Mata 15
15
Kwakwas mala jeje ege
1Aya, Farəysa ege ey maghwal ma maŋkanaŋkan ege, əy ndaha aka ŋ Urusaləyma ara Yesu, əy zlepene, əy ŋgaya: 2«Madarlaŋw ŋkwa ege, əy kasəbar kwakwas jeje ŋtakwaw ege askwaw ca, ŋ vay? Mavəday, mada əy kaɗaw ŋ zam uda ca, əy kaban ra aza ana maa kwakwas a kaɗaw askwaw.» 3Yesu a zenetene, a ŋgaya: «Ca, hune ca, hune gayza Ma maŋkanaŋkan mala Gazlavay aka a lasəbar kwakwas ŋkune ege ca, ŋ vay? 4Gazlavay, a ŋgaya: “Wenzene ha aka ŋ ata cehw ey macahw. Ɗala ma zlap ma ma dadawar ata cen, askwaw ca, ata maman ca, əy majaza.” 5Cemey, ŋkune ca, hune kazlap, huney: “Ɗala ma zlepene ŋ cen, askwaw ca, ŋ maman, a ŋgaya: Səkan maa sa kanavalahwaw, ŋ cakzahwaw ca, sa kanavalahwaw, askwaw, səy sa nevelene ŋ Gazlavay.” 6Ana ebe ŋghe, heje anta a kewenzene aka ŋ maman, askwaw ca, ŋ cen askwaw. Mada ana ebe ŋghe ca, hune kagayza Ma ma maŋkanaŋkan mala Gazlavay aka a lasəbar kwakwas ŋkune ege. 7Hune ca, hune hejəye ma a ganana gbak gbak ege! Esaya mba ma zlap ma mala Gazlavay kázlap ata hune ca, a heɗe a heɗe ca, a zlap, a ŋgaya:
8Gazlavay a ŋgaya: “Hejəye ŋghe ege ca, əy həmenzekey a pakam gagaha,
cemey, unaf tata ege ca, əy gədak a sa.
9Əy həmenzekey ca, mala bəse ende ŋghe
mavəday, əy sesərekzetene ŋ hejəye ca, kwakwas mala hejəye.”»
Səkan ma kagayza ɗala
10Aya, Yesu a yahata hejəye ara mbe, a zlepetene, a ŋgaya: «Hune teh zlam, hune zləme ma ŋgha ka kadak kadak. 11Ara səkan maa ɗala a kazam ta ŋ pakam, ma kagayza ɗala səkwaw. Cemey, səkan ma kadamha ta ŋ pakam ca, ara mbe ma kagayza ɗala.» 12Aya, madarlaŋw anta ege əy ndaha mbermber ara mbe, əy zlepene, əy ŋgaya: «Hwa kasan ca, Farəysa ege, əy kághwaɗ tata ata zlap ŋkwa ŋgha ca, hwa kasan səkwaw vaw?» 13Yesu a zenetene, a ŋgaya: «Mpe kaw vekey, maa Vana ma mgba ata uzlaf káŋgaɓ, askwaw ca, əy nadaɗza. 14Hune yakzata, ara ulaf ege ma kenjewata ulaf ege. Mada ulaf a kenjew ulaf wende ca, tata gbak tata əy nandav ŋ uley.» 15Pəyer a zlepene, a ŋgaya: «Ghwelzeney laslaŋgal ma ŋghe.» 16Aya, Yesu a zlap, a ŋgaya: «Ha na ŋgha ca, hune zeney yam ca, hune kasan ma anta səkwaw vaw? 17Səkan tewtew maa ɗala a kazam ta ŋ pakam ca, a nda a dəmas, aya, a damha aza a bəza ca, hune kasan səkwaw vaw? 18Cemey, səkan ma damaha ta ŋ pakam ca, a ndaha aka ŋ unaf, ma kagayza ɗala ca, ara mbe. 19Mavəday anta, ledeŋ ŋkwaɓ ma kadak səkwaw ege ca, əy damha aka ŋ unaf ɗala, əy ŋcakwza ŋ ja ŋkəɗeh, ŋ ŋta kusam a bəza, ŋ la səkan dadawar, ŋ ŋhel, ŋ zla metəwle leŋ ŋ ra ɗala. 20Ara səkan ŋghe ege ma kagayza ɗala. Cemey, mada ɗala a zam uda, kában ra aza ana maa kwakwas a kaɗaw, askwaw ca, a kagayza ɗala, askwaw.»
