Mateo 15
15
Maligi ganaa galegapokelwa ne makoko
Maluko 7:1-13
1Papenee vamoonga va Mafalisayo ne valaangi va njaanga ja Musa valevapuma Yelusalemu, vamwijela Yesu no khomowolya, 2“Kho kee vahemba vakhoo akhavakholoonda maligi ganaa galegapokelwa khopuma khwa makoko visu? Panaa vakholya endya, akhavakhokhalawa mekhono jawe venaa ikhopogiwa.”
3Yesu akavaweela, “Kho kee onywenywe akhamokholoonda njaanga ja Matuunda, ila mokholoonda maligi genyu? 4Kho nguno Matuunda aleapalaa, ‘Mokolyee iso no nyokho,’ khanke akapaala, ‘Yeyensi yunaa akhomotokha ise ao nyinya, akhopogiwaa, awolagwe.’ 5Ila onywenywe mokhopaala kete muntu mbe awee ne kento kenaa nokhowolaa khomopeela ise ao nyinya, akhopogiwa khovaweela, ‘Khotopo nevalye, kho nguno kento eke namopumelya Matuunda,’ 6gechoo akhapogiwa khanke khomokolya ise ao nyinya. Khwa khonoja gechoo, avyenee venaa mokhobyeeda mpola ya Matuunda no kholoonda maligi genyu. 7Onywee van'yaa, Isaya molooti wa Matuunda aleapalaa khapanga khovaugela onywenywe, panaa aleapalaa kete,
8‘Matuunda akhopaala, vantu ewa vakhonkholya khwa melomo topo,
ila meoyo jawe jele khotale nane.
9Khonkumbekha khwawe nkha kento,
kho nguno maligi gawe gakhopuma khwa vantu.’ ”
Mpola jenaa jekhomonoja muntu akhagombwe paolongolo wa Matuunda
Maluko 7:14-23
10Apenee Yesu alyetaa idale la vantu lenaa angile lepwale epoo, avawelaa, “Tegelelaji visoga no khomanya. 11Nkha kento kenaa kekhwingela momolomo gwa muntu, kenaa kekhomonoja muntu akhagombwe paolongolo wa Matuunda, ila kenaa kekhopuma momolomo gwakwe.”
12Apenee vahemba va Yesu vapeta khwa Yesu no khomoweelya, “Mbi, omanyile kete Mafalisayo valevakilwa modugo panaa valevategeela mpola jenaa angile okhopaala?”
13Yesu akavaweela, “Kela momelo gonaa alegokhavyalwa no Daada yaane yunaa apwale khochanya, golalimbolwa. 14Mokhavategelelye, evene a valaala vatulu vanaa vakhovalongolya vatulu. Kete motulu akhomolongolya motulu moya, vensi vawele valagwela mwileende.”
15Apenee Petulo akamoweela Yesu, “Khowelee, okhopalela chanuu.” 16Yesu avawelaa, “Ninga nanyu mokhale momanye? 17Mbi, mokhamanya kete chechensi kenaa kekhwingela momolomo, kekhwingela mondaa ya muntu, papenee paudugo kekhopuma khwa khopeta kholoowa? 18Ila vento venaa vekhopuma momolomo gwa muntu, vekhopuma momooyo gwakwe, ne evyoo avyenee vekhomonoja muntu akhagombwe paolongolo wa Matuunda. 19Kho nguno mokhate mwa mooyo wa muntu, gakhopuma maheewo mabe, owolagi no osencha no wiketu no wiwi no owoni wa opepi ne ntoki. 20Mpola ejoo ajenee jekhomonoja muntu akhagombwe paolongolo wa Matuunda. Ila kholya patokhola khokhawala mekhono, khotopo emonoje akhagombwe no Matuunda.”
Khogoomba khwa mokhiima wa khopuma kho Kanani
Maluko 7:24-30
21Yesu aleawokhaa epoo, akapeta kho mahala ga Tilo ne Sidoni. 22Apenee itangaa no mokhiima yomwii khopuma kho Kanani, yunaa angile khwikhala kho nse eyoo, amwijela, oko akhokoota kho lolii, “Mwene, Mwana wa Daudi, ombonele losongo. Mwalele waane akhogayanjwa modugo ne idemi.”
23Ila Yesu aleapombolaa. Apenee vahemba vakwe vamopetela vamowelaa, “Mowelee apete jakwe, kho nguno khotogayanjaa ne madoolo gakwe.” 24Yesu akavaweela, “Matuunda aleantoma kho nguno ya Vaizilaeli topo, kho nguno vale kete nkholo jenaa jipwelile.”
25Ila mokhiima oyoo aleatelelaa panaa Yesu aleapwale, akamotungamela no khopaala, “Mwene, nkholoomba onyalye.”
26Yesu akamoweela khwa khotomela mofwano, “Nkha visoga khosola endya ja vana vakhoo no khojejutela embwa.”
27Mokhiima oyoo akapaala, “Avyenee, Mwene, ila ninga embwa gakholya masigilo ganaa gakhogwa panse ya meja ja vameyaa vawe.”
28Yesu amowelaa, “Ogwee, mokhiima khogoomba khwakhoo a mokolo, ne elaawa gechoo kete venaa opogile.” Apaponye mwalelee wa mokhiima oyoo aponaa.
Yesu akhovapon'ya vantu vinki
29Yesu aleawokhaa epoo akapeta kho mpelo ya ilambo la Galilaya. Papenee atantaa kho ketonda, no khwikhalaa panse. 30Vantu vinki vamopetela, vamokenkela, valema, vatulu, vatewe, vameme, ne valwile vaange vinki, vawatuula paulongolo wakwe, nanoyo avapon'yaa. 31Vantu evoo valevakumya modugo panaa valevavawona vakameme vakhopaala, valema vaponaga, vatewe vakhogeenda, ne vatulu vakhokuuna, nanevo valevamokolya Matuunda wa Vaizilaeli.
Yesu akhovapeela endya vantu elufu jinee
Maluko 8:1-10
32Apenee Yesu avetaa vahemba vakwe no khovaweela, “Nkhovawonela losongo vantu ewa, kho nguno vawaaga nane kho ituungo la nsiko jetato, ninga vatokhola endya, nane khotopo nevadaye patokhola kholya endya kho nguno valaagwa wesa monjela.”
33Vahemba vakwe vakamowolya, “Kholapata khwenii mekate ya khovakweela vantu vensi ewa, nasu khole pipalangwa?”
34Yesu avawolyaa, “Motite mekate jiinga?” Vakamoweela.
“Khotite mekate saba ne nshe nndo ntiiti.”
35Apenee Yesu alagelelya kete vantu vensi vikhale panse. 36Papenee ajesola ejoo mekate saba ne ejoo nshe, akamosongela Matuunda, amegan'yaa no khovapeela vahemba vakwe, nanevo vahemba vakavagawela vantu evoo. 37Vantu vensi valyaa, vikota. Apenee vahemba vakwe, vakungan'yaa masigelo, vijolya vekhapu saba. 38Vantu vanaa angile valya endya, vagwisha angile elufu jinee, ne patokhola khovalya vakhiima ne vana.
39Apenee Yesu akavadaaya vantu evoo, atantaa mwipogo, akapeta ihala la Magadani.
Chwazi Kounye ya:
Mateo 15: NTKIBL2025
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.
Mateo 15
15
Maligi ganaa galegapokelwa ne makoko
Maluko 7:1-13
1Papenee vamoonga va Mafalisayo ne valaangi va njaanga ja Musa valevapuma Yelusalemu, vamwijela Yesu no khomowolya, 2“Kho kee vahemba vakhoo akhavakholoonda maligi ganaa galegapokelwa khopuma khwa makoko visu? Panaa vakholya endya, akhavakhokhalawa mekhono jawe venaa ikhopogiwa.”
3Yesu akavaweela, “Kho kee onywenywe akhamokholoonda njaanga ja Matuunda, ila mokholoonda maligi genyu? 4Kho nguno Matuunda aleapalaa, ‘Mokolyee iso no nyokho,’ khanke akapaala, ‘Yeyensi yunaa akhomotokha ise ao nyinya, akhopogiwaa, awolagwe.’ 5Ila onywenywe mokhopaala kete muntu mbe awee ne kento kenaa nokhowolaa khomopeela ise ao nyinya, akhopogiwa khovaweela, ‘Khotopo nevalye, kho nguno kento eke namopumelya Matuunda,’ 6gechoo akhapogiwa khanke khomokolya ise ao nyinya. Khwa khonoja gechoo, avyenee venaa mokhobyeeda mpola ya Matuunda no kholoonda maligi genyu. 7Onywee van'yaa, Isaya molooti wa Matuunda aleapalaa khapanga khovaugela onywenywe, panaa aleapalaa kete,
8‘Matuunda akhopaala, vantu ewa vakhonkholya khwa melomo topo,
ila meoyo jawe jele khotale nane.
9Khonkumbekha khwawe nkha kento,
kho nguno maligi gawe gakhopuma khwa vantu.’ ”
Mpola jenaa jekhomonoja muntu akhagombwe paolongolo wa Matuunda
Maluko 7:14-23
10Apenee Yesu alyetaa idale la vantu lenaa angile lepwale epoo, avawelaa, “Tegelelaji visoga no khomanya. 11Nkha kento kenaa kekhwingela momolomo gwa muntu, kenaa kekhomonoja muntu akhagombwe paolongolo wa Matuunda, ila kenaa kekhopuma momolomo gwakwe.”
12Apenee vahemba va Yesu vapeta khwa Yesu no khomoweelya, “Mbi, omanyile kete Mafalisayo valevakilwa modugo panaa valevategeela mpola jenaa angile okhopaala?”
13Yesu akavaweela, “Kela momelo gonaa alegokhavyalwa no Daada yaane yunaa apwale khochanya, golalimbolwa. 14Mokhavategelelye, evene a valaala vatulu vanaa vakhovalongolya vatulu. Kete motulu akhomolongolya motulu moya, vensi vawele valagwela mwileende.”
15Apenee Petulo akamoweela Yesu, “Khowelee, okhopalela chanuu.” 16Yesu avawelaa, “Ninga nanyu mokhale momanye? 17Mbi, mokhamanya kete chechensi kenaa kekhwingela momolomo, kekhwingela mondaa ya muntu, papenee paudugo kekhopuma khwa khopeta kholoowa? 18Ila vento venaa vekhopuma momolomo gwa muntu, vekhopuma momooyo gwakwe, ne evyoo avyenee vekhomonoja muntu akhagombwe paolongolo wa Matuunda. 19Kho nguno mokhate mwa mooyo wa muntu, gakhopuma maheewo mabe, owolagi no osencha no wiketu no wiwi no owoni wa opepi ne ntoki. 20Mpola ejoo ajenee jekhomonoja muntu akhagombwe paolongolo wa Matuunda. Ila kholya patokhola khokhawala mekhono, khotopo emonoje akhagombwe no Matuunda.”
Khogoomba khwa mokhiima wa khopuma kho Kanani
Maluko 7:24-30
21Yesu aleawokhaa epoo, akapeta kho mahala ga Tilo ne Sidoni. 22Apenee itangaa no mokhiima yomwii khopuma kho Kanani, yunaa angile khwikhala kho nse eyoo, amwijela, oko akhokoota kho lolii, “Mwene, Mwana wa Daudi, ombonele losongo. Mwalele waane akhogayanjwa modugo ne idemi.”
23Ila Yesu aleapombolaa. Apenee vahemba vakwe vamopetela vamowelaa, “Mowelee apete jakwe, kho nguno khotogayanjaa ne madoolo gakwe.” 24Yesu akavaweela, “Matuunda aleantoma kho nguno ya Vaizilaeli topo, kho nguno vale kete nkholo jenaa jipwelile.”
25Ila mokhiima oyoo aleatelelaa panaa Yesu aleapwale, akamotungamela no khopaala, “Mwene, nkholoomba onyalye.”
26Yesu akamoweela khwa khotomela mofwano, “Nkha visoga khosola endya ja vana vakhoo no khojejutela embwa.”
27Mokhiima oyoo akapaala, “Avyenee, Mwene, ila ninga embwa gakholya masigilo ganaa gakhogwa panse ya meja ja vameyaa vawe.”
28Yesu amowelaa, “Ogwee, mokhiima khogoomba khwakhoo a mokolo, ne elaawa gechoo kete venaa opogile.” Apaponye mwalelee wa mokhiima oyoo aponaa.
Yesu akhovapon'ya vantu vinki
29Yesu aleawokhaa epoo akapeta kho mpelo ya ilambo la Galilaya. Papenee atantaa kho ketonda, no khwikhalaa panse. 30Vantu vinki vamopetela, vamokenkela, valema, vatulu, vatewe, vameme, ne valwile vaange vinki, vawatuula paulongolo wakwe, nanoyo avapon'yaa. 31Vantu evoo valevakumya modugo panaa valevavawona vakameme vakhopaala, valema vaponaga, vatewe vakhogeenda, ne vatulu vakhokuuna, nanevo valevamokolya Matuunda wa Vaizilaeli.
Yesu akhovapeela endya vantu elufu jinee
Maluko 8:1-10
32Apenee Yesu avetaa vahemba vakwe no khovaweela, “Nkhovawonela losongo vantu ewa, kho nguno vawaaga nane kho ituungo la nsiko jetato, ninga vatokhola endya, nane khotopo nevadaye patokhola kholya endya kho nguno valaagwa wesa monjela.”
33Vahemba vakwe vakamowolya, “Kholapata khwenii mekate ya khovakweela vantu vensi ewa, nasu khole pipalangwa?”
34Yesu avawolyaa, “Motite mekate jiinga?” Vakamoweela.
“Khotite mekate saba ne nshe nndo ntiiti.”
35Apenee Yesu alagelelya kete vantu vensi vikhale panse. 36Papenee ajesola ejoo mekate saba ne ejoo nshe, akamosongela Matuunda, amegan'yaa no khovapeela vahemba vakwe, nanevo vahemba vakavagawela vantu evoo. 37Vantu vensi valyaa, vikota. Apenee vahemba vakwe, vakungan'yaa masigelo, vijolya vekhapu saba. 38Vantu vanaa angile valya endya, vagwisha angile elufu jinee, ne patokhola khovalya vakhiima ne vana.
39Apenee Yesu akavadaaya vantu evoo, atantaa mwipogo, akapeta ihala la Magadani.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The New Testament in Kimbu @The Word for The World International and Kimbu Language translation, 2025. All rights reserved.