मा़र 1
1
बा़प्तिसमा एमोक्इच् जोहान रेयाक् पोरचार
(मा़र 3:1-12; माथ 3:1-17; जोहा 1:19-28)
1इसोररेन होपोन जिसु मा़सियाक् भागे सोमबात रेयाक् एतोहोप्। 2जेसाया ना़बि पुथिरे नोनका ओल आकाना, इसोरे मेनेदा “ञेलमे इञरेन दुत आम लाहा तेञ कोले काना, ओकोय दो आमाक् होरे तेयारा।”#मालाकि 3:1 3हाहाङकाररे मित्टेन होहो कानिच् रेयाक् आड़ाङ “प्रोभु ला़गित् होरको बेनाव तायपे, उनि ला़गित् सुड़ुँच् होरको सोजहे कातायपे।”#जेसाया 40:3 4जोहान दो हाहाङकाररेये ञेल ओचोयेना, बा़प्तिस्मा एम इदिकोते आर पोरचाराते होड़ कोय मेतात्कोवा, “आपेयाक् का़इ खोन मोन आ़चुर पे आर बा़प्तिस्मा आताङपे आर इसोर दो आपेयाक् का़इकोय इका़कातापेया।” 5गोटा जिहुदा़ टोठा आर जेरुसालेम नागराहा रेन जोतो उनि ठेनको ओडोङ हेच्एना आर जोरदान गाडारे उनि होतेतेको बा़प्तिस्मा ओचोयेना, एनते ओनको दो आपान आ़पिन का़इको आङगोच केदा। 6जोहान दो उँट उप् रेयाक् आङगरोप ए लादेयेत् ताहेंकाना आर डांडारे दो हारता रेयाक् पाठेयाक् ताहेंकान ताया पोहो आर बिर दुमुर रासाये जोमेत् ताहेंकाना।#लेबितिकुस 11:22#२ रापाजको 1:8 7उनि दो नोनका मेन कातेये पोरचारकेदा, “इञ खोन दाड़ेयानिच् इञ तायोमतेये दाराकाना, ओने उनियाक् खारपा रेयाक् तोनोल हों एङगोत्काते राड़ायताय लेक दोञ बाङकान,#आपोस का़मि 13:35 8इञ दो दाक् तेञ बा़प्तिस केत्पेया, मेनखान उनि दो सोनोत जिउतेये बा़प्तिस्मा पेया।”#जेसाया 44:3; जोएल 2:28; जोहान 1:33; आपोस का़मि 1:5; 2:4; 11:16; 19:4-6
जिसुवाक् बा़प्तिसमा आर बिडा़उ
(माथ 3:13-17; 4:1-11; लु 3:21-22; 4:1-13)
9ओनाको दिनरे नोनका होयेना जिसु दो गा़लिल नागराहा रेयाक् नासारेत खोने हेच्एना आर जोरदान गाडारे जोहान तितेये बा़प्तिस्मा ओचोयेना। 10दाक् खोन राकाप् तोरागे उनि दो सेरमा झिच्एन आर जिउ दो पोताम लेका आच्रे फेडोक् काने ञेल केदेया। 11आदो सेरमा खोन नोनका आड़ाङ होयेना, “आम दो इञरेन दुला़ड़िया़ होपोन कानाम, आमरेञ कुसि आकाना।”#जेनेसिस 22:2; सेरेञको 2:7; जेसाया 42:1; माथाय 12:18 12खान जिउ दो उनि हाहाङकारतेये इदि केदेया।#एकसोडस 24:18; १ रापाजको 19:8; इबरिको 4:15 13सायतान खोन बिडा़उ ओचोक् कान उनि दो पोनगेल दिन हा़बिच् हाहाङकाररेये ताहेंयेना, उनि दो बिर जानवारको साँवतेय ताहेंयेना आर सेरमा दुतको सेवावाय कान ताहेंकाना।
जिसु पोनया चेलाए होहोवात्को
(माथ 4:18-22; लु 5:1-11; जोहा 1:35-42)
14आदो जोहान हाजोतरेको भोरावकेदे तायोम जिसु दो गा़लिल नागराहारेये हेच्एना आर इसोराक् भागे सोमबाते पोरचारेत् ताहेंकाना। 15उनि दो नोनका मेनकातेये पोरचारकेदा, “ओकते दो पुरा़वाकाना आर इसोराक् राजोस्टि दो सोर आकाना। आपेयाक् का़इ खोन आ़चुरोक्पे आर भागे सोमबातरे पा़तिया़उक्पे।” 16खान जिसु दो गा़लिल दोरयाँव आडे़ आडे़तेये चालाव पारोमोक् घा़ड़िच् उनि दो सिमोन आर उनिरेन बोयहा आ़न्द्रियास ता़किन दोरयाँवरे झा़लि चापात्काने ञेल केत्किना। एनते उनकिन दो केंवटाकिन ताहेंकाना। 17जिसु दो उनकिने मेतात्किना, “देला इञ तायोम ते आर इञ दो आबेन मानवा सासाप् केंवटाञ होय ओचोबेना।” 18खान उनकिन दो इना़ घा़ड़िच्तेगे आ़किनाक् झा़लि आड़ाक् गिडिकाते जिसुकिन पाँजा केदेया। 19खान सेन लाहाञोक्काते साबदायरेन होपोन जाकब आर उनिरेन बोयहा जोहाने ञेल ञामकेत्किना, उनकिन दो ला़उका़रे दुड़ुप्काते झा़लिकिन जुजुतकान ताहेंकाना। 20उनि दो उनरेगेये होहोवात्किना, खानगे उनकिन दो आ़किनरेन आपात साबदाय दो ला़उका़रे मुनिसको तुलुच्किन बा़गि ओटोवादेया आर उनि तायोमतेकिन चालावेना।
बा़ड़िच् जिउते पेरेच् आकान होड़
(लु 4:31-37)
21जिसु आर उनिरेन चेलाको काफारना़हुम नागराहातेको हेच्एना आर पा़हिल जिरा़उक् माँहाँ हिलोक्गे सुना़गोगरे बोलोयेनतेये चेत्आत्कोवा। 22आदो उनियाक् चेचेत्आक् आँजोमतेको भाड़ोयेना एनते एकतिया़रि आनिच् लेकाय चेत्आकोकान ताहेंकाना आर आ़न चेचेत्को लेका दो बाङ। 23उन जोखेच् ओनकोवाक् सुना़गोगरे मित्टेन बेसाफा जिवे चापाड़ आकावादे मित् होड़े ताहेंकाना उनि दो आँट आड़ाङते किकिया़उ आतेये मेनकेदा। 24“ए नासारेतरेन जिसु आले तुलुच् आमाक् दो चेत्? चेत् आले नोसटोले ला़गित्एम हेच् आकाना? बाडाय गेया़ञ आम दो इसोररेन सोनोतिच् कानाम।”#सेरेञको 16:10; जेसाया 41:14,16,20; आपोस का़मि 3:14
25खान जिसु दो उनि नोनका मेनकातेये धोमकाव केदेया, “थिरुक्मे आर उनि खोन ओडोक चालाक्मे।” 26खानगे बेसाफा जिउ दो उनि होड़े मोचड़ा मुचड़िकेदेया आर आ़डि गारते किकिया़उआते उनि खोने ओडोक चालावेना। 27आर जोतो होड़को थारबासावेना जे कुपुलियेनतेको मेनकेदा, “चेत् काना नोवा दो? मित्टेन नावाँ सिखा़उनागे! एकतिया़रि सालाक् बेसाफा जिउको होंए हुकुमाको काना आरको बातावेत्ताया।” 28आर जिसुवाक् उना़न दो गा़लिल बेड़हाय टोठारे सानाम टा़न्डि डामडाहे गोत्एना।
जिसु होतेते आ़डि होड़को बोगेयेन
(माथ 8:14-18; लु 4:38-41)
29जिसु आर उनिरेन चेला जाकब आर जोहान साँवते सुना़गोग खोन ओडोककाते ओनको दो मित् मोहंडा सिमोन आर आ़न्द्रियास तेकिन ओड़ाक्तेको हेच्एना।
30सिमोन हानहारतेत् दो रुवा़तेय जा़बुन आकान ताहेंकाना आर ओनको दो उनि रेयाक् जिसुको ला़इगोत् आदेया। 31आदोए सेन सोरेना आर तिरे साप्कातेये बेरेत्केदेया, खानगे रुवा़ दो छुटा़उ गोत्एन ताया आरे साप्सोरात्कोवा।
