Mata 21
21
Yesu a nda ŋ Urusaləyma
1A dəwze anta ca, Yesu a nda ŋ Urusaləyma. Maa əy hwas ata kəva Baytəyfajəy, mbermber ara barla Jaytun ca, Yesu a laɓzata madarlaŋw anta ege gbak. 2A zlepetene, a ŋgaya: «Hune nda ata kəva ma caw a tama ŋkune wese, kəcaŋ, hune nendew ata berjeŋ leŋ mba anta, əy kéjeweye. Hune palata, hune dekey ata. 3Mada ɗala a zlapahune kaw vemey, hune zlepene ca: “Bay Madakal ma kaɗawaw.” A təwse ca, a nayakzahuneta ka.» 4Cemey, a la ana ebe ŋghe ca, ndar zlap maa mba ma zlap ma mala Gazlavay a zlap, a la anta njenjəwen. 5A zlap, a ŋgaya:
«Hune zlepetene ŋ hejəye ma ŋ uzam Səyawna ca:
“Ŋghe! Bay ŋkune a kandaha ara hune,
unaf anta kédeɓeye mambaza,
kénjeye ata wala berjeŋ,
leŋ ata mba anta,
səkan ma ketew kwalaŋgway.”»
6Madarlaŋw wese ege, əy nda, əy la ana maa Yesu a zlepetene wese. 7Əy njewaza wala berjeŋ ey mba anta wese. Əy bəlek rəgwac tata ege aka ata tata, aya, Yesu a tev ata tata. 8Radakal hejəye əy bəlek rəgwac tata ege aka ata taf, vedəye əy ŋgaha zləram mpe ege, əy bəlek aka ata taf. 9Hejəye ma kanda a tama Yesu ege ey hejəye ma kasəbar Yesu a dəwze ege, əy ja ula ara, əy ŋgaya: «Awzana, ɓardakw mala ŋ Mba Dawuda! Bəzla ma nja ata ɗala ma kandaha a zlam Bay Madakal! Awzana, ɓardakw mala ŋ Gazlavay ma mgba ata uzlaf.» 10Maa Yesu a kadam ŋ Urusaləyma ca, hejəye tewtew əy kánana dakala. Əy kazlap, əy ŋgaya: «Heje ŋghe anta ca, ara vayay?» 11Hejəye, əy zenetene, əy ŋgaya: «Ara Yesu, mba ma zlap ma mala Gazlavay ma ŋ Nasaratu, ŋ hayak Galəyləy.»
Yesu mbəy a ujek kwakwas
12A təwse ca, Yesu a dam a ujek kwakwas. A gamata hejəye ma kala fəlew ege ey hejəye ma kasəkam səkan ege aza tewtew a ujek wese. A jaɓata tabəla hejəye ma kambaɗ səlay ege leŋ karawal hejəye ma kala fəlew məyɗanak ege aza. 13A zlepetene, a ŋgaya: «Kéŋtereye ana ebe ŋghe. Gazlavay a ŋgaya: “Ujek naka ca, ara ujek ma ata rekekey,” cemey, hune ca, hune kabawza aza ŋ bədam masulah ege.» 14A dəwze anta, ulaf ege ey hejəye ma halɓaya ege, əy ndaha ara Yesu a ujek kwakwas, aya, a rehzata aza. 15Cemey, madakal dakal mala kwakwas ege ey maghwal ma maŋkanaŋkan ege əy ghwaɗ tata ata zaɓəla maa Yesu a lata ege wese. Uzəye yam, əy kaja ula ŋ ujek kwakwas wese, əy ŋgaya: «Awzana ŋ Mba Dawuda!» 16Əy zlepene ŋ Yesu, əy ŋgaya: «Hwa kezləme səkan maa əy kazlap ŋgha vaw?» A təwse ca, Yesu a zenetene, a ŋgaya: «Ayaw, sa kezləme. Hune kéjəŋge zlap ma ŋgaya: “Hwa késesərekzetene ŋ uzəye ma pəzekw pəzekw ege ey ŋ uzəye veɗekw ege ŋ həmanzahwaw,” askwaw vaw?» 17Aya, a yakzata ka, a damaha aza ŋ uzam anta, a nda anta ŋ Baytanəya, a wan a təwse.
Yesu a gayza mpe səke
18Mpat anta mala mapat beŋ, maa Yesu a kezenha ŋ uzam ca, metes a jaw. 19A gəre səke wende aka, mbəy a ma taf, a nda a sa səke anta, cemey, kéndew uzəye a heɗe askwaw, səy vejeɗ gagaha. Aya, a zlepene ŋ səke wese, a ŋgaya: «Hwa ɗaw ŋ mbawha mba zeney səkwaw, kaw vepey.» A təwse a təwse, səke wese, ŋhwal a ŋhwal anta. 20Maa madarlaŋw ege əy gəre səkan ma laha wese ca, əy káŋga ŋkwaɓ mambaza. Əy ɗawza Yesu, əy ŋgaya: «Səke ŋghe a ŋhwal anta kəcaŋ ana ebe ŋghe ca, ŋ vay?» 21Yesu a zenetene, a ŋgaya: «Sa kazlapahune njenjəwen, mada lalam aka, kaw səbakw, askwaw ca, hune kula ŋ la səkan maa sa lene ŋ səke ŋghe aza gagaha səkwaw, cemey, səkan ma day aha mbe yam, hune kula ŋ law. Kaw mada hune zlepene ŋ barla ŋgha, mekese anta ete ŋghe, manah ŋ ŋtele ca, a nala ana mbe. 22Mada lalam ŋkune aka ca, səkan ege tewtew ma hune ɗawzata a larak ca, hune nelemew.»
Ɓardakw mala Yesu a ndaha ca, a katay?
23A dəwze anta ca, Yesu a dam a ujek kwakwas, a kasasərakzata hejəye ŋma. Madakal dakal mala kwakwas ege ey madakal dakal ma a tama Yahudu ege, əy ndaha ara mbe, əy ɗawza, əy ŋgaya: «Ma zlapahwaw ŋ lata səkan ŋghe anta ege ca, vayay? Ma valahwaw taf ŋ lata ca, vayay?» 24Yesu a zenetene, a ŋgaya: «Sa yam, sa ɗaw ŋ ɗawzahune a səkan teŋguleŋ. Mada hune kézenekey zlap aza a heɗe a heɗe ca, sa yam, sa nazlapahune, ma velekey ɓardakw ŋ lata səkan ŋghe ege tewtew ca, vayay. 25Ma laɓaza Yuhana maban hejəye a yam baptəysma ca, vayay? Gazlavay vaw, hejəye vaw?» A təwse ca, əy ja səbakw ŋ taba tata, əy ŋgaya: «Mada heje zlap, ara Gazlavay ma laɓaza ca, a naɗawzaheje: “Ca, hune lamza Yuhana anta səkwaw vemey?” 26Cemey, mada heje zlap: “Ara hejəye ma laɓaza,” səy heje lalakakwaw ata hejəye, mavəday hejəye tewtew əy deŋza Yuhana ca, ara mba ma zlap ma mala Gazlavay.» 27Mavəday anta, əy zenene, əy ŋgaya: «Nene kasan səkwaw.» Yesu a zlepetene, a ŋgaya: «Sa yam, sa kanaghwalzahune ɗala ma velekey ɓardakw ŋ lata səkan ŋghe ege tewtew ca, askwaw.»
Laslaŋgal ma ata uzəye gbak
28Yesu a zlap zeney, a ŋgaya: «Hune deŋza ata laslaŋgal ma ŋgha ca, vaŋgay? Heje wende aka, uzəye anta ege gbak aka. A nda ara mampar, a zlepene, a ŋgaya: “Mba naka, nda ŋ la zlan ŋ la a mpe mavaw a tambaca.” 29Mba wese, a zenene, a ŋgaya: “Sa kananda askwaw.” Cemey, a dəwze anta, a deŋza, aya, tel a nda ŋ la wese. 30Aya, cen uzəye wese ege, a nda ara mba magbak, a zlepene ana maa a zlepene ŋ mba ma mpar wese. Mbe yam, a zenene, a ŋgaya: “Ayaw, Vana, sa nanda.” Cemey, kánda askwaw.» 31Yesu a ɗawzata, a ŋgaya: «Ŋ taba uzəye ma gbak ŋghe ege ca, ma la zlan ana ma cen tata a ɗaw ca, vayay?» Əy zenene, əy ŋgaya: «Ara mba ma mpar.» Aya, Yesu a zlepetene, a ŋgaya: «Sa kazlapahune njenjəwen, macak budaw ege ey weləye ma kaŋta kusam a bəza ege, əy nadam mpar aha hune ŋ Lazam bay mala Gazlavay. 32Yuhana kándaha ara hune, kághwalzahune taf ma a heɗe a heɗe, hune kálamza, askwaw. Cemey, macak budaw ege ey weləye ma kaŋta kusam a bəza ege ca, əy kálamza aza. Hune kégəre səkan anta, ca, a dəwze anta ca, hune kábawzata lanja ŋkune ege aza, ndar hune lamza ca, askwaw.»
Laslaŋgal ma ata hejəye ma kaɗas la mpe mavaw ege
33Aya, Yesu a zlepetene zeney, a ŋgaya: «Ŋghe, hune teh laslaŋgal ma matakan. Təwjek wende aka, káŋgaɓ mpe mavaw aka ŋ la anta, kálam ka dərezl, kára uley ma ata ɗec mavaw aka ŋma, kélemene ujek ma jem aka ŋ ɗala mahəbar la anta. A dəwze anta ca, a yakza la anta aka asa ra mala zlan ege, tel a nda anta ŋ ŋcəwerha. 34Maa vah ma ata mbal mba mpe mavaw wese a la anta ca, a laɓata darlaŋw anta ege ara mala zlan wese ege, ndar əy lemene magəva anta. 35Mala zlan wese ege əy mbalata darlaŋw ege wese, əy gazl meteŋguleŋ, əy ja wende aza, mamahkaɗ anta yam, əy ŋgwaf ŋ ŋkəɗaŋ. 36A laɓata darlaŋw ege vedəye zeney, əy pa ŋ vəram aha mampar ege, cemey, əy letene ana maa əy letene ŋ mampar ege wese war. 37A dəwze anta, a laɓaza mba anta ara tata. A zlap, a ŋgaya: “Əy newenzene ha aka ŋ mba naka” 38Maa mala zlan ege, əy gəre mba anta ca, əy zlap ŋ taba tata, əy ŋgaya: “Ŋghe, mbe ana ma kanazam ujek ata la. Mazakwaw ŋ jakwaw aza, ndar la anta a nja ŋ heje.” 39Əy mbal mba wese, əy njewaza a bəza la mpe mavaw wese, mgbaw, əy jaza.» 40Yesu a ɗawzata, a ŋgaya: «Mada heje la mpe mavaw wese a ndaha ca, a neletene ŋ hejəye ŋghe anta ege ca, vemey?» 41Əy zenene əy ŋgaya: «A najata aza kaw hahar a kanajaw, askwaw. Aya, a navalza la mpe mavaw anta ka asa ra mala zlan matakan ege, ma kenevelene magəva anta, mada vah ma ata mbal mba mpe kála anta.» 42Yesu a zlepetene zeney, a ŋgaya: «Hune kéjəŋge ɗerewel ma keweɗ askwaw vaw?
“Ŋkəɗaŋ maa malam ujek ege, əy nahza aza wese ca,
kábaw anta ara ŋkəɗaŋ ma pa ma tuwah aha vedəye.
Ara Bay Madakal ma law, andəwse,
ara zaɓəla ata nje ŋtakwaw.”»
43Yesu a zlap zeney, a ŋgaya: «Mavəday anta, sa kazlapahune. Gazlavay a naŋtahune Lazam bay anta aza, a neveletene aza ŋ hejəye vedəye ma kala səkan ma taŋtaŋ ege. [44Kaw vayay ma ndav ata ŋkəɗaŋ ŋghe ca, a naŋga. Ɗala maa ŋkəɗaŋ anta a nah a heɗe yam ca, a nesəkenza ana gwagwaɗ hayak.»] 45A dəwze maa madakal dakal mala kwakwas ege ey Farəysa ege, əy teh laslaŋgal ma ŋghe ege ca, əy kásanza, Yesu a zlap ca, ata tata. 46Aya, əy mpam werwer ma ata mbal Yesu, cemey, əy kálalak tata ata hejəye, mavəday hejəye əy sarza Yesu ca, ana mba ma zlap ma mala Gazlavay.
Chwazi Kounye ya:
Mata 21: BHS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 CABTAL
Mata 21
21
Yesu a nda ŋ Urusaləyma
1A dəwze anta ca, Yesu a nda ŋ Urusaləyma. Maa əy hwas ata kəva Baytəyfajəy, mbermber ara barla Jaytun ca, Yesu a laɓzata madarlaŋw anta ege gbak. 2A zlepetene, a ŋgaya: «Hune nda ata kəva ma caw a tama ŋkune wese, kəcaŋ, hune nendew ata berjeŋ leŋ mba anta, əy kéjeweye. Hune palata, hune dekey ata. 3Mada ɗala a zlapahune kaw vemey, hune zlepene ca: “Bay Madakal ma kaɗawaw.” A təwse ca, a nayakzahuneta ka.» 4Cemey, a la ana ebe ŋghe ca, ndar zlap maa mba ma zlap ma mala Gazlavay a zlap, a la anta njenjəwen. 5A zlap, a ŋgaya:
«Hune zlepetene ŋ hejəye ma ŋ uzam Səyawna ca:
“Ŋghe! Bay ŋkune a kandaha ara hune,
unaf anta kédeɓeye mambaza,
kénjeye ata wala berjeŋ,
leŋ ata mba anta,
səkan ma ketew kwalaŋgway.”»
6Madarlaŋw wese ege, əy nda, əy la ana maa Yesu a zlepetene wese. 7Əy njewaza wala berjeŋ ey mba anta wese. Əy bəlek rəgwac tata ege aka ata tata, aya, Yesu a tev ata tata. 8Radakal hejəye əy bəlek rəgwac tata ege aka ata taf, vedəye əy ŋgaha zləram mpe ege, əy bəlek aka ata taf. 9Hejəye ma kanda a tama Yesu ege ey hejəye ma kasəbar Yesu a dəwze ege, əy ja ula ara, əy ŋgaya: «Awzana, ɓardakw mala ŋ Mba Dawuda! Bəzla ma nja ata ɗala ma kandaha a zlam Bay Madakal! Awzana, ɓardakw mala ŋ Gazlavay ma mgba ata uzlaf.» 10Maa Yesu a kadam ŋ Urusaləyma ca, hejəye tewtew əy kánana dakala. Əy kazlap, əy ŋgaya: «Heje ŋghe anta ca, ara vayay?» 11Hejəye, əy zenetene, əy ŋgaya: «Ara Yesu, mba ma zlap ma mala Gazlavay ma ŋ Nasaratu, ŋ hayak Galəyləy.»
Yesu mbəy a ujek kwakwas
12A təwse ca, Yesu a dam a ujek kwakwas. A gamata hejəye ma kala fəlew ege ey hejəye ma kasəkam səkan ege aza tewtew a ujek wese. A jaɓata tabəla hejəye ma kambaɗ səlay ege leŋ karawal hejəye ma kala fəlew məyɗanak ege aza. 13A zlepetene, a ŋgaya: «Kéŋtereye ana ebe ŋghe. Gazlavay a ŋgaya: “Ujek naka ca, ara ujek ma ata rekekey,” cemey, hune ca, hune kabawza aza ŋ bədam masulah ege.» 14A dəwze anta, ulaf ege ey hejəye ma halɓaya ege, əy ndaha ara Yesu a ujek kwakwas, aya, a rehzata aza. 15Cemey, madakal dakal mala kwakwas ege ey maghwal ma maŋkanaŋkan ege əy ghwaɗ tata ata zaɓəla maa Yesu a lata ege wese. Uzəye yam, əy kaja ula ŋ ujek kwakwas wese, əy ŋgaya: «Awzana ŋ Mba Dawuda!» 16Əy zlepene ŋ Yesu, əy ŋgaya: «Hwa kezləme səkan maa əy kazlap ŋgha vaw?» A təwse ca, Yesu a zenetene, a ŋgaya: «Ayaw, sa kezləme. Hune kéjəŋge zlap ma ŋgaya: “Hwa késesərekzetene ŋ uzəye ma pəzekw pəzekw ege ey ŋ uzəye veɗekw ege ŋ həmanzahwaw,” askwaw vaw?» 17Aya, a yakzata ka, a damaha aza ŋ uzam anta, a nda anta ŋ Baytanəya, a wan a təwse.
Yesu a gayza mpe səke
18Mpat anta mala mapat beŋ, maa Yesu a kezenha ŋ uzam ca, metes a jaw. 19A gəre səke wende aka, mbəy a ma taf, a nda a sa səke anta, cemey, kéndew uzəye a heɗe askwaw, səy vejeɗ gagaha. Aya, a zlepene ŋ səke wese, a ŋgaya: «Hwa ɗaw ŋ mbawha mba zeney səkwaw, kaw vepey.» A təwse a təwse, səke wese, ŋhwal a ŋhwal anta. 20Maa madarlaŋw ege əy gəre səkan ma laha wese ca, əy káŋga ŋkwaɓ mambaza. Əy ɗawza Yesu, əy ŋgaya: «Səke ŋghe a ŋhwal anta kəcaŋ ana ebe ŋghe ca, ŋ vay?» 21Yesu a zenetene, a ŋgaya: «Sa kazlapahune njenjəwen, mada lalam aka, kaw səbakw, askwaw ca, hune kula ŋ la səkan maa sa lene ŋ səke ŋghe aza gagaha səkwaw, cemey, səkan ma day aha mbe yam, hune kula ŋ law. Kaw mada hune zlepene ŋ barla ŋgha, mekese anta ete ŋghe, manah ŋ ŋtele ca, a nala ana mbe. 22Mada lalam ŋkune aka ca, səkan ege tewtew ma hune ɗawzata a larak ca, hune nelemew.»
Ɓardakw mala Yesu a ndaha ca, a katay?
23A dəwze anta ca, Yesu a dam a ujek kwakwas, a kasasərakzata hejəye ŋma. Madakal dakal mala kwakwas ege ey madakal dakal ma a tama Yahudu ege, əy ndaha ara mbe, əy ɗawza, əy ŋgaya: «Ma zlapahwaw ŋ lata səkan ŋghe anta ege ca, vayay? Ma valahwaw taf ŋ lata ca, vayay?» 24Yesu a zenetene, a ŋgaya: «Sa yam, sa ɗaw ŋ ɗawzahune a səkan teŋguleŋ. Mada hune kézenekey zlap aza a heɗe a heɗe ca, sa yam, sa nazlapahune, ma velekey ɓardakw ŋ lata səkan ŋghe ege tewtew ca, vayay. 25Ma laɓaza Yuhana maban hejəye a yam baptəysma ca, vayay? Gazlavay vaw, hejəye vaw?» A təwse ca, əy ja səbakw ŋ taba tata, əy ŋgaya: «Mada heje zlap, ara Gazlavay ma laɓaza ca, a naɗawzaheje: “Ca, hune lamza Yuhana anta səkwaw vemey?” 26Cemey, mada heje zlap: “Ara hejəye ma laɓaza,” səy heje lalakakwaw ata hejəye, mavəday hejəye tewtew əy deŋza Yuhana ca, ara mba ma zlap ma mala Gazlavay.» 27Mavəday anta, əy zenene, əy ŋgaya: «Nene kasan səkwaw.» Yesu a zlepetene, a ŋgaya: «Sa yam, sa kanaghwalzahune ɗala ma velekey ɓardakw ŋ lata səkan ŋghe ege tewtew ca, askwaw.»
Laslaŋgal ma ata uzəye gbak
28Yesu a zlap zeney, a ŋgaya: «Hune deŋza ata laslaŋgal ma ŋgha ca, vaŋgay? Heje wende aka, uzəye anta ege gbak aka. A nda ara mampar, a zlepene, a ŋgaya: “Mba naka, nda ŋ la zlan ŋ la a mpe mavaw a tambaca.” 29Mba wese, a zenene, a ŋgaya: “Sa kananda askwaw.” Cemey, a dəwze anta, a deŋza, aya, tel a nda ŋ la wese. 30Aya, cen uzəye wese ege, a nda ara mba magbak, a zlepene ana maa a zlepene ŋ mba ma mpar wese. Mbe yam, a zenene, a ŋgaya: “Ayaw, Vana, sa nanda.” Cemey, kánda askwaw.» 31Yesu a ɗawzata, a ŋgaya: «Ŋ taba uzəye ma gbak ŋghe ege ca, ma la zlan ana ma cen tata a ɗaw ca, vayay?» Əy zenene, əy ŋgaya: «Ara mba ma mpar.» Aya, Yesu a zlepetene, a ŋgaya: «Sa kazlapahune njenjəwen, macak budaw ege ey weləye ma kaŋta kusam a bəza ege, əy nadam mpar aha hune ŋ Lazam bay mala Gazlavay. 32Yuhana kándaha ara hune, kághwalzahune taf ma a heɗe a heɗe, hune kálamza, askwaw. Cemey, macak budaw ege ey weləye ma kaŋta kusam a bəza ege ca, əy kálamza aza. Hune kégəre səkan anta, ca, a dəwze anta ca, hune kábawzata lanja ŋkune ege aza, ndar hune lamza ca, askwaw.»
Laslaŋgal ma ata hejəye ma kaɗas la mpe mavaw ege
33Aya, Yesu a zlepetene zeney, a ŋgaya: «Ŋghe, hune teh laslaŋgal ma matakan. Təwjek wende aka, káŋgaɓ mpe mavaw aka ŋ la anta, kálam ka dərezl, kára uley ma ata ɗec mavaw aka ŋma, kélemene ujek ma jem aka ŋ ɗala mahəbar la anta. A dəwze anta ca, a yakza la anta aka asa ra mala zlan ege, tel a nda anta ŋ ŋcəwerha. 34Maa vah ma ata mbal mba mpe mavaw wese a la anta ca, a laɓata darlaŋw anta ege ara mala zlan wese ege, ndar əy lemene magəva anta. 35Mala zlan wese ege əy mbalata darlaŋw ege wese, əy gazl meteŋguleŋ, əy ja wende aza, mamahkaɗ anta yam, əy ŋgwaf ŋ ŋkəɗaŋ. 36A laɓata darlaŋw ege vedəye zeney, əy pa ŋ vəram aha mampar ege, cemey, əy letene ana maa əy letene ŋ mampar ege wese war. 37A dəwze anta, a laɓaza mba anta ara tata. A zlap, a ŋgaya: “Əy newenzene ha aka ŋ mba naka” 38Maa mala zlan ege, əy gəre mba anta ca, əy zlap ŋ taba tata, əy ŋgaya: “Ŋghe, mbe ana ma kanazam ujek ata la. Mazakwaw ŋ jakwaw aza, ndar la anta a nja ŋ heje.” 39Əy mbal mba wese, əy njewaza a bəza la mpe mavaw wese, mgbaw, əy jaza.» 40Yesu a ɗawzata, a ŋgaya: «Mada heje la mpe mavaw wese a ndaha ca, a neletene ŋ hejəye ŋghe anta ege ca, vemey?» 41Əy zenene əy ŋgaya: «A najata aza kaw hahar a kanajaw, askwaw. Aya, a navalza la mpe mavaw anta ka asa ra mala zlan matakan ege, ma kenevelene magəva anta, mada vah ma ata mbal mba mpe kála anta.» 42Yesu a zlepetene zeney, a ŋgaya: «Hune kéjəŋge ɗerewel ma keweɗ askwaw vaw?
“Ŋkəɗaŋ maa malam ujek ege, əy nahza aza wese ca,
kábaw anta ara ŋkəɗaŋ ma pa ma tuwah aha vedəye.
Ara Bay Madakal ma law, andəwse,
ara zaɓəla ata nje ŋtakwaw.”»
43Yesu a zlap zeney, a ŋgaya: «Mavəday anta, sa kazlapahune. Gazlavay a naŋtahune Lazam bay anta aza, a neveletene aza ŋ hejəye vedəye ma kala səkan ma taŋtaŋ ege. [44Kaw vayay ma ndav ata ŋkəɗaŋ ŋghe ca, a naŋga. Ɗala maa ŋkəɗaŋ anta a nah a heɗe yam ca, a nesəkenza ana gwagwaɗ hayak.»] 45A dəwze maa madakal dakal mala kwakwas ege ey Farəysa ege, əy teh laslaŋgal ma ŋghe ege ca, əy kásanza, Yesu a zlap ca, ata tata. 46Aya, əy mpam werwer ma ata mbal Yesu, cemey, əy kálalak tata ata hejəye, mavəday hejəye əy sarza Yesu ca, ana mba ma zlap ma mala Gazlavay.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 CABTAL