Matta 10
10
Mələɓ tə Yesu iyi wam a meɗek bək
(Markus 3:13-19; Luka 6:12-16)
1Yesu a ɗafaŋta ma əŋ gula ŋga iyi wam a meɗek bək. A vəlaŋta fagay ley gam mimiɗ tə abə ndəra dəlay iyi abə ley mbəl hedi iyi əŋ məc tata iyi par par fuk liŋ əŋ hulawf tata iyi par par. 2Ehe, miya tə mələɓ tə Yesu iyi wam a meɗek bək ta: Titʉz, ar Simaŋw, i ɗafaŋ ma Piyer abə zliŋgeŋ Andəre, Yakuba abə zliŋgeŋ Yahwana, tata bək tata wuziyi tə Zebede iyi, 3Filip abə Bartawlawme, Tawmas abə Matta hedi mə cakal budu, Yakuba mbu tə Alfa abə Tadde, 4Simaŋw, hedi mə mba hayak ŋga, abə Yahuda Iskariyawt hedi mə nda i ber Yesu.
Kəzəɗ tə mələɓ iyi
(Markus 6:7-13; Luka 9:1-6)
5Yesu a ləɓ mələɓ iyi wam a meɗek bək sey, a ŋgəzta, a zla: «Hi mba i nda əŋ kelek hedi muluk iyi səku, hi mba i təɗ berne tə lə Samariya iyi səku. 6Ama hi nda ɗəba seh, kəɗi əŋ kelek hedi tə Israyila iyi tata mənaŋ ntek makuɗəp iyi. 7Əŋ heni kənda əŋ kataf, hi gizeŋta əŋ hedi iyi: “Bay tə wuzlaf kəkərəɗaha kwata.” 8Hi mbəl hedi mə dal iyi, hi garaha hedi maməc iyi, hi baŋ hedi kwalkwala iyi, hi gam mimiɗ madawar iyi. Heni limʉ haya, hi vəlu haya bahayim. 9Hi mba i ɓət malaway mawaɗ səku, dala səku, kwa sulay tə malaway sə pəreŋ ley ɗiy əŋ jiba təheni səku. 10Hi mba i ɓət gabal kə nda i pikehe səku, kwa rukut bək səku, kwa kərap səku, kwa zlambay, hi mba i ɓət səku, məŋgəvday hedi mə ɗal kəzəɗ seh, abə kataf ley lim məsəkəŋ kəzəm ŋga#10:10 1 Kwarintʉ iyi 9:14; 1 Timawte 5:18..
11«Əŋ heni mə gwar əŋ berne, aka səku əŋ wuta seh, hi pələk hedi masla wucum ley kuwaheni. Hi nja a ge ŋga ha heni mə nda i garaha təheni tə a namba. 12Əŋ heni kənda i təɗ əŋ ge hedi, hi ɗalaŋta mbele əŋ hedi tə ge iyi ta abə ley zlap: “Zahay mə nja abə heni.” 13Əŋgah hedi tə ge iyi ta i kəkuwaheni za, zahay heni mə rəkaŋta mba, a nja za a talaŋ tata. Ama əŋgah i kəkuwaheni halla seh, zahay heni mə rəkaŋta mba, a ziŋgehe ŋga za a talaŋ təheni. 14Əŋgah heni kətəɗ za əŋ ge, aka səku əŋ wuta, i kəkuwaheni halla, aka səku i kəzlimeheni ma halla, hi təɗaha təheni za a ge ta, aka səku a wuta ta, hi mbic luguda tə a ŋgas təheni iyi#10:14 Kəzəɗ tə Mələɓ iyi 13:51; 18:6.. 15Sa kəzlapaheni məndiwiŋ: əŋ pis kə mbəzl ma tə a talaŋ məŋhayak seh, mbəzl ma tə a talaŋ hedi iyi tə Sawdawma iyi abə tə Gwamawra iyi a ɗal pay gelɓe za a talaŋ tə hedi tə əŋ berne iyi ta wa.»
Tuwah mə nda i ndaha tə a talaŋ mələɓ tə Yesu iyi
(Markus 13:9-13; Luka 21:12-17)
16Yesu a ŋgəzta, a zla: «Hi teh zləm, ehe sa kələɓaheni mənaŋ ntek iyi əŋ faŋw tə haza damu iyi, hi nja abə wereh mənaŋ zʉzʉk iyi, ama hi nja tete mənaŋ wanaɗ iyi. 17Hi jaŋ talaŋ təheni, məŋgəvday i nda i deɓeheni a ma tə hedi səndawl mə mbəzl ma iyi, i nda i kəlapaheni əŋ biŋ tata iyi kə ɗal mbuh əŋ Bizlaf. 18I deɓeheni za a ma tə guverner iyi abə a ma tə bay iyi məŋgəvday sa, amba hi ɗal sedewe na a ma tata abə a ma tə hedi Yahuda iyi səku. 19Əŋgah i kədeɓeheni za a ma tə hedi mə mbəzl ma iyi seh, hi mba i wulək a ma heni mə nda i zlap, aka səku heni nda i zlap seh, viŋgey səku, Bizlaf a vəlaheni ma heni mə nda i zlap za əŋ hala ta mba. 20Məŋgəvday ar heni mə nda i zlap səku, ama Mimiɗ tə Baba təheni mə nda i gizeheni ma heni mə nda i zlap. 21Hedi a vəl zliŋgeŋ za ley ja, baba a nda i ɗal mənaŋ mba bahayim abə mbu ŋgaŋ. Wuziyi i nda i ɗal vərəm abə baba tata iyi ley jata. 22Hedi iyi fuk i kənda i ŋgələzaheni a nje halla məŋgəvday miya na. Ama hedi mə nda i ɓəs tuwah ta ha əŋ cukwaɗ ta seh, hedi ta mba a reh za. 23Əŋgah i kətəlaheni ma za əŋ berne wa, hi nda əŋ berne məzəwindi. Sa kəzlapaheni məndiwiŋ: hi gula i pik berne tə Israyila iyi fuk ha Mbu tə Hedi mə nda i ziŋgehe seh halla.»
24«Hedi mə sərək a day hedi mə sərəku seh halla, hedi mə ɗal kəzəɗ a day bay ŋga seh halla. 25Əŋgah a kəlim seh, hedi mə sərək a mbaɗ mənaŋ hedi mə sərəku, hedi mə ɗal kəzəɗ bahayim a mbaɗ mənaŋ bay ŋga. Əŋgah i kəɗafaŋ ma za əŋ hedi lə ge Belzebul seh, i nda i ra hedi tə ge ŋga iyi seh ŋgas veney!»
Hedi tiɗe ley ləndəŋ abə mbiŋ
(Luka 12:2-7)
26«Hi mba i ləndəŋ abə hedi iyi ta mba səku. Məsəkəŋ maɓah iyi fuk i təɗaha za a palah. Məsəkəŋ hedi iyi i mə səŋ səku i səŋta za. 27Ma sa mə gizeheni tə əŋ ləvəŋ mba, hi ziŋ ley gizʉ əŋ lay mawaɗ tə pis. Ma i mə sisekeheni tə əŋ zləm mba, hi zlapu abə fagay a palah. 28Hi mba i ləndəŋ abə hedi mə nda i ja wucum səku, ama i gula i ja mədəŋcur səku. Gelɓe hi ləndəŋ abə Bizlaf mə gula i kuɗəp wucum abə mədəŋcur təheni fuk əŋ kahaw mə cukwaɗ səku səlak. 29I kəber vigem mekedek mekedek iyi bək a dala ntaɗ səku vaw? Ama kwa vigem ntaɗ əŋ faŋw tata mə nda i nah əŋ teyek seh halla, sey Baba təheni tə wuzlaf mə vəl kataf ley kuɗəpu. 30Heni bahayim, kwa bujuguɗ tə a talaŋ təheni iyi fuk i mə ŋgiɗi. 31Məŋgəvday a ɗek, hi mba i ləndəŋ səku, heni pay day a vigem mekedek mekedek sə mbeh səku iyi mba.»
Ley ɗal sedewe tə Yesu Almasihu
(Luka 12:8-9)
32«Hedi mə giz a ma tə hedi iyi fuk, ar gula na seh, sa bahayim sa nda i gizʉ a ma tə Baba na tə wuzlaf, ar hedi na. 33Ama hedi mə zlap a ma tə hedi iyi fuk a səŋgaka səku seh, sa bahayim sa nda i zlap a ma tə Baba na tə wuzlaf, ar hedi na səku#10:33 2 Timawte 2:12..»
Zahay səku, ama ar jəm
(Luka 12:51-53; 14:26-27)
34«Hi mba i wulək sa daha zahay əŋ məŋhayak səku: Sa kəndaha ley daha zahay halla, ama sa daha jəm. 35Sa ndaha seh, ley wuɗak hedi abə baba ŋga, ley wuɗak hazləma abə mama ŋga, ley wuɗak wala abə mama tə muwul ŋga. 36Hedi iyi tə əŋ ge ntaɗ, i nda i mbaɗ əŋ məsəgər iyi əŋ faŋw tata. 37Hedi mə mba baba ŋga, aka səku mama ŋga pay day a sa seh, a gula i mbaɗ əŋ gula na halla. Hedi mə mba mbu ŋgaŋ, aka səku hazləma ŋga pay day a sa seh, a gula i mbaɗ əŋ gula na halla. 38Hedi kəɓət mpay mazlaŋgal ŋga ley ziberekʉ halla seh, kəhwas ley mbaɗ əŋ gula na halla. 39Hedi mə mba i jəɗ mədəŋcur ŋga seh, a kuɗəpu za. Ama hedi mə kuɗəp mədəŋcur ŋga məŋgəvday sa seh, a limza za.»
Muwurɓay tə kəzəɗ iyi
(Markus 9:41; Luka 10:16)
40«Hedi mə kuwaheni, a kuw mba seh, sa. Hedi mə kuwaka seh, kəkuw hedi mə ləɓaka za bahayim. 41Hedi mə kuw hedi mə giz ma abə miya tə Bizlaf, məŋgəvday ar hedi mə giz ma abə miya tə Bizlaf seh, a lim muwurɓay tə kəzəɗ ŋga za mənaŋ i mə vəlaŋ əŋ hedi mə giz ma abə miya tə Bizlaf. Hedi mə kuw hedi sə delele məŋgəvday ar hedi sə delele seh, a lim muwurɓay tə kəzəɗ ŋga za mənaŋ i mə vəlaŋ əŋ hedi sə delele. 42Sa kəzlapaheni məndiwiŋ: Kwa viyey mə vəl yim mamaɗ əŋ hedi ntaɗ əŋ faŋw tə gula na mekedek iyi wa, məŋgəvday ar gula na, a lim muwurɓay tə kəzəɗ ŋga za.»
Chwazi Kounye ya:
Matta 10: xmd
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Matta 10
10
Mələɓ tə Yesu iyi wam a meɗek bək
(Markus 3:13-19; Luka 6:12-16)
1Yesu a ɗafaŋta ma əŋ gula ŋga iyi wam a meɗek bək. A vəlaŋta fagay ley gam mimiɗ tə abə ndəra dəlay iyi abə ley mbəl hedi iyi əŋ məc tata iyi par par fuk liŋ əŋ hulawf tata iyi par par. 2Ehe, miya tə mələɓ tə Yesu iyi wam a meɗek bək ta: Titʉz, ar Simaŋw, i ɗafaŋ ma Piyer abə zliŋgeŋ Andəre, Yakuba abə zliŋgeŋ Yahwana, tata bək tata wuziyi tə Zebede iyi, 3Filip abə Bartawlawme, Tawmas abə Matta hedi mə cakal budu, Yakuba mbu tə Alfa abə Tadde, 4Simaŋw, hedi mə mba hayak ŋga, abə Yahuda Iskariyawt hedi mə nda i ber Yesu.
Kəzəɗ tə mələɓ iyi
(Markus 6:7-13; Luka 9:1-6)
5Yesu a ləɓ mələɓ iyi wam a meɗek bək sey, a ŋgəzta, a zla: «Hi mba i nda əŋ kelek hedi muluk iyi səku, hi mba i təɗ berne tə lə Samariya iyi səku. 6Ama hi nda ɗəba seh, kəɗi əŋ kelek hedi tə Israyila iyi tata mənaŋ ntek makuɗəp iyi. 7Əŋ heni kənda əŋ kataf, hi gizeŋta əŋ hedi iyi: “Bay tə wuzlaf kəkərəɗaha kwata.” 8Hi mbəl hedi mə dal iyi, hi garaha hedi maməc iyi, hi baŋ hedi kwalkwala iyi, hi gam mimiɗ madawar iyi. Heni limʉ haya, hi vəlu haya bahayim. 9Hi mba i ɓət malaway mawaɗ səku, dala səku, kwa sulay tə malaway sə pəreŋ ley ɗiy əŋ jiba təheni səku. 10Hi mba i ɓət gabal kə nda i pikehe səku, kwa rukut bək səku, kwa kərap səku, kwa zlambay, hi mba i ɓət səku, məŋgəvday hedi mə ɗal kəzəɗ seh, abə kataf ley lim məsəkəŋ kəzəm ŋga#10:10 1 Kwarintʉ iyi 9:14; 1 Timawte 5:18..
11«Əŋ heni mə gwar əŋ berne, aka səku əŋ wuta seh, hi pələk hedi masla wucum ley kuwaheni. Hi nja a ge ŋga ha heni mə nda i garaha təheni tə a namba. 12Əŋ heni kənda i təɗ əŋ ge hedi, hi ɗalaŋta mbele əŋ hedi tə ge iyi ta abə ley zlap: “Zahay mə nja abə heni.” 13Əŋgah hedi tə ge iyi ta i kəkuwaheni za, zahay heni mə rəkaŋta mba, a nja za a talaŋ tata. Ama əŋgah i kəkuwaheni halla seh, zahay heni mə rəkaŋta mba, a ziŋgehe ŋga za a talaŋ təheni. 14Əŋgah heni kətəɗ za əŋ ge, aka səku əŋ wuta, i kəkuwaheni halla, aka səku i kəzlimeheni ma halla, hi təɗaha təheni za a ge ta, aka səku a wuta ta, hi mbic luguda tə a ŋgas təheni iyi#10:14 Kəzəɗ tə Mələɓ iyi 13:51; 18:6.. 15Sa kəzlapaheni məndiwiŋ: əŋ pis kə mbəzl ma tə a talaŋ məŋhayak seh, mbəzl ma tə a talaŋ hedi iyi tə Sawdawma iyi abə tə Gwamawra iyi a ɗal pay gelɓe za a talaŋ tə hedi tə əŋ berne iyi ta wa.»
Tuwah mə nda i ndaha tə a talaŋ mələɓ tə Yesu iyi
(Markus 13:9-13; Luka 21:12-17)
16Yesu a ŋgəzta, a zla: «Hi teh zləm, ehe sa kələɓaheni mənaŋ ntek iyi əŋ faŋw tə haza damu iyi, hi nja abə wereh mənaŋ zʉzʉk iyi, ama hi nja tete mənaŋ wanaɗ iyi. 17Hi jaŋ talaŋ təheni, məŋgəvday i nda i deɓeheni a ma tə hedi səndawl mə mbəzl ma iyi, i nda i kəlapaheni əŋ biŋ tata iyi kə ɗal mbuh əŋ Bizlaf. 18I deɓeheni za a ma tə guverner iyi abə a ma tə bay iyi məŋgəvday sa, amba hi ɗal sedewe na a ma tata abə a ma tə hedi Yahuda iyi səku. 19Əŋgah i kədeɓeheni za a ma tə hedi mə mbəzl ma iyi seh, hi mba i wulək a ma heni mə nda i zlap, aka səku heni nda i zlap seh, viŋgey səku, Bizlaf a vəlaheni ma heni mə nda i zlap za əŋ hala ta mba. 20Məŋgəvday ar heni mə nda i zlap səku, ama Mimiɗ tə Baba təheni mə nda i gizeheni ma heni mə nda i zlap. 21Hedi a vəl zliŋgeŋ za ley ja, baba a nda i ɗal mənaŋ mba bahayim abə mbu ŋgaŋ. Wuziyi i nda i ɗal vərəm abə baba tata iyi ley jata. 22Hedi iyi fuk i kənda i ŋgələzaheni a nje halla məŋgəvday miya na. Ama hedi mə nda i ɓəs tuwah ta ha əŋ cukwaɗ ta seh, hedi ta mba a reh za. 23Əŋgah i kətəlaheni ma za əŋ berne wa, hi nda əŋ berne məzəwindi. Sa kəzlapaheni məndiwiŋ: hi gula i pik berne tə Israyila iyi fuk ha Mbu tə Hedi mə nda i ziŋgehe seh halla.»
24«Hedi mə sərək a day hedi mə sərəku seh halla, hedi mə ɗal kəzəɗ a day bay ŋga seh halla. 25Əŋgah a kəlim seh, hedi mə sərək a mbaɗ mənaŋ hedi mə sərəku, hedi mə ɗal kəzəɗ bahayim a mbaɗ mənaŋ bay ŋga. Əŋgah i kəɗafaŋ ma za əŋ hedi lə ge Belzebul seh, i nda i ra hedi tə ge ŋga iyi seh ŋgas veney!»
Hedi tiɗe ley ləndəŋ abə mbiŋ
(Luka 12:2-7)
26«Hi mba i ləndəŋ abə hedi iyi ta mba səku. Məsəkəŋ maɓah iyi fuk i təɗaha za a palah. Məsəkəŋ hedi iyi i mə səŋ səku i səŋta za. 27Ma sa mə gizeheni tə əŋ ləvəŋ mba, hi ziŋ ley gizʉ əŋ lay mawaɗ tə pis. Ma i mə sisekeheni tə əŋ zləm mba, hi zlapu abə fagay a palah. 28Hi mba i ləndəŋ abə hedi mə nda i ja wucum səku, ama i gula i ja mədəŋcur səku. Gelɓe hi ləndəŋ abə Bizlaf mə gula i kuɗəp wucum abə mədəŋcur təheni fuk əŋ kahaw mə cukwaɗ səku səlak. 29I kəber vigem mekedek mekedek iyi bək a dala ntaɗ səku vaw? Ama kwa vigem ntaɗ əŋ faŋw tata mə nda i nah əŋ teyek seh halla, sey Baba təheni tə wuzlaf mə vəl kataf ley kuɗəpu. 30Heni bahayim, kwa bujuguɗ tə a talaŋ təheni iyi fuk i mə ŋgiɗi. 31Məŋgəvday a ɗek, hi mba i ləndəŋ səku, heni pay day a vigem mekedek mekedek sə mbeh səku iyi mba.»
Ley ɗal sedewe tə Yesu Almasihu
(Luka 12:8-9)
32«Hedi mə giz a ma tə hedi iyi fuk, ar gula na seh, sa bahayim sa nda i gizʉ a ma tə Baba na tə wuzlaf, ar hedi na. 33Ama hedi mə zlap a ma tə hedi iyi fuk a səŋgaka səku seh, sa bahayim sa nda i zlap a ma tə Baba na tə wuzlaf, ar hedi na səku#10:33 2 Timawte 2:12..»
Zahay səku, ama ar jəm
(Luka 12:51-53; 14:26-27)
34«Hi mba i wulək sa daha zahay əŋ məŋhayak səku: Sa kəndaha ley daha zahay halla, ama sa daha jəm. 35Sa ndaha seh, ley wuɗak hedi abə baba ŋga, ley wuɗak hazləma abə mama ŋga, ley wuɗak wala abə mama tə muwul ŋga. 36Hedi iyi tə əŋ ge ntaɗ, i nda i mbaɗ əŋ məsəgər iyi əŋ faŋw tata. 37Hedi mə mba baba ŋga, aka səku mama ŋga pay day a sa seh, a gula i mbaɗ əŋ gula na halla. Hedi mə mba mbu ŋgaŋ, aka səku hazləma ŋga pay day a sa seh, a gula i mbaɗ əŋ gula na halla. 38Hedi kəɓət mpay mazlaŋgal ŋga ley ziberekʉ halla seh, kəhwas ley mbaɗ əŋ gula na halla. 39Hedi mə mba i jəɗ mədəŋcur ŋga seh, a kuɗəpu za. Ama hedi mə kuɗəp mədəŋcur ŋga məŋgəvday sa seh, a limza za.»
Muwurɓay tə kəzəɗ iyi
(Markus 9:41; Luka 10:16)
40«Hedi mə kuwaheni, a kuw mba seh, sa. Hedi mə kuwaka seh, kəkuw hedi mə ləɓaka za bahayim. 41Hedi mə kuw hedi mə giz ma abə miya tə Bizlaf, məŋgəvday ar hedi mə giz ma abə miya tə Bizlaf seh, a lim muwurɓay tə kəzəɗ ŋga za mənaŋ i mə vəlaŋ əŋ hedi mə giz ma abə miya tə Bizlaf. Hedi mə kuw hedi sə delele məŋgəvday ar hedi sə delele seh, a lim muwurɓay tə kəzəɗ ŋga za mənaŋ i mə vəlaŋ əŋ hedi sə delele. 42Sa kəzlapaheni məndiwiŋ: Kwa viyey mə vəl yim mamaɗ əŋ hedi ntaɗ əŋ faŋw tə gula na mekedek iyi wa, məŋgəvday ar gula na, a lim muwurɓay tə kəzəɗ ŋga za.»
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte