matiyu 4
4
Japẽpẽẽ Nta Yesɔ Sɨsin
1Kɛɗɔn Ɗa suru tuu Yesɔ yɛnɛ ɗɔpnsi nɛ japẽpẽẽ u ntau sisɨn. 2Aknti nyamanɛ dii laa ziti zɨmba a nitini, si Yesɔ nta nwɔtɛ waanɛ. 3Japẽpẽẽ au ɗɔbii a shanɛ, <<A kɛ ɔ̃nɛ Ɗa jaa, risi tarim pɛ u ɔ̃ vishaanɛ.>>
4Yesɔ kasinya nɛ, <<Leebeenɛ Ɗanyaruubii shanɛ: <Shɔzɛ gãɓa a vishaanɛ kɔ shɛli ɓa, see ruu au shɛ a Ɗalapa nyayɛ.> >>
5Kɛɗɔn japẽpẽẽ tuu Yesɔ yɛnɛ Urushalima tipi wɔsɔ-wɔsɔ koomɔ pẽnɛba, a pɔ̃u ayuu sɔ̃sɔ̃no wɛrɛ Ɗa gakkinɛ. 6Japẽpẽẽ shanɛ,<<A kɛ ɔ̃nɛ Ɗa jaa, kɔbii nɛ a tasi a tipi. Labeene sha tɛttɔ nɛː
<<Yɛ ãsiu Ɗajashonɛlapaa nya a lapa aa yuu,
i yɛ kpɛa ai naa,
ayɛ kɔdɔɔ ɓa a tarini ɓa.>>
7Yesɔ kasiunya nɛ, <<Labeenɛ Ɗanyaruubii shanɛ:<Mokɔɔ nta Uɓeyelapa a Ɗalapa sisɨn nɛ.>>>
8Sɔ̃n ɗɔn, japẽpẽẽ tuu Yesɔ yɛnɛ yuu sɔ̃sɔ̃nɔ kɔpɔlapa a tasiu kootipi tottot i banɛ ai kɔrinɛni. 9Japẽpẽẽ shanɛ, vimiyi piti kpai n yɛn ãtɔ, <<Akɛ tanɛ a yugboti ang ɗekn a bassinrɛ.>>
10Yesɔ kasiunya nɛ, <<Yɛ kawa, japẽpẽẽǃ Labeenɛ shanɛ: Shɔzɛ u gn Uɓeyelapa a Ɗalapa, a bassi jo ukɔ shɛli.>>
11Kɛɗɔn japẽpẽẽ ya Yesɔ rɛ, Ɗajaashonɛlapayi i arɛ itɛ Yesɔ naarɛ.
Yesɔ Gaa u vishonɛ a Galili
12A ɗagbete Yesɔ nta nɛ Hiridu sãa Yɔhana tɛ shɔ pɔ̃utɛ a jaahm, yurɛ a yɛkɛ Galili. 13Yaa Nazara a yɛ Kafanahu, au a nya mii wapo a tipi Zebuluna a Nafitali 14Vim pɛli nankɔ u tasi vigbete janyagadi Ishaya sha si tɛ̃ɛ̃tɛ̃ nɛː
15<<Tipi Zebuluna a tipi Nafitali,
a nyaɓa mii wapo, a shɔ tɛ ɓooti Urudu ada,
Galili tipi gbete ɓa shɔ Yahudawayi ɓɛɛ ɓa
16shɔgbete i ɗɔ knri
iyɛ zɛɛ ɗɔ pẽnɛɓa sẽsẽtɔ;
shɔyi ɔ̃ a tipi sutu vɔrɔ
Ɗalapa n-ti ɗɔsẽsẽ tɛ.>>
17Yunɛ a ɗaukɔ yɛnɛ ɗekn Yesɔ gaa u vishonɛ kɛkn,<<Ɔ ya ruuvini pɛlinɛtɔ ɔ kɔsi sisɨn, aru lee gbete Ɗa yɛ ɔ̃ au laa kpatiyɛ atɛ maani.>>
Yesɔ Ɓaa Shɔ Jazɨng Sãneyi Nɛ̃ɛti Nya
18A ɗagbete Yesɔ u ɗɔ rakinɛ a nya mii wapo a Galili, a zɛ shɔ ziti, Sɛmon gbete shɔ ɓaunɛ Bituru a ɓɛzɔ̃ Anduru. i ɗɔgbete i sãã jazɨng a mii wapo, isi shɔ jazɨng sãnɛ. 19Yesɔ geliyi nɛ,<<Ɔ anɛ, ɔ gnpɛ, n yɛn tashɔ nɔɔ shɔzɛ sãnɛ.>> 20I yaa jang jazɨng sãnɛ bɛtɛk i gn Yesɔ rɛ.
21Yesɔ yɛ sɔ̃n a ɗekn, a zɛ shɔwɔyi sɔ̃n ziti, Yakubu Zabadi bɛjaa, a ɓɛzɔ̃ Yɔhana, i si a yɛti latosi a ɓeye Zabadi ni, i ɗɔgbete i tɔ̃ri jang jazɨng sãnɛ. Yesɔ ɓai nyarɛ, 22i yaayi latosi bɛtɛk a ɓeye ni kpai i gn Yesɔ rɛ.
Yesɔ Gati Shɔ Vɔrɔyi
23Yesɔ raki a tipi Galili kpai, u ɗɔ shɔ vimati a Yahudayi ɗɔɔ ɔ̃nɛ, u ɗɔgbete waari shɔ nya ruu tɔ̃vɨng aru Ɗa laa kpati, u dɔgbete gai shɔ vɔrɔyiyɛ. 24Aruumkɔ Yesɔ ruubii raa tipi Siriya piti kpai, shɔ n-tiu shɔ vɔrɔyi kɛ zɔng-zɔng, shɔ gbete i ɗɔ bii kɔnɛ ntanɛ, a shɔgbete i rãmãn a biini, a shɔgbete i gntɔ, a shɔ gbete i bii ɓɔtɔ, a gatiyirɛ kpai. 25Mɔɔ shɔzɛ i gn Yesɔ waa-nɛ sãnɛ tipi Galili, koomɔ kopi, a shɔ Urushalima, shɔ Yahudawayayi, piti tɛnɛ ɓooti Yahudiya dani i gn Yesɔ rɛ.
Chwazi Kounye ya:
matiyu 4: Laa
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria
matiyu 4
4
Japẽpẽẽ Nta Yesɔ Sɨsin
1Kɛɗɔn Ɗa suru tuu Yesɔ yɛnɛ ɗɔpnsi nɛ japẽpẽẽ u ntau sisɨn. 2Aknti nyamanɛ dii laa ziti zɨmba a nitini, si Yesɔ nta nwɔtɛ waanɛ. 3Japẽpẽẽ au ɗɔbii a shanɛ, <<A kɛ ɔ̃nɛ Ɗa jaa, risi tarim pɛ u ɔ̃ vishaanɛ.>>
4Yesɔ kasinya nɛ, <<Leebeenɛ Ɗanyaruubii shanɛ: <Shɔzɛ gãɓa a vishaanɛ kɔ shɛli ɓa, see ruu au shɛ a Ɗalapa nyayɛ.> >>
5Kɛɗɔn japẽpẽẽ tuu Yesɔ yɛnɛ Urushalima tipi wɔsɔ-wɔsɔ koomɔ pẽnɛba, a pɔ̃u ayuu sɔ̃sɔ̃no wɛrɛ Ɗa gakkinɛ. 6Japẽpẽẽ shanɛ,<<A kɛ ɔ̃nɛ Ɗa jaa, kɔbii nɛ a tasi a tipi. Labeene sha tɛttɔ nɛː
<<Yɛ ãsiu Ɗajashonɛlapaa nya a lapa aa yuu,
i yɛ kpɛa ai naa,
ayɛ kɔdɔɔ ɓa a tarini ɓa.>>
7Yesɔ kasiunya nɛ, <<Labeenɛ Ɗanyaruubii shanɛ:<Mokɔɔ nta Uɓeyelapa a Ɗalapa sisɨn nɛ.>>>
8Sɔ̃n ɗɔn, japẽpẽẽ tuu Yesɔ yɛnɛ yuu sɔ̃sɔ̃nɔ kɔpɔlapa a tasiu kootipi tottot i banɛ ai kɔrinɛni. 9Japẽpẽẽ shanɛ, vimiyi piti kpai n yɛn ãtɔ, <<Akɛ tanɛ a yugboti ang ɗekn a bassinrɛ.>>
10Yesɔ kasiunya nɛ, <<Yɛ kawa, japẽpẽẽǃ Labeenɛ shanɛ: Shɔzɛ u gn Uɓeyelapa a Ɗalapa, a bassi jo ukɔ shɛli.>>
11Kɛɗɔn japẽpẽẽ ya Yesɔ rɛ, Ɗajaashonɛlapayi i arɛ itɛ Yesɔ naarɛ.
Yesɔ Gaa u vishonɛ a Galili
12A ɗagbete Yesɔ nta nɛ Hiridu sãa Yɔhana tɛ shɔ pɔ̃utɛ a jaahm, yurɛ a yɛkɛ Galili. 13Yaa Nazara a yɛ Kafanahu, au a nya mii wapo a tipi Zebuluna a Nafitali 14Vim pɛli nankɔ u tasi vigbete janyagadi Ishaya sha si tɛ̃ɛ̃tɛ̃ nɛː
15<<Tipi Zebuluna a tipi Nafitali,
a nyaɓa mii wapo, a shɔ tɛ ɓooti Urudu ada,
Galili tipi gbete ɓa shɔ Yahudawayi ɓɛɛ ɓa
16shɔgbete i ɗɔ knri
iyɛ zɛɛ ɗɔ pẽnɛɓa sẽsẽtɔ;
shɔyi ɔ̃ a tipi sutu vɔrɔ
Ɗalapa n-ti ɗɔsẽsẽ tɛ.>>
17Yunɛ a ɗaukɔ yɛnɛ ɗekn Yesɔ gaa u vishonɛ kɛkn,<<Ɔ ya ruuvini pɛlinɛtɔ ɔ kɔsi sisɨn, aru lee gbete Ɗa yɛ ɔ̃ au laa kpatiyɛ atɛ maani.>>
Yesɔ Ɓaa Shɔ Jazɨng Sãneyi Nɛ̃ɛti Nya
18A ɗagbete Yesɔ u ɗɔ rakinɛ a nya mii wapo a Galili, a zɛ shɔ ziti, Sɛmon gbete shɔ ɓaunɛ Bituru a ɓɛzɔ̃ Anduru. i ɗɔgbete i sãã jazɨng a mii wapo, isi shɔ jazɨng sãnɛ. 19Yesɔ geliyi nɛ,<<Ɔ anɛ, ɔ gnpɛ, n yɛn tashɔ nɔɔ shɔzɛ sãnɛ.>> 20I yaa jang jazɨng sãnɛ bɛtɛk i gn Yesɔ rɛ.
21Yesɔ yɛ sɔ̃n a ɗekn, a zɛ shɔwɔyi sɔ̃n ziti, Yakubu Zabadi bɛjaa, a ɓɛzɔ̃ Yɔhana, i si a yɛti latosi a ɓeye Zabadi ni, i ɗɔgbete i tɔ̃ri jang jazɨng sãnɛ. Yesɔ ɓai nyarɛ, 22i yaayi latosi bɛtɛk a ɓeye ni kpai i gn Yesɔ rɛ.
Yesɔ Gati Shɔ Vɔrɔyi
23Yesɔ raki a tipi Galili kpai, u ɗɔ shɔ vimati a Yahudayi ɗɔɔ ɔ̃nɛ, u ɗɔgbete waari shɔ nya ruu tɔ̃vɨng aru Ɗa laa kpati, u dɔgbete gai shɔ vɔrɔyiyɛ. 24Aruumkɔ Yesɔ ruubii raa tipi Siriya piti kpai, shɔ n-tiu shɔ vɔrɔyi kɛ zɔng-zɔng, shɔ gbete i ɗɔ bii kɔnɛ ntanɛ, a shɔgbete i rãmãn a biini, a shɔgbete i gntɔ, a shɔ gbete i bii ɓɔtɔ, a gatiyirɛ kpai. 25Mɔɔ shɔzɛ i gn Yesɔ waa-nɛ sãnɛ tipi Galili, koomɔ kopi, a shɔ Urushalima, shɔ Yahudawayayi, piti tɛnɛ ɓooti Yahudiya dani i gn Yesɔ rɛ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria