Mark 10
10
Yesɔ mati shɔ vi ayuu so naa yanɛ
1Kɛɗɔn Yesɔ yaa ɗɔurɛ, a yɛkɛ tipi Yahudiya a yɛ wɔsɔ̃n tɛnɛ ɓooti Yodan. Tɔtti mɔɔ waanɛ i toli nya sɔ̃n au ɗɔbii, Yesɔ matiyi virɛ, nɔgbete si pɛliyɛ a lee-lee.
2Farasiyawayi gãsi i au ɗɔbii nɛi ntau sisɨn i hɨunɛ, nya ãsinɛ gbete Musa mati shɔyɛ pɛ tɔ̃vɨng ya, shɔzɛ u yaa so gbete tɛ awɛrɛ naa ya?
3Kɛɗɔn Yesɔ kasinyanɛ,<<Musa ãsɔɔ nyanɛ iviya?>>
4I shanɛ,<<Musa pɔ̃ naanɛ shɔu beeri suwɛrɛ takada naa yanɛtɔ, shɔ ãu naa u yɛrɛ.>>
5Yesɔ geliyinɛ,<<Musa ãsɔɔ nya nankɔ a laabeene aruu ɔ yuu kasi.>> 6<<Ama gaanɛ aɗagbete Ɗalapa shɛshi koo, Ɗalapa pɛli vɔshɔ a soro. 7<Aruumkɔ vɔshɔ yaa ɓeye wɛrɛ a ɓini-ni u rɛɛ a ɓeso, 8i ziti i ɔ̃kɛ shɔzɛ gbete.> I tɔtti ziti ɓa, ama kɛ gbete. 9Aruu nankɔ vi gbete Ɗalapa kɛ dɔsinɛ shɔzɛ vɔsi ɓa.>> 10Aɗagbete i sɔɔ wɛrɛ sɔ̃ntɛ Yesɔ jadɔyi i hɨu sɔ̃n aruumni. 11Yesɔ kasiyinya nɛ,<<Shɔgbete kɛ yaa ɓeso naanɛ, a tɛ so wɔɔ, pɛli ruuvini kpãtang tɛ a ɓeso yuu. 12Sɔ̃nji nankɔ so gbete kɛ yaa ɓevɔ wɛrɛnɛ a tɛ vɔshɔ wɔɔ, pɛli ruuvini kpãtang-tɛ.>>
Yesɔ a jajja pẽtẽrẽ
13Shɔ gãsiyi n-ti Yesɔ jajja pẽtẽrẽyi aruu neu ɗii naa bii, Ama Yesɔ jaɗɔyi i shari shɔ gãgã nɛ shɔ n-ti ɓa. 14Naa Yesɔ zɛtɛ nankɔ, lɛsi sisɨn waanɛ, a geliyinɛ,<<Ɔ yaa jajja pẽtẽrẽ i ang ɗɔbii, ɔ kɔɔ nyikiyinɛ, Ɗa kpati roonɛ kãjo shɔ naa ikɔ. 15N gelɔɔtɛ nizɛ, shɔgbete ji tɛ ruu Ɗa kpati roonɛ ɓa naa jajja pẽtẽrẽn kɔɓa, yɛ kpaa tonɛ ɓa a ɗɔ gbete Ɗa roo kpati-ni ɓa.>> 16Kɛɗɔn Yesɔ tuu jajja pẽtẽrẽyi a kɔ̃tiyi a nɔsisɨn a pɔ̃siyi naa a yuu u ɗɔgbete gakki Ɗa U tasuu vɔɔ susãri a biini.
Shɔ vinaa
17Naa Yesɔ yusɔ̃ntɛ nɛn yɛ zati, jawɔɔ au ɗɔbii yuurɛ a ta yugboti au ɗekn.<<Shɔmala tɔ̃vɨng, n yɛn pɛli iviya Ɗalapa u ang suru gbete sɔ̃n nya ɓayɛ viya?>>
18Kɛɗɔn Yesɔ hɨunɛ, <<A ɓannɛ shɔ tɔ̃vɨng aruu iviya?>>Shɔ tɔ̃vɨng wɔɔɓa see Ɗalapa kɔ sheeli. 19A zɛ vigbete Ɗalapa ãsinya tɛttɔ au yuuni:<<Mɔkaa nyɔ shɔnɛ, mɔkaa roonɛ shɔwɔɔ so ni, mɔkaa ɓɔɔ shɔ vinɛ, mɔkaa pɔnaanɛ ruu gbete aji zɛ ɓa àà nɔni ɓa, mɔkaa shaa vigbete ɓaa ɓɛɛɓa nɛ, a wesho a mɛyeu nya a miniu nya.>>
20Jau geli Yesɔ nɛ,<<Shɔmala vim piti kpai n gntɛttɔ sin doo jákàsà.>>
21Yesɔ knnɔɔ au bii ɔruutɔ, a geliunɛ.<<Vi gbete aji gn ɓa, yɛnɛ a mɛli vi gbete a wuni piti kpai a ã shɔ raayi, ayɛ kpaa vinaa tɔ a kolapani. Kɛɗɔn ɗa a arɛ a gn kn.>>
22Naa jau nta vimtɛ u nɔkn lɛsirɛ, yɛrɛ u sisɨn lɛsinɛ, aruugbete u si shɔ vinaa waanɛ.
23Kɛɗɔn Yesɔ knnɔɔ a zɛ u jaɗɔyi a geliyinɛ,<<Ɓa vi pɛlaa ɓa shɔ vinaa u ãyuu aruu Ɗa kpati roonɛ!>>
24Yesɔ jadɔyi bii zaatɔ aruum ni. Ama Yesɔ geliyi sɔ̃nnɛ,<<Majayi, kpaanɛ yuu a Ɗa kpati roonɛ raaɓoonɛ aɗɔn waanɛ! 25Yɛ tɛɛtɔ wɔba u to nyaɓa ɓo akangbete shɔ vinaa yɛ kpaa tonɛ aɗɔɔ Ɗa kpati roonɛ.>>
26U jaɗɔyi nta ruum nam i bii zaarɛ yɛ ɗekn, a i hɨ zɔɔ ai nɔɔ nɛ,<<Vimkɛ ɔ̃nɛ nankɔ, piyɛ raanaa piya?>>
27Yesɔ knnɔɔ ai bii a shanɛ,<<A shɔzɛ ɗɔbii yɛ pɛli ɓa, ama ɓa Ɗalapa ɗɔbii ɓa; a Ɗalapa ɗɔbii vi piti kpai pɛlitɔ.>>
28Bituru geli Yesɔ nɛ,<< Zɛpɛ u yaa vitɛ piti kpai u gn atɛ!>>
29Yesɔ risinyanɛ,<<N gelɔɔtɛ nizɛ, shɔgbete kɛ yau wɛrɛnɛ, ko ɓɛzɔ̃yi ko ɓɛnaayi ko ɓini ko ɓeye ko ɓɛjaayi a ɗɔ jaa lanɛ ang yuu aruu tɔ̃vɨng miyi, 30vigbete yɛ kpaayɛ yɛ tɛɛ ɓa mááni tɔ a vigbete u awuni ni a wɛrɛ, ko ɓɛzɔ̃yi ko ɓɛnaayi ko ɓiniyi ko ɓɛjaayi a ɗɔ jaa lanɛyi, ama, setɛ ɓooraatɛ waanɛ. Kɛɗɔn a koo gbete kanɛ, yɛ kpaa suru gbete yisi nya ɓa kɛkn. 31Ama shɔzɛ waanɛ gbete i a ɗekn iyɛ sɔɔ sɔ̃n a knti, shɔ knti ikɔi yɛ ɔ̃ sɔ̃n a ɗekn.>>
Yesɔ Nwanya Sɔ̃n Ayuu Gbete Yɛ Vɔyɛ Ɓa taati
32Yesɔ au jadɔyini i nyaɓa Urushalima yɛnɛ, Yesɔ ukɔ a ɗekn, U jaɗɔyi i ɗɔgbete i gɨuyɛ a knti i bii ɗɔɔ zaanɛ, shɔgbete i gn Yesɔ knti maa i bii ɗɔɔ zaanɛ. Tɔtti Yesɔ toli kopi tu ziti nya kagbete a sha vigbete yɛ kpaurɛ sɔ̃n ai ɗɔbii. Shanɛ, 33<<U yɛkɛ Urushalima, shɔyɛ ã jashɔzɛ Kɛ yupẽni-nyawaanɛ jaa Ɗa a shɔmala nya-ãsinɛyi musa i naa. I yɛ ãu shɔgbete ɓa Yahudawa ɓa a naa i nyou vɔrɔ yɛnɛ yusàà, 34i yɛ ãruu nya i tulu susãri au bii, i waurɛ a nyou vɔrɔ sàà, a knti lee taati yɛ yulapa sɔ̃n a suruni.>>
Yakubu a Yɔhana i gakkinɛ
35Kɛɗɔn Zabadi ɓɛjaayi, Yɔhana a Yakubu i a Yesɔ ɗɔbii i shanɛ,<<Shɔmala, u gakkaatɔ pɛliu vigbete ukɛ hɨn aanɛ piti kpai.>>
36Yesɔ hɨyinɛ,<<Ɔ kasin n pɛlɔɔ iviya?>>
37I risinyanɛ,<<U gakkaa tɔ a lee gbete akɛ ɔ̃nɛ āā ɗɔɔ bassinɛ aɗagbete a roo kpati u kasirɛ shɔzɛ gbete au tettem u ɔ̃ āā nakn gbete wɔɔ u ɔ̃ āā nagã.>>
38Yesɔ geliyi nɛ, ɔ ji zɛ vigbete ɔ gakki yɛɓa, ɔ yɛ zɛnɔɔ raɓoonɛ gbete n yɛn ɓoon dɔɔtɔya? Ko ɔ zɛnɔɔ dɔɔtɔ shɔu pɛlɔɔ batizima a batizima gbete shɔyɛ pɛlin yɛya?
39I kasi nyanɛ, <<nn, u zɛnɔɔtɔ.>>
Yesɔ geliyinɛ, Nn, ɔ zɛnɔɔ raɓoonɛ tɔ naa n ɓooni, shɔ yɛ pɛlɔɔ batizima a batizima gbete shɔ yɛ pɛlinyɛni.
40Ama ɔ̃nɛ ang nakn ang nagã ɓang nkɔng kakaa ãnɛ niɓa. Dɔm see Ɗalapa yɛ ã shɔgbete mabiitɛ.
41Naa Yesɔ jadɔyi kopi i nta vimtɛ, kɛɗɔn i sisɨn lɛsirɛ a Yakubu a Yɔhana ni. 42Akntiuni Yesɔ ɓaa u jaɗɔyi nya piti kpai a geliyinɛ,<<Ɔ zɛtɛ shɔgbete i ɓa Yahudawa ɓa, shɔgbete i a kpatini i tasi kakaa kpati i pɔ̃ shɔ, shɔ gn vigbete i shayɛ, i yupẽni maa i tasi shɔ ji kakka kɔ. 43Ama ɔkɔɔ pɛlinɛ naa ikɔ, nɔgbete ɔ si pɛli nankɔ, shɔgbete awɔ tette kɛ kasinɛ shɔu bassintɔ pẽniba, ɔ̃tɛ lakɔrɔ u sɔriu yuu naa jawɛrɛ a tette shɔ gãsini. 44aruu nankɔ, shɔgbete kɛ kasinɛ nɛn ɔ̃ shɔ ɗekn, ɔ̃riutɛ lakɔrɔ u sɔri yuu foo a tette shɔ gãsini kpai. 45Jinankɔ Yesɔ shɔzɛja ji a ɓa nɛ shɔu shoshin viɓa, ama a ɗɔɔ shɔ vishonɛ pɛlinɛ, u ãu suru aruu shɔzɛ waanɛ i yuu.>>
Yesɔ gati shɔnɔgbãti Batamawu
46Akntiuni i arɛ a ɓuzɨn Yeriko. Yesɔ au jaɗɔyini piti a mɔɔyini waanɛ aɗɔzɔɔ aɗɔgbete i yaa ɓuzɨn komɔɔyɛ, shɔnɔgbãti gbete gakki saa ɔ̃tɛ a nya nyaɓa kagbete. 47Naa ntatɛ shɔ shalinɛ Yesɔ shɔ Nazara kɛ tɛɛnɛ, a shati nya nɛ,<<Yesɔǃ Dauda ɓɛjaaǃ ntang raajo!>>
48Shɔwɔɔ i lasiurɛ a geliyinɛ nɛu ɔ̃ a nyani, ama a yɛ ɗekn nya shatinɛ ni, <<Dauda ɓɛjaa, ntang raajo.>>
49Kɛɗɔn Yesɔ shirɛ a shanɛ,<<Ɔ ɓaring u nyapɛ yɛm.>>
I ɓaa shɔnɔgbãtiu nyarɛ, i geliunɛ, <<Ntabii nyantɔnɛ nɛǃ yunɛ kɛ ɓaa nyanɛ.>> 50Kɛɗɔn loki u vibii kukinɛrɛ kagbete, a kɔbii lapa a yɛ Yesɔ ɗɔbiirɛ. 51Yesɔ hɨunɛ,<<A kasinɛ n pɛlaa iviya?>>
Shɔnɔgbãti shanɛ, <<Shɔwɛrɛ n kasirɛ n zɛɗɔ.>>
52Yesɔ geliunɛ, <<Yɛnɛ, a sisɨn ãnɛ gataatɛ.>>Tɛ̃ɛ̃ti u nɔɔ zɛɗɔrɛ a gn Yesɔ rɛ i yɛrɛ.
Chwazi Kounye ya:
Mark 10: Laa
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria
Mark 10
10
Yesɔ mati shɔ vi ayuu so naa yanɛ
1Kɛɗɔn Yesɔ yaa ɗɔurɛ, a yɛkɛ tipi Yahudiya a yɛ wɔsɔ̃n tɛnɛ ɓooti Yodan. Tɔtti mɔɔ waanɛ i toli nya sɔ̃n au ɗɔbii, Yesɔ matiyi virɛ, nɔgbete si pɛliyɛ a lee-lee.
2Farasiyawayi gãsi i au ɗɔbii nɛi ntau sisɨn i hɨunɛ, nya ãsinɛ gbete Musa mati shɔyɛ pɛ tɔ̃vɨng ya, shɔzɛ u yaa so gbete tɛ awɛrɛ naa ya?
3Kɛɗɔn Yesɔ kasinyanɛ,<<Musa ãsɔɔ nyanɛ iviya?>>
4I shanɛ,<<Musa pɔ̃ naanɛ shɔu beeri suwɛrɛ takada naa yanɛtɔ, shɔ ãu naa u yɛrɛ.>>
5Yesɔ geliyinɛ,<<Musa ãsɔɔ nya nankɔ a laabeene aruu ɔ yuu kasi.>> 6<<Ama gaanɛ aɗagbete Ɗalapa shɛshi koo, Ɗalapa pɛli vɔshɔ a soro. 7<Aruumkɔ vɔshɔ yaa ɓeye wɛrɛ a ɓini-ni u rɛɛ a ɓeso, 8i ziti i ɔ̃kɛ shɔzɛ gbete.> I tɔtti ziti ɓa, ama kɛ gbete. 9Aruu nankɔ vi gbete Ɗalapa kɛ dɔsinɛ shɔzɛ vɔsi ɓa.>> 10Aɗagbete i sɔɔ wɛrɛ sɔ̃ntɛ Yesɔ jadɔyi i hɨu sɔ̃n aruumni. 11Yesɔ kasiyinya nɛ,<<Shɔgbete kɛ yaa ɓeso naanɛ, a tɛ so wɔɔ, pɛli ruuvini kpãtang tɛ a ɓeso yuu. 12Sɔ̃nji nankɔ so gbete kɛ yaa ɓevɔ wɛrɛnɛ a tɛ vɔshɔ wɔɔ, pɛli ruuvini kpãtang-tɛ.>>
Yesɔ a jajja pẽtẽrẽ
13Shɔ gãsiyi n-ti Yesɔ jajja pẽtẽrẽyi aruu neu ɗii naa bii, Ama Yesɔ jaɗɔyi i shari shɔ gãgã nɛ shɔ n-ti ɓa. 14Naa Yesɔ zɛtɛ nankɔ, lɛsi sisɨn waanɛ, a geliyinɛ,<<Ɔ yaa jajja pẽtẽrẽ i ang ɗɔbii, ɔ kɔɔ nyikiyinɛ, Ɗa kpati roonɛ kãjo shɔ naa ikɔ. 15N gelɔɔtɛ nizɛ, shɔgbete ji tɛ ruu Ɗa kpati roonɛ ɓa naa jajja pẽtẽrẽn kɔɓa, yɛ kpaa tonɛ ɓa a ɗɔ gbete Ɗa roo kpati-ni ɓa.>> 16Kɛɗɔn Yesɔ tuu jajja pẽtẽrẽyi a kɔ̃tiyi a nɔsisɨn a pɔ̃siyi naa a yuu u ɗɔgbete gakki Ɗa U tasuu vɔɔ susãri a biini.
Shɔ vinaa
17Naa Yesɔ yusɔ̃ntɛ nɛn yɛ zati, jawɔɔ au ɗɔbii yuurɛ a ta yugboti au ɗekn.<<Shɔmala tɔ̃vɨng, n yɛn pɛli iviya Ɗalapa u ang suru gbete sɔ̃n nya ɓayɛ viya?>>
18Kɛɗɔn Yesɔ hɨunɛ, <<A ɓannɛ shɔ tɔ̃vɨng aruu iviya?>>Shɔ tɔ̃vɨng wɔɔɓa see Ɗalapa kɔ sheeli. 19A zɛ vigbete Ɗalapa ãsinya tɛttɔ au yuuni:<<Mɔkaa nyɔ shɔnɛ, mɔkaa roonɛ shɔwɔɔ so ni, mɔkaa ɓɔɔ shɔ vinɛ, mɔkaa pɔnaanɛ ruu gbete aji zɛ ɓa àà nɔni ɓa, mɔkaa shaa vigbete ɓaa ɓɛɛɓa nɛ, a wesho a mɛyeu nya a miniu nya.>>
20Jau geli Yesɔ nɛ,<<Shɔmala vim piti kpai n gntɛttɔ sin doo jákàsà.>>
21Yesɔ knnɔɔ au bii ɔruutɔ, a geliunɛ.<<Vi gbete aji gn ɓa, yɛnɛ a mɛli vi gbete a wuni piti kpai a ã shɔ raayi, ayɛ kpaa vinaa tɔ a kolapani. Kɛɗɔn ɗa a arɛ a gn kn.>>
22Naa jau nta vimtɛ u nɔkn lɛsirɛ, yɛrɛ u sisɨn lɛsinɛ, aruugbete u si shɔ vinaa waanɛ.
23Kɛɗɔn Yesɔ knnɔɔ a zɛ u jaɗɔyi a geliyinɛ,<<Ɓa vi pɛlaa ɓa shɔ vinaa u ãyuu aruu Ɗa kpati roonɛ!>>
24Yesɔ jadɔyi bii zaatɔ aruum ni. Ama Yesɔ geliyi sɔ̃nnɛ,<<Majayi, kpaanɛ yuu a Ɗa kpati roonɛ raaɓoonɛ aɗɔn waanɛ! 25Yɛ tɛɛtɔ wɔba u to nyaɓa ɓo akangbete shɔ vinaa yɛ kpaa tonɛ aɗɔɔ Ɗa kpati roonɛ.>>
26U jaɗɔyi nta ruum nam i bii zaarɛ yɛ ɗekn, a i hɨ zɔɔ ai nɔɔ nɛ,<<Vimkɛ ɔ̃nɛ nankɔ, piyɛ raanaa piya?>>
27Yesɔ knnɔɔ ai bii a shanɛ,<<A shɔzɛ ɗɔbii yɛ pɛli ɓa, ama ɓa Ɗalapa ɗɔbii ɓa; a Ɗalapa ɗɔbii vi piti kpai pɛlitɔ.>>
28Bituru geli Yesɔ nɛ,<< Zɛpɛ u yaa vitɛ piti kpai u gn atɛ!>>
29Yesɔ risinyanɛ,<<N gelɔɔtɛ nizɛ, shɔgbete kɛ yau wɛrɛnɛ, ko ɓɛzɔ̃yi ko ɓɛnaayi ko ɓini ko ɓeye ko ɓɛjaayi a ɗɔ jaa lanɛ ang yuu aruu tɔ̃vɨng miyi, 30vigbete yɛ kpaayɛ yɛ tɛɛ ɓa mááni tɔ a vigbete u awuni ni a wɛrɛ, ko ɓɛzɔ̃yi ko ɓɛnaayi ko ɓiniyi ko ɓɛjaayi a ɗɔ jaa lanɛyi, ama, setɛ ɓooraatɛ waanɛ. Kɛɗɔn a koo gbete kanɛ, yɛ kpaa suru gbete yisi nya ɓa kɛkn. 31Ama shɔzɛ waanɛ gbete i a ɗekn iyɛ sɔɔ sɔ̃n a knti, shɔ knti ikɔi yɛ ɔ̃ sɔ̃n a ɗekn.>>
Yesɔ Nwanya Sɔ̃n Ayuu Gbete Yɛ Vɔyɛ Ɓa taati
32Yesɔ au jadɔyini i nyaɓa Urushalima yɛnɛ, Yesɔ ukɔ a ɗekn, U jaɗɔyi i ɗɔgbete i gɨuyɛ a knti i bii ɗɔɔ zaanɛ, shɔgbete i gn Yesɔ knti maa i bii ɗɔɔ zaanɛ. Tɔtti Yesɔ toli kopi tu ziti nya kagbete a sha vigbete yɛ kpaurɛ sɔ̃n ai ɗɔbii. Shanɛ, 33<<U yɛkɛ Urushalima, shɔyɛ ã jashɔzɛ Kɛ yupẽni-nyawaanɛ jaa Ɗa a shɔmala nya-ãsinɛyi musa i naa. I yɛ ãu shɔgbete ɓa Yahudawa ɓa a naa i nyou vɔrɔ yɛnɛ yusàà, 34i yɛ ãruu nya i tulu susãri au bii, i waurɛ a nyou vɔrɔ sàà, a knti lee taati yɛ yulapa sɔ̃n a suruni.>>
Yakubu a Yɔhana i gakkinɛ
35Kɛɗɔn Zabadi ɓɛjaayi, Yɔhana a Yakubu i a Yesɔ ɗɔbii i shanɛ,<<Shɔmala, u gakkaatɔ pɛliu vigbete ukɛ hɨn aanɛ piti kpai.>>
36Yesɔ hɨyinɛ,<<Ɔ kasin n pɛlɔɔ iviya?>>
37I risinyanɛ,<<U gakkaa tɔ a lee gbete akɛ ɔ̃nɛ āā ɗɔɔ bassinɛ aɗagbete a roo kpati u kasirɛ shɔzɛ gbete au tettem u ɔ̃ āā nakn gbete wɔɔ u ɔ̃ āā nagã.>>
38Yesɔ geliyi nɛ, ɔ ji zɛ vigbete ɔ gakki yɛɓa, ɔ yɛ zɛnɔɔ raɓoonɛ gbete n yɛn ɓoon dɔɔtɔya? Ko ɔ zɛnɔɔ dɔɔtɔ shɔu pɛlɔɔ batizima a batizima gbete shɔyɛ pɛlin yɛya?
39I kasi nyanɛ, <<nn, u zɛnɔɔtɔ.>>
Yesɔ geliyinɛ, Nn, ɔ zɛnɔɔ raɓoonɛ tɔ naa n ɓooni, shɔ yɛ pɛlɔɔ batizima a batizima gbete shɔ yɛ pɛlinyɛni.
40Ama ɔ̃nɛ ang nakn ang nagã ɓang nkɔng kakaa ãnɛ niɓa. Dɔm see Ɗalapa yɛ ã shɔgbete mabiitɛ.
41Naa Yesɔ jadɔyi kopi i nta vimtɛ, kɛɗɔn i sisɨn lɛsirɛ a Yakubu a Yɔhana ni. 42Akntiuni Yesɔ ɓaa u jaɗɔyi nya piti kpai a geliyinɛ,<<Ɔ zɛtɛ shɔgbete i ɓa Yahudawa ɓa, shɔgbete i a kpatini i tasi kakaa kpati i pɔ̃ shɔ, shɔ gn vigbete i shayɛ, i yupẽni maa i tasi shɔ ji kakka kɔ. 43Ama ɔkɔɔ pɛlinɛ naa ikɔ, nɔgbete ɔ si pɛli nankɔ, shɔgbete awɔ tette kɛ kasinɛ shɔu bassintɔ pẽniba, ɔ̃tɛ lakɔrɔ u sɔriu yuu naa jawɛrɛ a tette shɔ gãsini. 44aruu nankɔ, shɔgbete kɛ kasinɛ nɛn ɔ̃ shɔ ɗekn, ɔ̃riutɛ lakɔrɔ u sɔri yuu foo a tette shɔ gãsini kpai. 45Jinankɔ Yesɔ shɔzɛja ji a ɓa nɛ shɔu shoshin viɓa, ama a ɗɔɔ shɔ vishonɛ pɛlinɛ, u ãu suru aruu shɔzɛ waanɛ i yuu.>>
Yesɔ gati shɔnɔgbãti Batamawu
46Akntiuni i arɛ a ɓuzɨn Yeriko. Yesɔ au jaɗɔyini piti a mɔɔyini waanɛ aɗɔzɔɔ aɗɔgbete i yaa ɓuzɨn komɔɔyɛ, shɔnɔgbãti gbete gakki saa ɔ̃tɛ a nya nyaɓa kagbete. 47Naa ntatɛ shɔ shalinɛ Yesɔ shɔ Nazara kɛ tɛɛnɛ, a shati nya nɛ,<<Yesɔǃ Dauda ɓɛjaaǃ ntang raajo!>>
48Shɔwɔɔ i lasiurɛ a geliyinɛ nɛu ɔ̃ a nyani, ama a yɛ ɗekn nya shatinɛ ni, <<Dauda ɓɛjaa, ntang raajo.>>
49Kɛɗɔn Yesɔ shirɛ a shanɛ,<<Ɔ ɓaring u nyapɛ yɛm.>>
I ɓaa shɔnɔgbãtiu nyarɛ, i geliunɛ, <<Ntabii nyantɔnɛ nɛǃ yunɛ kɛ ɓaa nyanɛ.>> 50Kɛɗɔn loki u vibii kukinɛrɛ kagbete, a kɔbii lapa a yɛ Yesɔ ɗɔbiirɛ. 51Yesɔ hɨunɛ,<<A kasinɛ n pɛlaa iviya?>>
Shɔnɔgbãti shanɛ, <<Shɔwɛrɛ n kasirɛ n zɛɗɔ.>>
52Yesɔ geliunɛ, <<Yɛnɛ, a sisɨn ãnɛ gataatɛ.>>Tɛ̃ɛ̃ti u nɔɔ zɛɗɔrɛ a gn Yesɔ rɛ i yɛrɛ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria