Lu-ka 18
18
Pn'geh ruk teq u yau pơrkat n'hai mei pndrau
1Brah Jê-sus chhuôr aan bơl jơrnơ di pn'geh ruk jah aan bu sau chkhôm phrui r'bon dan yoot, ap a bool chưt. 2Pang lah: “Knông poh tôw, geh mbu yau pơrkat 'bưn đing mbaanh Brah Ưn, kot 'bưn chhonh n'hông 'bơơn ơơm. 3Mbu mei pndrau knông poh nei khang lôh mor n'hai yau pơrkat: ‘Dan phrui pơrkat troong spoong aan hei jah ta wal kươi bah kmang hei.’ 4Yau pơrkat dmôw teq di nar khay. Dôh kươi nei, bu gênh êêng: ‘Paich hei 'bưn n'hông Brah Ưn kot 'bưn đing bnih, 5dôh đươm mei pndrau au han jơrloh kliên hei, mơ hei a kươi pơrkat spoong aan bu, daq mei nei kươi ndih han mat han kươi lơh hei a briêk.’” 6Brah lah: “Bơl 'bei geh ttang baak yau pơrkat bn'ap nei mor 'bưn? 7Bei nei, Brah Ưn 'bưn pơrkat spoong aan bơl bnih kươt sach Pang ri laang, laa bnih mang nar khuôl dan Pang, baah leet ndrach ndrei đoh kwaai bu laang? 8Hei lah bơl 'bei, Pang a kươi lôh rong gway jah pơrkat spoong aan bu. Đươm bei nei, tơt Koon Bnih lôh, Pang nha sau chưt jơrnơ a mat teh paang jơng pan?”
Pn'geh ruk teq u bnih Pha-ri-si n'hai bnih nhôq prak
9Brah Jê-sus kươi chhuôr pn'geh ruk au aan m'baak bnih lah nơơm laa bnih sêch song baah jam joot bơl bnih nday: 10“Geh baar du han u nhi r'bưn jah r'bon dan: Di mbu Pha-ri-si u di mbu bnih nhôq prak. 11Bnih Pha-ri-si ta yoong u r'bon dan teq u nơơm#18:11 ta yoong u r'bon dan teq u nơơm: Knông m'baak plơơp 'bian ti laa dơk mbu êêng n'hai r'bon dan. bei au: ‘Smbah Brah Ưn, koon or Ay, đươm koon 'bưn geh bei bơl bnih nday: m'oh n'haan, 'bưn song, jrôq jrơm, kot 'bưn geh bei bnih nhôq prak au ơơm. 12Koon ơt jrơng jôm rthôl baar wưt, u ndơơp di bôh jmơt teq u jôm kênh kaar koon lơh geh.’ 13Nha bnih nhôq prak ta yoong ngngai rngai, 'bưn baanh ngơơk mat hao trôôk ơơm, dơơn gơk taap kơtoh u mor: ‘Smbah Brah Ưn, dan gmaak koon, đươm koon laa bnih dôih!’ 14Hei lah bơl 'bei, bnih au plơq siq nhi nơơm, kươt chôôl sêch song đươm 'bưn geh bnih tôw. Đươm 'bơơn ta lơơk chhak nơơm a kươi dol krich, nha 'bơơn krich êng chhak nơơm a kươi kươt ta lơơk.”#Mat 23:12; Lu 14:11.
Brah Jê-sus ươn smlaang aan koon drêên
(Ma-thi-ơ 19:13-15; Mak 10:13-16)
15Bu nday kot liêu bơl koon drêên lôh u Brah Jê-sus jah Pang buut tơt bu. Sau bei nei, bơl jơrnơ sngaanh bơl bnih liêu drêên lôh. 16Dôh Brah Jê-sus khuôl bu kươi baah lah laah: “Phrui teq bơl koon drêên lôh u Hei, khơơm pơrkhaang bu; đươm nggoor Brah Ưn pơơn teq u bơl bnih bei koon drêên au. 17A ngan, Hei lah n'hai bơl 'bei, 'bơơn 'bưn wơơt nggoor Brah Ưn bei di mbu koon drêên au nei a kươi 'bưn mưt kươt ktôk nei.”
Yau kan ttih khunh geh
(Ma-thi-ơ 19:16-30; Mak 10:17-31)
18Geh di mbu yau kan ttih ôp Brah Jê-sus: “Ơi Yau l'ut l'ok, hei phrui lơh ơơn jah kươt dơơn baak rêh yoot yôw?” 19Pang ơh: “A hay 'bei khuôl Hei laa l'ut l'ok? 'Bưn geh 'bơơn laa klanh room laang, dơơn di mbu Brah Ưn ei. 20'Bei gưt pal baak ch'bap: ‘Khơơm geh dôih ta tưr, khơơm lưm bnih, khơơm ttung lmuôich, khơơm lơh ndraanh lhiat, phrui kôt nhôt mei bươp 'bei.’” 21Bu nei ơh: “Hei ja prap pal ntil nei a mhei dơk tih.” 22Tơt Brah Jê-sus ttang ntil au nei Pang lah: “'Bei nha khwaq di ntil: Phrui tach leq sêch ntil ơơn 'bei geh u tacheq aan bnih l'ơơi nei 'bei a kươi geh nơm preh a lơ trôôk, ja nei phrui lôh tênh Hei.” 23Dôh tơt ttang pal ntil au, bu nei but chhong rmlơng, đươm bu khunh geh đat. 24Brah Jê-sus mơq bu u lah: “Bnih khunh mưt u nggoor Brah Ưn ngan rngiêl gưt pal êch! 25Đươm seh joong kôw mưt teq u trôôm nglaai snôk huôih bnih khunh mưt u nggoor Brah Ưn!” 26Bơl bnih iat ntil nei mor laah: “Bei nei 'bơơn awap kươt đoh?” 27Pang ơh: “Ntil koon bnih 'bưn lơh kươt nei Brah Ưn lơh kươt.” 28Phi-e-rơ mor: “Au, bơl hei ja teq ntil ơơn nơơm ri geh baah tênh Yau.” 29Pang ơh: “Ngan, Hei lah bơl 'bei, 'bưn geh 'bơơn dhot teq nhi ba, mei bươp, oh bi, koon sai đươm nggoor Brah Ưn 30baah leet 'bưn kươt pơih huôih di bôh knông klap au, u kươt baak rêh yoot yôw knông klap kươi.”
Brah Jê-sus tơmbơh noor wưt pei teq u baak chhưt n'hai baak rêh kươi Pang ri
(Ma-thi-ơ 20:17-19; Mak 10:32-34)
31Brah Jê-sus liêu jmơt baar jơt jơng êêng u lah n'hai bu: “Au, bơl bơn han u poh Jê-ru-sa-lem; jôm ntil bơl grnưt noor ja 'bian teq u Koon Bnih a kươi kươt dip plak. 32Đươm Pang a kươi dol ndơơp aan raih agaih, dol bu jam jot, dol bu đam điêl u dol chhoh brech teq u pi mat. 33Bu a kươi pơm sơmboong u lưm chhưt Pang; tơt nar pei, Pang a kươi rêh kươi.” 34Dôh bơl jơrnơ 'bưn gưt ơơn ơơm, đươm pal baak nei nha a pôn kơndơp teq u bu, n'hai bu 'bưn gưt Brah êch mor ơơn.
Brah tơmbah bnih tiah a Jê-ri-kô
(Ma-thi-ơ 20:29-34; Mak 10:46-52)
35Tơt Brah Jê-sus han dơơh poh Jê-ri-kô, geh di mbu bnih tiah gôq dan sa gêêng troong. 36Ttang phung raih han rloot, bu ôp geh baak ơơn. 37Bu nday aan bu gưt Brah Jê-sus bnih Na-sa-ret plah han rloot. 38Bnih tiah khuôl drơh: “Ơi Jê-sus, Koon snđach Đa-wit, dan gmaak hei!” 39Bơl bnih han noor sngaanh bu, maanh rngơt ơơi. Dôh bu dươn khuôl ttih huôih: “Ơi Koon snđach Đa-wit, dan gmaak hei!” 40Brah Jê-sus srung, tơmbơh liêu bnih tiah lôh. Tơt bu lôh dơơh, Pang ôp: 41“'Bei êch Hei lơh ơơn aan 'bei?” Bu ơh: “Brah ơi, dan aan hei kươt aang mat.” 42Brah Jê-sus lah: “Phrui aang mat haanh! Chưt jơrnơ 'bei ri ja tơmbah 'bei.” 43Kơndaal, bnih tiah kươt aang mat, han tênh Pang u tư wơơl Brah Ưn. Leq sêch phung raih sau kaar nei kot pơt wơơl Brah Ưn.
Chwazi Kounye ya:
Lu-ka 18: SBL2024
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.
Lu-ka 18
18
Pn'geh ruk teq u yau pơrkat n'hai mei pndrau
1Brah Jê-sus chhuôr aan bơl jơrnơ di pn'geh ruk jah aan bu sau chkhôm phrui r'bon dan yoot, ap a bool chưt. 2Pang lah: “Knông poh tôw, geh mbu yau pơrkat 'bưn đing mbaanh Brah Ưn, kot 'bưn chhonh n'hông 'bơơn ơơm. 3Mbu mei pndrau knông poh nei khang lôh mor n'hai yau pơrkat: ‘Dan phrui pơrkat troong spoong aan hei jah ta wal kươi bah kmang hei.’ 4Yau pơrkat dmôw teq di nar khay. Dôh kươi nei, bu gênh êêng: ‘Paich hei 'bưn n'hông Brah Ưn kot 'bưn đing bnih, 5dôh đươm mei pndrau au han jơrloh kliên hei, mơ hei a kươi pơrkat spoong aan bu, daq mei nei kươi ndih han mat han kươi lơh hei a briêk.’” 6Brah lah: “Bơl 'bei geh ttang baak yau pơrkat bn'ap nei mor 'bưn? 7Bei nei, Brah Ưn 'bưn pơrkat spoong aan bơl bnih kươt sach Pang ri laang, laa bnih mang nar khuôl dan Pang, baah leet ndrach ndrei đoh kwaai bu laang? 8Hei lah bơl 'bei, Pang a kươi lôh rong gway jah pơrkat spoong aan bu. Đươm bei nei, tơt Koon Bnih lôh, Pang nha sau chưt jơrnơ a mat teh paang jơng pan?”
Pn'geh ruk teq u bnih Pha-ri-si n'hai bnih nhôq prak
9Brah Jê-sus kươi chhuôr pn'geh ruk au aan m'baak bnih lah nơơm laa bnih sêch song baah jam joot bơl bnih nday: 10“Geh baar du han u nhi r'bưn jah r'bon dan: Di mbu Pha-ri-si u di mbu bnih nhôq prak. 11Bnih Pha-ri-si ta yoong u r'bon dan teq u nơơm#18:11 ta yoong u r'bon dan teq u nơơm: Knông m'baak plơơp 'bian ti laa dơk mbu êêng n'hai r'bon dan. bei au: ‘Smbah Brah Ưn, koon or Ay, đươm koon 'bưn geh bei bơl bnih nday: m'oh n'haan, 'bưn song, jrôq jrơm, kot 'bưn geh bei bnih nhôq prak au ơơm. 12Koon ơt jrơng jôm rthôl baar wưt, u ndơơp di bôh jmơt teq u jôm kênh kaar koon lơh geh.’ 13Nha bnih nhôq prak ta yoong ngngai rngai, 'bưn baanh ngơơk mat hao trôôk ơơm, dơơn gơk taap kơtoh u mor: ‘Smbah Brah Ưn, dan gmaak koon, đươm koon laa bnih dôih!’ 14Hei lah bơl 'bei, bnih au plơq siq nhi nơơm, kươt chôôl sêch song đươm 'bưn geh bnih tôw. Đươm 'bơơn ta lơơk chhak nơơm a kươi dol krich, nha 'bơơn krich êng chhak nơơm a kươi kươt ta lơơk.”#Mat 23:12; Lu 14:11.
Brah Jê-sus ươn smlaang aan koon drêên
(Ma-thi-ơ 19:13-15; Mak 10:13-16)
15Bu nday kot liêu bơl koon drêên lôh u Brah Jê-sus jah Pang buut tơt bu. Sau bei nei, bơl jơrnơ sngaanh bơl bnih liêu drêên lôh. 16Dôh Brah Jê-sus khuôl bu kươi baah lah laah: “Phrui teq bơl koon drêên lôh u Hei, khơơm pơrkhaang bu; đươm nggoor Brah Ưn pơơn teq u bơl bnih bei koon drêên au. 17A ngan, Hei lah n'hai bơl 'bei, 'bơơn 'bưn wơơt nggoor Brah Ưn bei di mbu koon drêên au nei a kươi 'bưn mưt kươt ktôk nei.”
Yau kan ttih khunh geh
(Ma-thi-ơ 19:16-30; Mak 10:17-31)
18Geh di mbu yau kan ttih ôp Brah Jê-sus: “Ơi Yau l'ut l'ok, hei phrui lơh ơơn jah kươt dơơn baak rêh yoot yôw?” 19Pang ơh: “A hay 'bei khuôl Hei laa l'ut l'ok? 'Bưn geh 'bơơn laa klanh room laang, dơơn di mbu Brah Ưn ei. 20'Bei gưt pal baak ch'bap: ‘Khơơm geh dôih ta tưr, khơơm lưm bnih, khơơm ttung lmuôich, khơơm lơh ndraanh lhiat, phrui kôt nhôt mei bươp 'bei.’” 21Bu nei ơh: “Hei ja prap pal ntil nei a mhei dơk tih.” 22Tơt Brah Jê-sus ttang ntil au nei Pang lah: “'Bei nha khwaq di ntil: Phrui tach leq sêch ntil ơơn 'bei geh u tacheq aan bnih l'ơơi nei 'bei a kươi geh nơm preh a lơ trôôk, ja nei phrui lôh tênh Hei.” 23Dôh tơt ttang pal ntil au, bu nei but chhong rmlơng, đươm bu khunh geh đat. 24Brah Jê-sus mơq bu u lah: “Bnih khunh mưt u nggoor Brah Ưn ngan rngiêl gưt pal êch! 25Đươm seh joong kôw mưt teq u trôôm nglaai snôk huôih bnih khunh mưt u nggoor Brah Ưn!” 26Bơl bnih iat ntil nei mor laah: “Bei nei 'bơơn awap kươt đoh?” 27Pang ơh: “Ntil koon bnih 'bưn lơh kươt nei Brah Ưn lơh kươt.” 28Phi-e-rơ mor: “Au, bơl hei ja teq ntil ơơn nơơm ri geh baah tênh Yau.” 29Pang ơh: “Ngan, Hei lah bơl 'bei, 'bưn geh 'bơơn dhot teq nhi ba, mei bươp, oh bi, koon sai đươm nggoor Brah Ưn 30baah leet 'bưn kươt pơih huôih di bôh knông klap au, u kươt baak rêh yoot yôw knông klap kươi.”
Brah Jê-sus tơmbơh noor wưt pei teq u baak chhưt n'hai baak rêh kươi Pang ri
(Ma-thi-ơ 20:17-19; Mak 10:32-34)
31Brah Jê-sus liêu jmơt baar jơt jơng êêng u lah n'hai bu: “Au, bơl bơn han u poh Jê-ru-sa-lem; jôm ntil bơl grnưt noor ja 'bian teq u Koon Bnih a kươi kươt dip plak. 32Đươm Pang a kươi dol ndơơp aan raih agaih, dol bu jam jot, dol bu đam điêl u dol chhoh brech teq u pi mat. 33Bu a kươi pơm sơmboong u lưm chhưt Pang; tơt nar pei, Pang a kươi rêh kươi.” 34Dôh bơl jơrnơ 'bưn gưt ơơn ơơm, đươm pal baak nei nha a pôn kơndơp teq u bu, n'hai bu 'bưn gưt Brah êch mor ơơn.
Brah tơmbah bnih tiah a Jê-ri-kô
(Ma-thi-ơ 20:29-34; Mak 10:46-52)
35Tơt Brah Jê-sus han dơơh poh Jê-ri-kô, geh di mbu bnih tiah gôq dan sa gêêng troong. 36Ttang phung raih han rloot, bu ôp geh baak ơơn. 37Bu nday aan bu gưt Brah Jê-sus bnih Na-sa-ret plah han rloot. 38Bnih tiah khuôl drơh: “Ơi Jê-sus, Koon snđach Đa-wit, dan gmaak hei!” 39Bơl bnih han noor sngaanh bu, maanh rngơt ơơi. Dôh bu dươn khuôl ttih huôih: “Ơi Koon snđach Đa-wit, dan gmaak hei!” 40Brah Jê-sus srung, tơmbơh liêu bnih tiah lôh. Tơt bu lôh dơơh, Pang ôp: 41“'Bei êch Hei lơh ơơn aan 'bei?” Bu ơh: “Brah ơi, dan aan hei kươt aang mat.” 42Brah Jê-sus lah: “Phrui aang mat haanh! Chưt jơrnơ 'bei ri ja tơmbah 'bei.” 43Kơndaal, bnih tiah kươt aang mat, han tênh Pang u tư wơơl Brah Ưn. Leq sêch phung raih sau kaar nei kot pơt wơơl Brah Ưn.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.