Matyáasa 20
20
Nkaná ra vato vá manɔnɔwɔ
1Yésusu a ma járá hée anáá: «Edɔŋgɔ eyé na máná epuranámó na moto wa apúú ojó a ma humé kuúkú na onde sɔsɔ ówó vato va manɔnɔwɔ na wusó wa apúú ráá. 2Kó vá ma obá mií na veŋga manɔnɔwɔ anáá na mbímí wa wusí a né wó hwámó ekpama yá mwení emwesií, kó a ma wó tómá na apúú ráa. 3Moto omójo a ma húmé hée na maworo merémane na omwesií, a ma ená vato véndyé vá téné na pandó ra edɔŋgɔ ka eŋga wandá, 4a eŋgámó nawó anáá: Vinó hónó ndáno na apúú rámé, no enda nɔnɔɔ, ŋgo né nó hwámó ipéyé éyé é géremenámó. 5Kó amáva hónó vá ma enda na púú. Moto omójo a ma wundé ohúmé na maworo mábɔ́t na mává, kó hée na maworo bweŋgɔ́ weŋga sɛ́ɛm wa wandá na vato ává a ma etíyé. 6Moto wa apúú a ma humé hée, na wandá ámó maworo bweŋgɔ́ na mává kó a ma etíyé vato véndyé vá téné ka eŋga wandá kó a ma wó súsé anáá: Na wusó wá até kówo no mó túmbyé mbimí wa wusi hɔ́rɔ́ ka eŋga wandá? 7Vá ma me wundíyé anáá: Moto a ta o só hwá manɔnɔwɔ. Kó moto wa apúú a ma járá nawó anáá: Vinó hónó ndáno na apúú rámé no enda nɔnɔɔ. 8Ará enéŋgá é ma húmé, moto wa apúú a ma eŋgá na jwé wa vato va manɔnɔwɔ anáá: Berááná vanɔnɔɔ, o wó hwá ámó moto ipéyé yáa, mámó okésyé na ava vá mó uré na nimé ondo mana na ava vá mó uré na makésyé. 9Kó a ma bérááná ava vá ma uré na maworo bweŋgɔ́ na mává o wó hwá ámó moto ekpama yá mwení emwesií. 10Ará ava na makésyé vá ma uré, vá katé mbuŋgana anáá vá ne timbámó mwení otómbá naná, wó je rií anáá, vá ma wó hwá vá mwané hónó ámó moto ekpama yá mwení émwéesií. 11Ará vá ma wɔ́rɔ́ mwení, kó vá ma késyé odɔɔtɔnɔ na niyó ná moto wa apúú. 12Va katé járá anáá: Ava vá mó uré na níme rá visó, onɔnɔɔ bɛ́ŋ noworo nomwéesií, vá tímbámó mwení sɛ́ɛm ámó visó ává to mó rií mbímí wa wusí to nɔnɔɔ na ekáné yá óŋgóna. 13Moto wa apúú a ma járá na umweesíí ójó na vámwané anáá: Mbérá wame, noó ta wo eŋgá ihusí imó, kesí to mó ováana anáá ŋgo né wo hwámó ekpama yá mwení émwéesií na mbímí wa wusí? 14Wɔ́rɔ́ mwení rɔɔ́, wenda. Ndiŋgámó anáá ŋgo eréena moto ójó na nímé ojó sɛ́ɛm ámó mámó. 15Ye ta geréméná weŋga até éyé mbáŋgámó na mwení ramé? Ko hónó ye wovámó wobé esene éyé anáá nyemámó otémá?» 16Kó Yésusu a ma járá nawó anáá: «Ava na wusó vá mó riyámó na nimé, kó ava na nimé va mó riyámó na wusó.»
Yésusu a ojámó nugwé náa na ehonowa yáa na eŋgendɔ etató
(Már 10:32-34; Rúk 18:31-34)
17Yésusu a katé naá na Yerúsareme, kó a ma wɔ́rɔ́ vihoóhóná vyáa vyábɔ́t na vívé na kɔ́ŋgɔ́. Na pé, a ma járá nawó anáá: 18«Óváno, to náámó na Yérusareme, ɔkɔ́ kówo Mwaná moto a né kavavenámó na vagónó vá vacekiye mómí na vayéere vá mbéndɔ́ kó vá né me sómbénámó ntóró ra nugwé 19kaá vá né me eréenámó na ava vá ta jembé Irɔŋgɔ kó vá né me kpeérámó, o me núbé kaá o me ondáana na koroso, na mesí mátátó a né wundámó ohonowa.»
Cúcáná ra netí Yáka na Yohánese
(Már 10:35-45; Rúk 22:25-27)
20Okótó wa Sébede a ma keréná Yésusu na embwene raá eba ondo kútyé mabɔ́ŋɔ́ na wusó wáa anáá a me súsé wandá womó. 21Yésusu a ma eŋgá naá anáá: «Até kéye o vaŋgamo?» Okótó a wundyámó anáá: «Erééna ŋguru anáá, vaná vamé ává vá endá nuumana orɔŋgɔ nɔɔ na Edɔŋgɔ yɔɔ́ oójó na ombɔɔ́ rɔɔ́ ra enémé oójó na ombɔɔ́ rɔɔ́ ra vakotó.» 22Yésusu a ma me wundíyé anáá: «No ta jembé até éyé no súsámó. No hityámó o vényú ndeya ra makáná ejé baŋgámó ovényú?» Vá ma járá naá anáá: «To hityámó.» 23Yésusu a ma járá nawó anáá: «Eeŋ, ndeya ra makáná rame no né vényú! Wó je rií anáá na até éyé é néménámó onuumana ówó na ombɔɔ́ ramé rá vakótó ítɔɔ na ombɔɔ́ ramé rá enémé, wó ta ámó noó kójo ŋgo eréenámó ŋguru. Pandó imíji í ámó na wusó wá ava Tetáŋgá a ma wó héehéndéná.» 24Wová ówó vasɔ́ɔ́ vihoóhóná ává vábɔ́t vá ma ová wandá mwané, kó vá ma ovéná Yáka na Yohánese orúndú. 25Yésusu a ma wó berááná aye nawó anáá: «No ijímámó anáá mahumu má vidɔŋgɔ má jwámó vato, kó va gónó ává naáté yá vidɔŋgɔ mwané va wó mandéenámó. 26Wandá mwané wó ta geréména weŋgavena na ráaté wa vinó. Wó je rií anáá, ŋgé moto a diŋgámó anáá arií ogónó na ráaté wa vinó, moto mwané a geremenamó orií yeŋga manɔnɔwɔ yá vinó bimé. 27Kó ŋgé moto a diŋgámó anáá a rií na makésyé na raaté wa vinó, ómwané orií mbékí ra vinó. 28Naná kówo Mwaná moto a ma uré, até anáá vato vá me nɔnɔɔwena, a ma uré anáá a nɔnɔɔwena vato, a wunde weréena esɔ́tɔ́ yáa na wusó wa yáta yá ombunu rá vato.»
Yésusu a ondónámó byewu vívé
(Már 10:46-52; Rúk 18:35-43)
29Ará Yésusu a katé urúkye na oŋgórá rá Yeríko, ombunu rá vato ó katé me byɔɔnɔ. 30Byewu vívé ví katé rií vindindíi na kɔ́ŋgɔ́ ra pé kó vá ma ová anáá wó ámó Yésusu ojo a katé tómbá, kó vá ma késyé orume, vá járá anáá: «Okí, Mwaná Dáviti, o só enámó noóŋgo!» 31Vato vá katé wó gbweétye anáá vá támbá. Kó vá mwané hónó vá katé rume na ŋguru hée otómbá naná: «Okí, Mwaná Dáviti, o só enámó noóŋgó!» 32Yésusu a ma téréména, owó béráana kó a ma wó súsé anáá: «No vaŋgámó anáá ŋgo eŋga até na wusó wá vinó?» 33Vá ma járá anáá: «Okí, to vaŋgámó anáá aŋgísó rá visó a búnuwe!» 34Noóŋgó nó ma ambááná Yésusu kó a ma táhá aŋgísó ráwó. Isimí mwané vá ma késyé wená. Kó vá ma byɔɔnɔ́ Yésusu.
Chwazi Kounye ya:
Matyáasa 20: tii
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024, CABTAL
Matyáasa 20
20
Nkaná ra vato vá manɔnɔwɔ
1Yésusu a ma járá hée anáá: «Edɔŋgɔ eyé na máná epuranámó na moto wa apúú ojó a ma humé kuúkú na onde sɔsɔ ówó vato va manɔnɔwɔ na wusó wa apúú ráá. 2Kó vá ma obá mií na veŋga manɔnɔwɔ anáá na mbímí wa wusí a né wó hwámó ekpama yá mwení emwesií, kó a ma wó tómá na apúú ráa. 3Moto omójo a ma húmé hée na maworo merémane na omwesií, a ma ená vato véndyé vá téné na pandó ra edɔŋgɔ ka eŋga wandá, 4a eŋgámó nawó anáá: Vinó hónó ndáno na apúú rámé, no enda nɔnɔɔ, ŋgo né nó hwámó ipéyé éyé é géremenámó. 5Kó amáva hónó vá ma enda na púú. Moto omójo a ma wundé ohúmé na maworo mábɔ́t na mává, kó hée na maworo bweŋgɔ́ weŋga sɛ́ɛm wa wandá na vato ává a ma etíyé. 6Moto wa apúú a ma humé hée, na wandá ámó maworo bweŋgɔ́ na mává kó a ma etíyé vato véndyé vá téné ka eŋga wandá kó a ma wó súsé anáá: Na wusó wá até kówo no mó túmbyé mbimí wa wusi hɔ́rɔ́ ka eŋga wandá? 7Vá ma me wundíyé anáá: Moto a ta o só hwá manɔnɔwɔ. Kó moto wa apúú a ma járá nawó anáá: Vinó hónó ndáno na apúú rámé no enda nɔnɔɔ. 8Ará enéŋgá é ma húmé, moto wa apúú a ma eŋgá na jwé wa vato va manɔnɔwɔ anáá: Berááná vanɔnɔɔ, o wó hwá ámó moto ipéyé yáa, mámó okésyé na ava vá mó uré na nimé ondo mana na ava vá mó uré na makésyé. 9Kó a ma bérááná ava vá ma uré na maworo bweŋgɔ́ na mává o wó hwá ámó moto ekpama yá mwení emwesií. 10Ará ava na makésyé vá ma uré, vá katé mbuŋgana anáá vá ne timbámó mwení otómbá naná, wó je rií anáá, vá ma wó hwá vá mwané hónó ámó moto ekpama yá mwení émwéesií. 11Ará vá ma wɔ́rɔ́ mwení, kó vá ma késyé odɔɔtɔnɔ na niyó ná moto wa apúú. 12Va katé járá anáá: Ava vá mó uré na níme rá visó, onɔnɔɔ bɛ́ŋ noworo nomwéesií, vá tímbámó mwení sɛ́ɛm ámó visó ává to mó rií mbímí wa wusí to nɔnɔɔ na ekáné yá óŋgóna. 13Moto wa apúú a ma járá na umweesíí ójó na vámwané anáá: Mbérá wame, noó ta wo eŋgá ihusí imó, kesí to mó ováana anáá ŋgo né wo hwámó ekpama yá mwení émwéesií na mbímí wa wusí? 14Wɔ́rɔ́ mwení rɔɔ́, wenda. Ndiŋgámó anáá ŋgo eréena moto ójó na nímé ojó sɛ́ɛm ámó mámó. 15Ye ta geréméná weŋga até éyé mbáŋgámó na mwení ramé? Ko hónó ye wovámó wobé esene éyé anáá nyemámó otémá?» 16Kó Yésusu a ma járá nawó anáá: «Ava na wusó vá mó riyámó na nimé, kó ava na nimé va mó riyámó na wusó.»
Yésusu a ojámó nugwé náa na ehonowa yáa na eŋgendɔ etató
(Már 10:32-34; Rúk 18:31-34)
17Yésusu a katé naá na Yerúsareme, kó a ma wɔ́rɔ́ vihoóhóná vyáa vyábɔ́t na vívé na kɔ́ŋgɔ́. Na pé, a ma járá nawó anáá: 18«Óváno, to náámó na Yérusareme, ɔkɔ́ kówo Mwaná moto a né kavavenámó na vagónó vá vacekiye mómí na vayéere vá mbéndɔ́ kó vá né me sómbénámó ntóró ra nugwé 19kaá vá né me eréenámó na ava vá ta jembé Irɔŋgɔ kó vá né me kpeérámó, o me núbé kaá o me ondáana na koroso, na mesí mátátó a né wundámó ohonowa.»
Cúcáná ra netí Yáka na Yohánese
(Már 10:35-45; Rúk 22:25-27)
20Okótó wa Sébede a ma keréná Yésusu na embwene raá eba ondo kútyé mabɔ́ŋɔ́ na wusó wáa anáá a me súsé wandá womó. 21Yésusu a ma eŋgá naá anáá: «Até kéye o vaŋgamo?» Okótó a wundyámó anáá: «Erééna ŋguru anáá, vaná vamé ává vá endá nuumana orɔŋgɔ nɔɔ na Edɔŋgɔ yɔɔ́ oójó na ombɔɔ́ rɔɔ́ ra enémé oójó na ombɔɔ́ rɔɔ́ ra vakotó.» 22Yésusu a ma me wundíyé anáá: «No ta jembé até éyé no súsámó. No hityámó o vényú ndeya ra makáná ejé baŋgámó ovényú?» Vá ma járá naá anáá: «To hityámó.» 23Yésusu a ma járá nawó anáá: «Eeŋ, ndeya ra makáná rame no né vényú! Wó je rií anáá na até éyé é néménámó onuumana ówó na ombɔɔ́ ramé rá vakótó ítɔɔ na ombɔɔ́ ramé rá enémé, wó ta ámó noó kójo ŋgo eréenámó ŋguru. Pandó imíji í ámó na wusó wá ava Tetáŋgá a ma wó héehéndéná.» 24Wová ówó vasɔ́ɔ́ vihoóhóná ává vábɔ́t vá ma ová wandá mwané, kó vá ma ovéná Yáka na Yohánese orúndú. 25Yésusu a ma wó berááná aye nawó anáá: «No ijímámó anáá mahumu má vidɔŋgɔ má jwámó vato, kó va gónó ává naáté yá vidɔŋgɔ mwané va wó mandéenámó. 26Wandá mwané wó ta geréména weŋgavena na ráaté wa vinó. Wó je rií anáá, ŋgé moto a diŋgámó anáá arií ogónó na ráaté wa vinó, moto mwané a geremenamó orií yeŋga manɔnɔwɔ yá vinó bimé. 27Kó ŋgé moto a diŋgámó anáá a rií na makésyé na raaté wa vinó, ómwané orií mbékí ra vinó. 28Naná kówo Mwaná moto a ma uré, até anáá vato vá me nɔnɔɔwena, a ma uré anáá a nɔnɔɔwena vato, a wunde weréena esɔ́tɔ́ yáa na wusó wa yáta yá ombunu rá vato.»
Yésusu a ondónámó byewu vívé
(Már 10:46-52; Rúk 18:35-43)
29Ará Yésusu a katé urúkye na oŋgórá rá Yeríko, ombunu rá vato ó katé me byɔɔnɔ. 30Byewu vívé ví katé rií vindindíi na kɔ́ŋgɔ́ ra pé kó vá ma ová anáá wó ámó Yésusu ojo a katé tómbá, kó vá ma késyé orume, vá járá anáá: «Okí, Mwaná Dáviti, o só enámó noóŋgo!» 31Vato vá katé wó gbweétye anáá vá támbá. Kó vá mwané hónó vá katé rume na ŋguru hée otómbá naná: «Okí, Mwaná Dáviti, o só enámó noóŋgó!» 32Yésusu a ma téréména, owó béráana kó a ma wó súsé anáá: «No vaŋgámó anáá ŋgo eŋga até na wusó wá vinó?» 33Vá ma járá anáá: «Okí, to vaŋgámó anáá aŋgísó rá visó a búnuwe!» 34Noóŋgó nó ma ambááná Yésusu kó a ma táhá aŋgísó ráwó. Isimí mwané vá ma késyé wená. Kó vá ma byɔɔnɔ́ Yésusu.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024, CABTAL