Matayo 27
27
Yesu ka mbà Pilato dè
(Mak 15:1; Lwk 23:1-2; Yoh 18:28-32)
1Bbǔbbú prř, Ddrǎ-ngá dyǎ-djá djú kpa ndèymí drò-dró ní ndrǔ wá shì ìdhí lò nà ka hwǐ Yesu. 2Ndrǔ chèy à, ndrǔ rà à nà nga gidjò ndèymí ndrǔ bbû à Roma-ddùw ní gǎvènà Pilato dè cha ndèy tdè pey nyǔ Yuddeya ó nì.
Yudda mí dhi
(Njí 1:18-19)
3Yudda cha ndèy bbû tdè Yesu dhotèy ndrò-djá dè nì, njà ka tdèy ngǎjìní lò à djò ro, à lî ndèymí ddeydha rónga ndèymí à tdûw mb hó drì-drínga nga gbow nì, à ngù ví Ddrǎ-ngá dyǎ-djá djú kpa ndèymí drò-dró ní ndrǔ dè. 4À tdrà, “Ma njèy cherr, ddiydhò ma bbû ngǎ ndèymí cherr nà nì li dhi dhò.”
Ndrǔ ngù lò, “Fú ddiy mí lò ní ddu mà dè? Fú nì nyì mí lò, dey tsò ró.”
5Fú ddiy dhò, Yudda bblà mb Ddrà nzz̀dha mí thí ní dza ó, à kâ rà fungá ddù ndèymí à tdyà ndèy.
6Ddrǎ-ngá dyǎ-djá djú kpa kâ mb-hó tduw ndèymí ndrǔ kâ tdrà, “Yǎdha ùw nzá ka léy í mb Ddrà nzz̀dha mí thí ní dza mí ddiy léydha mí nga ò, ddiydhò à nì jǔw mí mb.” 7Ddìngaó nì lò-ddéydha dzzdjú, ndrǔ tdûw mí mbu ndrǔ dzz̀ ndanà tděy tdyàdha-dja ngá nza, lu ní bbalè tdòwdha dhò. 8Fú ddiy dhò, fú nza ka íy nì Jǔw mí Nza ní pbǔw ndu nì ddu ò. 9Fú tuw nà, nabi Yeremiya tdrà tdè nì lò njèy ndèy dìchú, “Ndrǔ tdûw mbu-hó drì-drínga nga gbow, cha Israeli ó bbalè lêy tdè à djú nì dzẑ. 10Ndrǔ tdûw mí mbu ndrǔ dzz̀ ndanà tděy tdyàdha-dja ngá nza, cha Ddrǒngóli jà tdè ma dhò níchú.”#27:10 Zakariya 11:12,13; Yeremiya 19:1-13; 32:6-9.
Yesu Pilato nyú djú
(Mak 15:2-5; Lwk 23:3-5; Yoh 18:33-38)
11Yesu dèy tdè Roma-ddùw ní gǎvènà Pilato nyú djú mí nga nà, à dhîy, “Nyi ní Yahuddi-ddúw dhí pey?”
Yesu ngù lò, “Òní, nyi tdrà déy.”
12Ddrǎ-ngá dyǎ-djá djú kpa ndèymí drò-dró ní ndrǔ bbòw tdè à ro, à ngù lò nzá. 13Fú ddiy dzzdjú, Pilato dhiy à, “Nyi ní ney cha ka nì nyi bbǒw ndanà nì lò rř?” 14Chú Yesu ngù lò rò ddì kpe nzá cha ndèy ró ka lêy nì lò ró. Fú lò dho, Pilato ónga ꞌwìy wá.
Baraba ǐngí Yesu
(Mak 15:6-15; Lwk 23:13-25; Yoh 18:39; Yoh 19:16)
15Li djòluw dàdha mí madha mí ddu ó, Roma-ddùw ní gǎvènà Pilato dêy li rò kló ddì ngiy-dzà óddù cha bbalè mí njuw jì nì. 16Fú nga nà, ndrǔ tdè drǒ ka tsì ngǎjìní ndèy jì nà nì li nà ngiy-dzà ò, à ró dho tdè Baraba.#27:16 Njàddí ndruní Ddrǎ-ngá ndíydha-ní-lò ó, Baraba ró dho njàddí tdè Yesu. 17Bbalè mí njuw njûw tdè ì mí nga nà, Pilato dhîy ndrǔ, “Nyì ní jǐ ma kló áyì nyì dhò? Baraba, ǐngí Yesu cha ka íy nì Masiya ní nì?” 18À tsì tdè ka bbû Yesu ndèy dè dyǎ mí lò dhò.
19Pilato dêy dǒw tdè nděyngá lò-tdèydha mí thìynga djú ro, ǎngá dza-yà chô à dhò í lò-ɦéy, “Nzǐ njey ddiy rò í chǒw ní li ró, ddiydhò ndu nyu nzâ ma drǒ àmí lò dhò.”
20Chú Ddrǎ-ngá dyǎ-djá djú kpa ndèymí drò-dró ní ndrǔ kâ bbalè mí njuw chey, ndrǔ dhíy Pilato kló ì dhò Baraba ndèymí à léy ka hwǐ Yesu.
21Pilato kâ ndrǔ dhiy ddíyàchú, “Í bbalè rwo kà-óddù nyì ní jǐ ma kló áyì nyì dhò?”
Ndrǔ ngù lò, “Baraba!”
22Pilato dhîy, “Ma njey ná ddu Yesu ró cha ka îy Masiya ní li ró?”
Ndrǔ wá ngù lò, “Bba ka cho à musalabba djú.”
23Pilato dhîy ndrǔ, “Ddudhò? À njèy ná ddu ngǎjìní nì?”
Ndrǔ swâ sǔw rí ní ì chuw nà, “Bba ka cho à musalabba djú.”
Pilato bbû ka chó Yesu
24Pilato njà ndèy nì rǎ njèy nì ddiy nì ngǎ, chú nga ngbùwdha nì rǎ ndèy tsò ngà ndey ro, à tdûw dda ndèymí à gbû ndèy-dhokpa bbalè mí njuw nyú djú. À tdrà, “Ma nì ngǎ lò nà í li mí jǔw djú, àmí lò déy nyì djú.”
25Bbalè wánì ngù lò, “Bba àmí jǔw déy mà djú ndèymí màdhí nzòw nà.”
26À kâ Baraba klo ndrǔ dhò, chú à lêy ka dhèy Yesu shí nà, ndèymí à bbû ka chó à musalabba djú.
La-dzàdha-djá gbù Yesu tsò
(Mak 15:16-20; Yoh 19:2-3)
27Roma-ddùw ní gǎvènà Pilato ngá la-dzàdha-djá kâ Yesu mbà ǎ ngá kaley mí bbay djò, ndèymí la-dzàdha-djá mí ngúw wá njûw ì gbrǔ à ròluw. 28Ndrǔ ddâ à ró rù ndèymí ndrǔ thô à ró ndì ní ngbú ní rù, 29ndèymí ndrǔ tdyà tsǎléy mí rìká, ndrǔ lêy à djùkpa ró. Ndrǔ lêy lotèy à-dhokpa ví òluw nì ó ro ndèymí ndrǔ kwò ì tdyòw-tey à nyú djú ndèymí ndrǔ gbù à tsò. Ndrǔ tdrà, “Zudha nyi dhò, Yahuddi-ddúw dhí pey.” 30Ndrǔ hwì sa à rò, ndèymí ndrǔ tdûw mí lotèy ndèymí ndrǔ pêy à djùkpa ndanà. 31À tsò gbùdha dzzdjú, ndrǔ ddâ à ró ndì ní ngbú ní rù cha ì thô tdè nì ndèymí ndrǔ thô àmí rù ví à rò. Ndrǔ kâ à ddà gu à chódha dhò musalabba djú.
