga əŋ ge#13:36 Markus 2:1.. Gula ŋga iyi i ndaha əŋ kelek ŋga, i ɗəpu, i zla: «Pəlanini ma marərək tə a deŋdeŋ tə əŋ lay tə ndəri seh gey.» 37Yesu a ziŋgeŋta zlap, a zla: «Hedi mə zlək siŋ səntaŋ seh, ar Mbu tə Hedi. 38Lay seh, ar məŋhayak, siŋ səntaŋ seh, ar hedi tə Bay tə wuzlaf iyi, deŋdeŋ bahayim, ar hedi tə Məsəkəŋ madawar iyi. 39Məsəgər mə zlək deŋdeŋ seh, ar Iblisa, ley cakalaha məsəkəŋ əŋ wuta seh, ar cukwaɗ tə məŋhayak, hedi mə cakalaha məsəkəŋ iyi əŋ wuta seh, ar mələɓ tə Bizlaf iyi. 40Mənaŋ i mə cakal deŋdeŋ ley var əŋ kahaw mba seh, a ɗal za mənaŋ mba, əŋ cukwaɗ tə məŋhayak. 41Mbu tə Hedi a ləɓ mələɓ tə Bizlaf iyi za, i təɗaha hedi mə deɓ hedi iyi ley ɗal hem za mar tə əŋ bay ŋga a palah abə hedi mə ɗal məsəkəŋ madawar iyi fuk. 42I kapta za əŋ kahaw mə cukwaɗ səku. A namba i haŋ za, i ɓam ndiŋ za. 43Ama hedi sə delele iyi seh, i waɗ za mənaŋ pis əŋ Bay tə Baba tata. Hedi abə zləm, mə zlimʉ.»
Ma marərək a talaŋ məsəkəŋ səntaŋ maɓah abə a talaŋ gəvde səntaŋ
44«Bay tə wuzlaf seh, mənaŋ məsəkəŋ səntaŋ maɓah tə əŋ lay, hedi a limʉ, a ɓahaw baha. Kəsəsəm mbeh səku, a nda ŋga, a berehe məsəkəŋ ŋga iyi fuk, ɓa, a ziŋgehe ley səkəm lay ta.»
45«Baha, Bay tə wuzlaf seh mənaŋ hedi mə ber məsəkəŋ mə pələk gəvde səntaŋ iyi. 46Əŋ mbiŋ mə lim gəvde səntaŋ ta, a nda ŋga, a ber məsəkəŋ ŋga iyi fuk, ɓa, a səkəmu.»
Ma marərək a talaŋ kʉse
47«Baha, Bay tə wuzlaf seh, mənaŋ kʉse i mə nahaw əŋ talafay, a məlaha ntaŋw tə kəlif ntaŋw par par. 48Əŋ kʉse ta kəhaf cuza seh, hedi mə məl kəlif iyi ta i ŋgaslahaw əŋ meɗek tə yim, ɓa, i nja ley cam kəlif iyi ta. Kəlif səntaŋ iyi i ɗiyta əŋ gadakar tata, ama kəlif madawar iyi seh, i kapta. 49Məsəkəŋ ta, a nda i ɗal mənaŋ wa, əŋ cukwaɗ tə məŋhayak: Mələɓ tə Bizlaf iyi i nda i ndaha ley wuɗak hedi sə lem iyi abə hedi səntaŋ iyi, 50i nda i nah hedi sə lem iyi əŋ kahaw mə cukwaɗ səku. A namba i haŋ za, i ɓam ndiŋ za.»
Məsəkəŋ lawayaŋ iyi abə məsəkəŋ mavəva iyi
51Yesu a ɗəp gula ŋga iyi, a zla: «Heni kəzlim məsəkəŋ iyi wa fuk za vaw?» I ziŋgeŋ zlap, i zla: «Ayaw, nini kəzlim za.» 52Abə dawaŋ ta, Yesu a zlapaŋta, a zla: «Məŋgəvday a ɗek, kwa viyey əŋ faŋw tə metir tə ma majaw mə mbaɗ əŋ gula tə Bay tə wuzlaf seh, mbiŋ mənaŋ hedi lə ge mə təɗaha məsəkəŋ lawayaŋ iyi abə məsəkəŋ mavəva ŋga iyi fuk tə əŋ lay kə ɓah məsəkəŋ ŋga iyi.»
Hedi tə Nasaratu iyi i ŋgəm ley kuw ma tə Yesu səku
(Markus 6:1-6; Luka 4:16-30)
53Əŋ Yesu kəcukwaɗ za ley zlapaŋta əŋ hedi iyi abə ma marərək seh, a gar ŋga za a lay ta, 54a nda əŋ berne mbiŋ mə gəlaha tə əŋ ɗəməŋ. Ɓa, a mar ley sərək hedi iyi əŋ biŋ tata kə ɗal mbuh əŋ Bizlaf tə a namba. Ha hedi tə a namba iyi i kəhar za, i zla: «Mə vəlaŋ burŋguzl wa seh viyey? Mə vəlaŋ mazla ley ɗal məsəkəŋ iyi wa seh viyey? 55Mbiŋ seh, ar mbu tə hedi mə pəɗak mpay iyi səku vaw? Mama ŋga seh, ar Mariyama səku vaw? Abə zliŋgeŋ iyi Yakuba, Yusufa, Simaŋw liŋ Yahuda səku vaw? 56Zliŋgeŋ hazləma hazləma iyi i mbə abə nakwa a nawa səku vah? Ayaw, a limehe fagay iyi wa fuk seh, a tikey?» 57Məŋgəvday a ɗek, i ŋgəm ley kuwza səku. Mənaŋ izey, Yesu a zlapaŋta, a zla: «Hedi iyi i kəkuwaŋ ma tə hedi mə giz ma abə miya tə Bizlaf kwa a tikey fuk, ama əŋ hayak ŋga, əŋ faŋw tə hedi tə ge tata iyi seh, i kuwaŋ ma səku.» 58A Nasaratu seh, Yesu kəlim ley ɗal mazla iyi mbeh səku seh halla, məŋgəvday i kəkuwaŋ ma halla.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte