Mateo 18
18
A nanuu yunaa molaala?
Maluko 9:33-37; Luka 9:46-48
1Ituungo aleloo, vahemba vakwe vamwijela Yesu no khomowolya, “A nanuu yunaa molaala khokela vensi kho owami wa pachanya khwa Matuunda?” 2Apenee Yesu amwetaa mwana modo, amwimelekha pakhate yawe, 3no khopaala, “Nkhovaweela khapanga, mbe molalekha khogalokha mowee kete vana vado khotopo mwingele mo owami wa khochanya pa Mwatuunda ninga nsiko yemwii. 4Gechoo, muntu yeyensi yunaa akhakhopogaa olaala kete mwana modo oyo, oyoo amwenee alaawa molaala kho owami wa khochanya pa Matuunda. 5Khanke muntu yeyensi yunaa khwinyenyekelya kete mwana modo oyo, kho nguno ya lina laane, oyoo amwenee amba anepokelagaa onene.
Khogilya vantu vanaa vakhovanoja vaange vanojee mabe
Maluko 9:42-48; Luka 17:1,2
6“Mbe muntu yeyensi yunaa akhomokenkelya yomwii movamoonga mwa vana vado ewa vanaa vakhongoomba vanojee mabe, anga amba visoga mbe muntu oyoo alatungelwa isheelo monkingo yakwe no khotwiinwa pakhate ya ikhwa. 7Molalakewona onywnywe vantu va liwelelo ele, kho nguno ya khonoja mpola jenaa jekhokenkela vantu vanojee mabe, magemo gakhopogiwa gawee, ila alakewona muntu yunaa khokenkelelya magemo egoo.
8“Mbe mokhono gwakhoo ao mogolo gwakhoo golakhokenkela onojee mabe, owodomole no khowosutya khotale. A visoga khopwelya kewongelo kemwii cha mowele gwakhoo no khopata opanga wa nsiko jensi khokela khowa ne mekhono jewele ao megolo jewele ne khosombwa kho moto gonaa gokhalimaga nsiko jensi. 9Khanke, mbe liso lakhoo, lekhokenkela onojee mabe, lekhompole ne kholesutya khotale. A visoga khwakhoo khowa ne liso lemwii topo ne khopata opanga wa nsiko jensi khokela khowa ne miso gawele ne khosombwa kho moto gonaa gokhalimaga nsiko jensi.
Mofwano gwa nkholo yunaa apwelagaa
Luka 15:3-7
10“Yesu endelelaa khovaweela, Mwiyangalelage, mokhamobyeede ninga yomwii wa vado ewa. Nkhovaweela gechoo, kho nguno vatomami vawe va khochanya pa Matuunda, ituungo lensi vapwale paulongolo wa Daada yaane wa khochanya. 11Gechoo, Mwana wa Muntu aleijaa khovapon'ya vantu vanaa angile vapwelaga.
12“Mokhowona mbi? Mbe muntu atite nkholo igana, no yomwii mbe apweele, alanoja kee? Mbi, alavalekha evoo makomi kenda ne kenda kho ketonda, no khopeta khomopooga oyoo yunaa apwelagaa. 13Nkhovaweela khapanga, mbe alamopata oyoo nkholo, alatogwa modugo kho nguno ya nkholo oyoo yomwii, khokela nkholo ejoo makomi kenda ne kenda vanaa vakhapwela. 14Avivyoo, Isenyu yunaa apwale khochanya pa Matuunda, akhatogwa ninga yomwii wa vana ewa vado vapweele.
Modogwakhoo mbe akhononele
15“Mbe modogwakhoo akhonojelaga ibe, petaa omolange panaa amba moleemwi topo. Ne mbe alakhotegela, olaawa wamopataga khanke modogwakhoo. 16Ila mbe muntu oyoo alasita khokhotegelelya, petaa omosole muntu yoonge yomwii ao vawele ili kela mpola elageelwe no owoni wa vantu vawele ao vatato. 17Mbe alasita khovategelelya ne evoo, petaa opaale kho idale la vantu vanaa vakhomogoomba Kilisto. Khanke, mbe alasita khovategelelya ne evoo, epoo mwiije momonogelaje muntu oyoo kete venaa angamolavanojela vantu vanaa akhavakhomogoomba Matuunda ne vakhongan'ya khodi.
