Matayo 13
13
Lò-ngbòdha nyû-tsi ɦìydha-dja ró
(Mak 4:1-9; Lwk 8:4-8)
1Fú ddì nì ddu ó, Yesu bbà tdè dza ndèymí à kâ rà Galilaya mí ju-ddà tsòrò. Fúlè à dòw tdè gudjú bbalè gwíydha dhò. 2Chú cha ì njûw tdè ì à ròluw nì bbalè mí njuw tdè bíy drǒ. À lêy Yesu djèy ngǒ ò ndèymí à dòw ǒmá. Bíy ní bbalè mí njuw dèy ju-ddà tsò ró. 3À gwîy ndrǔ dhò bíy ní ddiy, lò-ngbòdha nà. À tdrà ndrǔ dhò, “Nza bbìydha-dja rà nyû-tsi ɦìy nděyngá nza ò. 4À tdè nyû-tsi ɦìy ro, njàddí nyû-tsi chèy tuw gitéy. Rakpa chuwtéy rì-kpà shì ndèymí ndrǔ chò mí nyû-tsi. 5Njàddí nyû-tsi chèy djuw nà nì dziylíy ó, cha dziylíy tdè drá mí nga ó. Fú nyû-tsi ngà zěy-zěy, ddiydhò dziylíy tdè ngǎ kpliy. 6Chú itsś shì tdè ro, à bêy fú ndèy ngà nì nyû-tsi, ddiydhò dheynì tsùw tdè nzá kpliy dziylíy ò. Mí nyû-tsi kâ ꞌwìy. 7Njàddí nyû-tsi chèy tsǎléy kàó, à dhìy ndèymí tsǎléy tà hì-tsò dhìydha róddù. 8Chú njàddí nyû-tsi chèy lǎní dziylíy ó, ndèymí à ꞌwò tdè ndèy tsi. Ddì nì ꞌwò ndèy tsi dàkì ddì, njàddí drì-drínga za, njàddí drì-drínga gbow. 9Cha ndèy nì ndèy gi nà nì li, bba à rř!”
Yesu dhò ddudhò ndèy gwíy nì bbalè lò-ngbódha nà mí lò-tey
(Mak 4:10-12; Lwk 8:9,10)
10Yesu kodjú kpa kâ rà Yesu dè ndèymí ndrǔ kâ à dhiy, “Ddùdhò nyi tdrà ní lò bbalè dhò lò-ngbòdha nà?”
11Yesu ngù lò ndrǔ dhò, “Rakpa mí pey-mí-nga mí rùdha ní lò-tsìdha bbû ndèy nyì dho, chú ngǎ fú ndrǔ dhò. 12Ndèy nì fú lò-tsìdha nà nì li, ka rà ngéy ní bbu à dhò, ndaní fú li déy ndanà tǐ. Ngǎ ndèy nì fú lò-tsìdha nà nì li, ka rà cha fú li nì ndanà nì drá ní tá ddí dda gu fú li dèddù. 13Ma tdra nì lò ndrǔ dhò lò-ngbòdha nà mí lò-tey nì, ndrǔ rà njà, gbè nzǐ ì nì njǎ níchú, ndrǔ rà rř, gbè nzǐ ì nì rř níchú ndèymí nzǐ ndrǔ rà tsǐ. 14Ddrà tdrà tdè, nabi Isaya òluw nì lò njèy ndèy dìchú. À tdrà,
“ ‘Í bbalè rà lò rr̀, chú ndrǔ rà tsì nzǐ,
ndrǔ rà njà, chú ndrǔ rà ròmà lò tsì nzǐ.
15Mí bbalè thíy ngû ndǐy,
ndèymí ndrǔ rû ì-gi ónga,
ndèymí ndrǔ pbîy ì nyú,
ndaní nzǐ ì njǎ ì nyú nà,
ǐngí ì rř ì-gi nà,
nzánà ndrǔ tsǐ ì thíy nà,
ndaní ndrǔ lí ì ma dè,
ndaní nzánà ma léy ndrǔ rónga djǐ.’#13:15 Isaya 6:9,10. ”
16Yesu kâ tdrà ndèy kodjú kpa dhò, “Chú bû nyì nyú dhò, ddiydhò ndrǔ njà ndèymí nyì gi dhò, ddiydhò ndrǔ rr̀. 17Manì nyì dhò dìchú ní lò tdrǎ, bíy ní nabi-kpà ndèymí bíy ní lǎní bbalè jì tdè drǒ ì njǎ ddiy cha nyì njà nì, chú ndrǔ njà nzá. Ndrǔ jì tdè drǒ ì rř cha nyì rr̀ nì ddiy, chú ndrǔ rr̀ nzá.
Yesu klô nyû-tsi ɦìydha-dja mí lò-ngbòdha tey
(Mak 4:13-20; Lwk 8:11-15)
18“Nyì rr, ndèymí nyì tsi, nyû-tsi ɦìydha-dja mí lò-ngbòdha tey nì ddu ddiy. 19Cha ì rr nì rakpa mí pey-mí-nga ró lò-ɦéy rr̀dha ní chúddì nì bbalè, chú ndrǔ tsi nì à nzǐ, ndrǔ nì gbè tuw gitéy ndèy chèy nì nyû-tsi níchú. Ngǎjìní li Setani shi nì ndèymí à ddá nì cha ka ɦìy ndrǔ thíy ò nì lǎní ddiy gu. 20Ndèy chèy djuw ní nga djú, drá dziylíy nì mí nga ó nì nyû-tsi, nì gbè ì rr nì ndèymí ì ùw nì lò-ɦéy zěy-zěy ì ró ꞌwíy nì nà nì bbalè níchú. 21Chú mí lò tsuw nì nzǐ kpliy ndrǔ thíy ò ndèymí ndrǔ uw nì drá nì nga dhò. Zòw ǐngí nzadha shǐ ro, lò-ɦéy mí lò dhò nì, à léy nì ndrǔ thíy ddá nì ndèy ndùw rǒmá ddù. 22Ndèy chèy tsǎléy kàó nì nyû-tsi nì dhǒ ì rr nì lò-ɦéy nì ndrǔ. Chú í dziylíy djú déydha mí tdótdò ndèymí jǐ li-dhokpa ó ddiy nà déydha mî, tdya nì mí lò. À léy nì mí lò ꞌwo ndèy tsi nzǐ. 23Ndèymí ndèy chèy lǎní dziylíy ó nì nyû-tsi, nì cha ì rr nì ndèymí ì tsi nì mí lò-ɦéy nì ndrǔ. Ndrǔ ꞌwo nì ì tsi, njàddí dàkì ddì, njàddí ndrǔ drì-drínga za ndèymí njàddí drì-drínga gbow.”
Lò-ngbòdha hwô ró
24Yesu tdrà tdè ndrǔ dhò njàddí lò-ngbòdha. “Rakpa mí pey-mí-nga nì ǐchú. Ddì nì kpatss̀-ní-li ɦìy lǎní nyû-tsi nza ó. 25Chú ddì nì kúw nà bbalè wánì ddu tdè ro, ndrò-dja shì ndèymí à ɦìy hwô ngǎnù kàòluw ndèymí à kâ rà gu. 26Ngǎnù ngà tdè ro, à lòw dey ꞌwò. Chú hwô ddí dhìy.
27“Fú kpatss̀-ní-li ngá nokpá shì à dè ndèymí ndrǔ tdrà, ‘Ddrǒngóli, nyi ɦìy tdè ngǎ lǎní nyû-tsi nyǐngá nza ó? Fú hwô shí ŋangá ddù?’
28“À ngù lò ndrǔ dhò, ‘Ndrò-dja njèy í ddiy ndey.’
“Ǎngá nokpá dhîy à, ‘Nyi ní jǐ mà rǎ ndèymí mà ddá fú hwô gu?’
29“À ngù lò, ‘Nzǐ, ddiydhò nyì nì hwô túw mí nga nà, nyì dho ngǎnù túw ddí. 30Nyì bba ndrǔ rwo tú wá dhǐy ddìngaó pbǔw ka rà tsònì njuw ddiy ò. Fú nga nà ma rà tdrà tsònì njúwdha-djá dhò, nji nyì njúw hwô ndèymí nyì chey ndrǔ tsò béydha dhò. Nyì njúw ngǎnù ndèymí nyì mbǎ màtsá ddèr ò.’”
Lò-ngbòdha kalafuru tsi ró
(Mak 4:30-32; Lwk 13:18,19)
31Yesu tdrà tdè ndrǔ dhò njàddí lò-ngbòdha ddíyàchú, “Rakpa mí pey-mí-nga nì ǐchú. Ddì nì kpatss̀-ní-li tdûw kalafuru tsi ndèymí à tdòw nděyngá nza ò. 32Kalafuru tsi nì drá tǐ à da wánì tsúw-tsi kàó, chú à dhìy ro, à nì ddrǒngó tǐ à da wánì tsúw djòluw. À ngú nì tsúw ní, ndèymí rì-kpà ddí shi nì ndèymí ndrǔ ss nì ì dzàkí mí tsúw gi-lá djú.”
Lò-ngbòdha thiy ró
(Lwk 13:20,21)
33Yesu tdrà tdè ndrǔ dhò njàddí lò-ngbòdha, “Rakpa mí pey-mí-nga nì gbè thiy níchú cha ɦìytss-ní-li tdûw drá ní thiy à nzì ndanà ngǎnù rà tdyǔ gbow pbǔw à chòw ndanà wá.”
Yesu tdè bbalè gwiy wá lò-ngbódha òluw
(Mak 4:33,34)
34Yesu tdrà í ddiy wá lò-ngbòdha òluw bbalè mí njuw dhò. À tdrà lò nzá ndrǔ dhò ngǎ lò-ngbòdha ní. 35À njèy í ddiy, ndaní Ddrà tdrà nabi òluw nì lò njěy ndèy dìchú. À tdrà,
“Ma rà lò tdrà ndrǔ dè lò-ngbòdha nà.
Ma rà ndrǔ dhò ndèy rù ndèy nì ddiy tdrà,
à nga ndèy dziylíy dyà ndèy mí nga djúddù.”#13:35 Ngwo-kpà 78:2.
Yesu klô hwô mí lò-ngbòdha tey
36Yesu kâ bbalè mí njuw bbà ndèymí à kâ rà dzá. À kodjú kpa rà à dè ndèymí ndrǔ kâ tdrà à dhò, “Tdra mà dhò hwô mí lò-ngbòdha tey nì ddu ddiy.”
37Yesu ngù lò ndrǔ dhò, “Ndèy ɦìy lǎní nyû-tsi nì li nì ma Ndrǔ-Ddùw. 38Nza nì gbè dziylíy níchú, lǎní nyû-tsi nì bbalè cha rakpa mí pey-mí-nga nì ì dhò nì. Hwô nì gbè ngǎjìní li Setani ngá bbalè. 39Ndrò-dja cha ndèy ɦìy hwô nì Setani. Tsònì njúwdha nì dziylíy tsò tdówdha, ndèymí tsònì njúwdha-djá nì malayika-kpà.
40“Gbè ka njûw hwô ndèymí ka bêy ndrǔ kàss ò níchú, à rà dey ddí fǔchú dziylíy tsò tdówdha ó. 41Ma Ndrǔ-Ddùw rà màtsá ngá malayika-kpà cho ndèymí ndrǔ rà hwô dda màtsá pey-mí-nga óddù. Ddiy wá cha ì nyá nì cherr nì ndèymí bbalè wá cha ì nì ngǎjìní ddiy njěy nì. 42Malayika-kpà rà ndrǔ bblà nzǐ ndèy sí ndèy nì kàss ò. Fulè ndrǔ rà dzz̀ ì kuw kádha nà. 43Ddrǎ-ngá chǒw ní bbalè rà ka itsś níchú ìdhí Djǎnì ngá pey-mí-nga ò. Cha ndèy nì ndèy gi nà nì li, bba à rř!”
Lò-ngbòdha léydha ní ddiy ró
44“Rakpa mí pey-mí-nga nì ǐchú. Ddì nì kpatss̀ chùw léydha ní ddiy cha ka tdòw nza ó nì. À rù ddíyàchú. Hwî nì à njěy ddiydhò, à rà cha ndèy nì ndanà nì ddiy ónga dzz wá ndèymí à rà ngu mí dziylíy dzz̀.
Lò-ngbòdha tǔw ndèy ɦuwdjò nà nì djuw ró
45“Rakpa mí pey-mí-nga nì ǐchú. Ndèy nì ddiy ónga dzz li rà tǔw ndèy ɦuwdjò nà nì djuw měy ndèy dzž. 46Ya à chùw tdè ro, à rà ndèymí wánì ddiy ó nga dzz ndèymí à rà tǔw ndèy ɦuwdjò nà nì fú djuw dzz̀.”
Lò-ngbòdha njǒw ró
47“Rakpa mí pey-mí-nga nì ǐchú. Njàddí bbì lówdha-djá ngbò ìdhí njǒw ju-ddà ò ndèymí ndrǔ lôw ngéy-ngéy ní bbì jì kpà. 48Njǒw kì tdè ro, ndrǔ drr̀ njǒw rúgò ju-ddà tsòrò. Ndrǔ dòw gudjò ndèymí ndrǔ vû lǎní bbì tókò ò ndèymí ngǎjìní nì ndrǔ ddâ gu. 49À rà dey fǔchú dziylíy tsò tdówdha ó. Malayika-kpà rà shì ndèymí ndrǔ rà cherr-djá dda chǒw ní bbalè kàó ddù. 50Malayika-kpà rà ndrǔ bblà nzǐ ndèy sí ndèy nì kàss ò. Fulè ndrǔ rà dzz̀ ì kuw kádha nà.”
51Yesu dhîy ndèy kodjú kpa, “Nyì tsǐ ŋà í ddiy wá?”
Ndrǔ ngù lò “Òní, ŋà mà tsì.”
52À tdrà ddíyàchú ndrǔ dhò, “Í ddiy mí lò-tey nì, Musa-ngá yǎdha mí li-gwíydha-djá cha ì ngu Yesu kodjú kpa ní rakpa mí pey-mí-nga ò nì, nì gbe dza-dja níchú, cha ndèy mbà ddiy tdey ndèymí ddiy ɦèy nà nděyngà ddìy léydha mí dza óddù nì li níchú.”
Ka gù Yesu Nazareti mí bba ó
(Mak 6:1-6; Lwk 4:16-30)
53Yesu sî tdè fú lò-ngbòdha mí nga nà, à ddâ ndèy fungá ddù. 54À ngû ndèymí ddrǒngó ní bba ò ro, à lòw dey bbalè gwiy Yahuddi-ddúw dhí njuwdha-dzà òluw ndèymí ndrǔ ónga ꞌwìy. Ndrǔ dhîy, “Í kpatss̀ chǔw í nyǔꞌwiy ndèymí í ddùw njèydha mí klôw ŋangá ddù? 55À ní ngǎ Yusufu bǎw chódha-dja mí ddùwnì? Àmí yânì ní ngǎ Mariya? Yakobbo, Yusufu, Simoni ndèymí Yudda mà ní ngǎ djúní? 56Àmí víní wá déy ní ngǎ ingá mà nà? Í kpatss̀ chǔw í ddiy wá ŋangá ddù?” 57Fú ddiy dhò, ndrǔ gù à.
Yesu kâ tdrà ndrǔ dhò, “Ka njey nì nabi dò wánì nga òluw, chú ka njey nì à dò nzǐ à màdhí ngá déy ní ddrǒngó ní bba ó ndèymí ǎngá déy ní dza ó bbalè nà.”
58Ndrǔ tdè ngǎ ùwdha nà ddiydhò, à lêy Yesu njèy bíy ní ddùw-kpà nzá fulè.
Chwazi Kounye ya:
Matayo 13: NDRULO
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved
Matayo 13
13
Lò-ngbòdha nyû-tsi ɦìydha-dja ró
(Mak 4:1-9; Lwk 8:4-8)
1Fú ddì nì ddu ó, Yesu bbà tdè dza ndèymí à kâ rà Galilaya mí ju-ddà tsòrò. Fúlè à dòw tdè gudjú bbalè gwíydha dhò. 2Chú cha ì njûw tdè ì à ròluw nì bbalè mí njuw tdè bíy drǒ. À lêy Yesu djèy ngǒ ò ndèymí à dòw ǒmá. Bíy ní bbalè mí njuw dèy ju-ddà tsò ró. 3À gwîy ndrǔ dhò bíy ní ddiy, lò-ngbòdha nà. À tdrà ndrǔ dhò, “Nza bbìydha-dja rà nyû-tsi ɦìy nděyngá nza ò. 4À tdè nyû-tsi ɦìy ro, njàddí nyû-tsi chèy tuw gitéy. Rakpa chuwtéy rì-kpà shì ndèymí ndrǔ chò mí nyû-tsi. 5Njàddí nyû-tsi chèy djuw nà nì dziylíy ó, cha dziylíy tdè drá mí nga ó. Fú nyû-tsi ngà zěy-zěy, ddiydhò dziylíy tdè ngǎ kpliy. 6Chú itsś shì tdè ro, à bêy fú ndèy ngà nì nyû-tsi, ddiydhò dheynì tsùw tdè nzá kpliy dziylíy ò. Mí nyû-tsi kâ ꞌwìy. 7Njàddí nyû-tsi chèy tsǎléy kàó, à dhìy ndèymí tsǎléy tà hì-tsò dhìydha róddù. 8Chú njàddí nyû-tsi chèy lǎní dziylíy ó, ndèymí à ꞌwò tdè ndèy tsi. Ddì nì ꞌwò ndèy tsi dàkì ddì, njàddí drì-drínga za, njàddí drì-drínga gbow. 9Cha ndèy nì ndèy gi nà nì li, bba à rř!”
Yesu dhò ddudhò ndèy gwíy nì bbalè lò-ngbódha nà mí lò-tey
(Mak 4:10-12; Lwk 8:9,10)
10Yesu kodjú kpa kâ rà Yesu dè ndèymí ndrǔ kâ à dhiy, “Ddùdhò nyi tdrà ní lò bbalè dhò lò-ngbòdha nà?”
11Yesu ngù lò ndrǔ dhò, “Rakpa mí pey-mí-nga mí rùdha ní lò-tsìdha bbû ndèy nyì dho, chú ngǎ fú ndrǔ dhò. 12Ndèy nì fú lò-tsìdha nà nì li, ka rà ngéy ní bbu à dhò, ndaní fú li déy ndanà tǐ. Ngǎ ndèy nì fú lò-tsìdha nà nì li, ka rà cha fú li nì ndanà nì drá ní tá ddí dda gu fú li dèddù. 13Ma tdra nì lò ndrǔ dhò lò-ngbòdha nà mí lò-tey nì, ndrǔ rà njà, gbè nzǐ ì nì njǎ níchú, ndrǔ rà rř, gbè nzǐ ì nì rř níchú ndèymí nzǐ ndrǔ rà tsǐ. 14Ddrà tdrà tdè, nabi Isaya òluw nì lò njèy ndèy dìchú. À tdrà,
“ ‘Í bbalè rà lò rr̀, chú ndrǔ rà tsì nzǐ,
ndrǔ rà njà, chú ndrǔ rà ròmà lò tsì nzǐ.
15Mí bbalè thíy ngû ndǐy,
ndèymí ndrǔ rû ì-gi ónga,
ndèymí ndrǔ pbîy ì nyú,
ndaní nzǐ ì njǎ ì nyú nà,
ǐngí ì rř ì-gi nà,
nzánà ndrǔ tsǐ ì thíy nà,
ndaní ndrǔ lí ì ma dè,
ndaní nzánà ma léy ndrǔ rónga djǐ.’#13:15 Isaya 6:9,10. ”
16Yesu kâ tdrà ndèy kodjú kpa dhò, “Chú bû nyì nyú dhò, ddiydhò ndrǔ njà ndèymí nyì gi dhò, ddiydhò ndrǔ rr̀. 17Manì nyì dhò dìchú ní lò tdrǎ, bíy ní nabi-kpà ndèymí bíy ní lǎní bbalè jì tdè drǒ ì njǎ ddiy cha nyì njà nì, chú ndrǔ njà nzá. Ndrǔ jì tdè drǒ ì rř cha nyì rr̀ nì ddiy, chú ndrǔ rr̀ nzá.
Yesu klô nyû-tsi ɦìydha-dja mí lò-ngbòdha tey
(Mak 4:13-20; Lwk 8:11-15)
18“Nyì rr, ndèymí nyì tsi, nyû-tsi ɦìydha-dja mí lò-ngbòdha tey nì ddu ddiy. 19Cha ì rr nì rakpa mí pey-mí-nga ró lò-ɦéy rr̀dha ní chúddì nì bbalè, chú ndrǔ tsi nì à nzǐ, ndrǔ nì gbè tuw gitéy ndèy chèy nì nyû-tsi níchú. Ngǎjìní li Setani shi nì ndèymí à ddá nì cha ka ɦìy ndrǔ thíy ò nì lǎní ddiy gu. 20Ndèy chèy djuw ní nga djú, drá dziylíy nì mí nga ó nì nyû-tsi, nì gbè ì rr nì ndèymí ì ùw nì lò-ɦéy zěy-zěy ì ró ꞌwíy nì nà nì bbalè níchú. 21Chú mí lò tsuw nì nzǐ kpliy ndrǔ thíy ò ndèymí ndrǔ uw nì drá nì nga dhò. Zòw ǐngí nzadha shǐ ro, lò-ɦéy mí lò dhò nì, à léy nì ndrǔ thíy ddá nì ndèy ndùw rǒmá ddù. 22Ndèy chèy tsǎléy kàó nì nyû-tsi nì dhǒ ì rr nì lò-ɦéy nì ndrǔ. Chú í dziylíy djú déydha mí tdótdò ndèymí jǐ li-dhokpa ó ddiy nà déydha mî, tdya nì mí lò. À léy nì mí lò ꞌwo ndèy tsi nzǐ. 23Ndèymí ndèy chèy lǎní dziylíy ó nì nyû-tsi, nì cha ì rr nì ndèymí ì tsi nì mí lò-ɦéy nì ndrǔ. Ndrǔ ꞌwo nì ì tsi, njàddí dàkì ddì, njàddí ndrǔ drì-drínga za ndèymí njàddí drì-drínga gbow.”
Lò-ngbòdha hwô ró
24Yesu tdrà tdè ndrǔ dhò njàddí lò-ngbòdha. “Rakpa mí pey-mí-nga nì ǐchú. Ddì nì kpatss̀-ní-li ɦìy lǎní nyû-tsi nza ó. 25Chú ddì nì kúw nà bbalè wánì ddu tdè ro, ndrò-dja shì ndèymí à ɦìy hwô ngǎnù kàòluw ndèymí à kâ rà gu. 26Ngǎnù ngà tdè ro, à lòw dey ꞌwò. Chú hwô ddí dhìy.
27“Fú kpatss̀-ní-li ngá nokpá shì à dè ndèymí ndrǔ tdrà, ‘Ddrǒngóli, nyi ɦìy tdè ngǎ lǎní nyû-tsi nyǐngá nza ó? Fú hwô shí ŋangá ddù?’
28“À ngù lò ndrǔ dhò, ‘Ndrò-dja njèy í ddiy ndey.’
“Ǎngá nokpá dhîy à, ‘Nyi ní jǐ mà rǎ ndèymí mà ddá fú hwô gu?’
29“À ngù lò, ‘Nzǐ, ddiydhò nyì nì hwô túw mí nga nà, nyì dho ngǎnù túw ddí. 30Nyì bba ndrǔ rwo tú wá dhǐy ddìngaó pbǔw ka rà tsònì njuw ddiy ò. Fú nga nà ma rà tdrà tsònì njúwdha-djá dhò, nji nyì njúw hwô ndèymí nyì chey ndrǔ tsò béydha dhò. Nyì njúw ngǎnù ndèymí nyì mbǎ màtsá ddèr ò.’”
Lò-ngbòdha kalafuru tsi ró
(Mak 4:30-32; Lwk 13:18,19)
31Yesu tdrà tdè ndrǔ dhò njàddí lò-ngbòdha ddíyàchú, “Rakpa mí pey-mí-nga nì ǐchú. Ddì nì kpatss̀-ní-li tdûw kalafuru tsi ndèymí à tdòw nděyngá nza ò. 32Kalafuru tsi nì drá tǐ à da wánì tsúw-tsi kàó, chú à dhìy ro, à nì ddrǒngó tǐ à da wánì tsúw djòluw. À ngú nì tsúw ní, ndèymí rì-kpà ddí shi nì ndèymí ndrǔ ss nì ì dzàkí mí tsúw gi-lá djú.”
Lò-ngbòdha thiy ró
(Lwk 13:20,21)
33Yesu tdrà tdè ndrǔ dhò njàddí lò-ngbòdha, “Rakpa mí pey-mí-nga nì gbè thiy níchú cha ɦìytss-ní-li tdûw drá ní thiy à nzì ndanà ngǎnù rà tdyǔ gbow pbǔw à chòw ndanà wá.”
Yesu tdè bbalè gwiy wá lò-ngbódha òluw
(Mak 4:33,34)
34Yesu tdrà í ddiy wá lò-ngbòdha òluw bbalè mí njuw dhò. À tdrà lò nzá ndrǔ dhò ngǎ lò-ngbòdha ní. 35À njèy í ddiy, ndaní Ddrà tdrà nabi òluw nì lò njěy ndèy dìchú. À tdrà,
“Ma rà lò tdrà ndrǔ dè lò-ngbòdha nà.
Ma rà ndrǔ dhò ndèy rù ndèy nì ddiy tdrà,
à nga ndèy dziylíy dyà ndèy mí nga djúddù.”#13:35 Ngwo-kpà 78:2.
Yesu klô hwô mí lò-ngbòdha tey
36Yesu kâ bbalè mí njuw bbà ndèymí à kâ rà dzá. À kodjú kpa rà à dè ndèymí ndrǔ kâ tdrà à dhò, “Tdra mà dhò hwô mí lò-ngbòdha tey nì ddu ddiy.”
37Yesu ngù lò ndrǔ dhò, “Ndèy ɦìy lǎní nyû-tsi nì li nì ma Ndrǔ-Ddùw. 38Nza nì gbè dziylíy níchú, lǎní nyû-tsi nì bbalè cha rakpa mí pey-mí-nga nì ì dhò nì. Hwô nì gbè ngǎjìní li Setani ngá bbalè. 39Ndrò-dja cha ndèy ɦìy hwô nì Setani. Tsònì njúwdha nì dziylíy tsò tdówdha, ndèymí tsònì njúwdha-djá nì malayika-kpà.
40“Gbè ka njûw hwô ndèymí ka bêy ndrǔ kàss ò níchú, à rà dey ddí fǔchú dziylíy tsò tdówdha ó. 41Ma Ndrǔ-Ddùw rà màtsá ngá malayika-kpà cho ndèymí ndrǔ rà hwô dda màtsá pey-mí-nga óddù. Ddiy wá cha ì nyá nì cherr nì ndèymí bbalè wá cha ì nì ngǎjìní ddiy njěy nì. 42Malayika-kpà rà ndrǔ bblà nzǐ ndèy sí ndèy nì kàss ò. Fulè ndrǔ rà dzz̀ ì kuw kádha nà. 43Ddrǎ-ngá chǒw ní bbalè rà ka itsś níchú ìdhí Djǎnì ngá pey-mí-nga ò. Cha ndèy nì ndèy gi nà nì li, bba à rř!”
Lò-ngbòdha léydha ní ddiy ró
44“Rakpa mí pey-mí-nga nì ǐchú. Ddì nì kpatss̀ chùw léydha ní ddiy cha ka tdòw nza ó nì. À rù ddíyàchú. Hwî nì à njěy ddiydhò, à rà cha ndèy nì ndanà nì ddiy ónga dzz wá ndèymí à rà ngu mí dziylíy dzz̀.
Lò-ngbòdha tǔw ndèy ɦuwdjò nà nì djuw ró
45“Rakpa mí pey-mí-nga nì ǐchú. Ndèy nì ddiy ónga dzz li rà tǔw ndèy ɦuwdjò nà nì djuw měy ndèy dzž. 46Ya à chùw tdè ro, à rà ndèymí wánì ddiy ó nga dzz ndèymí à rà tǔw ndèy ɦuwdjò nà nì fú djuw dzz̀.”
Lò-ngbòdha njǒw ró
47“Rakpa mí pey-mí-nga nì ǐchú. Njàddí bbì lówdha-djá ngbò ìdhí njǒw ju-ddà ò ndèymí ndrǔ lôw ngéy-ngéy ní bbì jì kpà. 48Njǒw kì tdè ro, ndrǔ drr̀ njǒw rúgò ju-ddà tsòrò. Ndrǔ dòw gudjò ndèymí ndrǔ vû lǎní bbì tókò ò ndèymí ngǎjìní nì ndrǔ ddâ gu. 49À rà dey fǔchú dziylíy tsò tdówdha ó. Malayika-kpà rà shì ndèymí ndrǔ rà cherr-djá dda chǒw ní bbalè kàó ddù. 50Malayika-kpà rà ndrǔ bblà nzǐ ndèy sí ndèy nì kàss ò. Fulè ndrǔ rà dzz̀ ì kuw kádha nà.”
51Yesu dhîy ndèy kodjú kpa, “Nyì tsǐ ŋà í ddiy wá?”
Ndrǔ ngù lò “Òní, ŋà mà tsì.”
52À tdrà ddíyàchú ndrǔ dhò, “Í ddiy mí lò-tey nì, Musa-ngá yǎdha mí li-gwíydha-djá cha ì ngu Yesu kodjú kpa ní rakpa mí pey-mí-nga ò nì, nì gbe dza-dja níchú, cha ndèy mbà ddiy tdey ndèymí ddiy ɦèy nà nděyngà ddìy léydha mí dza óddù nì li níchú.”
Ka gù Yesu Nazareti mí bba ó
(Mak 6:1-6; Lwk 4:16-30)
53Yesu sî tdè fú lò-ngbòdha mí nga nà, à ddâ ndèy fungá ddù. 54À ngû ndèymí ddrǒngó ní bba ò ro, à lòw dey bbalè gwiy Yahuddi-ddúw dhí njuwdha-dzà òluw ndèymí ndrǔ ónga ꞌwìy. Ndrǔ dhîy, “Í kpatss̀ chǔw í nyǔꞌwiy ndèymí í ddùw njèydha mí klôw ŋangá ddù? 55À ní ngǎ Yusufu bǎw chódha-dja mí ddùwnì? Àmí yânì ní ngǎ Mariya? Yakobbo, Yusufu, Simoni ndèymí Yudda mà ní ngǎ djúní? 56Àmí víní wá déy ní ngǎ ingá mà nà? Í kpatss̀ chǔw í ddiy wá ŋangá ddù?” 57Fú ddiy dhò, ndrǔ gù à.
Yesu kâ tdrà ndrǔ dhò, “Ka njey nì nabi dò wánì nga òluw, chú ka njey nì à dò nzǐ à màdhí ngá déy ní ddrǒngó ní bba ó ndèymí ǎngá déy ní dza ó bbalè nà.”
58Ndrǔ tdè ngǎ ùwdha nà ddiydhò, à lêy Yesu njèy bíy ní ddùw-kpà nzá fulè.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc., © SIL Uganda, All rights reserved