Ɛfɛsënyüü 4
4
A 'KLAA 'KLÄ DËDRÄ 'KRIISË 'LƖ
4.1–6.20
'Cɛcɩ bä 'dee 'Kriisë 'lɩ
1'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ. 2'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ. 3'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.
4Fugba bä 'döö, ‑Susu nya bä 'doo, 'sɩrɩ Nyɔsʋa werea' 'amɩ dɛɛ 'deea plɛgälɩpiepiekʋ ‑gälɩ.
5'Pläkänyɔɔ bä 'doo, nyɔsʋaplɛtorokʋ bä 'doo, 'nɩwlipapakʋ bä 'doo,
6Nyɔsʋa bä 'doo, 'ɔɔ bä nyüüa 'fɩɔa Tʋ. 'Ɔ ‑si diia 'fɩɔwʋ, 'ɔ ‑srörö ana 'fɩɔa kälɩ 'kä 'ɔ ‑fɛ 'jrʋpa, 'ɔ bä ana 'fɩɔa 'lɩ.
7‑Maa ‑moloo ma bälɩ Nyɔsʋa ‑nyɩ 'ɔɔn 'ɔa ‑gbinanakʋ, 'sɩrɩ 'Kriisë nyakaa' bɩa 'iin ‑bɛ 'ɔ ‑nyɩa' amɩ 'iin. 8'A 'ia ‑gʋ Nyɔsʋa ‑pɔɔkʋ 'daa:
'Taɩn 'lɩ 'ɔ 'jraa' ‑gböösa nɩ,
'ɔ nrörö 'ɔa 'nyüamlɩjraranyüü ‑jienyüü 'lɩ 'kä 'ɔ fa 'üün;
'ɔnya 'crɛrɛ nyüü # 4.8
'Lɩbrɛrɛpɔɔkʋ 68.19
..
9‑Bɛ «'ɔ 'jra» a ‑gbaa le? 'Iibä 'ɔ 'cere ‑kätɩ ‑tʋtʋa ‑fli. 10Nyɔɔlɔ 'ciea', 'a 'ɔɔ 'jra bɩa ‑gböösa 'ɔnya ‑si cɛɩɩ 'wʋ, 'ɔmä diia 'fɩɔ 'klɩsi.
11'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü#4.11 'pɛrɩnyüü: 'Ia ‑gbaa bä: «nyɔsʋaanyüüa ‑gälɩglaranyüü» ‑Kätɩ kuöa 'mlɩ. Jeremii 3.15; Esekiɛɛlë 34.2. ‑mölöö nya bä 'kpɩkpɩanyüü. 12'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ. 13'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ. 14'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ. 15‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ. 16'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.
‑Kätɩnyɔɔ nyra nyɔɔdëdrä
17'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a. 18'Jöjrüükpü ka 'üa 'lɩgaglakʋ 'klɩ. 'Ünyɩ 'klälä Nyɔsʋa ‑nyɛɛa' ‑a 'klaa, 'be 'ünyɩ dɛɛ jɔ 'doo ‑a jre, 'üa polu nya 'bʋa ‑gböösa. 19'Ünyɩ 'nyüsü ‑a jre; ‑sagbili Nyɔsʋa 'nyɩ 'bataa' 'ia 'jrʋpa 'ü kä; ‑bɛ 'ünyɩa' ‑gʋ 'nyüsü kä nɩ, 'ü bä wiili kä 'fɩɔ bʋbɔa' a 'mlɩ. 20‑Maa 'amɔlɔ nɩ, ‑mää 'sɩ anyɩ 'amɩ 'Kriisë srara! 21'N jresaa 'a 'ɔa 'nyrɩ 'a 'nuwli, 'ii a 'kpɩa 'amɩ 'cɩcasalä bäa' Jesu 'lɩ. 22'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba. 23'Ba 'cɛrɛ 'ana ‑susu nyra 'ana bobowli ‑wälɩ 'imä 'cicri. 24'Ba 'sroo nyɔɔdëdrälɔ Nyɔsʋa nʋa' 'klɩgägäkʋ 'lɩ nyra 'nyünaklälä sɔa' 'cɩcasa 'lɩ.
25'Ii känyrɩ 'ba 'pie ‑gbagblɛ! ‑Moloo ma bälɩ ɔ 'saralɩ 'ɔa ‑moloo 'cɩcasa#4.25 Sakarii 8.16., 'be anya 'a nyüü 'doo bä. 26'Ama ‑tʋ 'crɛ nɩ, 'anyɩ nʋ ‑balʋ#4.26 'Lɩbrɛrɛpɔɔkʋ 4.5.. 'Ana 'crɛ kä 'ɛmä bɩa 'fɩɔwʋ ‑a ji ‑gbiajrʋ 'mä mi. 27'Anyɩ ‑nyɩ Sataan kʋfa. 28Nyɔɔ ma 'jie kä, ɔ 'pie 'jejiekʋ; ɔ ‑fɛjrʋpa, ɔ nʋ 'ɔa 'dari ɔ nʋ wiili 'naa', 'ɔmä ‑mülü 'nyɩa' dɛɛ kä ‑gbaji. 29Bʋbɔwii 'nyɩ 'cie 'ana mlɩ, abɩa 'mʋfawiili 'naa' i jöa' nyüü ‑gba 'sɩrɩ 'üa ‑sʋɩ bäa', 'cie 'ana mlɩ, ‑bɛ i ‑nyɩ ‑mülü poa' 'iin 'nyakli 'klü. 30'Anyɩ pala 'Nyüna ‑Susu sɩɔ. 'Uu Nyɔsʋa nʋ 'ɔnya ‑tʋ 'amɩ 'ɔa tie ‑bɛ 'ɔmä 'amɩ 'ana ‑balʋ mlɩba 'ia ‑srɩ 'lɩ. 31'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn. 32'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.
Chwazi Kounye ya:
Ɛfɛsënyüü 4: Bakwé
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.
Ɛfɛsënyüü 4
4
A 'KLAA 'KLÄ DËDRÄ 'KRIISË 'LƖ
4.1–6.20
'Cɛcɩ bä 'dee 'Kriisë 'lɩ
1'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ. 2'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ. 3'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.
4Fugba bä 'döö, ‑Susu nya bä 'doo, 'sɩrɩ Nyɔsʋa werea' 'amɩ dɛɛ 'deea plɛgälɩpiepiekʋ ‑gälɩ.
5'Pläkänyɔɔ bä 'doo, nyɔsʋaplɛtorokʋ bä 'doo, 'nɩwlipapakʋ bä 'doo,
6Nyɔsʋa bä 'doo, 'ɔɔ bä nyüüa 'fɩɔa Tʋ. 'Ɔ ‑si diia 'fɩɔwʋ, 'ɔ ‑srörö ana 'fɩɔa kälɩ 'kä 'ɔ ‑fɛ 'jrʋpa, 'ɔ bä ana 'fɩɔa 'lɩ.
7‑Maa ‑moloo ma bälɩ Nyɔsʋa ‑nyɩ 'ɔɔn 'ɔa ‑gbinanakʋ, 'sɩrɩ 'Kriisë nyakaa' bɩa 'iin ‑bɛ 'ɔ ‑nyɩa' amɩ 'iin. 8'A 'ia ‑gʋ Nyɔsʋa ‑pɔɔkʋ 'daa:
'Taɩn 'lɩ 'ɔ 'jraa' ‑gböösa nɩ,
'ɔ nrörö 'ɔa 'nyüamlɩjraranyüü ‑jienyüü 'lɩ 'kä 'ɔ fa 'üün;
'ɔnya 'crɛrɛ nyüü # 4.8
'Lɩbrɛrɛpɔɔkʋ 68.19
..
9‑Bɛ «'ɔ 'jra» a ‑gbaa le? 'Iibä 'ɔ 'cere ‑kätɩ ‑tʋtʋa ‑fli. 10Nyɔɔlɔ 'ciea', 'a 'ɔɔ 'jra bɩa ‑gböösa 'ɔnya ‑si cɛɩɩ 'wʋ, 'ɔmä diia 'fɩɔ 'klɩsi.
11'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü#4.11 'pɛrɩnyüü: 'Ia ‑gbaa bä: «nyɔsʋaanyüüa ‑gälɩglaranyüü» ‑Kätɩ kuöa 'mlɩ. Jeremii 3.15; Esekiɛɛlë 34.2. ‑mölöö nya bä 'kpɩkpɩanyüü. 12'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ. 13'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ. 14'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ. 15‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ. 16'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.
‑Kätɩnyɔɔ nyra nyɔɔdëdrä
17'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a. 18'Jöjrüükpü ka 'üa 'lɩgaglakʋ 'klɩ. 'Ünyɩ 'klälä Nyɔsʋa ‑nyɛɛa' ‑a 'klaa, 'be 'ünyɩ dɛɛ jɔ 'doo ‑a jre, 'üa polu nya 'bʋa ‑gböösa. 19'Ünyɩ 'nyüsü ‑a jre; ‑sagbili Nyɔsʋa 'nyɩ 'bataa' 'ia 'jrʋpa 'ü kä; ‑bɛ 'ünyɩa' ‑gʋ 'nyüsü kä nɩ, 'ü bä wiili kä 'fɩɔ bʋbɔa' a 'mlɩ. 20‑Maa 'amɔlɔ nɩ, ‑mää 'sɩ anyɩ 'amɩ 'Kriisë srara! 21'N jresaa 'a 'ɔa 'nyrɩ 'a 'nuwli, 'ii a 'kpɩa 'amɩ 'cɩcasalä bäa' Jesu 'lɩ. 22'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba. 23'Ba 'cɛrɛ 'ana ‑susu nyra 'ana bobowli ‑wälɩ 'imä 'cicri. 24'Ba 'sroo nyɔɔdëdrälɔ Nyɔsʋa nʋa' 'klɩgägäkʋ 'lɩ nyra 'nyünaklälä sɔa' 'cɩcasa 'lɩ.
25'Ii känyrɩ 'ba 'pie ‑gbagblɛ! ‑Moloo ma bälɩ ɔ 'saralɩ 'ɔa ‑moloo 'cɩcasa#4.25 Sakarii 8.16., 'be anya 'a nyüü 'doo bä. 26'Ama ‑tʋ 'crɛ nɩ, 'anyɩ nʋ ‑balʋ#4.26 'Lɩbrɛrɛpɔɔkʋ 4.5.. 'Ana 'crɛ kä 'ɛmä bɩa 'fɩɔwʋ ‑a ji ‑gbiajrʋ 'mä mi. 27'Anyɩ ‑nyɩ Sataan kʋfa. 28Nyɔɔ ma 'jie kä, ɔ 'pie 'jejiekʋ; ɔ ‑fɛjrʋpa, ɔ nʋ 'ɔa 'dari ɔ nʋ wiili 'naa', 'ɔmä ‑mülü 'nyɩa' dɛɛ kä ‑gbaji. 29Bʋbɔwii 'nyɩ 'cie 'ana mlɩ, abɩa 'mʋfawiili 'naa' i jöa' nyüü ‑gba 'sɩrɩ 'üa ‑sʋɩ bäa', 'cie 'ana mlɩ, ‑bɛ i ‑nyɩ ‑mülü poa' 'iin 'nyakli 'klü. 30'Anyɩ pala 'Nyüna ‑Susu sɩɔ. 'Uu Nyɔsʋa nʋ 'ɔnya ‑tʋ 'amɩ 'ɔa tie ‑bɛ 'ɔmä 'amɩ 'ana ‑balʋ mlɩba 'ia ‑srɩ 'lɩ. 31'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn. 32'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.