Filipënyüü 2
2
'Kriisë 'cie 'ɔa nyufa 'wʋ, Nyɔsʋa nya 'bʋala 'ɔɔn
1 'Kriisë ma ‑nyɩ 'amɩ 'klü, 'ɔa ‑wawakʋ ma 'cie 'ana plɛ 'wʋ, Nyɔsʋaa ‑Susu ma ‑ma 'ana 'fɩɔ, 'ama kä ‑gbinanakʋ ‑bɛ 'ama kä ‑mölööa nyatɛrɩ nɩ, 2'ba 'nönröwli, 'amä 'mɩ dɔrʋ 'klɩsie: abɩa 'ana ‑wawakʋ bä dɛɛ 'dee, 'ba kä plɛ 'dee 'kä 'a kä bobowli 'doo. 3'Anyɩ nrörö dɛɛ ‑gbakɛklɛkʋ 'lɩ. 'Anyɩ 'bata 'ana 'jäjräkʋ, 'fʋflɛgbi bäsaa. ‑Maa 'ba 'cie 'ana nyüfë 'wʋ ‑bɛ 'ba ‑träärälɩ 'ana ‑mölöö 'sɩrɩ 'ü ‑sia' 'nɩmɩ 'amɩ 'wʋ. 4‑Moloo 'nyɩ bobo 'ɔa 'dooa ‑gä, ‑maa ɔ bobo bɩa ‑mölööa ‑gä. 5Abɩa 'ia ‑gbi 'doolʋ ma bäa' Jesu 'Kriisë 'lɩ bä 'amɩ 'lɩ:
6'Ɔɔlɔ Nyɔsʋaa bäbäkʋa 'fɩɔ bäa' 'lɩ,
'ɔnyɩ 'nɩmɩ ‑a 'daa 'ɔɔ ‑bɛ Nyɔsʋa 'mɩmrɛlɩ 'plɔʋ.
7'Ɔ 'cɛrɛ diili kä 'fɩɔ 'ɔ ma 'klaaa' ‑wälɩ,
'ɔnya 'nyiere ‑geeidɛɛ 'lɩ; 'ɔnya nrörö 'ɔa nyufa nyɔɔ 'lɩ.
'Ɔnya dɔrɔ nyɔɔa fugba 'wʋ.
8'Ɔ 'cie 'ɔa nyufa 'wʋ 'ɔnya ‑träärälɩ Nyɔsʋa ‑träärä 'ɔnya jä;
'ɔnya järä 'nɩmɩ krʋa ‑gälɩ#2.8 Krʋaa ‑gälɩa järäkʋ 'nyɩ 'plɔʋ juifë 'tʋ ‑a kä. 'Üa 'bre nɩ, nyɔɔlɔ käa' ‑balʋ 'ɔɔ 'ü kolo krʋa ‑gälɩ ‑bɛ Jesu ‑kaapɩɔ ‑balʋ nʋ..
9'A 'ia ‑gʋ Nyɔsʋa 'jrara 'ɔɔn kʋfalä ‑sia' kʋfëa 'fɩɔwʋa ‑gälɩ,
'ɔnya ‑nyɩ 'ɔɔn 'nyrɩlɩ ‑sia' 'nyrɩa 'fɩɔwʋ;
10'kä nʋnʋdiia 'fɩɔ ma 'nu Jesua 'nyrɩ 'wli,
kotia 'fɩɔ 'mä ‑fli 'pala:
cɛa 'mlɩ, ‑tʋtʋ ‑gälɩ, nyra ‑tʋtʋa 'mlɩ,
11'kä 'papawiia 'fɩɔ nya 'daa,
Jesu 'Kriisë bä 'Pläkänyɔɔ,
‑bɛ Nyɔsʋa bäa' Tʋ 'mä 'bʋala#2.10-11 Esaii 45.23..
Abɩa 'ana nʋnʋgbi ŋʋala 'pläa 'mlɩ
12'A 'ia ‑gʋ 'na ‑wawanyüü 'amɩ, 'sɩrɩ 'a ‑trääräa' 'lɩ Nyɔsʋaa 'doo nɩ, 'ba nʋ 'saa, 'anyɩ ‑glaaa 'mä ‑kätɩ 'ana ‑tɔrʋpɩɔ bä 'fɩɔwʋ ‑bɛ 'amä 'iin nʋ. 'Ba nʋ 'nɩmɩ 'iin ‑gböösa 'taɩn 'lɩ 'nyɩa' 'ana ‑tɔrʋpɩɔ bä. 'Ba 'palɩklü abɩa 'ana nʋnʋgbi 'na nyüü 'mä 'saa jre 'anya 'a 'lɩmlɩwʋ, 'ba nʋ 'iin Nyɔsʋa pɩpɩkʋ 'lɩ nyra 'lɩträäräkʋ 'lɩ, 13'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.
14'Ba nʋ wiili kä 'fɩɔ 'a käa' 'amäa' nʋ, ‑plɛlɩawiipalakʋ nyra 'blarʋ 'nyɩ bä 'ana ‑tɔrʋpɩɔ, 15'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala. 16'Ama nʋ 'saa nɩ, 'papawiili ‑nyɛɛa' 'klä, 'ii 'a srara 'üün. ‑Srɩlɩ kä 'mlɩ 'Kriisë 'mäa' ji nɩ, 'iibä 'na 'lɩgbagbakʋa ‑srɩ; 'be nyüü nya 'saa jrea 'sɩrɩ 'nyɩa' 'fëflɛsa fɔ, 'sɩrɩ 'nyɩa' bɩa 'jrʋpa ‑fɛ 'fëflɛsa.
17‑Bɛ 'a toroa' Nyɔsʋa plɛ nɩ, 'i ‑beere ‑gbɔ. 'Na ‑toru ma nya ‑gbɔlʋ ‑gälɩ 'kä ‑gblɔɔ ‑beere ‑tapakʋ#2.17 Tɛ 2 Timotee 4.6. Filipënyüüa nyɔsʋaplɛ ‑beere 'sɩrɩ nyɔɔ 'saa Nyɔsʋa ‑gbɔ, 'ua ‑gälɩ 'ümä apotrëa ‑toru 'kägblɔɔ ‑beere 'sɩrɩ nyɔɔ nöa' ‑duvɛɛn ‑bɛ 'ɔ ‑tapaa', ‑bɛ 'ɔ ‑gbäträa' 'ɛɛn ‑gbɔ ‑gälɩ 'kä. Ɛgësɔɔdë 29.38-41. nɩ, 'inya 'mɩ 'tʋkäa. 'Nyraa 'ana 'fɩɔ nya dɔrʋ nʋa. 18'Ana 'mʋgbɛ, abɩa dɔrʋ nʋ 'saa u 'bla 'amɩ, ‑bɛ amä dɔrʋ 'wʋ nrörö!
Timotee nyra Epaflodiitë
19'Pläkänyɔɔ Jesu ma 'nyie, 'nyaa 'ana ‑nyɛɛ Timotee blɔa jrüüa 'mlɩ, 'mä 'ana ‑nyɛɛa ‑gogo 'jä ‑bɛ 'imä 'mɩ 'klülɩpa; 20'be nyɔɔ ‑moloo 'nyɩ 'lɩ ‑a bä, ima 'nyɩ 'ɔa 'doo ‑a bä; ‑bɛ 'tasɩrɩ 'ɔɔ bobo ‑gböösa 'ana wii 'sɩrɩ 'n boboa' 'iin. 21‑Mülü nɩ, 'üa 'mʋgbɛa ‑gä 'ü bobo; 'ünyɩ bobo Jesu 'Kriisëa ‑gä ‑a. 22'Sɩrɩ Timotee käa' 'cɩcagbi 'a 'jä 'imɩ. 'Sɩrɩ 'jʋ bäa' 'ɔa tʋ ‑gba nɩ, 'ɔ ‑nyɩ 'ɔa nyufa 'nyraa 'ɔɔn nya 'sa 'Mʋfagogo. 23'Ii känyrɩ, ama 'järä 'na fugba ‑gba 'kä dotro, 'n jresaa 'ɔɔ 'nëmä 'ana ‑nyɛɛ blɔ, 24‑bɛ 'n toro bɩa 'Pläkänyɔɔ plɛ 'sɩrɩ 'taɩn ‑ka 'nyɩa' 'lɩtʋŋlɔ 'mäa' ji.
25‑Maa 'n boboa' nɩ, 'nëma, ‑a blɔ 'ana ‑nyɛɛ ana ‑wlajʋ Epaflodiitë#2.25 Epaflodiitë: 'Pɔɔlë bäa' ‑jie 'lɩ nɩ, 'ɔɔ 'cɛcɩ blɔ 'ɔmä 'Pɔɔlë ‑gbaji (Filipënyüü 4.18). 'Ɔɔ Filipënyüü ‑nyɩ dii 'ɔmä 'Pɔɔlë fa. ‑Maa Epaflodiitë 'tɔa' 'lɩ ‑wusu nya 'bla 'ɔɔn (Filipënyüü 2.27). 'a blɔa' 'na ‑nyɛɛ ɔ ja 'mɩ dii. 'Na 'jrʋpawʋfɛɛrɛnyɔɔ 'ɔ bä, ‑bɛ 'ɔɔ 'nyraa 'ɔɔn ‑fuuö 'Mʋfagogoa 'wlilia tou. 26'Ana 'fɩɔa 'jäjätʋ 'blaa 'ɔɔn ‑gböösa, 'ɔa bobowli 'nyɩ kʋ ‑pɩɔ 'doo 'wʋ ‑a, 'be 'a 'nu 'ɔa ‑wusua wii 'wli. 27‑Wusulu 'blaa' 'ɔɔn nɩ, diijie tɩɔ 'lɩ 'ɔmä jä, Nyɔsʋa nya 'jä 'ɔa nyatɛrɩ, ‑maa ‑mää 'ɔa 'doo ‑a, 'ɔ 'jä bɩa 'na nyatɛrɩ 'na 'kpɔkpɔɔkʋ ‑pɩ 'wlisie. 28'A 'ia ‑gʋ 'n 'sosowʋ 'mä 'ɔɔn 'ana ‑nyɛɛ dɛrɩblöö, 'ama 'jä 'ɔɔn ‑bɛ 'na 'mʋgbɛa 'kpɔkpɔɔkʋ 'mä bɩa 'nyüglö. 29'Ii känyrɩ 'ba 'kʋɛɛlɩ 'ɔɔn dɔrʋsa, 'be 'ana 'Pläkänyɔɔ 'lɩa ‑wlajʋ 'ɔ bä. 'Ba 'bʋala nyüülü bäa' 'ɔa 'sa, 30'be 'a 'Kriisëa 'jrʋpaa ‑gʋ 'ɔ nëmä ɩ jä. 'Ɔ 'sa 'ɔa 'klä 'na ‑gbajijikʋa ‑gʋ, 'be 'ana 'mʋgbɛ 'nyɩ 'lɩ ‑a bɩa 'amä 'iin nʋ.
Chwazi Kounye ya:
Filipënyüü 2: Bakwé
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.
Filipënyüü 2
2
'Kriisë 'cie 'ɔa nyufa 'wʋ, Nyɔsʋa nya 'bʋala 'ɔɔn
1 'Kriisë ma ‑nyɩ 'amɩ 'klü, 'ɔa ‑wawakʋ ma 'cie 'ana plɛ 'wʋ, Nyɔsʋaa ‑Susu ma ‑ma 'ana 'fɩɔ, 'ama kä ‑gbinanakʋ ‑bɛ 'ama kä ‑mölööa nyatɛrɩ nɩ, 2'ba 'nönröwli, 'amä 'mɩ dɔrʋ 'klɩsie: abɩa 'ana ‑wawakʋ bä dɛɛ 'dee, 'ba kä plɛ 'dee 'kä 'a kä bobowli 'doo. 3'Anyɩ nrörö dɛɛ ‑gbakɛklɛkʋ 'lɩ. 'Anyɩ 'bata 'ana 'jäjräkʋ, 'fʋflɛgbi bäsaa. ‑Maa 'ba 'cie 'ana nyüfë 'wʋ ‑bɛ 'ba ‑träärälɩ 'ana ‑mölöö 'sɩrɩ 'ü ‑sia' 'nɩmɩ 'amɩ 'wʋ. 4‑Moloo 'nyɩ bobo 'ɔa 'dooa ‑gä, ‑maa ɔ bobo bɩa ‑mölööa ‑gä. 5Abɩa 'ia ‑gbi 'doolʋ ma bäa' Jesu 'Kriisë 'lɩ bä 'amɩ 'lɩ:
6'Ɔɔlɔ Nyɔsʋaa bäbäkʋa 'fɩɔ bäa' 'lɩ,
'ɔnyɩ 'nɩmɩ ‑a 'daa 'ɔɔ ‑bɛ Nyɔsʋa 'mɩmrɛlɩ 'plɔʋ.
7'Ɔ 'cɛrɛ diili kä 'fɩɔ 'ɔ ma 'klaaa' ‑wälɩ,
'ɔnya 'nyiere ‑geeidɛɛ 'lɩ; 'ɔnya nrörö 'ɔa nyufa nyɔɔ 'lɩ.
'Ɔnya dɔrɔ nyɔɔa fugba 'wʋ.
8'Ɔ 'cie 'ɔa nyufa 'wʋ 'ɔnya ‑träärälɩ Nyɔsʋa ‑träärä 'ɔnya jä;
'ɔnya järä 'nɩmɩ krʋa ‑gälɩ#2.8 Krʋaa ‑gälɩa järäkʋ 'nyɩ 'plɔʋ juifë 'tʋ ‑a kä. 'Üa 'bre nɩ, nyɔɔlɔ käa' ‑balʋ 'ɔɔ 'ü kolo krʋa ‑gälɩ ‑bɛ Jesu ‑kaapɩɔ ‑balʋ nʋ..
9'A 'ia ‑gʋ Nyɔsʋa 'jrara 'ɔɔn kʋfalä ‑sia' kʋfëa 'fɩɔwʋa ‑gälɩ,
'ɔnya ‑nyɩ 'ɔɔn 'nyrɩlɩ ‑sia' 'nyrɩa 'fɩɔwʋ;
10'kä nʋnʋdiia 'fɩɔ ma 'nu Jesua 'nyrɩ 'wli,
kotia 'fɩɔ 'mä ‑fli 'pala:
cɛa 'mlɩ, ‑tʋtʋ ‑gälɩ, nyra ‑tʋtʋa 'mlɩ,
11'kä 'papawiia 'fɩɔ nya 'daa,
Jesu 'Kriisë bä 'Pläkänyɔɔ,
‑bɛ Nyɔsʋa bäa' Tʋ 'mä 'bʋala#2.10-11 Esaii 45.23..
Abɩa 'ana nʋnʋgbi ŋʋala 'pläa 'mlɩ
12'A 'ia ‑gʋ 'na ‑wawanyüü 'amɩ, 'sɩrɩ 'a ‑trääräa' 'lɩ Nyɔsʋaa 'doo nɩ, 'ba nʋ 'saa, 'anyɩ ‑glaaa 'mä ‑kätɩ 'ana ‑tɔrʋpɩɔ bä 'fɩɔwʋ ‑bɛ 'amä 'iin nʋ. 'Ba nʋ 'nɩmɩ 'iin ‑gböösa 'taɩn 'lɩ 'nyɩa' 'ana ‑tɔrʋpɩɔ bä. 'Ba 'palɩklü abɩa 'ana nʋnʋgbi 'na nyüü 'mä 'saa jre 'anya 'a 'lɩmlɩwʋ, 'ba nʋ 'iin Nyɔsʋa pɩpɩkʋ 'lɩ nyra 'lɩträäräkʋ 'lɩ, 13'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.
14'Ba nʋ wiili kä 'fɩɔ 'a käa' 'amäa' nʋ, ‑plɛlɩawiipalakʋ nyra 'blarʋ 'nyɩ bä 'ana ‑tɔrʋpɩɔ, 15'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala. 16'Ama nʋ 'saa nɩ, 'papawiili ‑nyɛɛa' 'klä, 'ii 'a srara 'üün. ‑Srɩlɩ kä 'mlɩ 'Kriisë 'mäa' ji nɩ, 'iibä 'na 'lɩgbagbakʋa ‑srɩ; 'be nyüü nya 'saa jrea 'sɩrɩ 'nyɩa' 'fëflɛsa fɔ, 'sɩrɩ 'nyɩa' bɩa 'jrʋpa ‑fɛ 'fëflɛsa.
17‑Bɛ 'a toroa' Nyɔsʋa plɛ nɩ, 'i ‑beere ‑gbɔ. 'Na ‑toru ma nya ‑gbɔlʋ ‑gälɩ 'kä ‑gblɔɔ ‑beere ‑tapakʋ#2.17 Tɛ 2 Timotee 4.6. Filipënyüüa nyɔsʋaplɛ ‑beere 'sɩrɩ nyɔɔ 'saa Nyɔsʋa ‑gbɔ, 'ua ‑gälɩ 'ümä apotrëa ‑toru 'kägblɔɔ ‑beere 'sɩrɩ nyɔɔ nöa' ‑duvɛɛn ‑bɛ 'ɔ ‑tapaa', ‑bɛ 'ɔ ‑gbäträa' 'ɛɛn ‑gbɔ ‑gälɩ 'kä. Ɛgësɔɔdë 29.38-41. nɩ, 'inya 'mɩ 'tʋkäa. 'Nyraa 'ana 'fɩɔ nya dɔrʋ nʋa. 18'Ana 'mʋgbɛ, abɩa dɔrʋ nʋ 'saa u 'bla 'amɩ, ‑bɛ amä dɔrʋ 'wʋ nrörö!
Timotee nyra Epaflodiitë
19'Pläkänyɔɔ Jesu ma 'nyie, 'nyaa 'ana ‑nyɛɛ Timotee blɔa jrüüa 'mlɩ, 'mä 'ana ‑nyɛɛa ‑gogo 'jä ‑bɛ 'imä 'mɩ 'klülɩpa; 20'be nyɔɔ ‑moloo 'nyɩ 'lɩ ‑a bä, ima 'nyɩ 'ɔa 'doo ‑a bä; ‑bɛ 'tasɩrɩ 'ɔɔ bobo ‑gböösa 'ana wii 'sɩrɩ 'n boboa' 'iin. 21‑Mülü nɩ, 'üa 'mʋgbɛa ‑gä 'ü bobo; 'ünyɩ bobo Jesu 'Kriisëa ‑gä ‑a. 22'Sɩrɩ Timotee käa' 'cɩcagbi 'a 'jä 'imɩ. 'Sɩrɩ 'jʋ bäa' 'ɔa tʋ ‑gba nɩ, 'ɔ ‑nyɩ 'ɔa nyufa 'nyraa 'ɔɔn nya 'sa 'Mʋfagogo. 23'Ii känyrɩ, ama 'järä 'na fugba ‑gba 'kä dotro, 'n jresaa 'ɔɔ 'nëmä 'ana ‑nyɛɛ blɔ, 24‑bɛ 'n toro bɩa 'Pläkänyɔɔ plɛ 'sɩrɩ 'taɩn ‑ka 'nyɩa' 'lɩtʋŋlɔ 'mäa' ji.
25‑Maa 'n boboa' nɩ, 'nëma, ‑a blɔ 'ana ‑nyɛɛ ana ‑wlajʋ Epaflodiitë#2.25 Epaflodiitë: 'Pɔɔlë bäa' ‑jie 'lɩ nɩ, 'ɔɔ 'cɛcɩ blɔ 'ɔmä 'Pɔɔlë ‑gbaji (Filipënyüü 4.18). 'Ɔɔ Filipënyüü ‑nyɩ dii 'ɔmä 'Pɔɔlë fa. ‑Maa Epaflodiitë 'tɔa' 'lɩ ‑wusu nya 'bla 'ɔɔn (Filipënyüü 2.27). 'a blɔa' 'na ‑nyɛɛ ɔ ja 'mɩ dii. 'Na 'jrʋpawʋfɛɛrɛnyɔɔ 'ɔ bä, ‑bɛ 'ɔɔ 'nyraa 'ɔɔn ‑fuuö 'Mʋfagogoa 'wlilia tou. 26'Ana 'fɩɔa 'jäjätʋ 'blaa 'ɔɔn ‑gböösa, 'ɔa bobowli 'nyɩ kʋ ‑pɩɔ 'doo 'wʋ ‑a, 'be 'a 'nu 'ɔa ‑wusua wii 'wli. 27‑Wusulu 'blaa' 'ɔɔn nɩ, diijie tɩɔ 'lɩ 'ɔmä jä, Nyɔsʋa nya 'jä 'ɔa nyatɛrɩ, ‑maa ‑mää 'ɔa 'doo ‑a, 'ɔ 'jä bɩa 'na nyatɛrɩ 'na 'kpɔkpɔɔkʋ ‑pɩ 'wlisie. 28'A 'ia ‑gʋ 'n 'sosowʋ 'mä 'ɔɔn 'ana ‑nyɛɛ dɛrɩblöö, 'ama 'jä 'ɔɔn ‑bɛ 'na 'mʋgbɛa 'kpɔkpɔɔkʋ 'mä bɩa 'nyüglö. 29'Ii känyrɩ 'ba 'kʋɛɛlɩ 'ɔɔn dɔrʋsa, 'be 'ana 'Pläkänyɔɔ 'lɩa ‑wlajʋ 'ɔ bä. 'Ba 'bʋala nyüülü bäa' 'ɔa 'sa, 30'be 'a 'Kriisëa 'jrʋpaa ‑gʋ 'ɔ nëmä ɩ jä. 'Ɔ 'sa 'ɔa 'klä 'na ‑gbajijikʋa ‑gʋ, 'be 'ana 'mʋgbɛ 'nyɩ 'lɩ ‑a bɩa 'amä 'iin nʋ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.