matiyu 10
10
Yesɔ jadɔyi kopi a tu ziti
1A Yesɔ ɓaa u jadoyi nya kopi a tu ziti a ãi naa nei shɛshi suru kɔline tɔ, i gati bii kɔne piti a vɔrɔ gbete kɔ shɔ a bii piti kpai.
2Yesɔ jadoyi kopi tu ziti shɔ ɓayi nii neː Semon (gbete shɔ baune Bituru) shɔ ga nya ɓaa ne jo ukɔ, a ɓɛzɔ̃ Anduru; wɔɔ Yakubu Zebedi ɓɛjaa, a ɓɛzɔ̃ Yɔhana; 3Filibu a Baatolomi; wɔɔ Tooma a Matiyu shɔ gbete tɛ saa ɓɛne yɛɛ; wɔsɔ̃ng Yakubu Alifaya ɓɛjaa, a Tadayu, 4wɔɔ semon shɔgbete ɔriu koo waane a Yahuda Isikariyoti, shɔ gbete ã Yesɔ nɛ shɔ nyowu tɔ.
5Yesɔ shou jadoyi kopi a tu ziti miyi a ãsiyi nyanɛː << Ɔkɔ yɛnɛ a shɔ Yahudayi ɗɔ bii wɔsɔ̃ng ɔkɔ yɛnɛ a Samariyayi koomoo ni.>> 6Ɔ yɛ ɗɔɔ mɛrɛɛ gbete i niitɛ shɔ Isrela. 7Ɔ yɛrɛ, ɔ geliyi rumiː << Ɗalapa ane atɛ maa-ni.>> 8Ɔ gati shɔ vɔrɔyi tɔ, ɔ yusi shɔ gbeteyi vɔtɛ lapa, shɔ gbeteyi vibii shayi tɔ ɔ gatiyi tɔ, a shɔ gbeteyi suru kɔlinɛ abii ni ɔ shɛshi tɔ. ɔ kpaa vim weze ɔ ji sho viwɔɓa ayuu ni ɓa, ɔkɔma ɔ ã shɔ jo weze. 9Ɔkɔ sãa tari mɛɛ nɛ a naa ni, wɔsɔ̃ng azurfa saka gbete au saa yuu bang yɛ, wɔsɔ̃ng ɔkɔ sãa tagulla nɛ saka awɔ jibayi a naa ni; 10Ɔkɔ tuu duu nɛ a fãrã ni, a ɗagbete ɔ yɛ ni, wɔsɔ̃ng koodɔɔ a labaa aɗa yɛnɛ ni; aruu shɔ vishonɛyi vitɔ̃vɨng shɔ ãyi vigbeteyi yɛ pɛliyi vishone yɛ.
11Naa ɔkɛ tonɛ a koo moo ko jaa koomoo, ɔ yɛrɛ ɔ kãa shɔ gbete yɛ tɛɔ naa tɔ yɛ, ɔ ɔ̃ au dɔɔ bii kɔ sitɛ ɔ yaa ɗɔu tɛ. 12Naa ɔkɛ to wɛrɛu nɛ ɔ shane Ɗalapa u ãwɔ ɔ̃ne bii nyatɔ̃ne. 13Sho wɛrɛyi ikɛ tɛɔ naa nɛ, nya gee nɛ bii nyatɔ̃nɛ, u ɔ̃rɛ a wɛrɛu ni; shɔ jo tɛɔ naa ɓa, nya gee nɛ bii nya ntɔ̃ne usɔɔ ɗɔ bii rɛ. 14Shɔ gbeteyi ji tɛɔ naa ɓa wɔsɔ̃ng shɔ gbeteyi ji nta ɔ nya ɓa, ɔ waa zaburu gbete awɔ dɔɔ aɗa gbete ɔkɛ shɛnɛ a wɛrɛu ni ko a koo moo ni. 15N gelɔɔ tɛ, a lee gadii lee gbete shɔ gɔ̃ shɔ yuusho Ɗalapa yɛ nta raa ba shɔ Sudumyi a shɔ Gomorayi u tɛɛ shɔ koo wai tɔ. 16Ɔ nta pɛǃ n shoɔ kɛ naa mɛrɛɛ a wisi gbete shɔ toli yɛ. arumkɔ ɔ ɔ̃ shɔ ruu kpɛ̃nɛ naa sɔɔyi a shɔ tɔ̃vɨng gbeteyi pɛli vi kɔlinɛ ɓa naa koroyi.
17Ɔ kɔyuu tɔ a shɔzɛyi ni; aruu gbete i yɛyi n tɔɔ shɔ ruu nwaneyi i ɗekn i waa ɔ kpata ai jaa Ɗa. 18Ang ruu bii kɔ shɔ yɛ n tɔɔ shɔ yupẽniyi a kpatiyi dekn, aruu gbete ɔkɛ shɔ noo knnɛ ɔ geliyi ruu tɔ̃vɨng a shɔ Yahudayi ni. 19Ama ikɛ n tɔɔ ɗekn ne, ɔkɔ pɔ̃ yuu kɔnɛ nɛ a vigbete ɔ yɛ shani wɔsɔ̃ng nɔgbete ɔ yɛ shayɛ ni. A ɗawuni shɔ yɛ tasɔɔ vigbete ɔ yɛ sha ɓɛjo tɔ, 20ɓa mɔkɔ yɛ nwanyau rɛ ɓa, ama mɛyeu suru yɛ nwanya rɛ aa yuu ni.
21Shɔwɔ yɛ ã ɓɛzɔ̃ shɔ nyou vɔrɔ rɛ, jaa ɓeye yɛ pɛli jo nankɔ a ɓɛjaa ni; Jaayi i yɛ risi ɓeyeyi a ɓiniyi knti i nyoyi vɔrɔ yɛnɛ yuusaa. 22Shɔ yɛ bẽẽ ɔ ruubii ang yuu piti kpai ama shɔ gbeteu kɛ ma nyane ukɔ yɛ ranaa rɛ. 23Shɔ kɛ tassɔ raa ne a koo wɔɔ, ɔ yɛ sɔ̃njo nya kawɔ. N gelɔɔ tɛ nizɛ, ɔ yɛ yisi rakinɛ pẽneɓa a tipi moo gbete Isrela ni ɓa sitɛ jaa shɔzɛ atɛ.
24Jaa vi matine tɛɛ shɔ gbete mitiu vi ɓa, jaa wɛrɛ tɛɛ ɓɛɛ shɔ wɛrɛ ɓa. 25Tesi tɛ jaa vi matine u ɔ̃ naa shɔ vi tasinɛ, jaa wɛrɛ u ɔ̃ naa ɓɛɛ shɔ wɛrɛ. I kɛ ɓaa shɔ Wɛrɛ ne Bahazabu (kpati suru kɔline), shɔ yɛ ɓaa shɔ gbeteyi i a wɛrɛu nii kɛne iviya.
26Ɔkɔ ntayi setine. Aruu vigbete u nya kukine doddorim shɔ yɛ ɓeliu nya tɔ aɗekn ni, kopi ruu shɔ piya gbete shɔ ɓusi tɔ shɔ yɛ nta tɔ piti kpai. 27Vigbeten kɛ gelɔɔ ne a ɗɔ knri, ɔ̃tɛ a kɔrɔ ɔ sha sɔ̃ng tɔ a niti ni; a vigbete ɔ ntaa a nya weere ashoo ɔ̃tɛ a kɔrɔ ɔ gẽsɔ̃ng a yuu jaa lapa ɔ sharɛ. 28Ɔkɔɔ ntaa seti shɔ gbeteyi nyɔ shɔ jazɛ bii kɔ sheeli nɛ ama i nyo shɔ suru dɔɔ ɓa. Ama, ɔ ntaa seti shɔ gbeteyi zɛnoo jazɛ bii nyone piti kpai a suru ni a yaa wɛrɛ. 29Shɔ meli jajjano ɓa ziti jasaa fẽ ni ɓaya? Piti shɔnni kpai jajjano gbete wɔ yɛ shishi ɓa a tipi ni ɓa Uɓeye Ɗalapa zɛnɛ ni ɓa. 30Ɔ knnoo pɛ, piti awɔ shɛ̃nti yuu ni Ɗalapa ga tɛttɔ. 31Aruumkɔ ɔ nta seti ɓa; aruu ɔ tɛɛ janoyi tɛttɔ a kiririni waa-nɛ.
32<<Shɔ gbeteu kɛ tasi nɛ nɛm pɛn ɓɛɛ a shɔ ɗekn, n kɔ maa n yɛn tasi jo a maye ɗekn a kolapa u pɛn maa.>> 33Ama shɔ gbeteu kɛ bẽẽng ruu bii nɛ a shɔ ɗekn ukɔ maa n yɛn bẽeu ruu bii jo a maye ɗekn a kolapa.
34Ɔkɔɔ pɔ̃nɛ a sisɨn nɛn a ɗɔɔ bii nya tɔ̃ne n tinɛ a koo. N jo a ɓa dɔɔ bii nya tɔ̃nɛ n tinɛ ɓa, ama n ɗɔɔ sɨɨn tanɛ. 35N arɛ nn,
<<pɔ̃ jaayi u ɔ̃ɔ̃ shɔ nopɔ̃ a ɓeyeyi,
jasoro u ɔ̃ shɔ nopɔ̃ a ɓiniyi,
mɛjaayi ɓɛsoyi i ɔ̃ shɔ nopɔ̃ a ɓɛkponiyi soro---
36shɔ gbeteyi aa yɛti wɛrɛ i kɔyi yɛ ɔ̃jo aa shɔ nopɔ̃yi.>>
37Shɔ gbete jo ɔrim ɓa, u tɛɛ ɓeye a bini ni ɓa, jo yɛɓa u ɔ̃ n jadɔyi ɓa; Shɔ gbete ɔri ɓɛjaa vɔshɔ wɔsɔ̃ng ɓɛjaa soro tɛn tɔ, jo yɛɓa u ɔ̃ n jadɔyi ɓa; 38Shɔ gbeteu kɛ tɔne nem pɔ̃ sisɨn ɓa ang ruu bii ni ɓa, jo yɛɓa u ɔ̃ n jadɔyi ɓa. 39Shɔ gbeteu kɛ ɔrii u suru bii nɛ yɛ kpaa ɓa, ama shɔ gbeteu bẽeu suru tɛ ang yuu yɛ kpaa sɔng tɔ.
Vi nyonɛ
40<<Shɔ gbeteu kɛ tɛɔ nanɛ si ukɔ maa tɛn naa tɛjo, shɔ gbeteu kɛ tɛn nanɛ tɛ shɔ gbeteu shong yɛ. 41Shɔ gbeteu kɛ tɛ janyagadi nane aru neu janyagadi shɔ yɛ sɔruu dɔɔ a vi gbete shɔ pɔ̃rɛ nɛ shɔ sori janyagadi dɔɔ awuni yɛ, wɔsɔ̃ng shɔ gbeteu kɛ tɛ shɔ tɔ̃vɨngyi nanɛ aruu nɛu shɔ tɔ̃vɨng shɔ yɛ soruu dɔɔ a vi gbete shɔ pɔ̃rɛ nɛ shɔ sori shɔ tɔ̃vɨngyi dɔɔ awuni. 42N gelɔɔ tɛ nizɛ shɔ gbeteu kɛ ãng jadɔ gbete pẽtẽrẽ mii baanɛ nɛ aruu nɛu pɛn jadɔ, shɔ yɛ soruu dɔɔ tɔ.>>
Chwazi Kounye ya:
matiyu 10: Laa
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria
matiyu 10
10
Yesɔ jadɔyi kopi a tu ziti
1A Yesɔ ɓaa u jadoyi nya kopi a tu ziti a ãi naa nei shɛshi suru kɔline tɔ, i gati bii kɔne piti a vɔrɔ gbete kɔ shɔ a bii piti kpai.
2Yesɔ jadoyi kopi tu ziti shɔ ɓayi nii neː Semon (gbete shɔ baune Bituru) shɔ ga nya ɓaa ne jo ukɔ, a ɓɛzɔ̃ Anduru; wɔɔ Yakubu Zebedi ɓɛjaa, a ɓɛzɔ̃ Yɔhana; 3Filibu a Baatolomi; wɔɔ Tooma a Matiyu shɔ gbete tɛ saa ɓɛne yɛɛ; wɔsɔ̃ng Yakubu Alifaya ɓɛjaa, a Tadayu, 4wɔɔ semon shɔgbete ɔriu koo waane a Yahuda Isikariyoti, shɔ gbete ã Yesɔ nɛ shɔ nyowu tɔ.
5Yesɔ shou jadoyi kopi a tu ziti miyi a ãsiyi nyanɛː << Ɔkɔ yɛnɛ a shɔ Yahudayi ɗɔ bii wɔsɔ̃ng ɔkɔ yɛnɛ a Samariyayi koomoo ni.>> 6Ɔ yɛ ɗɔɔ mɛrɛɛ gbete i niitɛ shɔ Isrela. 7Ɔ yɛrɛ, ɔ geliyi rumiː << Ɗalapa ane atɛ maa-ni.>> 8Ɔ gati shɔ vɔrɔyi tɔ, ɔ yusi shɔ gbeteyi vɔtɛ lapa, shɔ gbeteyi vibii shayi tɔ ɔ gatiyi tɔ, a shɔ gbeteyi suru kɔlinɛ abii ni ɔ shɛshi tɔ. ɔ kpaa vim weze ɔ ji sho viwɔɓa ayuu ni ɓa, ɔkɔma ɔ ã shɔ jo weze. 9Ɔkɔ sãa tari mɛɛ nɛ a naa ni, wɔsɔ̃ng azurfa saka gbete au saa yuu bang yɛ, wɔsɔ̃ng ɔkɔ sãa tagulla nɛ saka awɔ jibayi a naa ni; 10Ɔkɔ tuu duu nɛ a fãrã ni, a ɗagbete ɔ yɛ ni, wɔsɔ̃ng koodɔɔ a labaa aɗa yɛnɛ ni; aruu shɔ vishonɛyi vitɔ̃vɨng shɔ ãyi vigbeteyi yɛ pɛliyi vishone yɛ.
11Naa ɔkɛ tonɛ a koo moo ko jaa koomoo, ɔ yɛrɛ ɔ kãa shɔ gbete yɛ tɛɔ naa tɔ yɛ, ɔ ɔ̃ au dɔɔ bii kɔ sitɛ ɔ yaa ɗɔu tɛ. 12Naa ɔkɛ to wɛrɛu nɛ ɔ shane Ɗalapa u ãwɔ ɔ̃ne bii nyatɔ̃ne. 13Sho wɛrɛyi ikɛ tɛɔ naa nɛ, nya gee nɛ bii nyatɔ̃nɛ, u ɔ̃rɛ a wɛrɛu ni; shɔ jo tɛɔ naa ɓa, nya gee nɛ bii nya ntɔ̃ne usɔɔ ɗɔ bii rɛ. 14Shɔ gbeteyi ji tɛɔ naa ɓa wɔsɔ̃ng shɔ gbeteyi ji nta ɔ nya ɓa, ɔ waa zaburu gbete awɔ dɔɔ aɗa gbete ɔkɛ shɛnɛ a wɛrɛu ni ko a koo moo ni. 15N gelɔɔ tɛ, a lee gadii lee gbete shɔ gɔ̃ shɔ yuusho Ɗalapa yɛ nta raa ba shɔ Sudumyi a shɔ Gomorayi u tɛɛ shɔ koo wai tɔ. 16Ɔ nta pɛǃ n shoɔ kɛ naa mɛrɛɛ a wisi gbete shɔ toli yɛ. arumkɔ ɔ ɔ̃ shɔ ruu kpɛ̃nɛ naa sɔɔyi a shɔ tɔ̃vɨng gbeteyi pɛli vi kɔlinɛ ɓa naa koroyi.
17Ɔ kɔyuu tɔ a shɔzɛyi ni; aruu gbete i yɛyi n tɔɔ shɔ ruu nwaneyi i ɗekn i waa ɔ kpata ai jaa Ɗa. 18Ang ruu bii kɔ shɔ yɛ n tɔɔ shɔ yupẽniyi a kpatiyi dekn, aruu gbete ɔkɛ shɔ noo knnɛ ɔ geliyi ruu tɔ̃vɨng a shɔ Yahudayi ni. 19Ama ikɛ n tɔɔ ɗekn ne, ɔkɔ pɔ̃ yuu kɔnɛ nɛ a vigbete ɔ yɛ shani wɔsɔ̃ng nɔgbete ɔ yɛ shayɛ ni. A ɗawuni shɔ yɛ tasɔɔ vigbete ɔ yɛ sha ɓɛjo tɔ, 20ɓa mɔkɔ yɛ nwanyau rɛ ɓa, ama mɛyeu suru yɛ nwanya rɛ aa yuu ni.
21Shɔwɔ yɛ ã ɓɛzɔ̃ shɔ nyou vɔrɔ rɛ, jaa ɓeye yɛ pɛli jo nankɔ a ɓɛjaa ni; Jaayi i yɛ risi ɓeyeyi a ɓiniyi knti i nyoyi vɔrɔ yɛnɛ yuusaa. 22Shɔ yɛ bẽẽ ɔ ruubii ang yuu piti kpai ama shɔ gbeteu kɛ ma nyane ukɔ yɛ ranaa rɛ. 23Shɔ kɛ tassɔ raa ne a koo wɔɔ, ɔ yɛ sɔ̃njo nya kawɔ. N gelɔɔ tɛ nizɛ, ɔ yɛ yisi rakinɛ pẽneɓa a tipi moo gbete Isrela ni ɓa sitɛ jaa shɔzɛ atɛ.
24Jaa vi matine tɛɛ shɔ gbete mitiu vi ɓa, jaa wɛrɛ tɛɛ ɓɛɛ shɔ wɛrɛ ɓa. 25Tesi tɛ jaa vi matine u ɔ̃ naa shɔ vi tasinɛ, jaa wɛrɛ u ɔ̃ naa ɓɛɛ shɔ wɛrɛ. I kɛ ɓaa shɔ Wɛrɛ ne Bahazabu (kpati suru kɔline), shɔ yɛ ɓaa shɔ gbeteyi i a wɛrɛu nii kɛne iviya.
26Ɔkɔ ntayi setine. Aruu vigbete u nya kukine doddorim shɔ yɛ ɓeliu nya tɔ aɗekn ni, kopi ruu shɔ piya gbete shɔ ɓusi tɔ shɔ yɛ nta tɔ piti kpai. 27Vigbeten kɛ gelɔɔ ne a ɗɔ knri, ɔ̃tɛ a kɔrɔ ɔ sha sɔ̃ng tɔ a niti ni; a vigbete ɔ ntaa a nya weere ashoo ɔ̃tɛ a kɔrɔ ɔ gẽsɔ̃ng a yuu jaa lapa ɔ sharɛ. 28Ɔkɔɔ ntaa seti shɔ gbeteyi nyɔ shɔ jazɛ bii kɔ sheeli nɛ ama i nyo shɔ suru dɔɔ ɓa. Ama, ɔ ntaa seti shɔ gbeteyi zɛnoo jazɛ bii nyone piti kpai a suru ni a yaa wɛrɛ. 29Shɔ meli jajjano ɓa ziti jasaa fẽ ni ɓaya? Piti shɔnni kpai jajjano gbete wɔ yɛ shishi ɓa a tipi ni ɓa Uɓeye Ɗalapa zɛnɛ ni ɓa. 30Ɔ knnoo pɛ, piti awɔ shɛ̃nti yuu ni Ɗalapa ga tɛttɔ. 31Aruumkɔ ɔ nta seti ɓa; aruu ɔ tɛɛ janoyi tɛttɔ a kiririni waa-nɛ.
32<<Shɔ gbeteu kɛ tasi nɛ nɛm pɛn ɓɛɛ a shɔ ɗekn, n kɔ maa n yɛn tasi jo a maye ɗekn a kolapa u pɛn maa.>> 33Ama shɔ gbeteu kɛ bẽẽng ruu bii nɛ a shɔ ɗekn ukɔ maa n yɛn bẽeu ruu bii jo a maye ɗekn a kolapa.
34Ɔkɔɔ pɔ̃nɛ a sisɨn nɛn a ɗɔɔ bii nya tɔ̃ne n tinɛ a koo. N jo a ɓa dɔɔ bii nya tɔ̃nɛ n tinɛ ɓa, ama n ɗɔɔ sɨɨn tanɛ. 35N arɛ nn,
<<pɔ̃ jaayi u ɔ̃ɔ̃ shɔ nopɔ̃ a ɓeyeyi,
jasoro u ɔ̃ shɔ nopɔ̃ a ɓiniyi,
mɛjaayi ɓɛsoyi i ɔ̃ shɔ nopɔ̃ a ɓɛkponiyi soro---
36shɔ gbeteyi aa yɛti wɛrɛ i kɔyi yɛ ɔ̃jo aa shɔ nopɔ̃yi.>>
37Shɔ gbete jo ɔrim ɓa, u tɛɛ ɓeye a bini ni ɓa, jo yɛɓa u ɔ̃ n jadɔyi ɓa; Shɔ gbete ɔri ɓɛjaa vɔshɔ wɔsɔ̃ng ɓɛjaa soro tɛn tɔ, jo yɛɓa u ɔ̃ n jadɔyi ɓa; 38Shɔ gbeteu kɛ tɔne nem pɔ̃ sisɨn ɓa ang ruu bii ni ɓa, jo yɛɓa u ɔ̃ n jadɔyi ɓa. 39Shɔ gbeteu kɛ ɔrii u suru bii nɛ yɛ kpaa ɓa, ama shɔ gbeteu bẽeu suru tɛ ang yuu yɛ kpaa sɔng tɔ.
Vi nyonɛ
40<<Shɔ gbeteu kɛ tɛɔ nanɛ si ukɔ maa tɛn naa tɛjo, shɔ gbeteu kɛ tɛn nanɛ tɛ shɔ gbeteu shong yɛ. 41Shɔ gbeteu kɛ tɛ janyagadi nane aru neu janyagadi shɔ yɛ sɔruu dɔɔ a vi gbete shɔ pɔ̃rɛ nɛ shɔ sori janyagadi dɔɔ awuni yɛ, wɔsɔ̃ng shɔ gbeteu kɛ tɛ shɔ tɔ̃vɨngyi nanɛ aruu nɛu shɔ tɔ̃vɨng shɔ yɛ soruu dɔɔ a vi gbete shɔ pɔ̃rɛ nɛ shɔ sori shɔ tɔ̃vɨngyi dɔɔ awuni. 42N gelɔɔ tɛ nizɛ shɔ gbeteu kɛ ãng jadɔ gbete pẽtẽrẽ mii baanɛ nɛ aruu nɛu pɛn jadɔ, shɔ yɛ soruu dɔɔ tɔ.>>
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
The Word for the World International and The Word for the World Nigeria