Khogoomba no khosiita
18“Nkhovaweela khapanga, “Lelensi lenaa molalesita paliwelelo, Matuunda nanoyo alalesita khochanya khwakwe. Avivyoo, lelensi lenaa molalegomba paliwelelo, Matuunda nanoyo alalegomba khochanya khwakwe.
19“Khanke nkhovaweela, mbe vawele movamoonga venyu valigombya paliwelelo kho lelensi lenaa valalomba, Daada yaane wa pachanya alavapela kento echoo. 20Kho nguno pepensi epoo panaa amba vakonganaga vantu vawele ao vatato khwa lina laane, nane amba nepwale epoo palomwi nanevo.”
Mofwano gwa motomami yunaa akhakholekolela mabe
21Apenee Petulo akamopetela Yesu no khomowolya, “Mwene, mbe modogwaane anojelagaa mabe, nkhopogiwaa nemolekolele mala jiinga? Mbi, mala saba?”
22Yesu akamoweela, “Khotopo, nkhankhopaala omolekolele mala saba topo,” “ila okhopogiwaa omolekolele modogwakhoo ninga saba mala makomi saba. 23Nkhovaweela gechoo, kho nguno owami wa pachanya khwa Matuunda, okhwipyaana no mwami yomwii yunaa aleapogaa khomanya mpia jakwe jensi venaa angile jepetile. 24Panaa aleandya khokongan'yaa, alealetelwaa motomami yomwii yunaa angile atite ideni ikolo la mamilioni minki ga mpia khwa mwami. 25Motomami oyoo aleakonyaa kholepa ideni lenaa angile atite. Apenee mwami akalagelelya vamogolye muntu oyoo kete mwasi, ili alepele ideni lakwe. 26Ila motomami oyoo, akamotungamela mwami oyoo no khomoloomba khwa khopaala, ‘Nkholoomba ondindelelye, nane ndalepa ideni laane lensi!’ 27Mwami akamowonela losongo, apenee amolekolelaa motomami wakwe eloo ideni lakwe lensi no khomolekolela apete. 28Ila motomami oyoo panaa angile akhopuma panji, vitaanga no motomami moyaakwe, yunaa angile amwalumyajaa mpia ntiiti dinali igana. Apaponye motomami oyoo wa mwandyo, amogwelaa no khomoniga nkingo oyoo motomami yoonge, no khwandyaa khomoweela, ‘Ondepe kenaa nkhokhodai.’ 29Oyoo motomami moyaakwe amotungamelaa no khomoloomba khwa khopaala, ‘Nkholoomba ondindelelye, nane ndalepa ideni lensi.’ 30Ila motomami wa mwandyo asitaa, amokenkhaa moyaakwe khomotuunga mokhandulunge mpakha panaa alalepa ideni eloo lensi. 31Vatomami vayaakwe panaa valevawona egoo, meoyo jawe jalejavasaata modugo. Vakapeta khwa mwami wawe no khomoweela gensi ganaa gapumelaga. 32Apenee mwami amwetaa motomami oyoo no khomoweela, ‘Ogwee motomami mobe modugo. Onene alenakholekolela ideni lakhoo lensi panaa alewandoomba. 33Mbi, nagwe okhapogiwa khomowonela losongo motomami mwiyo, kete venaa onene alenakhowonela losongo?’ 34Mwami akakilwa modugo, akavaeta masinjala vakwe no khovaweela vamogwele no khomokenkha mokhandulunge apelwee magayo minki omoo mpakha panaa alalepa ideni lakwe lensi.”
35Apenee Yesu amalelya khwa khopaala, “Geeke avyenee Daada yaane wa pachanya alavanogelya nanyu avivyoo mbe kela yomwii wenyu alalekha khomolekolela modogwakwe khwa mooyo gwakwe gwensi.”
Chwazi Kounye ya:
Mateo 18: NTKIBL2025
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.
Mateo 18
18
A nanuu yunaa molaala?
Maluko 9:33-37; Luka 9:46-48
1Ituungo aleloo, vahemba vakwe vamwijela Yesu no khomowolya, “A nanuu yunaa molaala khokela vensi kho owami wa pachanya khwa Matuunda?” 2Apenee Yesu amwetaa mwana modo, amwimelekha pakhate yawe, 3no khopaala, “Nkhovaweela khapanga, mbe molalekha khogalokha mowee kete vana vado khotopo mwingele mo owami wa khochanya pa Mwatuunda ninga nsiko yemwii. 4Gechoo, muntu yeyensi yunaa akhakhopogaa olaala kete mwana modo oyo, oyoo amwenee alaawa molaala kho owami wa khochanya pa Matuunda. 5Khanke muntu yeyensi yunaa khwinyenyekelya kete mwana modo oyo, kho nguno ya lina laane, oyoo amwenee amba anepokelagaa onene.
Khogilya vantu vanaa vakhovanoja vaange vanojee mabe
Maluko 9:42-48; Luka 17:1,2
6“Mbe muntu yeyensi yunaa akhomokenkelya yomwii movamoonga mwa vana vado ewa vanaa vakhongoomba vanojee mabe, anga amba visoga mbe muntu oyoo alatungelwa isheelo monkingo yakwe no khotwiinwa pakhate ya ikhwa. 7Molalakewona onywnywe vantu va liwelelo ele, kho nguno ya khonoja mpola jenaa jekhokenkela vantu vanojee mabe, magemo gakhopogiwa gawee, ila alakewona muntu yunaa khokenkelelya magemo egoo.
8“Mbe mokhono gwakhoo ao mogolo gwakhoo golakhokenkela onojee mabe, owodomole no khowosutya khotale. A visoga khopwelya kewongelo kemwii cha mowele gwakhoo no khopata opanga wa nsiko jensi khokela khowa ne mekhono jewele ao megolo jewele ne khosombwa kho moto gonaa gokhalimaga nsiko jensi. 9Khanke, mbe liso lakhoo, lekhokenkela onojee mabe, lekhompole ne kholesutya khotale. A visoga khwakhoo khowa ne liso lemwii topo ne khopata opanga wa nsiko jensi khokela khowa ne miso gawele ne khosombwa kho moto gonaa gokhalimaga nsiko jensi.
Mofwano gwa nkholo yunaa apwelagaa
Luka 15:3-7
10“Yesu endelelaa khovaweela, Mwiyangalelage, mokhamobyeede ninga yomwii wa vado ewa. Nkhovaweela gechoo, kho nguno vatomami vawe va khochanya pa Matuunda, ituungo lensi vapwale paulongolo wa Daada yaane wa khochanya. 11Gechoo, Mwana wa Muntu aleijaa khovapon'ya vantu vanaa angile vapwelaga.
12“Mokhowona mbi? Mbe muntu atite nkholo igana, no yomwii mbe apweele, alanoja kee? Mbi, alavalekha evoo makomi kenda ne kenda kho ketonda, no khopeta khomopooga oyoo yunaa apwelagaa. 13Nkhovaweela khapanga, mbe alamopata oyoo nkholo, alatogwa modugo kho nguno ya nkholo oyoo yomwii, khokela nkholo ejoo makomi kenda ne kenda vanaa vakhapwela. 14Avivyoo, Isenyu yunaa apwale khochanya pa Matuunda, akhatogwa ninga yomwii wa vana ewa vado vapweele.
Modogwakhoo mbe akhononele
15“Mbe modogwakhoo akhonojelaga ibe, petaa omolange panaa amba moleemwi topo. Ne mbe alakhotegela, olaawa wamopataga khanke modogwakhoo. 16Ila mbe muntu oyoo alasita khokhotegelelya, petaa omosole muntu yoonge yomwii ao vawele ili kela mpola elageelwe no owoni wa vantu vawele ao vatato. 17Mbe alasita khovategelelya ne evoo, petaa opaale kho idale la vantu vanaa vakhomogoomba Kilisto. Khanke, mbe alasita khovategelelya ne evoo, epoo mwiije momonogelaje muntu oyoo kete venaa angamolavanojela vantu vanaa akhavakhomogoomba Matuunda ne vakhongan'ya khodi.
Khogoomba no khosiita
18“Nkhovaweela khapanga, “Lelensi lenaa molalesita paliwelelo, Matuunda nanoyo alalesita khochanya khwakwe. Avivyoo, lelensi lenaa molalegomba paliwelelo, Matuunda nanoyo alalegomba khochanya khwakwe.
19“Khanke nkhovaweela, mbe vawele movamoonga venyu valigombya paliwelelo kho lelensi lenaa valalomba, Daada yaane wa pachanya alavapela kento echoo. 20Kho nguno pepensi epoo panaa amba vakonganaga vantu vawele ao vatato khwa lina laane, nane amba nepwale epoo palomwi nanevo.”
Mofwano gwa motomami yunaa akhakholekolela mabe
21Apenee Petulo akamopetela Yesu no khomowolya, “Mwene, mbe modogwaane anojelagaa mabe, nkhopogiwaa nemolekolele mala jiinga? Mbi, mala saba?”
22Yesu akamoweela, “Khotopo, nkhankhopaala omolekolele mala saba topo,” “ila okhopogiwaa omolekolele modogwakhoo ninga saba mala makomi saba. 23Nkhovaweela gechoo, kho nguno owami wa pachanya khwa Matuunda, okhwipyaana no mwami yomwii yunaa aleapogaa khomanya mpia jakwe jensi venaa angile jepetile. 24Panaa aleandya khokongan'yaa, alealetelwaa motomami yomwii yunaa angile atite ideni ikolo la mamilioni minki ga mpia khwa mwami. 25Motomami oyoo aleakonyaa kholepa ideni lenaa angile atite. Apenee mwami akalagelelya vamogolye muntu oyoo kete mwasi, ili alepele ideni lakwe. 26Ila motomami oyoo, akamotungamela mwami oyoo no khomoloomba khwa khopaala, ‘Nkholoomba ondindelelye, nane ndalepa ideni laane lensi!’ 27Mwami akamowonela losongo, apenee amolekolelaa motomami wakwe eloo ideni lakwe lensi no khomolekolela apete. 28Ila motomami oyoo panaa angile akhopuma panji, vitaanga no motomami moyaakwe, yunaa angile amwalumyajaa mpia ntiiti dinali igana. Apaponye motomami oyoo wa mwandyo, amogwelaa no khomoniga nkingo oyoo motomami yoonge, no khwandyaa khomoweela, ‘Ondepe kenaa nkhokhodai.’ 29Oyoo motomami moyaakwe amotungamelaa no khomoloomba khwa khopaala, ‘Nkholoomba ondindelelye, nane ndalepa ideni lensi.’ 30Ila motomami wa mwandyo asitaa, amokenkhaa moyaakwe khomotuunga mokhandulunge mpakha panaa alalepa ideni eloo lensi. 31Vatomami vayaakwe panaa valevawona egoo, meoyo jawe jalejavasaata modugo. Vakapeta khwa mwami wawe no khomoweela gensi ganaa gapumelaga. 32Apenee mwami amwetaa motomami oyoo no khomoweela, ‘Ogwee motomami mobe modugo. Onene alenakholekolela ideni lakhoo lensi panaa alewandoomba. 33Mbi, nagwe okhapogiwa khomowonela losongo motomami mwiyo, kete venaa onene alenakhowonela losongo?’ 34Mwami akakilwa modugo, akavaeta masinjala vakwe no khovaweela vamogwele no khomokenkha mokhandulunge apelwee magayo minki omoo mpakha panaa alalepa ideni lakwe lensi.”
35Apenee Yesu amalelya khwa khopaala, “Geeke avyenee Daada yaane wa pachanya alavanogelya nanyu avivyoo mbe kela yomwii wenyu alalekha khomolekolela modogwakwe khwa mooyo gwakwe gwensi.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.