32आदो आ़युप् एन खान बेरे हा़सुरेनरे जोतो दुखा़लिको आर बा़ड़िच् जिउ चापाड़ आकावात्को होड़ जिसु ठेनको आ़गुकेत्कोवा। 33आर गोटा नागराहारेनको दुवा़र ठेनको हेच् जारवा आकान ताहेंकाना। 34जिसु दो आ़डि लेकान रोगते दुखा़लि आकानको आ़डि उता़र होड़े बोगेकेत्कोवा आर आयमा बा़ड़िच् जिउ होंए ओडोक गिडिकेत्कोवा, मेनखान बा़ड़िच् जिउको दो बाय रोड़ ओचोवात्कोवा एनतेको बाडाय आकादे ताहेंकाना। उनि दोए ओकोय काना।
गा़लिलरे जिसुवाक् पोरचार
(लु 4:42-44)
35आदो आ़डि सेताक्रे मारसालोक् खोन लाहा ञुत ताहेंकानरेगे जिसु कोयजोङ ला़गित् ए बेरेत् चालावेना आर मित्टेन निसुन जायगारे सेनकाते ओंडेये कोयजोङ कान ताहेंकाना। 36आदो सिमोन आर उनि साँवतेनको दो उनि सेन्दराये ला़गित् बाहरेतेको ओडोङ चालावेना। 37आर जिसुको ञामकेदे खानको मेतादेया, “आमदो सानाम होड़को सेन्दरा बाड़ायेत् मेया।” 38आदो जिसुइ मेतात्कोवा, “देलाबोन एटाक् सेनाक् आडेपासे आतोते, एनते चालाक्गे होयोक्ताबोना, जेमोन ओनाकोरे होंञ पोरचार, एनते नोवा ला़गित्गेञ ओडोक हेच् आकाना।”#जेसाया 61:1 39आदो गोटा गा़लिल नागराहारे ओनकोवाक् सुना़गोगकोरे सेनकातेये पोरचार आकोकान आर बा़ड़िच् जिउकोय ओडोक गिडियेत्को ताहेंकाना।
जिसु मित् होड़े बोगेयेदे
40आदो मित्टेन मुरहुच् जोम होड़ जिसु ठेने हेच्एना आर इकड़ुमकाते नोनका मेनकातेए नेहोंरादेया, “सानालेम खानेम साफा दाड़ेयाञा।” 41खानगे जिसु माँयाँयेनते ति तिया़रकाते जोटेत्केदेतेये मेतादेया “सानाञकानगेया मा साफा कोक्मे।” 42खान मुरहुच् जोम रोग दो इना़ घा़ड़िच्रेगे उनि खोन ओडोकगोत् एना आर उनि दोए साफायेना। 43जिसु दो उनि का़जिया़ँउकाते इना़ घा़ड़िच्गेये कोल गोत्कादेया, 44आरे मेतादेया, “मेन ओकोय ठेन हों चेत् हों आलोम ला़इबाड़ाया, मेनखान दो सेनकाते नायके ठेन ञेल ओचोक्मे आर मोसेयाक् आ़न लेकाते आमेम साफायेन रेयाक् दाँड़ें सामाङमे, जेमोन ओनको ला़गित् गोहा होयोक्।”#लेबितिकुस 14:1-32 45मेनखान उनि दो ओडोक सेनकाते आ़डितेत् पोरचार आर ओना काथा डामडाहेये एहोप् एना, ओनाते जिसु दो ओका नागराहाते हों, आरदो सोदोरते बाय बोलो दाड़ेयादा, मेनखान बाहरेरे हाहाङकार जायगाकोरेये ताहेंयेना आर सानाम सेच् खोन उनि ठेनको हिजुक्कान ताहेंकाना।
Chwazi Kounye ya:
मा़र 1: NTSPt25
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament Books in Santhali Language © The Word for the World International and Santhali Translation Project, Nepal, 2025
मा़र 1
1
बा़प्तिसमा एमोक्इच् जोहान रेयाक् पोरचार
(मा़र 3:1-12; माथ 3:1-17; जोहा 1:19-28)
1इसोररेन होपोन जिसु मा़सियाक् भागे सोमबात रेयाक् एतोहोप्। 2जेसाया ना़बि पुथिरे नोनका ओल आकाना, इसोरे मेनेदा “ञेलमे इञरेन दुत आम लाहा तेञ कोले काना, ओकोय दो आमाक् होरे तेयारा।”#मालाकि 3:1 3हाहाङकाररे मित्टेन होहो कानिच् रेयाक् आड़ाङ “प्रोभु ला़गित् होरको बेनाव तायपे, उनि ला़गित् सुड़ुँच् होरको सोजहे कातायपे।”#जेसाया 40:3 4जोहान दो हाहाङकाररेये ञेल ओचोयेना, बा़प्तिस्मा एम इदिकोते आर पोरचाराते होड़ कोय मेतात्कोवा, “आपेयाक् का़इ खोन मोन आ़चुर पे आर बा़प्तिस्मा आताङपे आर इसोर दो आपेयाक् का़इकोय इका़कातापेया।” 5गोटा जिहुदा़ टोठा आर जेरुसालेम नागराहा रेन जोतो उनि ठेनको ओडोङ हेच्एना आर जोरदान गाडारे उनि होतेतेको बा़प्तिस्मा ओचोयेना, एनते ओनको दो आपान आ़पिन का़इको आङगोच केदा। 6जोहान दो उँट उप् रेयाक् आङगरोप ए लादेयेत् ताहेंकाना आर डांडारे दो हारता रेयाक् पाठेयाक् ताहेंकान ताया पोहो आर बिर दुमुर रासाये जोमेत् ताहेंकाना।#लेबितिकुस 11:22#२ रापाजको 1:8 7उनि दो नोनका मेन कातेये पोरचारकेदा, “इञ खोन दाड़ेयानिच् इञ तायोमतेये दाराकाना, ओने उनियाक् खारपा रेयाक् तोनोल हों एङगोत्काते राड़ायताय लेक दोञ बाङकान,#आपोस का़मि 13:35 8इञ दो दाक् तेञ बा़प्तिस केत्पेया, मेनखान उनि दो सोनोत जिउतेये बा़प्तिस्मा पेया।”#जेसाया 44:3; जोएल 2:28; जोहान 1:33; आपोस का़मि 1:5; 2:4; 11:16; 19:4-6
जिसुवाक् बा़प्तिसमा आर बिडा़उ
(माथ 3:13-17; 4:1-11; लु 3:21-22; 4:1-13)
9ओनाको दिनरे नोनका होयेना जिसु दो गा़लिल नागराहा रेयाक् नासारेत खोने हेच्एना आर जोरदान गाडारे जोहान तितेये बा़प्तिस्मा ओचोयेना। 10दाक् खोन राकाप् तोरागे उनि दो सेरमा झिच्एन आर जिउ दो पोताम लेका आच्रे फेडोक् काने ञेल केदेया। 11आदो सेरमा खोन नोनका आड़ाङ होयेना, “आम दो इञरेन दुला़ड़िया़ होपोन कानाम, आमरेञ कुसि आकाना।”#जेनेसिस 22:2; सेरेञको 2:7; जेसाया 42:1; माथाय 12:18 12खान जिउ दो उनि हाहाङकारतेये इदि केदेया।#एकसोडस 24:18; १ रापाजको 19:8; इबरिको 4:15 13सायतान खोन बिडा़उ ओचोक् कान उनि दो पोनगेल दिन हा़बिच् हाहाङकाररेये ताहेंयेना, उनि दो बिर जानवारको साँवतेय ताहेंयेना आर सेरमा दुतको सेवावाय कान ताहेंकाना।
जिसु पोनया चेलाए होहोवात्को
(माथ 4:18-22; लु 5:1-11; जोहा 1:35-42)
14आदो जोहान हाजोतरेको भोरावकेदे तायोम जिसु दो गा़लिल नागराहारेये हेच्एना आर इसोराक् भागे सोमबाते पोरचारेत् ताहेंकाना। 15उनि दो नोनका मेनकातेये पोरचारकेदा, “ओकते दो पुरा़वाकाना आर इसोराक् राजोस्टि दो सोर आकाना। आपेयाक् का़इ खोन आ़चुरोक्पे आर भागे सोमबातरे पा़तिया़उक्पे।” 16खान जिसु दो गा़लिल दोरयाँव आडे़ आडे़तेये चालाव पारोमोक् घा़ड़िच् उनि दो सिमोन आर उनिरेन बोयहा आ़न्द्रियास ता़किन दोरयाँवरे झा़लि चापात्काने ञेल केत्किना। एनते उनकिन दो केंवटाकिन ताहेंकाना। 17जिसु दो उनकिने मेतात्किना, “देला इञ तायोम ते आर इञ दो आबेन मानवा सासाप् केंवटाञ होय ओचोबेना।” 18खान उनकिन दो इना़ घा़ड़िच्तेगे आ़किनाक् झा़लि आड़ाक् गिडिकाते जिसुकिन पाँजा केदेया। 19खान सेन लाहाञोक्काते साबदायरेन होपोन जाकब आर उनिरेन बोयहा जोहाने ञेल ञामकेत्किना, उनकिन दो ला़उका़रे दुड़ुप्काते झा़लिकिन जुजुतकान ताहेंकाना। 20उनि दो उनरेगेये होहोवात्किना, खानगे उनकिन दो आ़किनरेन आपात साबदाय दो ला़उका़रे मुनिसको तुलुच्किन बा़गि ओटोवादेया आर उनि तायोमतेकिन चालावेना।
बा़ड़िच् जिउते पेरेच् आकान होड़
(लु 4:31-37)
21जिसु आर उनिरेन चेलाको काफारना़हुम नागराहातेको हेच्एना आर पा़हिल जिरा़उक् माँहाँ हिलोक्गे सुना़गोगरे बोलोयेनतेये चेत्आत्कोवा। 22आदो उनियाक् चेचेत्आक् आँजोमतेको भाड़ोयेना एनते एकतिया़रि आनिच् लेकाय चेत्आकोकान ताहेंकाना आर आ़न चेचेत्को लेका दो बाङ। 23उन जोखेच् ओनकोवाक् सुना़गोगरे मित्टेन बेसाफा जिवे चापाड़ आकावादे मित् होड़े ताहेंकाना उनि दो आँट आड़ाङते किकिया़उ आतेये मेनकेदा। 24“ए नासारेतरेन जिसु आले तुलुच् आमाक् दो चेत्? चेत् आले नोसटोले ला़गित्एम हेच् आकाना? बाडाय गेया़ञ आम दो इसोररेन सोनोतिच् कानाम।”#सेरेञको 16:10; जेसाया 41:14,16,20; आपोस का़मि 3:14
25खान जिसु दो उनि नोनका मेनकातेये धोमकाव केदेया, “थिरुक्मे आर उनि खोन ओडोक चालाक्मे।” 26खानगे बेसाफा जिउ दो उनि होड़े मोचड़ा मुचड़िकेदेया आर आ़डि गारते किकिया़उआते उनि खोने ओडोक चालावेना। 27आर जोतो होड़को थारबासावेना जे कुपुलियेनतेको मेनकेदा, “चेत् काना नोवा दो? मित्टेन नावाँ सिखा़उनागे! एकतिया़रि सालाक् बेसाफा जिउको होंए हुकुमाको काना आरको बातावेत्ताया।” 28आर जिसुवाक् उना़न दो गा़लिल बेड़हाय टोठारे सानाम टा़न्डि डामडाहे गोत्एना।
जिसु होतेते आ़डि होड़को बोगेयेन
(माथ 8:14-18; लु 4:38-41)
29जिसु आर उनिरेन चेला जाकब आर जोहान साँवते सुना़गोग खोन ओडोककाते ओनको दो मित् मोहंडा सिमोन आर आ़न्द्रियास तेकिन ओड़ाक्तेको हेच्एना।
30सिमोन हानहारतेत् दो रुवा़तेय जा़बुन आकान ताहेंकाना आर ओनको दो उनि रेयाक् जिसुको ला़इगोत् आदेया। 31आदोए सेन सोरेना आर तिरे साप्कातेये बेरेत्केदेया, खानगे रुवा़ दो छुटा़उ गोत्एन ताया आरे साप्सोरात्कोवा।
32आदो आ़युप् एन खान बेरे हा़सुरेनरे जोतो दुखा़लिको आर बा़ड़िच् जिउ चापाड़ आकावात्को होड़ जिसु ठेनको आ़गुकेत्कोवा। 33आर गोटा नागराहारेनको दुवा़र ठेनको हेच् जारवा आकान ताहेंकाना। 34जिसु दो आ़डि लेकान रोगते दुखा़लि आकानको आ़डि उता़र होड़े बोगेकेत्कोवा आर आयमा बा़ड़िच् जिउ होंए ओडोक गिडिकेत्कोवा, मेनखान बा़ड़िच् जिउको दो बाय रोड़ ओचोवात्कोवा एनतेको बाडाय आकादे ताहेंकाना। उनि दोए ओकोय काना।
गा़लिलरे जिसुवाक् पोरचार
(लु 4:42-44)
35आदो आ़डि सेताक्रे मारसालोक् खोन लाहा ञुत ताहेंकानरेगे जिसु कोयजोङ ला़गित् ए बेरेत् चालावेना आर मित्टेन निसुन जायगारे सेनकाते ओंडेये कोयजोङ कान ताहेंकाना। 36आदो सिमोन आर उनि साँवतेनको दो उनि सेन्दराये ला़गित् बाहरेतेको ओडोङ चालावेना। 37आर जिसुको ञामकेदे खानको मेतादेया, “आमदो सानाम होड़को सेन्दरा बाड़ायेत् मेया।” 38आदो जिसुइ मेतात्कोवा, “देलाबोन एटाक् सेनाक् आडेपासे आतोते, एनते चालाक्गे होयोक्ताबोना, जेमोन ओनाकोरे होंञ पोरचार, एनते नोवा ला़गित्गेञ ओडोक हेच् आकाना।”#जेसाया 61:1 39आदो गोटा गा़लिल नागराहारे ओनकोवाक् सुना़गोगकोरे सेनकातेये पोरचार आकोकान आर बा़ड़िच् जिउकोय ओडोक गिडियेत्को ताहेंकाना।
जिसु मित् होड़े बोगेयेदे
40आदो मित्टेन मुरहुच् जोम होड़ जिसु ठेने हेच्एना आर इकड़ुमकाते नोनका मेनकातेए नेहोंरादेया, “सानालेम खानेम साफा दाड़ेयाञा।” 41खानगे जिसु माँयाँयेनते ति तिया़रकाते जोटेत्केदेतेये मेतादेया “सानाञकानगेया मा साफा कोक्मे।” 42खान मुरहुच् जोम रोग दो इना़ घा़ड़िच्रेगे उनि खोन ओडोकगोत् एना आर उनि दोए साफायेना। 43जिसु दो उनि का़जिया़ँउकाते इना़ घा़ड़िच्गेये कोल गोत्कादेया, 44आरे मेतादेया, “मेन ओकोय ठेन हों चेत् हों आलोम ला़इबाड़ाया, मेनखान दो सेनकाते नायके ठेन ञेल ओचोक्मे आर मोसेयाक् आ़न लेकाते आमेम साफायेन रेयाक् दाँड़ें सामाङमे, जेमोन ओनको ला़गित् गोहा होयोक्।”#लेबितिकुस 14:1-32 45मेनखान उनि दो ओडोक सेनकाते आ़डितेत् पोरचार आर ओना काथा डामडाहेये एहोप् एना, ओनाते जिसु दो ओका नागराहाते हों, आरदो सोदोरते बाय बोलो दाड़ेयादा, मेनखान बाहरेरे हाहाङकार जायगाकोरेये ताहेंयेना आर सानाम सेच् खोन उनि ठेनको हिजुक्कान ताहेंकाना।
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament Books in Santhali Language © The Word for the World International and Santhali Translation Project, Nepal, 2025