Wala ma ŋ hayak Kanana, a lamza Yesu aza
21A dəwze anta ca, Yesu a gwarzam anta təwse, a nda ŋ hayak Təyrus ey Səydaŋw. 22A təwse ca, wala wende a təwse aka, ara hal hayak Kanana, a ndaha ara Yesu a rakaw, a ŋgaya: «Bay Madakal naka, Mba bay Dawuda, mbahw, senzekey hahar. Zəwet malula kámbal həla naka aza, a kedene ma mambaza.» 23Cemey, kaw Yesu kézenene ma teŋguleŋ askwaw. Madarlaŋw anta ege əy ndaha ara mbe, əy zlepene, əy ŋgaya: «Zenzene ma ŋ wala ŋghe anta ca, ndar a nda anta, mavəday a kaja ula ara, a kasəbaraheje ara a dəwze.» 24Yesu a zenetene, a ŋgaya: «Gazlavay a leɓekey ca, ara hejəye Əysərayəyla ege gagaha, mavəday tata ca, əy kuɗap ana ŋtəməye maa mba njəwen tata ege, askwaw.» 25Cemey, wala wese, a ndaha, a gəleɓene aka a tama, a zlepene, a ŋgaya: «Mbahw, Bay Madakal naka, cekzekey.» 26Yesu a zenene, a ŋgaya: «Uda uzəye ca, hwa veletene aza ŋ həza ege ca, kadak vaw?» 27Wala wese a zlepene ŋ Yesu, a ŋgaya: «Andəwse, Bay Madakal naka. Ca, həza ege ca, əy kazam uda ma kapapasha ata lazam uda mala təwjek tata ege səkwaw vaw?» 28A təwse ca, Yesu a zenene ŋ wala wese, a ŋgaya: «Hwa wala ŋghe, lalam ŋkwa dakala. Səkan anta mala ana maa hwa kaɗaw.» A təwse a təwse ca, həla anta wese, reh a reh anta.
Yesu a rehzata hejəye dawar ege aza vəram
29Yesu a gwarzam aka a təwse, a njen mazlazlar ŋtele Galəyləy. A tev ata ŋ barla, aya, a nja ka a təwse. 30Hejəye vəram əy ndaha ara mbe. Əy dene hejəye gwesleleŋ ege, ulaf ege, ɓaɓa ege, hejəye ma halɓaya ege ey hejəye ma kadawar vedəye vəram. Əy wanzata ka a tama Yesu, aya a rehzata aza. 31Hejəye əy ŋga ŋkwaɓ dakala ata maa əy gəre ɓaɓa ege əy kazlap, hejəye ma halɓaya ege əy kéreh tata, gwesleleŋ ege əy kanda ŋ ŋgas tata ege, ulaf ege əy kegəre la. Əy mar ŋ həmanza Gazlavay mala Əysərayəyla ege.
Yesu a zemetene uda ŋ hejəye bəlakw ŋfaɗ
32Aya, Yesu a yata madarlaŋw anta ege, a zlepetene, a ŋgaya: «Sa san hahar ata hejəye ŋghe ege ca, mavəday wan mahkaɗ, əy kénjeye ara sa, kaw əy kélem səkan ŋ zamaw, askwaw. Sa kaɗaw ŋ yakzata ka, əy manda a wata a metes səkwaw, mavəday metes a najata ata taf, əy kenelem ɓarɓar ŋ nda səkwaw.» 33Madarlaŋw anta ege, əy zlepene, əy ŋgaya: «Heje nedewzene a peŋ a damaw ŋgha ŋ həraɗzata hejəye ma vəram ŋghe ege ca, a katay?» 34Yesu a ɗawzata, a ŋgaya: «Peŋ ara hune vanay?» Əy zenene, əy ŋgaya: «Peŋ ŋsəleɗ leŋ ŋkəlef ma pəzekw pəzekw ege cekuɗe ende ŋghe.» 35Aya Yesu a zlepetene ŋ hejəye, ŋ nja ka ata hayak. 36A təwse ca, a ŋtata peŋ ma ŋsəleɗ leŋ ŋkəlef ma pəzekw pəzekw ege wese, a lene wasay ŋ Gazlavay, a dəwze anta, a ŋgata ka, aya, a veletene ŋ madarlaŋw anta ege, tata yam, əy ɓezetene ŋ hejəye. 37A təwse ca, tata tewtew tata, əy zamaw, əy həraɗ. Madarlaŋw anta ege, əy ɓec ma menha anta, a ghef ujam ŋsəleɗ. 38Cemey, hejəye ma zam səkan ege wese ca, tata bəlakw ŋfaɗ, weləye ey uzəye əy kéŋgeɗeye ara ŋma askwaw. 39A dəwze anta ca, Yesu a yakzata hejəye ma ɓecha ege wese aka, əy nda tata a wata, aya a tev ŋ kwambawal, tel a nda ŋ uzam Magadan.
Chwazi Kounye ya:
Mata 15: BHS
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 CABTAL
Mata 15
15
Kwakwas mala jeje ege
1Aya, Farəysa ege ey maghwal ma maŋkanaŋkan ege, əy ndaha aka ŋ Urusaləyma ara Yesu, əy zlepene, əy ŋgaya: 2«Madarlaŋw ŋkwa ege, əy kasəbar kwakwas jeje ŋtakwaw ege askwaw ca, ŋ vay? Mavəday, mada əy kaɗaw ŋ zam uda ca, əy kaban ra aza ana maa kwakwas a kaɗaw askwaw.» 3Yesu a zenetene, a ŋgaya: «Ca, hune ca, hune gayza Ma maŋkanaŋkan mala Gazlavay aka a lasəbar kwakwas ŋkune ege ca, ŋ vay? 4Gazlavay, a ŋgaya: “Wenzene ha aka ŋ ata cehw ey macahw. Ɗala ma zlap ma ma dadawar ata cen, askwaw ca, ata maman ca, əy majaza.” 5Cemey, ŋkune ca, hune kazlap, huney: “Ɗala ma zlepene ŋ cen, askwaw ca, ŋ maman, a ŋgaya: Səkan maa sa kanavalahwaw, ŋ cakzahwaw ca, sa kanavalahwaw, askwaw, səy sa nevelene ŋ Gazlavay.” 6Ana ebe ŋghe, heje anta a kewenzene aka ŋ maman, askwaw ca, ŋ cen askwaw. Mada ana ebe ŋghe ca, hune kagayza Ma ma maŋkanaŋkan mala Gazlavay aka a lasəbar kwakwas ŋkune ege. 7Hune ca, hune hejəye ma a ganana gbak gbak ege! Esaya mba ma zlap ma mala Gazlavay kázlap ata hune ca, a heɗe a heɗe ca, a zlap, a ŋgaya:
8Gazlavay a ŋgaya: “Hejəye ŋghe ege ca, əy həmenzekey a pakam gagaha,
cemey, unaf tata ege ca, əy gədak a sa.
9Əy həmenzekey ca, mala bəse ende ŋghe
mavəday, əy sesərekzetene ŋ hejəye ca, kwakwas mala hejəye.”»
Səkan ma kagayza ɗala
10Aya, Yesu a yahata hejəye ara mbe, a zlepetene, a ŋgaya: «Hune teh zlam, hune zləme ma ŋgha ka kadak kadak. 11Ara səkan maa ɗala a kazam ta ŋ pakam, ma kagayza ɗala səkwaw. Cemey, səkan ma kadamha ta ŋ pakam ca, ara mbe ma kagayza ɗala.» 12Aya, madarlaŋw anta ege əy ndaha mbermber ara mbe, əy zlepene, əy ŋgaya: «Hwa kasan ca, Farəysa ege, əy kághwaɗ tata ata zlap ŋkwa ŋgha ca, hwa kasan səkwaw vaw?» 13Yesu a zenetene, a ŋgaya: «Mpe kaw vekey, maa Vana ma mgba ata uzlaf káŋgaɓ, askwaw ca, əy nadaɗza. 14Hune yakzata, ara ulaf ege ma kenjewata ulaf ege. Mada ulaf a kenjew ulaf wende ca, tata gbak tata əy nandav ŋ uley.» 15Pəyer a zlepene, a ŋgaya: «Ghwelzeney laslaŋgal ma ŋghe.» 16Aya, Yesu a zlap, a ŋgaya: «Ha na ŋgha ca, hune zeney yam ca, hune kasan ma anta səkwaw vaw? 17Səkan tewtew maa ɗala a kazam ta ŋ pakam ca, a nda a dəmas, aya, a damha aza a bəza ca, hune kasan səkwaw vaw? 18Cemey, səkan ma damaha ta ŋ pakam ca, a ndaha aka ŋ unaf, ma kagayza ɗala ca, ara mbe. 19Mavəday anta, ledeŋ ŋkwaɓ ma kadak səkwaw ege ca, əy damha aka ŋ unaf ɗala, əy ŋcakwza ŋ ja ŋkəɗeh, ŋ ŋta kusam a bəza, ŋ la səkan dadawar, ŋ ŋhel, ŋ zla metəwle leŋ ŋ ra ɗala. 20Ara səkan ŋghe ege ma kagayza ɗala. Cemey, mada ɗala a zam uda, kában ra aza ana maa kwakwas a kaɗaw, askwaw ca, a kagayza ɗala, askwaw.»
Wala ma ŋ hayak Kanana, a lamza Yesu aza
21A dəwze anta ca, Yesu a gwarzam anta təwse, a nda ŋ hayak Təyrus ey Səydaŋw. 22A təwse ca, wala wende a təwse aka, ara hal hayak Kanana, a ndaha ara Yesu a rakaw, a ŋgaya: «Bay Madakal naka, Mba bay Dawuda, mbahw, senzekey hahar. Zəwet malula kámbal həla naka aza, a kedene ma mambaza.» 23Cemey, kaw Yesu kézenene ma teŋguleŋ askwaw. Madarlaŋw anta ege əy ndaha ara mbe, əy zlepene, əy ŋgaya: «Zenzene ma ŋ wala ŋghe anta ca, ndar a nda anta, mavəday a kaja ula ara, a kasəbaraheje ara a dəwze.» 24Yesu a zenetene, a ŋgaya: «Gazlavay a leɓekey ca, ara hejəye Əysərayəyla ege gagaha, mavəday tata ca, əy kuɗap ana ŋtəməye maa mba njəwen tata ege, askwaw.» 25Cemey, wala wese, a ndaha, a gəleɓene aka a tama, a zlepene, a ŋgaya: «Mbahw, Bay Madakal naka, cekzekey.» 26Yesu a zenene, a ŋgaya: «Uda uzəye ca, hwa veletene aza ŋ həza ege ca, kadak vaw?» 27Wala wese a zlepene ŋ Yesu, a ŋgaya: «Andəwse, Bay Madakal naka. Ca, həza ege ca, əy kazam uda ma kapapasha ata lazam uda mala təwjek tata ege səkwaw vaw?» 28A təwse ca, Yesu a zenene ŋ wala wese, a ŋgaya: «Hwa wala ŋghe, lalam ŋkwa dakala. Səkan anta mala ana maa hwa kaɗaw.» A təwse a təwse ca, həla anta wese, reh a reh anta.
Yesu a rehzata hejəye dawar ege aza vəram
29Yesu a gwarzam aka a təwse, a njen mazlazlar ŋtele Galəyləy. A tev ata ŋ barla, aya, a nja ka a təwse. 30Hejəye vəram əy ndaha ara mbe. Əy dene hejəye gwesleleŋ ege, ulaf ege, ɓaɓa ege, hejəye ma halɓaya ege ey hejəye ma kadawar vedəye vəram. Əy wanzata ka a tama Yesu, aya a rehzata aza. 31Hejəye əy ŋga ŋkwaɓ dakala ata maa əy gəre ɓaɓa ege əy kazlap, hejəye ma halɓaya ege əy kéreh tata, gwesleleŋ ege əy kanda ŋ ŋgas tata ege, ulaf ege əy kegəre la. Əy mar ŋ həmanza Gazlavay mala Əysərayəyla ege.
Yesu a zemetene uda ŋ hejəye bəlakw ŋfaɗ
32Aya, Yesu a yata madarlaŋw anta ege, a zlepetene, a ŋgaya: «Sa san hahar ata hejəye ŋghe ege ca, mavəday wan mahkaɗ, əy kénjeye ara sa, kaw əy kélem səkan ŋ zamaw, askwaw. Sa kaɗaw ŋ yakzata ka, əy manda a wata a metes səkwaw, mavəday metes a najata ata taf, əy kenelem ɓarɓar ŋ nda səkwaw.» 33Madarlaŋw anta ege, əy zlepene, əy ŋgaya: «Heje nedewzene a peŋ a damaw ŋgha ŋ həraɗzata hejəye ma vəram ŋghe ege ca, a katay?» 34Yesu a ɗawzata, a ŋgaya: «Peŋ ara hune vanay?» Əy zenene, əy ŋgaya: «Peŋ ŋsəleɗ leŋ ŋkəlef ma pəzekw pəzekw ege cekuɗe ende ŋghe.» 35Aya Yesu a zlepetene ŋ hejəye, ŋ nja ka ata hayak. 36A təwse ca, a ŋtata peŋ ma ŋsəleɗ leŋ ŋkəlef ma pəzekw pəzekw ege wese, a lene wasay ŋ Gazlavay, a dəwze anta, a ŋgata ka, aya, a veletene ŋ madarlaŋw anta ege, tata yam, əy ɓezetene ŋ hejəye. 37A təwse ca, tata tewtew tata, əy zamaw, əy həraɗ. Madarlaŋw anta ege, əy ɓec ma menha anta, a ghef ujam ŋsəleɗ. 38Cemey, hejəye ma zam səkan ege wese ca, tata bəlakw ŋfaɗ, weləye ey uzəye əy kéŋgeɗeye ara ŋma askwaw. 39A dəwze anta ca, Yesu a yakzata hejəye ma ɓecha ege wese aka, əy nda tata a wata, aya a tev ŋ kwambawal, tel a nda ŋ uzam Magadan.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2025 CABTAL