Ka chô Yesu musalabba djú
(Mak 15:21-32; Lwk 23:26-43; Yoh 19:17-27)
32Ndrǔ tdè rǎ rúgò mí nga nà, ndrǔ njûw ì Kurene óddù nì kpatss̀-ní-li nà, à ró dho tdè Simoni ndèymí la-dzàdha-djá lêy à tdûw Yesu ngá musalabba. 33Ndrǔ shì tdè cha ka íy nì Golgota ní nga ó, mí lò-tey nì, “Li-djùkpa kpalá mí nga.” 34Fungá, ndrǔ bbû dìváyì-wà Yesu mbrř, ka nzì tdè dyádyá ní ddiy nà. À tsò ddiy-dzzdjú, à gù mbr̀dha. 35Ndrǔ chô à ddiy dzzdjú, ndrǔ ndò àmí rù ì kàòluw dyǎ pèydha nà.#27:35 Ddrǎ-ngá drá ní luwtéy nì ndíydha-ní-lò ó, ngéy ní lò nì ney, ndaní cha nabi ndîy nì lò njèy ndèy dìchú, “Ndrǔ ndò màtsá rù ónga ì kàòluw ndèymí ndrǔ pèy dyǎ nà màtsá rù” (Ngwo-kpà 22:18.) 36Ndrǔ dòw gudjò ndèymí ndrǔ dêy à rónga pbǒ fungá. 37Ru à djùkpa djòtéy ndrǔ ndîy à bbòwdha mí lò à ró, “Í nì Yesu, Yahuddi-ddúw dhí Pey.”
38Rwo nì nga ngbùwdha-djá ka chô tdè à nà, ddì nì ví djòluw, njàddí gǔw djòluw. 39Cha ì tdè dǎ fúnga luw nì bbalè dêy dhúwdha mí lò tdrǎ Yesu ró, ì djùkpa jàdha nà. 40Ndrǔ dêy tdrǎ, “Nyi cha nyi dho Ddrà nzz̀dha mí thí ní dza sà ndèymí nyi dho ss̀ ddíyàchú ddu gbow nì ó,#27:40 Yohana 2:19. pa nyi nyiníddò! Ya nyi nì Ddrà mí Ddùwnì ro, thú gudjò musalabba djúddù.”
41Fú ddì nì tuw nà, Ddrǎ-ngá dyǎ-djá djú kpa, Musa-ngá yǎdha mí li-gwíydha-djá ndèymí drò-dró ní kpa nà gbù à tsò. 42Ndrǔ tdrà, “À pâ tdè njàddí ndrǔ, chú à dho nzǐ ndèy pa ndèyníddù. À ní Israeli dhí Pey? Bba à thú gudjò njanja musalabba djúddù ndèymí mà rà fú li ùw. 43À léy nì ndèymí ddeydha Ddrà ó. Bba Ddrà pá à njanja ya à jì à ro, ddiydhò à tdrà, ‘Ma nì Ddrà mí Ddùwnì.’” 44Nga ngbùwdha-djá cha ka chô tdè ì Yesu mà nà nì ddí tdrà dhúwdha mí lò à ró.
Yesu mí dhi
(Mak 15:33-41; Lwk 23:44-49; Yoh 19:28-30)
45Sâ za nì djúddù pbǔ sâ drrdhiy nì djò dziylíy dzò nì djúnga têy. 46Sâ drrdhiy nì ró, Yesu dzz̀ rí ní ndèy chuw nà, “Eloyi, Eloyi#27:46 Njàddí ndruní Ddrǎ-ngá ndíydha-ní-lò ó, Eli, Eli. lema sabakitani?” Mí lò-tey nì, “Màtsá Ddrǎ, màtsá Ddrà nyi bbǎ ma ddudhò?”#27:46 Ngwo-kpà 22.
47Ì dèy tdè fungá nì ndrǔ kàó njàddí ndrǔ rr̀ tdè í ddiy mí nga nà, ndrǔ tdrà, “À nì nabí Eliya iy.”
48Fú nga nà ndùw ndrǔ kàó ddì li kâ kòw ndèymí à rà rù kìlí tduw à shùw ndèy ngbâ nì dìváyì-wà ò. À lêy tsúw tsò ró ndèymí à bbû Yesu mbǔ. 49Chú njàddí ndrǔ tdrà, “Pbo, mà njǎ ya ney Eliya rà shì à pa ddiy.”
50Yesu dzz̀ tdè rí ní ndèy chuw nà ddíyàchú ro, à bbà ndèymí djiy dà.
51Fú nga nà, ddrǒngó ní rù#27:51 Ngbídha 26:31-33. cha ndèy ndò thí tǐ ní nga Ddrà nzz̀dha mí thí ní dza ó nì, kâ ndèy ónga kpà rwo, ru ddù pbǔw bbi. Dziylíy jâ ndèy ndèymí djuw kpâ ì ónga ngéy-ngéy. 52Tdôw-dzì tsò pù ì ónga ndèymí bíy ní Ddrǎ-ngá thí ní bbalè cha ì dhì tdè nì ka ngbî ru djiy ní. 53Ndrǔ shì tdôw-dzì óddù, ndèymí Yesu mí ngúdha djiyní dhi óddù ddiy dzzdjú, ndrǔ rà Thí ní Ddrǒngó ní bba ò ndèymí ndrǔ dhò ì bíy ní bbalè dhò.
54Roma mí la-dzàdha-djá mí ngúw djú ddrǒngóli ndèymí nděyngá la-dzàdha-djá nà cha ì tdè Yesu rónga pbǒ nì njà chìychìy ndèymí ngéy ní ddiy nà wá cha ndèy njèy ndèy nì ro, ddrǒngó ní nyi lòw ndrǔ, ndèymí ndrǔ tdrà, “Dìchú í kpatss̀ tdè Ddrà mí Ddùwnì.”
55Bíy ní dhì ní ndrǔ ddí tdè fungá. Ndrǔ dêy nga njǎ ndì ní nga óddù. Ndrǔ dyòw tdè Yesu Galilaya óddù ndèymí ndrǔ bbû tdè ddiy à tsotso kwódha dhò. 56Ndrǔ kàó tdè Mariya Magadalena, Mariya Yakobbo mí yânì ndèymí Yusufu nà, ndèymí Zibiddayo ngá dza-yà nà.
Yesu mí tdôw
(Mak 15:42-47; Lwk 23:50-56; Yoh 19:38-42)
57Ngítss̀ djúnga shì tdè ro, ndèy-dhokpa ó ddiy nà nì li shì Arimateya mí bba óddù, à ró dho tdè Yusufu. À ddí ngû tdè Yesu kodjú li ní. 58À rà Pilato dè ndèymí à dhîy Yesu mí bu. Pilato jà ka bbú Yesu mí bu Yusufu dè. 59Yusufu tdûw àmí bu, ka rǒnga njòw ngbá ní rí ndèy ró dzẑ nà nì rù nà. 60À lêy à ndèymí tdey ní tdôw-dzì ò, cha ndèy glù tdè ngòw ò nì. À kâ ddrǒngó ní djuw nglùw ka kì tdôw-dzì tsò ró ndèymí à ka rà gu fú nga ddù. 61Mariya Magadalene ndèymí njàddí Mariya nà dòw tdè fu nga tdôw-dzì kàtéy.
Tdôw-dzì rónga pbòdha-djá
62Nêyngá bbǔtss̀ ró, cha ndèy tdè Sabato nì, Ddrǎ-ngá dyǎ-djá djú kpa ndèymí Farisayo ní kpa nà rà Pilato dè. 63Ndrǔ tdrà, “Ddrǒngóli, mà ddéy cha li-nyú tsàdha-dja tdrà tdè nì lò cha ndèy tdè děy djiy ní ro, ‘Ddu gbow nì dzzdjú ma rà ngu djiy ní ddíyàchú.’ 64Fú ddiy dhò, ja ka pbǒ tdôw-dzì rónga lǎní pbǔw ddu gbow nì ò, ndaní nzǐ à kodjú kpa rǎ àmí bu tdùw, ndèymí ndrǔ rà tdrà bbalè dhò, à ngû djiy ní dhi óddù, ndèymí í mbwa rà dey ngǎjìní à da cha Yesu tdè děy djiy ní mí mbwa djòluw.”
65Pilato tdrà ndrǔ dhò, “Mba nga pbòdha-djá, ndèymí nyì ra nyì léy tdôw-dzì déy lǎní gbè nyì tsì níchú.” 66Fú ddiy dhò, ndrǔ rà ndèymí ndrǔ lêy ɦiy djuw ró ndèymí ndrǔ lêy nga pbòdha-djá déy rǒnga pbǒ.
Chwazi Kounye ya:
Matayo 27: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 27
27
Yesu ka mbà Pilato dè
(Mak 15:1; Lwk 23:1-2; Yoh 18:28-32)
1Bbǔbbú prř, Ddrǎ-ngá dyǎ-djá djú kpa ndèymí drò-dró ní ndrǔ wá shì ìdhí lò nà ka hwǐ Yesu. 2Ndrǔ chèy à, ndrǔ rà à nà nga gidjò ndèymí ndrǔ bbû à Roma-ddùw ní gǎvènà Pilato dè cha ndèy tdè pey nyǔ Yuddeya ó nì.
Yudda mí dhi
(Njí 1:18-19)
3Yudda cha ndèy bbû tdè Yesu dhotèy ndrò-djá dè nì, njà ka tdèy ngǎjìní lò à djò ro, à lî ndèymí ddeydha rónga ndèymí à tdûw mb hó drì-drínga nga gbow nì, à ngù ví Ddrǎ-ngá dyǎ-djá djú kpa ndèymí drò-dró ní ndrǔ dè. 4À tdrà, “Ma njèy cherr, ddiydhò ma bbû ngǎ ndèymí cherr nà nì li dhi dhò.”
Ndrǔ ngù lò, “Fú ddiy mí lò ní ddu mà dè? Fú nì nyì mí lò, dey tsò ró.”
5Fú ddiy dhò, Yudda bblà mb Ddrà nzz̀dha mí thí ní dza ó, à kâ rà fungá ddù ndèymí à tdyà ndèy.
6Ddrǎ-ngá dyǎ-djá djú kpa kâ mb-hó tduw ndèymí ndrǔ kâ tdrà, “Yǎdha ùw nzá ka léy í mb Ddrà nzz̀dha mí thí ní dza mí ddiy léydha mí nga ò, ddiydhò à nì jǔw mí mb.” 7Ddìngaó nì lò-ddéydha dzzdjú, ndrǔ tdûw mí mbu ndrǔ dzz̀ ndanà tděy tdyàdha-dja ngá nza, lu ní bbalè tdòwdha dhò. 8Fú ddiy dhò, fú nza ka íy nì Jǔw mí Nza ní pbǔw ndu nì ddu ò. 9Fú tuw nà, nabi Yeremiya tdrà tdè nì lò njèy ndèy dìchú, “Ndrǔ tdûw mbu-hó drì-drínga nga gbow, cha Israeli ó bbalè lêy tdè à djú nì dzẑ. 10Ndrǔ tdûw mí mbu ndrǔ dzz̀ ndanà tděy tdyàdha-dja ngá nza, cha Ddrǒngóli jà tdè ma dhò níchú.”#27:10 Zakariya 11:12,13; Yeremiya 19:1-13; 32:6-9.
Yesu Pilato nyú djú
(Mak 15:2-5; Lwk 23:3-5; Yoh 18:33-38)
11Yesu dèy tdè Roma-ddùw ní gǎvènà Pilato nyú djú mí nga nà, à dhîy, “Nyi ní Yahuddi-ddúw dhí pey?”
Yesu ngù lò, “Òní, nyi tdrà déy.”
12Ddrǎ-ngá dyǎ-djá djú kpa ndèymí drò-dró ní ndrǔ bbòw tdè à ro, à ngù lò nzá. 13Fú ddiy dzzdjú, Pilato dhiy à, “Nyi ní ney cha ka nì nyi bbǒw ndanà nì lò rř?” 14Chú Yesu ngù lò rò ddì kpe nzá cha ndèy ró ka lêy nì lò ró. Fú lò dho, Pilato ónga ꞌwìy wá.
Baraba ǐngí Yesu
(Mak 15:6-15; Lwk 23:13-25; Yoh 18:39; Yoh 19:16)
15Li djòluw dàdha mí madha mí ddu ó, Roma-ddùw ní gǎvènà Pilato dêy li rò kló ddì ngiy-dzà óddù cha bbalè mí njuw jì nì. 16Fú nga nà, ndrǔ tdè drǒ ka tsì ngǎjìní ndèy jì nà nì li nà ngiy-dzà ò, à ró dho tdè Baraba.#27:16 Njàddí ndruní Ddrǎ-ngá ndíydha-ní-lò ó, Baraba ró dho njàddí tdè Yesu. 17Bbalè mí njuw njûw tdè ì mí nga nà, Pilato dhîy ndrǔ, “Nyì ní jǐ ma kló áyì nyì dhò? Baraba, ǐngí Yesu cha ka íy nì Masiya ní nì?” 18À tsì tdè ka bbû Yesu ndèy dè dyǎ mí lò dhò.
19Pilato dêy dǒw tdè nděyngá lò-tdèydha mí thìynga djú ro, ǎngá dza-yà chô à dhò í lò-ɦéy, “Nzǐ njey ddiy rò í chǒw ní li ró, ddiydhò ndu nyu nzâ ma drǒ àmí lò dhò.”
20Chú Ddrǎ-ngá dyǎ-djá djú kpa ndèymí drò-dró ní ndrǔ kâ bbalè mí njuw chey, ndrǔ dhíy Pilato kló ì dhò Baraba ndèymí à léy ka hwǐ Yesu.
21Pilato kâ ndrǔ dhiy ddíyàchú, “Í bbalè rwo kà-óddù nyì ní jǐ ma kló áyì nyì dhò?”
Ndrǔ ngù lò, “Baraba!”
22Pilato dhîy, “Ma njey ná ddu Yesu ró cha ka îy Masiya ní li ró?”
Ndrǔ wá ngù lò, “Bba ka cho à musalabba djú.”
23Pilato dhîy ndrǔ, “Ddudhò? À njèy ná ddu ngǎjìní nì?”
Ndrǔ swâ sǔw rí ní ì chuw nà, “Bba ka cho à musalabba djú.”
Pilato bbû ka chó Yesu
24Pilato njà ndèy nì rǎ njèy nì ddiy nì ngǎ, chú nga ngbùwdha nì rǎ ndèy tsò ngà ndey ro, à tdûw dda ndèymí à gbû ndèy-dhokpa bbalè mí njuw nyú djú. À tdrà, “Ma nì ngǎ lò nà í li mí jǔw djú, àmí lò déy nyì djú.”
25Bbalè wánì ngù lò, “Bba àmí jǔw déy mà djú ndèymí màdhí nzòw nà.”
26À kâ Baraba klo ndrǔ dhò, chú à lêy ka dhèy Yesu shí nà, ndèymí à bbû ka chó à musalabba djú.
La-dzàdha-djá gbù Yesu tsò
(Mak 15:16-20; Yoh 19:2-3)
27Roma-ddùw ní gǎvènà Pilato ngá la-dzàdha-djá kâ Yesu mbà ǎ ngá kaley mí bbay djò, ndèymí la-dzàdha-djá mí ngúw wá njûw ì gbrǔ à ròluw. 28Ndrǔ ddâ à ró rù ndèymí ndrǔ thô à ró ndì ní ngbú ní rù, 29ndèymí ndrǔ tdyà tsǎléy mí rìká, ndrǔ lêy à djùkpa ró. Ndrǔ lêy lotèy à-dhokpa ví òluw nì ó ro ndèymí ndrǔ kwò ì tdyòw-tey à nyú djú ndèymí ndrǔ gbù à tsò. Ndrǔ tdrà, “Zudha nyi dhò, Yahuddi-ddúw dhí pey.” 30Ndrǔ hwì sa à rò, ndèymí ndrǔ tdûw mí lotèy ndèymí ndrǔ pêy à djùkpa ndanà. 31À tsò gbùdha dzzdjú, ndrǔ ddâ à ró ndì ní ngbú ní rù cha ì thô tdè nì ndèymí ndrǔ thô àmí rù ví à rò. Ndrǔ kâ à ddà gu à chódha dhò musalabba djú.
Ka chô Yesu musalabba djú
(Mak 15:21-32; Lwk 23:26-43; Yoh 19:17-27)
32Ndrǔ tdè rǎ rúgò mí nga nà, ndrǔ njûw ì Kurene óddù nì kpatss̀-ní-li nà, à ró dho tdè Simoni ndèymí la-dzàdha-djá lêy à tdûw Yesu ngá musalabba. 33Ndrǔ shì tdè cha ka íy nì Golgota ní nga ó, mí lò-tey nì, “Li-djùkpa kpalá mí nga.” 34Fungá, ndrǔ bbû dìváyì-wà Yesu mbrř, ka nzì tdè dyádyá ní ddiy nà. À tsò ddiy-dzzdjú, à gù mbr̀dha. 35Ndrǔ chô à ddiy dzzdjú, ndrǔ ndò àmí rù ì kàòluw dyǎ pèydha nà.#27:35 Ddrǎ-ngá drá ní luwtéy nì ndíydha-ní-lò ó, ngéy ní lò nì ney, ndaní cha nabi ndîy nì lò njèy ndèy dìchú, “Ndrǔ ndò màtsá rù ónga ì kàòluw ndèymí ndrǔ pèy dyǎ nà màtsá rù” (Ngwo-kpà 22:18.) 36Ndrǔ dòw gudjò ndèymí ndrǔ dêy à rónga pbǒ fungá. 37Ru à djùkpa djòtéy ndrǔ ndîy à bbòwdha mí lò à ró, “Í nì Yesu, Yahuddi-ddúw dhí Pey.”
38Rwo nì nga ngbùwdha-djá ka chô tdè à nà, ddì nì ví djòluw, njàddí gǔw djòluw. 39Cha ì tdè dǎ fúnga luw nì bbalè dêy dhúwdha mí lò tdrǎ Yesu ró, ì djùkpa jàdha nà. 40Ndrǔ dêy tdrǎ, “Nyi cha nyi dho Ddrà nzz̀dha mí thí ní dza sà ndèymí nyi dho ss̀ ddíyàchú ddu gbow nì ó,#27:40 Yohana 2:19. pa nyi nyiníddò! Ya nyi nì Ddrà mí Ddùwnì ro, thú gudjò musalabba djúddù.”
41Fú ddì nì tuw nà, Ddrǎ-ngá dyǎ-djá djú kpa, Musa-ngá yǎdha mí li-gwíydha-djá ndèymí drò-dró ní kpa nà gbù à tsò. 42Ndrǔ tdrà, “À pâ tdè njàddí ndrǔ, chú à dho nzǐ ndèy pa ndèyníddù. À ní Israeli dhí Pey? Bba à thú gudjò njanja musalabba djúddù ndèymí mà rà fú li ùw. 43À léy nì ndèymí ddeydha Ddrà ó. Bba Ddrà pá à njanja ya à jì à ro, ddiydhò à tdrà, ‘Ma nì Ddrà mí Ddùwnì.’” 44Nga ngbùwdha-djá cha ka chô tdè ì Yesu mà nà nì ddí tdrà dhúwdha mí lò à ró.
Yesu mí dhi
(Mak 15:33-41; Lwk 23:44-49; Yoh 19:28-30)
45Sâ za nì djúddù pbǔ sâ drrdhiy nì djò dziylíy dzò nì djúnga têy. 46Sâ drrdhiy nì ró, Yesu dzz̀ rí ní ndèy chuw nà, “Eloyi, Eloyi#27:46 Njàddí ndruní Ddrǎ-ngá ndíydha-ní-lò ó, Eli, Eli. lema sabakitani?” Mí lò-tey nì, “Màtsá Ddrǎ, màtsá Ddrà nyi bbǎ ma ddudhò?”#27:46 Ngwo-kpà 22.
47Ì dèy tdè fungá nì ndrǔ kàó njàddí ndrǔ rr̀ tdè í ddiy mí nga nà, ndrǔ tdrà, “À nì nabí Eliya iy.”
48Fú nga nà ndùw ndrǔ kàó ddì li kâ kòw ndèymí à rà rù kìlí tduw à shùw ndèy ngbâ nì dìváyì-wà ò. À lêy tsúw tsò ró ndèymí à bbû Yesu mbǔ. 49Chú njàddí ndrǔ tdrà, “Pbo, mà njǎ ya ney Eliya rà shì à pa ddiy.”
50Yesu dzz̀ tdè rí ní ndèy chuw nà ddíyàchú ro, à bbà ndèymí djiy dà.
51Fú nga nà, ddrǒngó ní rù#27:51 Ngbídha 26:31-33. cha ndèy ndò thí tǐ ní nga Ddrà nzz̀dha mí thí ní dza ó nì, kâ ndèy ónga kpà rwo, ru ddù pbǔw bbi. Dziylíy jâ ndèy ndèymí djuw kpâ ì ónga ngéy-ngéy. 52Tdôw-dzì tsò pù ì ónga ndèymí bíy ní Ddrǎ-ngá thí ní bbalè cha ì dhì tdè nì ka ngbî ru djiy ní. 53Ndrǔ shì tdôw-dzì óddù, ndèymí Yesu mí ngúdha djiyní dhi óddù ddiy dzzdjú, ndrǔ rà Thí ní Ddrǒngó ní bba ò ndèymí ndrǔ dhò ì bíy ní bbalè dhò.
54Roma mí la-dzàdha-djá mí ngúw djú ddrǒngóli ndèymí nděyngá la-dzàdha-djá nà cha ì tdè Yesu rónga pbǒ nì njà chìychìy ndèymí ngéy ní ddiy nà wá cha ndèy njèy ndèy nì ro, ddrǒngó ní nyi lòw ndrǔ, ndèymí ndrǔ tdrà, “Dìchú í kpatss̀ tdè Ddrà mí Ddùwnì.”
55Bíy ní dhì ní ndrǔ ddí tdè fungá. Ndrǔ dêy nga njǎ ndì ní nga óddù. Ndrǔ dyòw tdè Yesu Galilaya óddù ndèymí ndrǔ bbû tdè ddiy à tsotso kwódha dhò. 56Ndrǔ kàó tdè Mariya Magadalena, Mariya Yakobbo mí yânì ndèymí Yusufu nà, ndèymí Zibiddayo ngá dza-yà nà.
Yesu mí tdôw
(Mak 15:42-47; Lwk 23:50-56; Yoh 19:38-42)
57Ngítss̀ djúnga shì tdè ro, ndèy-dhokpa ó ddiy nà nì li shì Arimateya mí bba óddù, à ró dho tdè Yusufu. À ddí ngû tdè Yesu kodjú li ní. 58À rà Pilato dè ndèymí à dhîy Yesu mí bu. Pilato jà ka bbú Yesu mí bu Yusufu dè. 59Yusufu tdûw àmí bu, ka rǒnga njòw ngbá ní rí ndèy ró dzẑ nà nì rù nà. 60À lêy à ndèymí tdey ní tdôw-dzì ò, cha ndèy glù tdè ngòw ò nì. À kâ ddrǒngó ní djuw nglùw ka kì tdôw-dzì tsò ró ndèymí à ka rà gu fú nga ddù. 61Mariya Magadalene ndèymí njàddí Mariya nà dòw tdè fu nga tdôw-dzì kàtéy.
Tdôw-dzì rónga pbòdha-djá
62Nêyngá bbǔtss̀ ró, cha ndèy tdè Sabato nì, Ddrǎ-ngá dyǎ-djá djú kpa ndèymí Farisayo ní kpa nà rà Pilato dè. 63Ndrǔ tdrà, “Ddrǒngóli, mà ddéy cha li-nyú tsàdha-dja tdrà tdè nì lò cha ndèy tdè děy djiy ní ro, ‘Ddu gbow nì dzzdjú ma rà ngu djiy ní ddíyàchú.’ 64Fú ddiy dhò, ja ka pbǒ tdôw-dzì rónga lǎní pbǔw ddu gbow nì ò, ndaní nzǐ à kodjú kpa rǎ àmí bu tdùw, ndèymí ndrǔ rà tdrà bbalè dhò, à ngû djiy ní dhi óddù, ndèymí í mbwa rà dey ngǎjìní à da cha Yesu tdè děy djiy ní mí mbwa djòluw.”
65Pilato tdrà ndrǔ dhò, “Mba nga pbòdha-djá, ndèymí nyì ra nyì léy tdôw-dzì déy lǎní gbè nyì tsì níchú.” 66Fú ddiy dhò, ndrǔ rà ndèymí ndrǔ lêy ɦiy djuw ró ndèymí ndrǔ lêy nga pbòdha-djá déy rǒnga pbǒ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved