Matayo 20
20
Vanyamalo he mbuva ya mizabibu
1Kwaite Udilao wa Kiumbi utoiane sa muhe elo mbuva ya mizabibu, ekae hachalhenuchalhenu kuvatii vanyamalo he mbuva kuu ya mizabibu. 2Vekayo na kuiseko mzalo mbuva avalhanu ka vanyamalo kwa muaze muwe, niho ekavatii he mbuva kuu ya mizabibu. 3Ekahali hemadamo ya kela kai chalhenu, ekavaakho vahe vahali veumae he kikhoja, tevelo nyamalo. 4Ekavaba, “Soni na kune mureboi nyamalo he mbuva gho ya mizabibu, naani ninemuo hu chimutara.” 5Niho ka mzalo mbuva ekaso kahali he madamo ya kela sita chakhakho nahe madamo ya kela kenda chamagheni, ekaboi wato oto. 6Hareahe madamo ya kela ikado nawe chamagheri, ekaso kahali, ekavahelha vahali veumae to kihoja, ekavalhasu, “Kwaakhoni muumae ii chakhako kizime neri musiboi nyamalo?” 7Vekamba, “Kwaite tehelo muhe etuoe nyamalo.” Nau ekavaba, “Soni na kune mureboi nyamalo he mbuva gho ya mizabibu.” 8Hareakhokwa, ka mzalombuva ekamba mzake mihaku kuu, “Vase vanyamalo uvalhanu mawero kini, ukulholhoshi nahu va mkhito kubuu he nyamalo, na kufiriti nahu vabosi kubuu he nyamalo.” 9Niho varealita huva kela ikado nawe, kira muwe ekadoria mhaku kuu mkhabuna wa muaze. 10Nahu va bosi kubuu he nyamalo, vekatoti ite veneowe kumure, navo vekaowe kira muwe ekadoria mhaku kuu mkhabuna wa muaze. 11Vereadoria mhaku kini, vekalholhoshi kumkararija hu mzalo mbuva, 12vekaba, “Ya vahe uvaoe nyamalo mkhito veboie nyamalo kela we bi, kwaakhoni iji utulhanue mhaku uaghae navo naho nne tunyamarike na nyamalo giru chakhakho na kaaze kekhaisha kwa muaze mzime?” 13Hu mzalo mbuva ekamba muwe kini, “Msaho sikutae. Ho, tetuisekoe naari nikulhanu mhaku wa muaze muwe?” 14Dori mhaku kechi uso. Ntedumu kumlhanu wa mkhito sakigi nikuoe ari. 15Ho, ani sidumuwe kuboi hucho nidumu namhaku gho? Hile utako wiju kwaite ani nimkulho? 16Yesu ekafiriti ekuba, “Kwato vamkhito venekhwa va bosi naho vabosi venekhwa va mkhito.”
Yesu etayo kagi kakakai mburi ya kigame kuu na kuka kuli he kigame.
Mariko 10:32-34; Luka 18:31-34
17Niho Yesu nahu vahina kuu vareakhwa vekutu kuso Yerusalemu, ekavadori hu vahina ikado na vanu kakhera ekavaba, 18“Lakhonhani, tutaso Yerusalemu, tukuhe are Muinyi wa Muhe eneotijwa he vagiru va kuaresija na vahinya va miku yakwe Musa, navo venemzamari agaawe. 19Venemuotija he vahe vesi Vayahudi vo venemolhu, venemma ndate naho venemsurumija nakumma misumari he msaraba, mira muaze wa kakai eneka kuli he kigame.”
Mlage etamlhawa Yesu amboie kigi
Mariko 10:35-45
20Niho mlage wakwe Zebedayo hawe na vainyi kuu vanu vekamliaha Yesu, vekama mamuro he Yesu naho ekamlhawa kigi. 21Yesu ekamlhasu, “Udumu kiakhoni?” Ka mlage ekamba, “Nikeiye m'o ite he udilao kechi ya vainyi gho vanu venezokhodi muwe mlha wa sughano na muwe mlha wa hina.” 22Yesu ekavaba, “Temuilie cho mulhawa. Ho, munemuru kuwahia kikonho cha kharo cho ninewahaya ani?” Vekamba, “Tunemuru.” 23Yesu ekavaba, “Kweri munewahia kikonho gho cha kharo, mira kuzokhodi mlha wa sughano hile mlha wa hina gho ka si nyamalo gho kumuo, ata hodi veneowe ka vefiritie kukeiwa ni Aba gho.” 24Hu vahina vahali ikado vareako ka mburi vekavasanuiwa ka vabakhu vanu. 25Kwato Yesu ekavase ekavaba, “Mureile ite vagiru va madi vevakaeti vahe kini kwa u, naka vagiru veaija ugiru kini. 26Chisikhwato hekune, mira muhe edumu kukhwa na ugiru hakaghu, edumuwa akhwa mnyamalo kaghu, 27naho edumu kukhwa wa bosi hekune edumuwe akhwa mnyamalo kaghu, 28sahucho Muinyi wa Mhe esilitie kalo anyamarikiwe, mira kunyamarika, naho agu uzime kuu ukhwa ukombo kwa mburi ya vakumure.”
Yesu etavauti vahe vanu vesiakho
Mariko 10:46-52; Luka 18:35-43
29Yesu na vahina kuu vareakhwa vehali he muang'a wa Yeriko, vahe vakumure vekamliaha. 30Vahe vanu vesiakho veezokhodie kakera he kwalhi, vareako ite Yesu etatakho ata, vekama lukalasu vekuba, “Mgiru, Muinyi wakwe dilao Daudi, tuakhoie mbalamija.” 31Hu vahe vakumure vekavajoghoiya vekavaba vataa. Mira vo vekamaisha nkalasu vekuba, “Mgiru, Muinyi wakwe dilao Daudi tuakhoie mbalamija.” 32Yesu ekauma, ekavase na kuvalhasu, “Mudumu nimuboie kiakhoni?” 33Vekamba, “Mgiru, tukugogo uyalha maila kanu.” 34Yesu ekavaakhoia mbalamija, ekavadara maila kini, watooto maila kini yekaakho, navo vekamliaha.
Chwazi Kounye ya:
Matayo 20: NTMBL2025
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mbugu @The Word for The World International and Mbugu Language translation, 2025. All rights reserved.
Matayo 20
20
Vanyamalo he mbuva ya mizabibu
1Kwaite Udilao wa Kiumbi utoiane sa muhe elo mbuva ya mizabibu, ekae hachalhenuchalhenu kuvatii vanyamalo he mbuva kuu ya mizabibu. 2Vekayo na kuiseko mzalo mbuva avalhanu ka vanyamalo kwa muaze muwe, niho ekavatii he mbuva kuu ya mizabibu. 3Ekahali hemadamo ya kela kai chalhenu, ekavaakho vahe vahali veumae he kikhoja, tevelo nyamalo. 4Ekavaba, “Soni na kune mureboi nyamalo he mbuva gho ya mizabibu, naani ninemuo hu chimutara.” 5Niho ka mzalo mbuva ekaso kahali he madamo ya kela sita chakhakho nahe madamo ya kela kenda chamagheni, ekaboi wato oto. 6Hareahe madamo ya kela ikado nawe chamagheri, ekaso kahali, ekavahelha vahali veumae to kihoja, ekavalhasu, “Kwaakhoni muumae ii chakhako kizime neri musiboi nyamalo?” 7Vekamba, “Kwaite tehelo muhe etuoe nyamalo.” Nau ekavaba, “Soni na kune mureboi nyamalo he mbuva gho ya mizabibu.” 8Hareakhokwa, ka mzalombuva ekamba mzake mihaku kuu, “Vase vanyamalo uvalhanu mawero kini, ukulholhoshi nahu va mkhito kubuu he nyamalo, na kufiriti nahu vabosi kubuu he nyamalo.” 9Niho varealita huva kela ikado nawe, kira muwe ekadoria mhaku kuu mkhabuna wa muaze. 10Nahu va bosi kubuu he nyamalo, vekatoti ite veneowe kumure, navo vekaowe kira muwe ekadoria mhaku kuu mkhabuna wa muaze. 11Vereadoria mhaku kini, vekalholhoshi kumkararija hu mzalo mbuva, 12vekaba, “Ya vahe uvaoe nyamalo mkhito veboie nyamalo kela we bi, kwaakhoni iji utulhanue mhaku uaghae navo naho nne tunyamarike na nyamalo giru chakhakho na kaaze kekhaisha kwa muaze mzime?” 13Hu mzalo mbuva ekamba muwe kini, “Msaho sikutae. Ho, tetuisekoe naari nikulhanu mhaku wa muaze muwe?” 14Dori mhaku kechi uso. Ntedumu kumlhanu wa mkhito sakigi nikuoe ari. 15Ho, ani sidumuwe kuboi hucho nidumu namhaku gho? Hile utako wiju kwaite ani nimkulho? 16Yesu ekafiriti ekuba, “Kwato vamkhito venekhwa va bosi naho vabosi venekhwa va mkhito.”
Yesu etayo kagi kakakai mburi ya kigame kuu na kuka kuli he kigame.
Mariko 10:32-34; Luka 18:31-34
17Niho Yesu nahu vahina kuu vareakhwa vekutu kuso Yerusalemu, ekavadori hu vahina ikado na vanu kakhera ekavaba, 18“Lakhonhani, tutaso Yerusalemu, tukuhe are Muinyi wa Muhe eneotijwa he vagiru va kuaresija na vahinya va miku yakwe Musa, navo venemzamari agaawe. 19Venemuotija he vahe vesi Vayahudi vo venemolhu, venemma ndate naho venemsurumija nakumma misumari he msaraba, mira muaze wa kakai eneka kuli he kigame.”
Mlage etamlhawa Yesu amboie kigi
Mariko 10:35-45
20Niho mlage wakwe Zebedayo hawe na vainyi kuu vanu vekamliaha Yesu, vekama mamuro he Yesu naho ekamlhawa kigi. 21Yesu ekamlhasu, “Udumu kiakhoni?” Ka mlage ekamba, “Nikeiye m'o ite he udilao kechi ya vainyi gho vanu venezokhodi muwe mlha wa sughano na muwe mlha wa hina.” 22Yesu ekavaba, “Temuilie cho mulhawa. Ho, munemuru kuwahia kikonho cha kharo cho ninewahaya ani?” Vekamba, “Tunemuru.” 23Yesu ekavaba, “Kweri munewahia kikonho gho cha kharo, mira kuzokhodi mlha wa sughano hile mlha wa hina gho ka si nyamalo gho kumuo, ata hodi veneowe ka vefiritie kukeiwa ni Aba gho.” 24Hu vahina vahali ikado vareako ka mburi vekavasanuiwa ka vabakhu vanu. 25Kwato Yesu ekavase ekavaba, “Mureile ite vagiru va madi vevakaeti vahe kini kwa u, naka vagiru veaija ugiru kini. 26Chisikhwato hekune, mira muhe edumu kukhwa na ugiru hakaghu, edumuwa akhwa mnyamalo kaghu, 27naho edumu kukhwa wa bosi hekune edumuwe akhwa mnyamalo kaghu, 28sahucho Muinyi wa Mhe esilitie kalo anyamarikiwe, mira kunyamarika, naho agu uzime kuu ukhwa ukombo kwa mburi ya vakumure.”
Yesu etavauti vahe vanu vesiakho
Mariko 10:46-52; Luka 18:35-43
29Yesu na vahina kuu vareakhwa vehali he muang'a wa Yeriko, vahe vakumure vekamliaha. 30Vahe vanu vesiakho veezokhodie kakera he kwalhi, vareako ite Yesu etatakho ata, vekama lukalasu vekuba, “Mgiru, Muinyi wakwe dilao Daudi, tuakhoie mbalamija.” 31Hu vahe vakumure vekavajoghoiya vekavaba vataa. Mira vo vekamaisha nkalasu vekuba, “Mgiru, Muinyi wakwe dilao Daudi tuakhoie mbalamija.” 32Yesu ekauma, ekavase na kuvalhasu, “Mudumu nimuboie kiakhoni?” 33Vekamba, “Mgiru, tukugogo uyalha maila kanu.” 34Yesu ekavaakhoia mbalamija, ekavadara maila kini, watooto maila kini yekaakho, navo vekamliaha.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Mbugu @The Word for The World International and Mbugu Language translation, 2025. All rights reserved.