Matayo 17
17
Yesu jì lî ndèy
(Mak 9:2-13; Lwk 9:28-36)
1Ddu za nì dzzdjú Yesu tdûw Petro, Yakobbo ndèymí Yohana Yakobbo mí djûnì ddìngaó ndèy nà, ndèymí ndrǔ rà ru pléy ní ngòw djò ìníddù. 2Fulè à jì lî ndèy ndrǔ nyú djú. À nyú djú nga lòw dey ka itsś níchú, à ró rù ngû sárŕ gbrŕ. 3Ndruní nabi-kpà, Musa màgò Eliya#17:3 Musa màgò Eliya. Ndrǔ tdè ì ɦuwdjò nà tǔw ní ndruní nabi-kpà. Musa ddà Israeli mí nzòw djùkpa Misiri mí ngòw óddù Kanani mí ngòw ò. Ka ddêy Eliya ngû ví dziylíy djò děy nzá Masiya shì tdè ní. Nja Malaki 4:5. nà dhò ì chǔ ndèymí ndrǔ dêy lò těy Yesu nà.
4Petro tdrà Yesu dhò, “Ddrǒngóli, à nì lǎní drǒ mà dhò mà déy ingá. Ya nyi jì, ma rà rù-dzà ss̀ gbow, ddì nyi dhò, ddì Musa dhò ndèymí ddì Eliya dhò.”
5À tdè lò těy mí nga nà, ndèy nì ka nì nduwnduw tss̀ ndrǔ djú nga. Li chuw nduwnduw óddù nì kâ tdrà, “Í nì màtsá Ddùwnì, drǒ ma jì nì, cha hwî nì ma njěy ndèy ró nì. Nyì rr à!”
6Yesu kodjú kpa rr̀ tdè fú li chuw mí nga nà, do lòw ndrǔ ndèymí ndrǔ chèy ì nyú tss̀dha ní gudjò. 7Chú Yesu shì ndèymí à mbû ndrǔ rónga. À tdrà, “Nyì ngbí nyì ru. Nzǐ do njěy nyì.” 8Ndrǔ njà nga ru mí nga nà, ndrǔ njà li rò nzá, Yesu chúddì.
9Cha ndrǔ tdè thu bbi ngòw djúddù, Yesu jà ndrǔ dhò, “Nzǐ nyì tdra njàddí li dhò cha nyì njà nì ddiy, pbǔw Ddrà rà ma Ndrǔ-Ddùw ngù djiy ní dhi óddù.”
10Yesu kodjú kpa dhîy à, “Ddudhò Musa-ngá yǎdha mí li-gwíydha-djá ní tdrǎ Eliya kà ndèy shǐ nji?”#17:10 Malaki 4:5-6.
11Yesu ngù lò, “Dìchú, Eliya rà shì nji ndèymí à rà ddiy wá ngù ndèy rr̀dja ò. 12Chú manì tdrǎ nyì dhò, Eliya shì ŋà, ndèymí bbalè tsì tdè nzá, chú ndrǔ njèy à ró wánì ddiy ì jùw jì níchú. Fú ddì nì tuw jì nà ddí ma Ndrǔ-Ddùw rà nzadha chùw ndrǔ dhokpa óddù.” 13Fú nganà Yesu kodjú kpa kâ tsì, à tdè lò tdrǎ Yohana Bàtízò bbúdha-dja ró.
Yesu djì che thíy nà nì kpatss̀-ní-ngba rónga
(Mak 9:14-29; Lwk 9:37-43a)
14Ndrǔ shì tdè bbalè mí njuw dè ro, ddì li shì Yesu dè ndèymí à kwò ndèy tdyòw-tey à nyú djú. 15À tdrà, “Ddrǒngóli, njey zòw-lò màtsá ddùwnì ró. À nì lílí dhì nà ndèymí à nì nzadha chǔw drǒ. Wánì nga nà à chey nì kàss ò ǐngí dda ò. 16Ma mbà à nyi kodjú kpa dè, chú à rónga djìdha shì ndrǔ djòluw.”
17Yesu tdrà, “Nyì nzá ì ùw Ddrà nì bbalè ndèymí ì bbà chěy ní tuw nì bbalè, nyì nà à kà ná ma déy ddu thi nì dhò? Ddiy kà ná ma vǐ nyì tsò ddu thi nì dhò? Mba mí ngba ingá ma dè.” 18Yesu jà che thíy dhò cha ndèy tdè fú kpatss̀-ní-ngba ò nì, ndèymí à shì à óddù. Fú nganà à rónga kâ djì.
19Yesu kodjú kpa kâ shì Yesu dè nga gidjò ndèymí ndrǔ dhîy, “Ddudhò fú che thíy ddádha shǐ mà djòluw?”
20À ngù lò, “Nyì nì drá ní ùwdha nà ddiydhò. Manì nyì dhò dìchú ní lò tdrǎ, ya nyì dhí uwdha tdě drá gbè kalafuru tsi tá níchú, nyì dhò tdrà í ngòw dhò, ‘Ddá nyi ingá ddù, nyi rǎ chálè,’ ndèymí à rà ndèy dda. Ddiy rò nì ngǎ cha nzǐ ndèy rà ndèy njèy nyì dhò nì. 21Chú fú ngǎjìní che thíy dho shì nzǐ ngéy ní ddiy nà, chú Ddrà nzz̀dha nà ndèymí nyû tsò chèydha nà.”#17:21 Njàddí ndíydha-ní-lò ó í versi nì ngǎ.
Yesu tdrà lò ndèymí dhi djú rwo nì mî
(Mak 9:30-32; Lwk 9:43b-45)
22Yesu kodjú kpa shì ddìngaó Galilaya ò ro, à tdrà ndrǔ dhò, “Ma Ndrǔ-Ddùw dhotèy bbúdha mí nga shì chow. Ndrǔ rà ma bbu 23ì rà ma hwì nì ndrǔ dè, chú ddu gbow nì ó Ddrà rà ma ngù djiy ní dhi óddù.” Ndèymí zòw lòw Yesu kodjú kpa.
Yesu bbû Ddrà nzz̀dha mí thí ní dza rónga pbòdha mí mùsórò
24Yesu mà ndèy kodjú kpa nà shì Kapernawumu mí ddrǒngó ní bba ò ddiy-dzzdjú, Ddrà nzz̀dha mí thí ní dza rónga pbòdha mí mùsórò njúwdha djá shì Petro dè ndèymí ndrǔ dhîy, “Nyìmí li-gwíydha-dja bbú ní Ddrà nzz̀dha mí thí ní dza rónga pbòdha mí mùsórò ney?”
25À ngù lò, “Òní, à bbú nì ney.” Petro tsùw dzá mí nga nà, děy nzá à tdrà lò rò ní, Yesu tdrà à dhò, “Simoni, nyi ní ddu ddey? Í dziylíy djú pey ddúw chuw ní mùsórò áyì mà dèddù? Ídhí ngòw ó bbalè dèddù ǐngí ngéy ní ngòw ó bbalè dèddù?”
26Petro ngù lò, “Ndrǔ chuw nì mùsórò ngéy ní ngòw ó bbalè dèddù.”
Yesu tdrà à dhò, “Ya fǔchú, mùsórò bbúdha mí yǎdha lôw í ngòw ó bbalè rónga nzá.” 27Chú nzánà mà nyá thǒw fú bbalè ò, ra ju-ddà ò ndèymí nyi ngbǒ bbì lówdha mí kí dda ò ndèymí nyi ddá nji ndèy rà ki nì nyi dhò nì bbì. Ndèymí pu tsònì, nyi ra mb hó chùw. Tdúw nyi bbú ndrǔ dè màtsá mùsórò ní ndèymí nyìmí nà.
Chwazi Kounye ya:
Matayo 17: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 17
17
Yesu jì lî ndèy
(Mak 9:2-13; Lwk 9:28-36)
1Ddu za nì dzzdjú Yesu tdûw Petro, Yakobbo ndèymí Yohana Yakobbo mí djûnì ddìngaó ndèy nà, ndèymí ndrǔ rà ru pléy ní ngòw djò ìníddù. 2Fulè à jì lî ndèy ndrǔ nyú djú. À nyú djú nga lòw dey ka itsś níchú, à ró rù ngû sárŕ gbrŕ. 3Ndruní nabi-kpà, Musa màgò Eliya#17:3 Musa màgò Eliya. Ndrǔ tdè ì ɦuwdjò nà tǔw ní ndruní nabi-kpà. Musa ddà Israeli mí nzòw djùkpa Misiri mí ngòw óddù Kanani mí ngòw ò. Ka ddêy Eliya ngû ví dziylíy djò děy nzá Masiya shì tdè ní. Nja Malaki 4:5. nà dhò ì chǔ ndèymí ndrǔ dêy lò těy Yesu nà.
4Petro tdrà Yesu dhò, “Ddrǒngóli, à nì lǎní drǒ mà dhò mà déy ingá. Ya nyi jì, ma rà rù-dzà ss̀ gbow, ddì nyi dhò, ddì Musa dhò ndèymí ddì Eliya dhò.”
5À tdè lò těy mí nga nà, ndèy nì ka nì nduwnduw tss̀ ndrǔ djú nga. Li chuw nduwnduw óddù nì kâ tdrà, “Í nì màtsá Ddùwnì, drǒ ma jì nì, cha hwî nì ma njěy ndèy ró nì. Nyì rr à!”
6Yesu kodjú kpa rr̀ tdè fú li chuw mí nga nà, do lòw ndrǔ ndèymí ndrǔ chèy ì nyú tss̀dha ní gudjò. 7Chú Yesu shì ndèymí à mbû ndrǔ rónga. À tdrà, “Nyì ngbí nyì ru. Nzǐ do njěy nyì.” 8Ndrǔ njà nga ru mí nga nà, ndrǔ njà li rò nzá, Yesu chúddì.
9Cha ndrǔ tdè thu bbi ngòw djúddù, Yesu jà ndrǔ dhò, “Nzǐ nyì tdra njàddí li dhò cha nyì njà nì ddiy, pbǔw Ddrà rà ma Ndrǔ-Ddùw ngù djiy ní dhi óddù.”
10Yesu kodjú kpa dhîy à, “Ddudhò Musa-ngá yǎdha mí li-gwíydha-djá ní tdrǎ Eliya kà ndèy shǐ nji?”#17:10 Malaki 4:5-6.
11Yesu ngù lò, “Dìchú, Eliya rà shì nji ndèymí à rà ddiy wá ngù ndèy rr̀dja ò. 12Chú manì tdrǎ nyì dhò, Eliya shì ŋà, ndèymí bbalè tsì tdè nzá, chú ndrǔ njèy à ró wánì ddiy ì jùw jì níchú. Fú ddì nì tuw jì nà ddí ma Ndrǔ-Ddùw rà nzadha chùw ndrǔ dhokpa óddù.” 13Fú nganà Yesu kodjú kpa kâ tsì, à tdè lò tdrǎ Yohana Bàtízò bbúdha-dja ró.
Yesu djì che thíy nà nì kpatss̀-ní-ngba rónga
(Mak 9:14-29; Lwk 9:37-43a)
14Ndrǔ shì tdè bbalè mí njuw dè ro, ddì li shì Yesu dè ndèymí à kwò ndèy tdyòw-tey à nyú djú. 15À tdrà, “Ddrǒngóli, njey zòw-lò màtsá ddùwnì ró. À nì lílí dhì nà ndèymí à nì nzadha chǔw drǒ. Wánì nga nà à chey nì kàss ò ǐngí dda ò. 16Ma mbà à nyi kodjú kpa dè, chú à rónga djìdha shì ndrǔ djòluw.”
17Yesu tdrà, “Nyì nzá ì ùw Ddrà nì bbalè ndèymí ì bbà chěy ní tuw nì bbalè, nyì nà à kà ná ma déy ddu thi nì dhò? Ddiy kà ná ma vǐ nyì tsò ddu thi nì dhò? Mba mí ngba ingá ma dè.” 18Yesu jà che thíy dhò cha ndèy tdè fú kpatss̀-ní-ngba ò nì, ndèymí à shì à óddù. Fú nganà à rónga kâ djì.
19Yesu kodjú kpa kâ shì Yesu dè nga gidjò ndèymí ndrǔ dhîy, “Ddudhò fú che thíy ddádha shǐ mà djòluw?”
20À ngù lò, “Nyì nì drá ní ùwdha nà ddiydhò. Manì nyì dhò dìchú ní lò tdrǎ, ya nyì dhí uwdha tdě drá gbè kalafuru tsi tá níchú, nyì dhò tdrà í ngòw dhò, ‘Ddá nyi ingá ddù, nyi rǎ chálè,’ ndèymí à rà ndèy dda. Ddiy rò nì ngǎ cha nzǐ ndèy rà ndèy njèy nyì dhò nì. 21Chú fú ngǎjìní che thíy dho shì nzǐ ngéy ní ddiy nà, chú Ddrà nzz̀dha nà ndèymí nyû tsò chèydha nà.”#17:21 Njàddí ndíydha-ní-lò ó í versi nì ngǎ.
Yesu tdrà lò ndèymí dhi djú rwo nì mî
(Mak 9:30-32; Lwk 9:43b-45)
22Yesu kodjú kpa shì ddìngaó Galilaya ò ro, à tdrà ndrǔ dhò, “Ma Ndrǔ-Ddùw dhotèy bbúdha mí nga shì chow. Ndrǔ rà ma bbu 23ì rà ma hwì nì ndrǔ dè, chú ddu gbow nì ó Ddrà rà ma ngù djiy ní dhi óddù.” Ndèymí zòw lòw Yesu kodjú kpa.
Yesu bbû Ddrà nzz̀dha mí thí ní dza rónga pbòdha mí mùsórò
24Yesu mà ndèy kodjú kpa nà shì Kapernawumu mí ddrǒngó ní bba ò ddiy-dzzdjú, Ddrà nzz̀dha mí thí ní dza rónga pbòdha mí mùsórò njúwdha djá shì Petro dè ndèymí ndrǔ dhîy, “Nyìmí li-gwíydha-dja bbú ní Ddrà nzz̀dha mí thí ní dza rónga pbòdha mí mùsórò ney?”
25À ngù lò, “Òní, à bbú nì ney.” Petro tsùw dzá mí nga nà, děy nzá à tdrà lò rò ní, Yesu tdrà à dhò, “Simoni, nyi ní ddu ddey? Í dziylíy djú pey ddúw chuw ní mùsórò áyì mà dèddù? Ídhí ngòw ó bbalè dèddù ǐngí ngéy ní ngòw ó bbalè dèddù?”
26Petro ngù lò, “Ndrǔ chuw nì mùsórò ngéy ní ngòw ó bbalè dèddù.”
Yesu tdrà à dhò, “Ya fǔchú, mùsórò bbúdha mí yǎdha lôw í ngòw ó bbalè rónga nzá.” 27Chú nzánà mà nyá thǒw fú bbalè ò, ra ju-ddà ò ndèymí nyi ngbǒ bbì lówdha mí kí dda ò ndèymí nyi ddá nji ndèy rà ki nì nyi dhò nì bbì. Ndèymí pu tsònì, nyi ra mb hó chùw. Tdúw nyi bbú ndrǔ dè màtsá mùsórò ní ndèymí nyìmí nà.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved