Ichedendik 11
11
Ọsọhm kw'ogor-ogorọ z'Babẹl
1Wa iyagbin maphyir iyen ebhon madanẹ, ibir igbaak odik mawanẹ.
2K'ose kw'anọng azeng achina z'ẹbhaakẹ ch'ewuchen ed-eyin, maze ẹkpẹmẹ z'Shina#11.2 Shina obir okpena Babiloniya., masi oruk nya.
3Maben ayok bẹ́, “Màkwu motima ididọhbh mosi ata p'ọsọhm, mọbhaabh bẹ mawuriji.” Nya o, matima asọhm-ta mbo atera ata ọkkọkka. Mabir atima irurugbaar atera ididọhbh s'malọhkọ-ọlọhkọ. 4Maben ayok bẹ́, “Màkwu mosi ebhondim, mobir osi ọsọhm kw'ogor-ogorọ kw'im'opyirẹ z'ọrọngkpakpa, mfha ẹgọhma chamina epyirẹ k'ibyi kpenamkpen, mfha moning ọdọk m'iyagbin maphyir ọraamẹ.”
5Nya o, Ọvaar Ibinọkpaabyi ọsaka, okwu oze ebhondim ndo, ọttara ọsọhm-gorada nwo kw'ayokinọng ad-asi. 6Ọvaar Ibinọkpaabyi oben bẹ́, “Ch'anọng mba p'agbaak ebhon madanẹ nkk'ọttọhkse mva atọma osisi, oyinẹ bẹ́, ọttọhk kode f'mm'akam bẹ́, masi pira ọkaar bẹ ọkaara. 7Tte mọsaka, mod-oke adama ny'ebhon chabẹ, mfha maning ọdọk ayok abhaang.”
8Minna kw'Ọvaar Ibinọkpaabyi osi anọng mbo maraamẹ k'ibyi k'ibyi m'iyagbin, makpọka ebhondim ndo osisi. 9Kẹ wọ osi pira wa mayerẹ ibyi njo bẹ́, Babẹl#11.9 Babẹl obir okpena Babilọn. K'eHiburu, Babẹl oyinẹ ọttọhk mach'damadama., okurọ bẹ́, nya wọ kw'uwa Ọvaar Ibinọkpaabyi oke damadama k'ebhon ch'iyagbin kibungọ. Tọma nya, Ọvaar Ibinọkpaabyi osi bẹ maraamẹ m'iyagbin maphyir.
Ẹnọmma ch'Shẹm
10Ma wọ ode ose kw'ẹnọmma ch'Shẹm ede. Ch'icho ifa ikk'ikpana, tọma ny'ogbe kw'ẹnwanwa ẹsa, ch'Shẹm node icho arọbh achen, nya wọ kw'obhonọ Arphaksad. 11Ch'ikk'Arphaksad obhona, Shẹm obir oruk k'icho ẹnọhna okwuma arọbh achen, obir obhon ajinọngva ọttara panọngva ọdọk-ọdọk.
12Ch'Arphaksad kk'icho ẹrọbh okwuma ichi oruka, nya wọ kw'obhonọ Shẹla. 13Ch'ikk'Shẹla obhona o, Arphaksad oruk k'icho ẹnọhna okwuma ittaan, obir obhon ajinọngva ọttara panọngva ọdọk-ọdọk.
14K'ogbe kw'uwa Shẹla ode icho ẹrọbh okwuma ijobh, nya wọ kw'obhonọ Ẹbẹr. 15Ch'ikk'Ẹbẹr obhona, Shẹla oruk k'icho ẹnọhna okwuma ittaan, obir obhon ajinọngva ọttara panọngva ọdọk-ọdọk.
16Ch'uwa Ẹbẹr kk'icho ẹrọbh okwuma osowanẹ kw'ichi oruka, obhon Pẹlẹg. 17Ch'ikk'Pẹlẹg obhona, Ẹbẹr oruk k'icho ẹnọhna okwuma ẹrọbh okwuma ijobh, obir obhon ajinọngva ọttara panọngva ọdọk-ọdọk.
18Ch'Pẹlẹg kk'icho ẹrọbh okwuma ijobh oruka, obhon Rewu. 19Ch'ikk'Rewu obhona, Pẹlẹg oruk k'icho arọbh ijobh okwuma osowanẹ, obir obhon ajinọngva ọttara panọngva ọdọk-ọdọk.
20Ch'Rewu, kk'icho ẹrọbh okwuma ijobh kkamfa oruka, obhon Serug. 21Ch'ikk'Serug obhona, Rewu oruk k'icho arọbh ijobh okwuma ichenọmfa, obir obhon ajinọngva ọttara panọngva ọdọk-ọdọk.
22Ch'Serug, kk'icho ẹrọbh okwuma ijobh oruka, obhon Nahọr. 23Ch'ikk'Nahọr obhona, Serug oruk k'icho arọbh ijobh, obir obhon ajinọngva ọttara panọngva ọdọk-ọdọk.
24Ch'Nahọr kk'icho ẹrọbh okwuma osowanẹ oruka, obhon Tẹra. 25Ch'ikk'Tẹra obhona, Nahọr oruk k'icho arọbh achen okwuma osowanẹ kw'ẹrọbh, obir obhon ajinọngva ọttara panọngva ọdọk-ọdọk.
26Ch'Tẹra kk'icho arọbh attaan okwuma ijobh oruka, obhon Abram, ọmaana Nahọr, ọttara Haran.
Ẹnọmma ch'Tẹra
27Ma wọ ode ose kw'ẹnọmma ch'Tẹra ede. Tẹra obhon Abram, ọmaana Nahọr, ọttara Haran. Haran obhon Lọt. 28Nya ch'iwa Tẹra otim oning akpen, Haran ope z'Ur z'ẹbhaakẹ ch'aKaldi kw'ode obhon kw'uwa ọmmaan.
29Wa Abram ọttara Nahọr matọk panọng. Kwanọng kw'Abram okpen Sarai. Kwanọng kw'Nahọr okpena Milka, kw'ode ominanwa kw'Haran obhonọ. Wa Haran wọ obir obhon Milka ọttara Iska. 30Ny'ogbe nwo, wa Sarai ọkpaan-ọkpaana.
31Tẹra ọtọka Abram kw'ode nnwa kwẹ, ọttara Lọt kw'ode nnwa kw'Haran ope orik, ọttara Sarai kw'ode kwanọng kw'Abram. Bẹ maphyir mabina z'Ur kw'oning z'ẹbhaakẹ ch'aKaldi bẹ́, machina z'Kenaan. Okenaka, ch'mapyirẹ z'Haran, makpọka nya, masi oruk kwabẹ nya.
32Tẹra ope ny'Haran k'ogbe kw'ode icho arọbh ijobh okwuma ichen.
Chwazi Kounye ya:
Ichedendik 11: mfn-x-ad
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 West Africa Christian Mission
Ichedendik 11
11
Ọsọhm kw'ogor-ogorọ z'Babẹl
1Wa iyagbin maphyir iyen ebhon madanẹ, ibir igbaak odik mawanẹ.
2K'ose kw'anọng azeng achina z'ẹbhaakẹ ch'ewuchen ed-eyin, maze ẹkpẹmẹ z'Shina#11.2 Shina obir okpena Babiloniya., masi oruk nya.
3Maben ayok bẹ́, “Màkwu motima ididọhbh mosi ata p'ọsọhm, mọbhaabh bẹ mawuriji.” Nya o, matima asọhm-ta mbo atera ata ọkkọkka. Mabir atima irurugbaar atera ididọhbh s'malọhkọ-ọlọhkọ. 4Maben ayok bẹ́, “Màkwu mosi ebhondim, mobir osi ọsọhm kw'ogor-ogorọ kw'im'opyirẹ z'ọrọngkpakpa, mfha ẹgọhma chamina epyirẹ k'ibyi kpenamkpen, mfha moning ọdọk m'iyagbin maphyir ọraamẹ.”
5Nya o, Ọvaar Ibinọkpaabyi ọsaka, okwu oze ebhondim ndo, ọttara ọsọhm-gorada nwo kw'ayokinọng ad-asi. 6Ọvaar Ibinọkpaabyi oben bẹ́, “Ch'anọng mba p'agbaak ebhon madanẹ nkk'ọttọhkse mva atọma osisi, oyinẹ bẹ́, ọttọhk kode f'mm'akam bẹ́, masi pira ọkaar bẹ ọkaara. 7Tte mọsaka, mod-oke adama ny'ebhon chabẹ, mfha maning ọdọk ayok abhaang.”
8Minna kw'Ọvaar Ibinọkpaabyi osi anọng mbo maraamẹ k'ibyi k'ibyi m'iyagbin, makpọka ebhondim ndo osisi. 9Kẹ wọ osi pira wa mayerẹ ibyi njo bẹ́, Babẹl#11.9 Babẹl obir okpena Babilọn. K'eHiburu, Babẹl oyinẹ ọttọhk mach'damadama., okurọ bẹ́, nya wọ kw'uwa Ọvaar Ibinọkpaabyi oke damadama k'ebhon ch'iyagbin kibungọ. Tọma nya, Ọvaar Ibinọkpaabyi osi bẹ maraamẹ m'iyagbin maphyir.
Ẹnọmma ch'Shẹm
10Ma wọ ode ose kw'ẹnọmma ch'Shẹm ede. Ch'icho ifa ikk'ikpana, tọma ny'ogbe kw'ẹnwanwa ẹsa, ch'Shẹm node icho arọbh achen, nya wọ kw'obhonọ Arphaksad. 11Ch'ikk'Arphaksad obhona, Shẹm obir oruk k'icho ẹnọhna okwuma arọbh achen, obir obhon ajinọngva ọttara panọngva ọdọk-ọdọk.
12Ch'Arphaksad kk'icho ẹrọbh okwuma ichi oruka, nya wọ kw'obhonọ Shẹla. 13Ch'ikk'Shẹla obhona o, Arphaksad oruk k'icho ẹnọhna okwuma ittaan, obir obhon ajinọngva ọttara panọngva ọdọk-ọdọk.
14K'ogbe kw'uwa Shẹla ode icho ẹrọbh okwuma ijobh, nya wọ kw'obhonọ Ẹbẹr. 15Ch'ikk'Ẹbẹr obhona, Shẹla oruk k'icho ẹnọhna okwuma ittaan, obir obhon ajinọngva ọttara panọngva ọdọk-ọdọk.
16Ch'uwa Ẹbẹr kk'icho ẹrọbh okwuma osowanẹ kw'ichi oruka, obhon Pẹlẹg. 17Ch'ikk'Pẹlẹg obhona, Ẹbẹr oruk k'icho ẹnọhna okwuma ẹrọbh okwuma ijobh, obir obhon ajinọngva ọttara panọngva ọdọk-ọdọk.
18Ch'Pẹlẹg kk'icho ẹrọbh okwuma ijobh oruka, obhon Rewu. 19Ch'ikk'Rewu obhona, Pẹlẹg oruk k'icho arọbh ijobh okwuma osowanẹ, obir obhon ajinọngva ọttara panọngva ọdọk-ọdọk.
20Ch'Rewu, kk'icho ẹrọbh okwuma ijobh kkamfa oruka, obhon Serug. 21Ch'ikk'Serug obhona, Rewu oruk k'icho arọbh ijobh okwuma ichenọmfa, obir obhon ajinọngva ọttara panọngva ọdọk-ọdọk.
22Ch'Serug, kk'icho ẹrọbh okwuma ijobh oruka, obhon Nahọr. 23Ch'ikk'Nahọr obhona, Serug oruk k'icho arọbh ijobh, obir obhon ajinọngva ọttara panọngva ọdọk-ọdọk.
24Ch'Nahọr kk'icho ẹrọbh okwuma osowanẹ oruka, obhon Tẹra. 25Ch'ikk'Tẹra obhona, Nahọr oruk k'icho arọbh achen okwuma osowanẹ kw'ẹrọbh, obir obhon ajinọngva ọttara panọngva ọdọk-ọdọk.
26Ch'Tẹra kk'icho arọbh attaan okwuma ijobh oruka, obhon Abram, ọmaana Nahọr, ọttara Haran.
Ẹnọmma ch'Tẹra
27Ma wọ ode ose kw'ẹnọmma ch'Tẹra ede. Tẹra obhon Abram, ọmaana Nahọr, ọttara Haran. Haran obhon Lọt. 28Nya ch'iwa Tẹra otim oning akpen, Haran ope z'Ur z'ẹbhaakẹ ch'aKaldi kw'ode obhon kw'uwa ọmmaan.
29Wa Abram ọttara Nahọr matọk panọng. Kwanọng kw'Abram okpen Sarai. Kwanọng kw'Nahọr okpena Milka, kw'ode ominanwa kw'Haran obhonọ. Wa Haran wọ obir obhon Milka ọttara Iska. 30Ny'ogbe nwo, wa Sarai ọkpaan-ọkpaana.
31Tẹra ọtọka Abram kw'ode nnwa kwẹ, ọttara Lọt kw'ode nnwa kw'Haran ope orik, ọttara Sarai kw'ode kwanọng kw'Abram. Bẹ maphyir mabina z'Ur kw'oning z'ẹbhaakẹ ch'aKaldi bẹ́, machina z'Kenaan. Okenaka, ch'mapyirẹ z'Haran, makpọka nya, masi oruk kwabẹ nya.
32Tẹra ope ny'Haran k'ogbe kw'ode icho arọbh ijobh okwuma ichen.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
©️2025 West Africa Christian Mission