Lu-ka 15
15
Pn'geh ruk teq u pi bưr tơrlêêng, slưng prak saap n'hai bnih koon klau r'ơơng
(Ma-thi-ơ 18:12-14)
1Bei au, jôm bôôk bơl bnih nhôq prak u bah geh dôih han dơơh Brah Jê-sus jah iat Pang chhuôr.#Lu 5:29-30. 2Bơl bnih Pha-ri-si u bơl yau gưt jhai ta poich laah: “Bnih au wơơt bơl bah dôih 'baap u sôông sa n'hai bơl nei!”
3Nei mơ, Pang chhuôr aan bu pn'geh ruk au: 4“Geh 'bơơn knông bơl 'bei geh di riêng pi bưr, mơq saap di mlơm koon baah 'bưn teq sưn jơt sưn koon tôw knông srei rhang baah han wơng aan jah kươt di mlơm pi bưr dol saap laang? 5Tơt ja wơng sau nei broh s'bai tung lơ pilik. 6U plah siq tơt nhi, bnih nei khuôl bơl gnasaal u bơl gơna poh lôh baah mor: ‘Phrui broh s'bai pôl n'hai hei, đươm hei ja wơng kươt pi bưr dol saap.’ 7Kot bei nei, Hei lah bơl 'bei, trôôk a kươi broh s'bai teq u di mbu bnih dôih gưt teq lơi dôih huôih laa sưn jơt sưn bnih sêch song 'bưn chkhôm teq lơi dôih. 8Paich laa geh mbu mei dơur geh jmơt slưng prak, mơq saap di slưng baah 'bưn kkaat đeng, pôih nhi, u nhjrang wơng aan jah kươt laang? 9Tơt wơng sau hơơi, mei khuôl bơl gnasaal u bơl gơna poh lôh baah mor: ‘Phrui broh s'bai pôl n'hai hei, đươm hei ja wơng sau slưng prak dol saap.’ 10Kot bei nei, Hei lah bơl 'bei, bơl lênh brah Brah Ưn ri a kươi broh s'bai teq u di mbu bnih dôih teq lơi dôih.”
11Pang kươi chhuôr ndih: “Di mbu tôw geh baar koon klau. 12Bnih oh lah n'hai bươp: ‘Bươp ơi, dan cheq aan hei di bôh griêng mlơ pơơn teq u hei.’ U bnih bươp ja cheq griêng mlơ aan bu. 13'Bưn nhjok ơơm, bnih oh grom grem leq griêng grau u han tơt ktôk ngngai; a nei, bu mơl sa r'ơơng, mhaach griêng mlơ nơơm ri. 14Tơt ja nhôq sa jrơh prak hơơi, knông kwaal lôh tơt jơl pngot nh'hit ttih u bu ptơơm but khwaq khwaat. 15Bu phrui lơh buôn aan di mbu bnih tơơm poh u dol maanh han a srei gwaal sôr. 16Bu kmbưng sa kôp tuh sôr ri sa#15:16 sôr ri sa: Knông m'baak plơơp 'bian ti laa sôr ri sa baah sa aan hơơm. dôh 'bưn geh 'bơơn aan. 17Bei au mơ bu rgơq, gênh êêng: ‘Gưt pal êch bnih lơh buôn aan bươp hei kươt sa nom hơơm ngroh ngri baah hei a au leet chhưt nh'hit! 18Hei a kươi ta yoong plơq siq nhi bươp u mor n'hai bươp: Ơi Bươp, koon ja geh dôih teq u trôôk u teq u bươp, 19'bưn klanh dip jah chôôl laa koon bươp ri hôm. Dan bươp mơq koon bei bnih lơh buôn nhi bươp ri ei.’
20Bu kơndaal ta yoong, plơq siq n'hai bươp nơơm. Dôh plah nha a ngngai, bnih bươp sau bu nei gơl ok chưt gmaak, tuôt lôh ut pơih kôw bu baah phêp. 21Bnih koon lah n'hai bươp: ‘Bươp ơi, koon ja lơh dôih teq u trôôk u teq u bươp, 'bưn klanh dip jah chôôl laa koon bươp ri hôm.’#15:21 bươp ri hôm: Knông m'baak plơơp 'bian ti laa bươp ri hôm. Dan bươp mơq koon bei bnih lơh kaar buôn bươp ri ei. 22Dôh bnih bươp maanh bơl dêch: ‘Phrui pơih gway ao klanh đat tang dook aan bu, dook smbiat teq u ti, kơndook sroom teq u jơng. 23Phrui nhôp pi gôw koon lmong jah lơh pai. Bơl bơn phrui sa broh! 24Đươm koon hei au ja chhưt baah bei au leet rêh, ja saap baah bei au wơng kươi kươt.’ Ja nei bu ptơơm sa broh.
25Khal nei, koon bi 'boong plah a srei. Tơt siq êch dơơh tơt nhi, iat baak chơmpi sn'gơr pơt thơ rơm, 26bu nei khuôl di mbu dêch baah ôp gưt geh kaar ơơn. 27Bnih dêch ơh: ‘Oh ay plơq siq hơơi u bươp ay ja lơh pai gôw koon lmong, đươm bu sau oh ay siq nha kmloh kmlang.’ 28Koon bi 'boong hao nuih 'bưn sang mưt u nhi. Bươp sot u gaaih buôi bu. 29Dôh bi lah n'hai bươp: ‘Bươp mơq ơơi, gưt pal êch snam hei lơh kaar bươp, ndah ơm lơh tih ch'bap bươp, dôh bươp 'bưn khal êch aan hei pi pheh koon jah broh s'bai pôl n'hai gnasaal. 30Dôh tơt koon pa tôw bươp ri, laa bnih ja mhaach leq griêng mlơ bươp ri n'hai ur mrơơ hơơi plơq siq nei bươp leet lơh pai gôw koon lmong jah sa broh!’ 31Bnih bươp ơh: ‘Koon ơi, koon gôq n'hai bươp yoot, leq sêch griêng ơơn bươp ri nei laa koon ri. 32Dôh dip jah riêp sa u broh s'bai, đươm oh koon ja chhưt baah au leet rêh, ja saap baah au wơng lơơi kươt.’”
Chwazi Kounye ya:
Lu-ka 15: SBL2024
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.
Lu-ka 15
15
Pn'geh ruk teq u pi bưr tơrlêêng, slưng prak saap n'hai bnih koon klau r'ơơng
(Ma-thi-ơ 18:12-14)
1Bei au, jôm bôôk bơl bnih nhôq prak u bah geh dôih han dơơh Brah Jê-sus jah iat Pang chhuôr.#Lu 5:29-30. 2Bơl bnih Pha-ri-si u bơl yau gưt jhai ta poich laah: “Bnih au wơơt bơl bah dôih 'baap u sôông sa n'hai bơl nei!”
3Nei mơ, Pang chhuôr aan bu pn'geh ruk au: 4“Geh 'bơơn knông bơl 'bei geh di riêng pi bưr, mơq saap di mlơm koon baah 'bưn teq sưn jơt sưn koon tôw knông srei rhang baah han wơng aan jah kươt di mlơm pi bưr dol saap laang? 5Tơt ja wơng sau nei broh s'bai tung lơ pilik. 6U plah siq tơt nhi, bnih nei khuôl bơl gnasaal u bơl gơna poh lôh baah mor: ‘Phrui broh s'bai pôl n'hai hei, đươm hei ja wơng kươt pi bưr dol saap.’ 7Kot bei nei, Hei lah bơl 'bei, trôôk a kươi broh s'bai teq u di mbu bnih dôih gưt teq lơi dôih huôih laa sưn jơt sưn bnih sêch song 'bưn chkhôm teq lơi dôih. 8Paich laa geh mbu mei dơur geh jmơt slưng prak, mơq saap di slưng baah 'bưn kkaat đeng, pôih nhi, u nhjrang wơng aan jah kươt laang? 9Tơt wơng sau hơơi, mei khuôl bơl gnasaal u bơl gơna poh lôh baah mor: ‘Phrui broh s'bai pôl n'hai hei, đươm hei ja wơng sau slưng prak dol saap.’ 10Kot bei nei, Hei lah bơl 'bei, bơl lênh brah Brah Ưn ri a kươi broh s'bai teq u di mbu bnih dôih teq lơi dôih.”
11Pang kươi chhuôr ndih: “Di mbu tôw geh baar koon klau. 12Bnih oh lah n'hai bươp: ‘Bươp ơi, dan cheq aan hei di bôh griêng mlơ pơơn teq u hei.’ U bnih bươp ja cheq griêng mlơ aan bu. 13'Bưn nhjok ơơm, bnih oh grom grem leq griêng grau u han tơt ktôk ngngai; a nei, bu mơl sa r'ơơng, mhaach griêng mlơ nơơm ri. 14Tơt ja nhôq sa jrơh prak hơơi, knông kwaal lôh tơt jơl pngot nh'hit ttih u bu ptơơm but khwaq khwaat. 15Bu phrui lơh buôn aan di mbu bnih tơơm poh u dol maanh han a srei gwaal sôr. 16Bu kmbưng sa kôp tuh sôr ri sa#15:16 sôr ri sa: Knông m'baak plơơp 'bian ti laa sôr ri sa baah sa aan hơơm. dôh 'bưn geh 'bơơn aan. 17Bei au mơ bu rgơq, gênh êêng: ‘Gưt pal êch bnih lơh buôn aan bươp hei kươt sa nom hơơm ngroh ngri baah hei a au leet chhưt nh'hit! 18Hei a kươi ta yoong plơq siq nhi bươp u mor n'hai bươp: Ơi Bươp, koon ja geh dôih teq u trôôk u teq u bươp, 19'bưn klanh dip jah chôôl laa koon bươp ri hôm. Dan bươp mơq koon bei bnih lơh buôn nhi bươp ri ei.’
20Bu kơndaal ta yoong, plơq siq n'hai bươp nơơm. Dôh plah nha a ngngai, bnih bươp sau bu nei gơl ok chưt gmaak, tuôt lôh ut pơih kôw bu baah phêp. 21Bnih koon lah n'hai bươp: ‘Bươp ơi, koon ja lơh dôih teq u trôôk u teq u bươp, 'bưn klanh dip jah chôôl laa koon bươp ri hôm.’#15:21 bươp ri hôm: Knông m'baak plơơp 'bian ti laa bươp ri hôm. Dan bươp mơq koon bei bnih lơh kaar buôn bươp ri ei. 22Dôh bnih bươp maanh bơl dêch: ‘Phrui pơih gway ao klanh đat tang dook aan bu, dook smbiat teq u ti, kơndook sroom teq u jơng. 23Phrui nhôp pi gôw koon lmong jah lơh pai. Bơl bơn phrui sa broh! 24Đươm koon hei au ja chhưt baah bei au leet rêh, ja saap baah bei au wơng kươi kươt.’ Ja nei bu ptơơm sa broh.
25Khal nei, koon bi 'boong plah a srei. Tơt siq êch dơơh tơt nhi, iat baak chơmpi sn'gơr pơt thơ rơm, 26bu nei khuôl di mbu dêch baah ôp gưt geh kaar ơơn. 27Bnih dêch ơh: ‘Oh ay plơq siq hơơi u bươp ay ja lơh pai gôw koon lmong, đươm bu sau oh ay siq nha kmloh kmlang.’ 28Koon bi 'boong hao nuih 'bưn sang mưt u nhi. Bươp sot u gaaih buôi bu. 29Dôh bi lah n'hai bươp: ‘Bươp mơq ơơi, gưt pal êch snam hei lơh kaar bươp, ndah ơm lơh tih ch'bap bươp, dôh bươp 'bưn khal êch aan hei pi pheh koon jah broh s'bai pôl n'hai gnasaal. 30Dôh tơt koon pa tôw bươp ri, laa bnih ja mhaach leq griêng mlơ bươp ri n'hai ur mrơơ hơơi plơq siq nei bươp leet lơh pai gôw koon lmong jah sa broh!’ 31Bnih bươp ơh: ‘Koon ơi, koon gôq n'hai bươp yoot, leq sêch griêng ơơn bươp ri nei laa koon ri. 32Dôh dip jah riêp sa u broh s'bai, đươm oh koon ja chhưt baah au leet rêh, ja saap baah au wơng lơơi kươt.’”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2024 Bible Society Vietnam. All rights reserved.