Marko 15
15
Yesu Pilato nyú djú
(Mat 27:1,2,11-14; Lwk 23:1-5; Yoh 18:28-38)
1Bbǔbbú prř, Ddrǎ-ngá dyǎ-djá djú kpa njûw ì zěy drò-dró ní ndrǔ nà, Musa-ngá yǎdha mí li-gwíydha-djá ndèymí ru nì lò-tdèydha mí njuwdha nà dzò. Ndrǔ ddêy cha ì kà ì njěy nì ddiy. Ndrǔ chèy Yesu, ndrǔ mbà à Roma-ddùw ní gǎvènà Pilato dè cha ndèy tdè pey nyǔ Yuddeya ó nì. 2Pilato dhîy à, “Nyi ní Yahuddi-ddúw dhí Pey?”
Yesu ngù lò, “Nyi tdrà déy.”
3Ddrǎ-ngá dyǎ-djá djú kpa dêy Yesu bbǒw bíy ní lò nà. 4Pilato dhîy à ddíyàchú, “Nyi ní ngǎ lò rò ní cha nyi dho tdrà nì? Rr lò wánì cha ndrǔ bbòw nyi ndanà nì!”
5Yesu ngù lò rò nzá ddíyàchú ndèymí Pilato ónga ꞌwìy wá.
Yesu djò ka tdèy dhi
(Mat 27:15-26; Lwk 23:13-25; Yoh 18:39–19:16)
6Li djòluw dàdha mí madha mí ddu ó wá, Pilato dêy li rò klo ddì ngiy-dzà óddù cha bbalè jì nì. 7Fú nga nà, ddì nì kpatss̀ ndèy ró dho nà Baraba nì tdè ngiy-dzà ò. À tdè ddìngaó cha ì tsâ li-djùkpa ddàdha-djá ró nì kpa nà cha ì hwì bbalè nga ngbùwdha ó nì. 8Bbalè mí njuw njûw ì ndèymí ndrǔ lòw Pilato kwo à ddá ngiy-dzà ó li rò ddì ì dhò gbè à dêy njěy níchú. 9Pilato dhîy ndrǔ, “Nyì ní jǐ ma kló nyì dhò Yahuddi-ddúw dhí Pey?” 10Pilato tsì tdè ŋà Ddrǎ-ngá dyǎ-djá djú kpa mbà tdè Yesu ndèy dè, ddiydhò ndrǔ tdè dyǎ nà.
11Chú, Ddrǎ-ngá dyǎ-djá djú kpa mwô tdè lò bbalè mí njuw ò ndrǔ dhíy ka kló ì dhò Baraba Yesu rr̀dja ó. 12Pilato tèy lò bbalè mí njuw dhò ddíyàchú. À tdrà, “Nyì ní jǐ ma njěy ddu í kpatss̀ ró nyì nì iy Yahuddi-ddúw dhí Pey ní nì?”
13Ndrǔ swâ, “Chó à musalabba djú.” 14Pilato dhîy, “Chú, à njěy ddu ngǎjìní nì?” Ndrǔ swâ rí ní ì chuw nà, à da nji nì djòluw, “Chó à musalabba djú!”
15Pilato jì tdè ndèy nyá hwî bbalè mí njuw ò, fúddiy dhò à klô Baraba ndrǔ dhò. À lêy ka dhèy Yesu shí nà ndèymí à bbû ka chó à musalabba djú.
La-dzàdha mí kpa njà Yesu vú ní ddiy ní
(Mat 27:27-31; Yoh 19:2,3)
16La-dzàdha mí kpa ddà Yesu gǎvènà ngá kaley mí bbay djò ndèymí ndrǔ îy la-dzàdha-djá mí ngúw wá ddìngaó. 17Ndrǔ thô à ró ndì ní rù gbè à tdè pey ddúw dhî níchú, ndrǔ kâ tsǎléy mí rìká hwò ndèymí ka ley à djòkpa ró. 18Ndrǔ lòw dey à tsò gbù, tdràdha nà, “Mà zù nyi rónga, nyi Yahuddi-ddúw dhí Pey!” 19Ndrǔ pêy à djùkpa lotèy nà, ndrǔ hwì sa à rò, ndrǔ kwò ì tdyòw-tey dziylíy djò à nyú djú, ndaní à dhǒ gbè ì nì à dò njěy. 20Ndrǔ sî à tsò gbùdha mí nga nà, ndrǔ kâ fú ngéy ní rù dda gu ndèymí ndrǔ thô àmí ní nì rù ví à rò. Ndrǔ kâ à ddà rúgò à chódha dhò.
Ka chô Yesu musalabba djò
(Mat 27:32-44; Lwk 23:26-43; Yoh 19:17-27)
21Tuw ó ndrǔ njûw ì ddì nì kpatss̀ nà ndèy ró dho tdè Simoni, cha ndèy tdè rǎ ddrǒngó ní bba ò nì. La-dzàdha mí kpa lêy à tdúw Yesu mí musalabba djòtéy. Simoni tdè Kurene ó li ndèymí à tdè Iskander màgò Rufo nà mí djǎnì. 22Ndrǔ mbà Yesu Golgota ní ka íy nì nì nga ò, mí lò-tey nì, “Li-djùkpa kpalá mí nga.” 23Fulè ndrǔ bbû à dhò dìváyì-wà ka nzì ddǎwà nà nì, ndaní à djów à ró ndéy, chú à mbù nzá. 24Ndrǔ kâ à cho musalabba djú ndèymí ndrǔ ndò àmí rù wá ì kàòluw, dyá pèydha nà, ndaní ì njǎ áyì dho ŋá rù jì chùw ndey ddiy.#15:24 Ngwo-kpà 22:18. 25À tdè sâ gbow bbǔbbú nga mî ndrǔ chô tdè à ro. 26Ka bbòw Yesu mí lò ka ndîy musalabba djú à djòtéy nì tdrà, “Yahuddi-ddúw dhí Pey.” 27Ndrǔ chô rwo nì nga ngbùwdha-djá ddí Yesu nà, ddì li ví òluw nì nga là djòluw, ndèymí njàddí gǔw òluw nì nga là djòluw. 28Í tuw nà, Ddrà mí ndíydha-ní-lò njèy ndèy dìchú cha ndèy tdrà, “Ka lêy à ddìngaó cherr-djá nà.”#15:28 Isaya 53:12.#15:28 Njàddí ndruní Ddrǎ-ngá ndíydha-ní-lò ó versi 28 nì nì ngǎ.
29Ì nì dǎ nì bbalè jà ì djùkpa ndèymí ndrǔ tdrà dhúwdha mí lò Yesu ró, “Nyi tdè rǎ Ddrà nzz̀dha mí thí ní dza tha ndèymí nyi tdè rǎ ss̀ ví ddu gbow nì ó.#15:29 Marko 14:59; Yohana 2:19. 30Thú gudjò musalabba djúddù ndèymí pá nyi nyiníddò!”
31Fú ddì nì tuw nà, Ddrǎ-ngá dyǎ-djá djú kpa ndèymí Musa-ngá yǎdha mí li-gwíydha-djá nà dêy Yesu tsò gbǔ, tdràdha nà ì kàòluw, “Fúli pâ njàddí ndrǔ, fú li dho nzǐ ndèy pa ndèyníddù! 32Mà nja gò Masiya, Israeli dhí Pey, thú njanja bbi musalabba djúddù, mà dho njà ndèymí ka ùw.” Ì ka chô musalabba djú à nà nì ndrǔ ddí tdrà ngǎjìní lò à ró.
Yesu mí dhi
(Mat 27:45-56; Lwk 23:44-49; Yoh 19:28-30)
33Sâ za nì djú ddù, dziylíy djú nga dzò tèy kúw sâ gbòw nì dhò. 34Sâ ddrrdhiy nì ró, Yesu dzz̀ rí ní ndèy chuw nà, “Eloyi, Eloyi, lema sabakitani?” mí lò-tey nì, “Màtsá Ddrǎ, màtsá Ddrà, nyi bbǎ ma ddudhò?”#15:34 Ngwo-kpà 22:1.
35Njàddí bbalè cha ì dèy tdè fungá nì, rr̀ à ndèymí ndrǔ tdrà, “Nyì rr, à nì nabi Eliya iy!” 36Ndrǔ kàó ddì li kâ kòw rù kìlí tduw, à shùw dyádyá ní dìváyì-wà ò, ka ley tsúw kuw djú, à kâ tduw ru, dey vìy Yesu tsò ró, à kâ tdrà, “Mà vi, mà njǎ, ya ney Eliya rà shì ndèy rǎ fú li tduw gudjò musalabba djúddù ddiy!”
37Yesu kâ dzz̀ rí ní ndèy chuw nà, ndùw à kâ dhì.
38Ddrǒngó ní rù#15:38 Ngbídha 26:31-33. cha ndèy ndò thí tǐ ní nga Ddrà nzz̀dha mí thí ní dza ó, kâ ndèy ónga kpà kpǔ, ru ddù pbǔw bbi. 39Roma mí la-dzàdha-djá mí ngúw djú ddrǒngóli cha ndèy dèy tdè fungá musalabba njìó nì, njà ŋǎchú Yesu dhì ddiy. À tdrà, “Í kpatss̀ tdè dìchú Ddrà mí Ddùwnì.”
40Njàddí dhì ní ndrǔ dêy fú ddiy njǎ ndì nì nga óddù. Ndrǔ kàó tdè Mariya Magadalene, Mariya drá ní Yakobbo tá mí yânì màgò Yose nà, ndèymí Salome nà. 41Ndrǔ dyòw Yesu kodjò à tdè Galilaya ò ro ndèymí ndrǔ kwô à tsotso. Bíy ní njàddí dhì ní ndrǔ cha ì shì Yerusalemu ò à nà nì ddí tdè ney.
Yesu ka tdòw ddiy
(Mat 27:57-61; Lwk 23:50-56; Yoh 19:38-42)
42Í ddiy wá njèy tdè ndèy mbu njí nà, li thìdha mí ddu Sabato dhò. Ngítss̀ djú nga shì tdè ŋà chow ro, 43Yusufu Arimateya ó nì rà Pilato dè. Yusufu tdè ddì li Yahuddi-ddúw dhí ru nì lò-tdèydha mí njuwdha kàó cha ndèy dò ka dêy njěy nì. À dêy Ddrà mí pey-mí-nga pbǒ. À shì Pilato dè klǒw ní ndèy thíy nà ndèymí à dhîy Yesu rónga.
44Pilato ónga ꞌwìy wá cha ndèy rr̀ Yesu dhì ŋà ddiy. À îy la-dzàdha-djá mí ngúw djú ddrǒngóli ndèymí à dhîy à ya dìchú Yesu dhì tdè ŋà ddiy. 45À tsì tdè la-dzàdha-djá mí ngúw djú ddrǒngóli dèddù fú lò nì dìchú ro, à tdrà Yusufu tdúw Yesu rónga. 46Yusufu dzz̀ rí ndèy ró dzẑ nà nì rù ndèymí à tdûw à rónga gudjò musalabba djúddù, ka pblì mí rù nà ndèymí à lêy ngòw ó ka glùw nì tdôw-dzì ò. À kâ ddrǒngó ní djuw nglùw tsò ró. 47Mariya Magadalene ndèymí Mariya Yose mí yânì tdè nga njǎ ndèymí ndrǔ njà ka lêy Yesu rónga mí nga.
Chwazi Kounye ya:
Marko 15: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Marko 15
15
Yesu Pilato nyú djú
(Mat 27:1,2,11-14; Lwk 23:1-5; Yoh 18:28-38)
1Bbǔbbú prř, Ddrǎ-ngá dyǎ-djá djú kpa njûw ì zěy drò-dró ní ndrǔ nà, Musa-ngá yǎdha mí li-gwíydha-djá ndèymí ru nì lò-tdèydha mí njuwdha nà dzò. Ndrǔ ddêy cha ì kà ì njěy nì ddiy. Ndrǔ chèy Yesu, ndrǔ mbà à Roma-ddùw ní gǎvènà Pilato dè cha ndèy tdè pey nyǔ Yuddeya ó nì. 2Pilato dhîy à, “Nyi ní Yahuddi-ddúw dhí Pey?”
Yesu ngù lò, “Nyi tdrà déy.”
3Ddrǎ-ngá dyǎ-djá djú kpa dêy Yesu bbǒw bíy ní lò nà. 4Pilato dhîy à ddíyàchú, “Nyi ní ngǎ lò rò ní cha nyi dho tdrà nì? Rr lò wánì cha ndrǔ bbòw nyi ndanà nì!”
5Yesu ngù lò rò nzá ddíyàchú ndèymí Pilato ónga ꞌwìy wá.
Yesu djò ka tdèy dhi
(Mat 27:15-26; Lwk 23:13-25; Yoh 18:39–19:16)
6Li djòluw dàdha mí madha mí ddu ó wá, Pilato dêy li rò klo ddì ngiy-dzà óddù cha bbalè jì nì. 7Fú nga nà, ddì nì kpatss̀ ndèy ró dho nà Baraba nì tdè ngiy-dzà ò. À tdè ddìngaó cha ì tsâ li-djùkpa ddàdha-djá ró nì kpa nà cha ì hwì bbalè nga ngbùwdha ó nì. 8Bbalè mí njuw njûw ì ndèymí ndrǔ lòw Pilato kwo à ddá ngiy-dzà ó li rò ddì ì dhò gbè à dêy njěy níchú. 9Pilato dhîy ndrǔ, “Nyì ní jǐ ma kló nyì dhò Yahuddi-ddúw dhí Pey?” 10Pilato tsì tdè ŋà Ddrǎ-ngá dyǎ-djá djú kpa mbà tdè Yesu ndèy dè, ddiydhò ndrǔ tdè dyǎ nà.
11Chú, Ddrǎ-ngá dyǎ-djá djú kpa mwô tdè lò bbalè mí njuw ò ndrǔ dhíy ka kló ì dhò Baraba Yesu rr̀dja ó. 12Pilato tèy lò bbalè mí njuw dhò ddíyàchú. À tdrà, “Nyì ní jǐ ma njěy ddu í kpatss̀ ró nyì nì iy Yahuddi-ddúw dhí Pey ní nì?”
13Ndrǔ swâ, “Chó à musalabba djú.” 14Pilato dhîy, “Chú, à njěy ddu ngǎjìní nì?” Ndrǔ swâ rí ní ì chuw nà, à da nji nì djòluw, “Chó à musalabba djú!”
15Pilato jì tdè ndèy nyá hwî bbalè mí njuw ò, fúddiy dhò à klô Baraba ndrǔ dhò. À lêy ka dhèy Yesu shí nà ndèymí à bbû ka chó à musalabba djú.
La-dzàdha mí kpa njà Yesu vú ní ddiy ní
(Mat 27:27-31; Yoh 19:2,3)
16La-dzàdha mí kpa ddà Yesu gǎvènà ngá kaley mí bbay djò ndèymí ndrǔ îy la-dzàdha-djá mí ngúw wá ddìngaó. 17Ndrǔ thô à ró ndì ní rù gbè à tdè pey ddúw dhî níchú, ndrǔ kâ tsǎléy mí rìká hwò ndèymí ka ley à djòkpa ró. 18Ndrǔ lòw dey à tsò gbù, tdràdha nà, “Mà zù nyi rónga, nyi Yahuddi-ddúw dhí Pey!” 19Ndrǔ pêy à djùkpa lotèy nà, ndrǔ hwì sa à rò, ndrǔ kwò ì tdyòw-tey dziylíy djò à nyú djú, ndaní à dhǒ gbè ì nì à dò njěy. 20Ndrǔ sî à tsò gbùdha mí nga nà, ndrǔ kâ fú ngéy ní rù dda gu ndèymí ndrǔ thô àmí ní nì rù ví à rò. Ndrǔ kâ à ddà rúgò à chódha dhò.
Ka chô Yesu musalabba djò
(Mat 27:32-44; Lwk 23:26-43; Yoh 19:17-27)
21Tuw ó ndrǔ njûw ì ddì nì kpatss̀ nà ndèy ró dho tdè Simoni, cha ndèy tdè rǎ ddrǒngó ní bba ò nì. La-dzàdha mí kpa lêy à tdúw Yesu mí musalabba djòtéy. Simoni tdè Kurene ó li ndèymí à tdè Iskander màgò Rufo nà mí djǎnì. 22Ndrǔ mbà Yesu Golgota ní ka íy nì nì nga ò, mí lò-tey nì, “Li-djùkpa kpalá mí nga.” 23Fulè ndrǔ bbû à dhò dìváyì-wà ka nzì ddǎwà nà nì, ndaní à djów à ró ndéy, chú à mbù nzá. 24Ndrǔ kâ à cho musalabba djú ndèymí ndrǔ ndò àmí rù wá ì kàòluw, dyá pèydha nà, ndaní ì njǎ áyì dho ŋá rù jì chùw ndey ddiy.#15:24 Ngwo-kpà 22:18. 25À tdè sâ gbow bbǔbbú nga mî ndrǔ chô tdè à ro. 26Ka bbòw Yesu mí lò ka ndîy musalabba djú à djòtéy nì tdrà, “Yahuddi-ddúw dhí Pey.” 27Ndrǔ chô rwo nì nga ngbùwdha-djá ddí Yesu nà, ddì li ví òluw nì nga là djòluw, ndèymí njàddí gǔw òluw nì nga là djòluw. 28Í tuw nà, Ddrà mí ndíydha-ní-lò njèy ndèy dìchú cha ndèy tdrà, “Ka lêy à ddìngaó cherr-djá nà.”#15:28 Isaya 53:12.#15:28 Njàddí ndruní Ddrǎ-ngá ndíydha-ní-lò ó versi 28 nì nì ngǎ.
29Ì nì dǎ nì bbalè jà ì djùkpa ndèymí ndrǔ tdrà dhúwdha mí lò Yesu ró, “Nyi tdè rǎ Ddrà nzz̀dha mí thí ní dza tha ndèymí nyi tdè rǎ ss̀ ví ddu gbow nì ó.#15:29 Marko 14:59; Yohana 2:19. 30Thú gudjò musalabba djúddù ndèymí pá nyi nyiníddò!”
31Fú ddì nì tuw nà, Ddrǎ-ngá dyǎ-djá djú kpa ndèymí Musa-ngá yǎdha mí li-gwíydha-djá nà dêy Yesu tsò gbǔ, tdràdha nà ì kàòluw, “Fúli pâ njàddí ndrǔ, fú li dho nzǐ ndèy pa ndèyníddù! 32Mà nja gò Masiya, Israeli dhí Pey, thú njanja bbi musalabba djúddù, mà dho njà ndèymí ka ùw.” Ì ka chô musalabba djú à nà nì ndrǔ ddí tdrà ngǎjìní lò à ró.
Yesu mí dhi
(Mat 27:45-56; Lwk 23:44-49; Yoh 19:28-30)
33Sâ za nì djú ddù, dziylíy djú nga dzò tèy kúw sâ gbòw nì dhò. 34Sâ ddrrdhiy nì ró, Yesu dzz̀ rí ní ndèy chuw nà, “Eloyi, Eloyi, lema sabakitani?” mí lò-tey nì, “Màtsá Ddrǎ, màtsá Ddrà, nyi bbǎ ma ddudhò?”#15:34 Ngwo-kpà 22:1.
35Njàddí bbalè cha ì dèy tdè fungá nì, rr̀ à ndèymí ndrǔ tdrà, “Nyì rr, à nì nabi Eliya iy!” 36Ndrǔ kàó ddì li kâ kòw rù kìlí tduw, à shùw dyádyá ní dìváyì-wà ò, ka ley tsúw kuw djú, à kâ tduw ru, dey vìy Yesu tsò ró, à kâ tdrà, “Mà vi, mà njǎ, ya ney Eliya rà shì ndèy rǎ fú li tduw gudjò musalabba djúddù ddiy!”
37Yesu kâ dzz̀ rí ní ndèy chuw nà, ndùw à kâ dhì.
38Ddrǒngó ní rù#15:38 Ngbídha 26:31-33. cha ndèy ndò thí tǐ ní nga Ddrà nzz̀dha mí thí ní dza ó, kâ ndèy ónga kpà kpǔ, ru ddù pbǔw bbi. 39Roma mí la-dzàdha-djá mí ngúw djú ddrǒngóli cha ndèy dèy tdè fungá musalabba njìó nì, njà ŋǎchú Yesu dhì ddiy. À tdrà, “Í kpatss̀ tdè dìchú Ddrà mí Ddùwnì.”
40Njàddí dhì ní ndrǔ dêy fú ddiy njǎ ndì nì nga óddù. Ndrǔ kàó tdè Mariya Magadalene, Mariya drá ní Yakobbo tá mí yânì màgò Yose nà, ndèymí Salome nà. 41Ndrǔ dyòw Yesu kodjò à tdè Galilaya ò ro ndèymí ndrǔ kwô à tsotso. Bíy ní njàddí dhì ní ndrǔ cha ì shì Yerusalemu ò à nà nì ddí tdè ney.
Yesu ka tdòw ddiy
(Mat 27:57-61; Lwk 23:50-56; Yoh 19:38-42)
42Í ddiy wá njèy tdè ndèy mbu njí nà, li thìdha mí ddu Sabato dhò. Ngítss̀ djú nga shì tdè ŋà chow ro, 43Yusufu Arimateya ó nì rà Pilato dè. Yusufu tdè ddì li Yahuddi-ddúw dhí ru nì lò-tdèydha mí njuwdha kàó cha ndèy dò ka dêy njěy nì. À dêy Ddrà mí pey-mí-nga pbǒ. À shì Pilato dè klǒw ní ndèy thíy nà ndèymí à dhîy Yesu rónga.
44Pilato ónga ꞌwìy wá cha ndèy rr̀ Yesu dhì ŋà ddiy. À îy la-dzàdha-djá mí ngúw djú ddrǒngóli ndèymí à dhîy à ya dìchú Yesu dhì tdè ŋà ddiy. 45À tsì tdè la-dzàdha-djá mí ngúw djú ddrǒngóli dèddù fú lò nì dìchú ro, à tdrà Yusufu tdúw Yesu rónga. 46Yusufu dzz̀ rí ndèy ró dzẑ nà nì rù ndèymí à tdûw à rónga gudjò musalabba djúddù, ka pblì mí rù nà ndèymí à lêy ngòw ó ka glùw nì tdôw-dzì ò. À kâ ddrǒngó ní djuw nglùw tsò ró. 47Mariya Magadalene ndèymí Mariya Yose mí yânì tdè nga njǎ ndèymí ndrǔ njà ka lêy Yesu rónga mí nga.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved