Matayo 15
15
Yesu gwîy lò ndruní bbúw dhí gwíydha ró
(Mak 7:1-13)
1Farisayo ní kpa ndèymí Musa-ngá yǎdha mí li-gwíydha-djá nà shì Yerusalemu óddù. Ndrǔ rà Yesu dè ndèymí ndrǔ dhîy à, 2“Ddudhò nyi kodjú kpa kwo ní màdhí ndruní pbúw ó gwíydha cha mà chùw mà bbúw dèddù nì? Ndrǔ gbú nì ì-dhotsò nzǐ nga nyùdha njìó.”
3Yesu ngù lò, “Ddudhò nyì ní Ddrǎ mí yǎdha kwǒ nyìdhí pbúw ó lò dyòwdha nà? 4Ddrà tdrà, ‘Njey djǎ-nyi ndèymí yâ-nyi dò.’#15:4 Ngbídha 20:12; Yǎdha 5:16. Ddrà ddí tdrà, ‘Ndey wâ djǎnì ǐngí yâ-nì nì li, à kà à dhǐ.’#15:4 Ngbídha 21:17; Yǎdha 20:9. 5Chú nyì tdra nì bbalè dhò, à ùw ndèy ŋà ndeyli tdrǎ ndèymí gôw-djá dhò, ‘Ma dho nzǐ nyì tsotso kwo, ddiydhò cha ma kà ma bbú nyì dhò nì ddiy wá, ma bbû ŋà Ddrà dhò bbudha ní.’ 6Í tuw nà, nyì tdra nì nzǐ ndrǔ njěy ìdhí gôw-djá dò. Nyìdhí ndruní pbúw ó lò nà nyì nì Ddrà mí lò ngǔ ngǎ nì ddiy ní. 7Nyì lò-shúwdha-djá! Nabi Isaya tdrà nyì ɦuwdjò déy,
8“‘Ddrǒngóli tdra nì,
í bbalè má nì ma ì tsò nà chúddì,
chú ndrǔ thíy nì ndì ma róddù.
9Ndrǔ nzz nì ma vúní,
ddiydhò ndrǔ nì bbalè dhí yǎdha gwiy gbè màtsá níchú.’#15:9 Isaya 29:13.”
Ndèy téy nì bbalè thíy ónga nì ddiy
(Mak 7:14-23)
10Yesu kâ bbalè mí njuw iy ndèy dè ndèymí à kâ tdrà ndrǔ dhò, “Nyì rr ndèymí nyì tsi. 11Ndèy tsuw nì li-kuw ò nì ddiy sa nì li ónga nzǐ, chú ndèy shi nì li-kuw óddù nì ddiy sa nì bbalè ndey.”
12À kodjú kpa kâ shì à dè ndèymí ndrǔ kâ à dhiy, “Nyi tsǐ ŋà, thǒw lòw tdè Farisayo ní kpa ì rr̀ tdè í lò mí nga nà?”
13Yesu ngù lò, “Tsúw wá cha màtsá Djǎnì rakpa ó nì tdòw ngǎ ndey nì, ka rà tuw dhey nì nà wá. 14Nyì bba Farisayo ní kpa déy! Ndrǔ nì gbè ngǎ nyú níchú cha ì nì ngǎ nyú djùkpa ddǎ nì. Ya ddì nì ngǎ nyú ddà njàddí ngǎ nyú djùkpa, ndrǔ rwo tú wá rà chèy bbuw ò.”
15Petro dhîy, “Kló í lò-tey mà dhò.”
16Yesu tdrà ndrǔ dhò, “Nyì ddí tsǐ děy nzá? 17Nyì tsǐ nzá ndèy tsuw nì li-kuw ò nì ddiy, ra nì li-zz̀ ò ndèymí à shi nì rúgò li óddù? 18Chú ndèy shi li kuw óddù nì ddiy shi nì li-thíy óddù, ndèymí fúnì ndèy léy nì bbalè déy nì ngǎ thí nì ddiy. 19Li-thíy óddù ngǎjìní lò shi nì cha ndèy mba nì bbalè li hwìdha dè, ddùdha ngǎ ndèy nì nyìmí ków mí li nà, bbǎlà njèydha, gbu, mbwa mí lò tdràdha ndeyli ró ndèymí bbalè dhùwdha dè. 20Fú nì ndèy téy nì bbalè thíy ónga nì ddiy, chú nga nyùdha nzá ka gbû li dhotsò ní nì téy nì bbalè thíy ónga nzǐ.”
Ngǎ ndèy nì Yahuddi-ɦìytss ní nì li mí uwdha
(Mak 7:24-30)
21Yesu bbà fú nga ndèymí à rà Turo mí ngòw katéy bba ò ndèymí Sidoni mí drò-dró ní bba ò. 22Kanani ɦìytss cha ndèy déy nì fú ngòw ó nì, rà à dè. À swâ, “Ddrǒngóli, pey Dawuddi mí Ddùwnì, njey ma zòw! Màtsá dhànì nì ndèy nza drǒ che thíy nà.”
23Yesu ngù lò ddì kpe nzá. Chú à kodjú kpa shì à dè ndèymí ndrǔ kwô à, “Diy à gu, ddiydhò à nì mà dyǒw nga swádha nà.”
24Yesu ngù lò, “Ka chô ma ì vîy gbè towmbù níchú nì Israeli mí nzòw dè chúddì.”
25Chú fú ɦìytss-ní-li shì ndèymí à kwò ndèy bbi Yesu kotéy. À tdrà, “Ddrǒngóli, kwó ma tsotso.”
26Yesu ngù lò, “À nì ngǎ lǎní ka tdúw nzòw dhí nyû ka bbu tsǐ dhò.”
27À tdrà, “Òní, Ddrǒngóli, chú tsǐ ddí nyù nì cha ndèy tdîy ndèy ì dhí djǎnì ngá mêzà djúddù nì nyû gògò.”
28Yesu kâ lò ngù à dhò, “Nyi nì cha ndèymí ùwdha nì ddrǒngó nì ɦìytss-ní-li. Nyi jì nì ddiy rà ndèy njèy.” Àmí dhànì rónga kâ djì ndùw fú nga nà.
Yesu djì bíy ní bbalè rónga
29Yesu bbà fú nga ndèymí à kâ rà Galilaya mí ju-ddà tsòrò. À kâ rà ru ngòw djò ndèymí à dòw gudjò. 30Bíy ní bbalè mí njuw shì à dè, ndrǔ mbà cha ì-koko dhì nì ndrǔ, ngǎ nyú, ì-koko ǐngí ì kùw vêy nì ndrǔ, nzǐ ì dêy lò těy nì ndrǔ ndèymí bíy ní dhi nà nì bbalè. Ndrǔ lêy fú bbalè wá à kotéy, ndèymí à djì ndrǔ rónga. 31Bbalè ónga ꞌwìy cha ì njà tdè nzǐ ì tdè lò těy nì bbalè tèy lò, ì-koko ǐngí ì kùw vêy nì ndrǔ rónga ngû lǎní gbè njàddí ndrǔ dhí níchú, ì-koko dhì nì ndrǔ bbîy ndèymí ngǎ nyú njà nga. Ndrǔ wá bbû madha Israeli mí Ddrà dhò.
Yesu bbû nyû ndèy da lówfù tho nì bbalè dhò
(Mak 8:1-10)
32Yesu îy ndèy kodjú kpa ndèy dè ndèymí à tdrà, “Ma nì zòw-lò nà í bbalè dhò, ddiydhò ndrǔ tdè ma nà ddu gbow nì dhò ndèymí ddiy nì ngǎ ndrǔ dho nyù nì. Ma nì jǐ nzǐ ma dhá ndrǔ ɦùw nà, nzánà ndrǔ dhí klôw shí ndèy si tuw ó.”
33À kodjú kpa tdrà à dhò, “Í ɦiy ní nga ó mà dhó nyû chùw ŋangá ndèy ká í bbalè mí njuw nì?”
34Yesu dhîy, “Nyì ní mùkátì nà thi?”
Ndrǔ tdrà, “Mùkátì zargbòw ndèymí drá ní bbì rò nà.”
35Yesu jà bbalè mí njuw dhò ndrǔ dǒw gudjò. 36À kâ zargbòw nì mùkátì tduw ndèymí bbì nà, à bbû madha Ddrà dhò, à pbrr̀ ǒnga ndèymí à bbû ndèy kodjú kpa dè. À kodjú kpa bbû bbalè dè. 37Ndrǔ wá nyù ndèymí ndrǔ ónga ddí kì. Yesu kodjú kpa njûw ndèy gògò mànì nyû dyǔ zargbòw věy-věy. 38Cha ì nyù nì kpa ní ndrǔ tdè lówfù tho. Dhì ndèymí nzòw nà ka zòw nzá. 39Yesu kâ bbalè mí njuw dha, fú ddiy-dzzdjú à kâ tsùw ngǒ ò ndèymí à kâ rà Magadan mí ngòw ò dda djòluw.
Chwazi Kounye ya:
Matayo 15: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 15
15
Yesu gwîy lò ndruní bbúw dhí gwíydha ró
(Mak 7:1-13)
1Farisayo ní kpa ndèymí Musa-ngá yǎdha mí li-gwíydha-djá nà shì Yerusalemu óddù. Ndrǔ rà Yesu dè ndèymí ndrǔ dhîy à, 2“Ddudhò nyi kodjú kpa kwo ní màdhí ndruní pbúw ó gwíydha cha mà chùw mà bbúw dèddù nì? Ndrǔ gbú nì ì-dhotsò nzǐ nga nyùdha njìó.”
3Yesu ngù lò, “Ddudhò nyì ní Ddrǎ mí yǎdha kwǒ nyìdhí pbúw ó lò dyòwdha nà? 4Ddrà tdrà, ‘Njey djǎ-nyi ndèymí yâ-nyi dò.’#15:4 Ngbídha 20:12; Yǎdha 5:16. Ddrà ddí tdrà, ‘Ndey wâ djǎnì ǐngí yâ-nì nì li, à kà à dhǐ.’#15:4 Ngbídha 21:17; Yǎdha 20:9. 5Chú nyì tdra nì bbalè dhò, à ùw ndèy ŋà ndeyli tdrǎ ndèymí gôw-djá dhò, ‘Ma dho nzǐ nyì tsotso kwo, ddiydhò cha ma kà ma bbú nyì dhò nì ddiy wá, ma bbû ŋà Ddrà dhò bbudha ní.’ 6Í tuw nà, nyì tdra nì nzǐ ndrǔ njěy ìdhí gôw-djá dò. Nyìdhí ndruní pbúw ó lò nà nyì nì Ddrà mí lò ngǔ ngǎ nì ddiy ní. 7Nyì lò-shúwdha-djá! Nabi Isaya tdrà nyì ɦuwdjò déy,
8“‘Ddrǒngóli tdra nì,
í bbalè má nì ma ì tsò nà chúddì,
chú ndrǔ thíy nì ndì ma róddù.
9Ndrǔ nzz nì ma vúní,
ddiydhò ndrǔ nì bbalè dhí yǎdha gwiy gbè màtsá níchú.’#15:9 Isaya 29:13.”
Ndèy téy nì bbalè thíy ónga nì ddiy
(Mak 7:14-23)
10Yesu kâ bbalè mí njuw iy ndèy dè ndèymí à kâ tdrà ndrǔ dhò, “Nyì rr ndèymí nyì tsi. 11Ndèy tsuw nì li-kuw ò nì ddiy sa nì li ónga nzǐ, chú ndèy shi nì li-kuw óddù nì ddiy sa nì bbalè ndey.”
12À kodjú kpa kâ shì à dè ndèymí ndrǔ kâ à dhiy, “Nyi tsǐ ŋà, thǒw lòw tdè Farisayo ní kpa ì rr̀ tdè í lò mí nga nà?”
13Yesu ngù lò, “Tsúw wá cha màtsá Djǎnì rakpa ó nì tdòw ngǎ ndey nì, ka rà tuw dhey nì nà wá. 14Nyì bba Farisayo ní kpa déy! Ndrǔ nì gbè ngǎ nyú níchú cha ì nì ngǎ nyú djùkpa ddǎ nì. Ya ddì nì ngǎ nyú ddà njàddí ngǎ nyú djùkpa, ndrǔ rwo tú wá rà chèy bbuw ò.”
15Petro dhîy, “Kló í lò-tey mà dhò.”
16Yesu tdrà ndrǔ dhò, “Nyì ddí tsǐ děy nzá? 17Nyì tsǐ nzá ndèy tsuw nì li-kuw ò nì ddiy, ra nì li-zz̀ ò ndèymí à shi nì rúgò li óddù? 18Chú ndèy shi li kuw óddù nì ddiy shi nì li-thíy óddù, ndèymí fúnì ndèy léy nì bbalè déy nì ngǎ thí nì ddiy. 19Li-thíy óddù ngǎjìní lò shi nì cha ndèy mba nì bbalè li hwìdha dè, ddùdha ngǎ ndèy nì nyìmí ków mí li nà, bbǎlà njèydha, gbu, mbwa mí lò tdràdha ndeyli ró ndèymí bbalè dhùwdha dè. 20Fú nì ndèy téy nì bbalè thíy ónga nì ddiy, chú nga nyùdha nzá ka gbû li dhotsò ní nì téy nì bbalè thíy ónga nzǐ.”
Ngǎ ndèy nì Yahuddi-ɦìytss ní nì li mí uwdha
(Mak 7:24-30)
21Yesu bbà fú nga ndèymí à rà Turo mí ngòw katéy bba ò ndèymí Sidoni mí drò-dró ní bba ò. 22Kanani ɦìytss cha ndèy déy nì fú ngòw ó nì, rà à dè. À swâ, “Ddrǒngóli, pey Dawuddi mí Ddùwnì, njey ma zòw! Màtsá dhànì nì ndèy nza drǒ che thíy nà.”
23Yesu ngù lò ddì kpe nzá. Chú à kodjú kpa shì à dè ndèymí ndrǔ kwô à, “Diy à gu, ddiydhò à nì mà dyǒw nga swádha nà.”
24Yesu ngù lò, “Ka chô ma ì vîy gbè towmbù níchú nì Israeli mí nzòw dè chúddì.”
25Chú fú ɦìytss-ní-li shì ndèymí à kwò ndèy bbi Yesu kotéy. À tdrà, “Ddrǒngóli, kwó ma tsotso.”
26Yesu ngù lò, “À nì ngǎ lǎní ka tdúw nzòw dhí nyû ka bbu tsǐ dhò.”
27À tdrà, “Òní, Ddrǒngóli, chú tsǐ ddí nyù nì cha ndèy tdîy ndèy ì dhí djǎnì ngá mêzà djúddù nì nyû gògò.”
28Yesu kâ lò ngù à dhò, “Nyi nì cha ndèymí ùwdha nì ddrǒngó nì ɦìytss-ní-li. Nyi jì nì ddiy rà ndèy njèy.” Àmí dhànì rónga kâ djì ndùw fú nga nà.
Yesu djì bíy ní bbalè rónga
29Yesu bbà fú nga ndèymí à kâ rà Galilaya mí ju-ddà tsòrò. À kâ rà ru ngòw djò ndèymí à dòw gudjò. 30Bíy ní bbalè mí njuw shì à dè, ndrǔ mbà cha ì-koko dhì nì ndrǔ, ngǎ nyú, ì-koko ǐngí ì kùw vêy nì ndrǔ, nzǐ ì dêy lò těy nì ndrǔ ndèymí bíy ní dhi nà nì bbalè. Ndrǔ lêy fú bbalè wá à kotéy, ndèymí à djì ndrǔ rónga. 31Bbalè ónga ꞌwìy cha ì njà tdè nzǐ ì tdè lò těy nì bbalè tèy lò, ì-koko ǐngí ì kùw vêy nì ndrǔ rónga ngû lǎní gbè njàddí ndrǔ dhí níchú, ì-koko dhì nì ndrǔ bbîy ndèymí ngǎ nyú njà nga. Ndrǔ wá bbû madha Israeli mí Ddrà dhò.
Yesu bbû nyû ndèy da lówfù tho nì bbalè dhò
(Mak 8:1-10)
32Yesu îy ndèy kodjú kpa ndèy dè ndèymí à tdrà, “Ma nì zòw-lò nà í bbalè dhò, ddiydhò ndrǔ tdè ma nà ddu gbow nì dhò ndèymí ddiy nì ngǎ ndrǔ dho nyù nì. Ma nì jǐ nzǐ ma dhá ndrǔ ɦùw nà, nzánà ndrǔ dhí klôw shí ndèy si tuw ó.”
33À kodjú kpa tdrà à dhò, “Í ɦiy ní nga ó mà dhó nyû chùw ŋangá ndèy ká í bbalè mí njuw nì?”
34Yesu dhîy, “Nyì ní mùkátì nà thi?”
Ndrǔ tdrà, “Mùkátì zargbòw ndèymí drá ní bbì rò nà.”
35Yesu jà bbalè mí njuw dhò ndrǔ dǒw gudjò. 36À kâ zargbòw nì mùkátì tduw ndèymí bbì nà, à bbû madha Ddrà dhò, à pbrr̀ ǒnga ndèymí à bbû ndèy kodjú kpa dè. À kodjú kpa bbû bbalè dè. 37Ndrǔ wá nyù ndèymí ndrǔ ónga ddí kì. Yesu kodjú kpa njûw ndèy gògò mànì nyû dyǔ zargbòw věy-věy. 38Cha ì nyù nì kpa ní ndrǔ tdè lówfù tho. Dhì ndèymí nzòw nà ka zòw nzá. 39Yesu kâ bbalè mí njuw dha, fú ddiy-dzzdjú à kâ tsùw ngǒ ò ndèymí à kâ rà Magadan mí ngòw ò dda djòluw.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved