Ichedendik 8
8
Ose kw'ẹnwanwa ẹtọm ẹwọra
1Ny'ogbe nwo kw'asi abhọrọ iyagbin, Ibinọkpaabyi Noa kọzaam, nten njo maphyir s'iwa ining imaan-ẹ z'ọkpaar ẹtaanga, kobir ọzaama. Ọtọhm ebum egwuma ny'izek, asi mbo matọma ẹwọra. 2Ny'ogbe nwo, asi ọdọk z'izek kayinẹ, ẹrọng ọdọk ketebhẹ. 3Asi mbo awọra mach'mawọr nya. Okwu opyirẹ k'ewu ch'ettong arọbh achenọmfa okwuma ijobh, asi kk'awọra mawuriji. 4Okwu opyirẹ k'ewu ch'ettong ichi kkamfa k'ophe kw'ottong achenọmfa, ọkpaar nwo ofuka ny'ogbeso nwo kw'mayerẹ Ararat. 5Asi mawọra mach'mawọr nya maa, okwu opyirẹ k'ophe kw'ottong ijobh. K'echedenwu ch'ophe kw'ottong ijobh, agbeso ayin k'ose kw'ọnọng m'oze.
6Ch'iwu arọbh afa ikk'ikpana, Noa ogwunga ọmma kw'ikk'ọsa ny'ọkpaar nwo, 7ozenga nya, ọtọhm okwukwọhkọ oyin k'iyaan. Okwukwọhkọ nwo, okwur ochina k'ibyi k'ibyi maa, asi mbo makka maphyir ny'izek. 8Ny'ogbe nwo, Noa obir ọtọhm ikpommuka, ọfha ozonga óde asi mbo nkk'awọra. 9Ikpommuka njo, iyin k'iyaan, ikwur matẹtẹmaa, ibyi kize s'im'inana okurọ bẹ́, wa asi atim abhọrọ izek maphyir. Ofona nya o, ikpa nnam ikebha Noa z'ọkpaar. Noa onemẹ ọbọhk ọbọk-ẹ otima odim z'ọkpaar.
10Noa obir oninga otik maa, iwu ichenọmfa ikpan, pira obir ọtọhm ikpommuka njo k'iyaan. 11K'ogbe kw'ikpommuka njo ikwun ikebha Noa ny'ẹsọhka ch'ewu ndo, itima okwongitọhng-kikebhẹ kw'oliv kw'iram ophupha ny'ẹmma. Noa oze nya o, ozonga bẹ́, asi kk'awọra. 12Obir oninga otik k'iwu ichenọmfa, pira ọtọhm ikpommuka njo k'iyaan odọk. M'ogbe nwa, ikpommuka njo, ọdọk kikwun.
13Okwu opyirẹ ny'echedenwu ch'ochedenphe kw'Noa ode icho ẹnọhna okwuma arọbh ijobh, okwuma icho mawanẹ, asi kk'akka maphyir. Noa ọrọhbha mgbodo kw'uwa otim obubha ọkpaar, okkerẹ, oze bẹ́, izek kk'igwa. 14Okwu opyirẹ iwu ẹrọbh okwuma ichenọmfa, s'ophe kw'ottong afa, izek igwu maphyir.
15Nya o, Ọvaar Ibinọkpaabyi obenẹ Noa bẹ́, 16“Tima kwanọng kwọ, ọmaana ajinọngva pọ, ọttara panọng pabẹ, yin k'iyaan. 17Bir tima ọttọhkkira kpenamkpen f'orukọ akpen f'oning ọmaan-ọ, yin ka, kw'ode ọnọhn, ọmaana nten s'ogbin, ọmaana ekpo maphyir py'ezeng m'izek, mfha ẹmaan ayok, ebira ẹnyaamẹ m'iyagbin.”
18Minna kw'Noa oyinẹ k'iyaan ọmaana ajinọngva pẹ, ọmaana kwanọng kwẹ, ọttara panọng p'iva pẹ. 19Nten maphyir, ọmaana ọnọhn, ọttara ekpo maphyir py'ezeng m'izek, eyin ny'ọkpaar nwo. Okira kpenamkpen ozenga ẹkaan chẹ.
Noa ọfọhnọ ẹja ọnang Ibinọkpaabyi
20Nya o, Noa ottima ija-byi s'Ibinọkpaabyi, otima nten janẹ ọmaana ọnọhn vanẹ f'ọbaan k'ẹjafọhnọ, ọfọhnọ ẹja ch'ẹkwọmọ, ọnang Ọvaar Ibinọkpaabyi. 21Ọvaar Ibinọkpaabyi ọbhaang olebh f'eruk ch'ẹja ndo nya o, oben z'ettem bẹ́, “Kaam kwuna ọdọk iyagbin ẹmma mìnang okurọ oyokinọng, zaa wura ochibhẹ kpenamkpen kwẹ ọtọm k'ẹvava, ode itama. Kaam ọdọk ekpo maphyir py'ening akpen mìnkibhẹ mach'nkibhẹ m'ogbe nwa.
22K'ose kw'iyagbin ining ichina ororo,
ọyaabhagbe ọmaana ọphagbe,
ekok ọmaana ọyaakiji,
etitebhẹ ọmaana oyomọ,
ẹya ọmaana erungọ, ẹkpọka mèyena.”
Chwazi Kounye ya:
Ichedendik 8: mfn-x-ad
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 West Africa Christian Mission
Ichedendik 8
8
Ose kw'ẹnwanwa ẹtọm ẹwọra
1Ny'ogbe nwo kw'asi abhọrọ iyagbin, Ibinọkpaabyi Noa kọzaam, nten njo maphyir s'iwa ining imaan-ẹ z'ọkpaar ẹtaanga, kobir ọzaama. Ọtọhm ebum egwuma ny'izek, asi mbo matọma ẹwọra. 2Ny'ogbe nwo, asi ọdọk z'izek kayinẹ, ẹrọng ọdọk ketebhẹ. 3Asi mbo awọra mach'mawọr nya. Okwu opyirẹ k'ewu ch'ettong arọbh achenọmfa okwuma ijobh, asi kk'awọra mawuriji. 4Okwu opyirẹ k'ewu ch'ettong ichi kkamfa k'ophe kw'ottong achenọmfa, ọkpaar nwo ofuka ny'ogbeso nwo kw'mayerẹ Ararat. 5Asi mawọra mach'mawọr nya maa, okwu opyirẹ k'ophe kw'ottong ijobh. K'echedenwu ch'ophe kw'ottong ijobh, agbeso ayin k'ose kw'ọnọng m'oze.
6Ch'iwu arọbh afa ikk'ikpana, Noa ogwunga ọmma kw'ikk'ọsa ny'ọkpaar nwo, 7ozenga nya, ọtọhm okwukwọhkọ oyin k'iyaan. Okwukwọhkọ nwo, okwur ochina k'ibyi k'ibyi maa, asi mbo makka maphyir ny'izek. 8Ny'ogbe nwo, Noa obir ọtọhm ikpommuka, ọfha ozonga óde asi mbo nkk'awọra. 9Ikpommuka njo, iyin k'iyaan, ikwur matẹtẹmaa, ibyi kize s'im'inana okurọ bẹ́, wa asi atim abhọrọ izek maphyir. Ofona nya o, ikpa nnam ikebha Noa z'ọkpaar. Noa onemẹ ọbọhk ọbọk-ẹ otima odim z'ọkpaar.
10Noa obir oninga otik maa, iwu ichenọmfa ikpan, pira obir ọtọhm ikpommuka njo k'iyaan. 11K'ogbe kw'ikpommuka njo ikwun ikebha Noa ny'ẹsọhka ch'ewu ndo, itima okwongitọhng-kikebhẹ kw'oliv kw'iram ophupha ny'ẹmma. Noa oze nya o, ozonga bẹ́, asi kk'awọra. 12Obir oninga otik k'iwu ichenọmfa, pira ọtọhm ikpommuka njo k'iyaan odọk. M'ogbe nwa, ikpommuka njo, ọdọk kikwun.
13Okwu opyirẹ ny'echedenwu ch'ochedenphe kw'Noa ode icho ẹnọhna okwuma arọbh ijobh, okwuma icho mawanẹ, asi kk'akka maphyir. Noa ọrọhbha mgbodo kw'uwa otim obubha ọkpaar, okkerẹ, oze bẹ́, izek kk'igwa. 14Okwu opyirẹ iwu ẹrọbh okwuma ichenọmfa, s'ophe kw'ottong afa, izek igwu maphyir.
15Nya o, Ọvaar Ibinọkpaabyi obenẹ Noa bẹ́, 16“Tima kwanọng kwọ, ọmaana ajinọngva pọ, ọttara panọng pabẹ, yin k'iyaan. 17Bir tima ọttọhkkira kpenamkpen f'orukọ akpen f'oning ọmaan-ọ, yin ka, kw'ode ọnọhn, ọmaana nten s'ogbin, ọmaana ekpo maphyir py'ezeng m'izek, mfha ẹmaan ayok, ebira ẹnyaamẹ m'iyagbin.”
18Minna kw'Noa oyinẹ k'iyaan ọmaana ajinọngva pẹ, ọmaana kwanọng kwẹ, ọttara panọng p'iva pẹ. 19Nten maphyir, ọmaana ọnọhn, ọttara ekpo maphyir py'ezeng m'izek, eyin ny'ọkpaar nwo. Okira kpenamkpen ozenga ẹkaan chẹ.
Noa ọfọhnọ ẹja ọnang Ibinọkpaabyi
20Nya o, Noa ottima ija-byi s'Ibinọkpaabyi, otima nten janẹ ọmaana ọnọhn vanẹ f'ọbaan k'ẹjafọhnọ, ọfọhnọ ẹja ch'ẹkwọmọ, ọnang Ọvaar Ibinọkpaabyi. 21Ọvaar Ibinọkpaabyi ọbhaang olebh f'eruk ch'ẹja ndo nya o, oben z'ettem bẹ́, “Kaam kwuna ọdọk iyagbin ẹmma mìnang okurọ oyokinọng, zaa wura ochibhẹ kpenamkpen kwẹ ọtọm k'ẹvava, ode itama. Kaam ọdọk ekpo maphyir py'ening akpen mìnkibhẹ mach'nkibhẹ m'ogbe nwa.
22K'ose kw'iyagbin ining ichina ororo,
ọyaabhagbe ọmaana ọphagbe,
ekok ọmaana ọyaakiji,
etitebhẹ ọmaana oyomọ,
ẹya ọmaana erungọ, ẹkpọka mèyena.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 West Africa Christian Mission