1 Korɛɛntënyüü 8
8
NYƆSƲA NYƆƆ KÄ Ɩ 'ƆMÄ Ɩ ‑PƲPƲA ‑MAA ‑MÄÄ ‑WÄSƖA ‑A
8.1–11.1
‑Wäsɩa ‑gbɔsajijri
1Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ. 2‑Bɛ nyɔɔ ma bobo ‑ma 'ɔ jre dɛɛ nɩ, 'sɩrɩ 'ɔmä ɩa' 'ɛɛn jre ‑mää 'sɩ 'ɔ ‑kaaŋlʋ 'ɛɛn jre. 3‑Maa nyɔɔ ma ‑wa Nyɔsʋa, 'a nyɔɔlɔ Nyɔsʋa jrea'.
4'Ii känyrɩ, wiili bäa' ‑maa: nyɔɔ 'mrɛɛ ɔ ji mlaalü 'ü 'blaraa' ‑gbagblɛ nyɔsʋaɩɩ nɩ, a jre 'iin 'sɩrɩ: «‑Gbagblɛnyɔsʋa 'nyɩa' dɛɛ bä ‑pɩ ‑tʋtʋ ‑gälɩ», ‑bɛ 'sɩrɩ Nyɔsʋa bäa' 'doo. 5‑Bakää 'i bä 'cɩcasa 'ü 'daraa' 'üün ‑gbʋʋtʋplɩ nyɔsʋaɩɩ 'ü bäa' cɛlɩ, 'aiɛ ‑tʋtʋ ‑gälɩ nɩ, ‑bɛ 'kasa nyɔsʋaɩɩ nyra 'pläkänyüü ma ‑sümlö ɩ, 6amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.
7‑Maa ‑mää nyüüa 'fɩɔ 'nyɩ ‑taa 'cɩcasalä jre. ‑Mölöö bälɩ 'üa ‑kätɩ ‑gbi jre 'üün mlɩ 'kä 'ü ‑ka jö 'ia mlalë, 'be 'üa plɛɛ ‑wäsɩa 'ü 'blara mlalë. ‑Bɛ 'üa bobowli 'fʋmaa' nɩ, 'i pla 'üün ‑fre 'lɩ. 8‑Mää jijri 'nyɩ jijrö amɩ Nyɔsʋa ‑gba. 'Be ama ji 'imɩ ‑mää ‑gba 'inyɩ ji amɩ. Ama 'nyɩ bɩa 'iin ‑a ji nɩ, 'anyɩ 'järä 'ia 'mlɩ dɛɛ ‑a. 9‑Maa o, ‑bakää 'a 'mrɛɛ 'amä diia 'fɩɔ ji nɩ, 'ba ‑tre 'ana nyüfë 'a ‑pɩ 'cɛcɩnyüülü 'fʋmaa' 'käkpa! 10‑Mɔ jrea' 'cɩcasa, nyɔɔ ma 'jä ‑mɩ ‑bɛ ‑ama tara ‑gbagblɛnyɔsʋaɩɩa nyüköli nɩ, 'i ‑nëmä 'ɔɔn 'klü ‑a ‑nyɩ 'ɔmä ‑gbɔsamlaa ji a 'doo? 11‑Jrea' 'iin ‑bɛ ‑nʋa' 'iin nɩ, ‑wlajʋlɔ 'fʋmaa' nya 'mɔlɔa ɔ kä ‑gʋ 'Kriisë ‑jäa'! 12'Ama nʋ 'ia 'samaa ‑balʋ 'ana ‑wlajü ‑gba nɩ, 'ama 'cakla 'üa plɛ 'lɩ nɩ, 'Kriisë 'a nö ‑balʋ ‑gba. 13'Ii känyrɩ, 'ima 'daa jijrɛ 'n jöa' 'ɛɛ 'mä 'na ‑wlajʋ ‑balʋ 'lɩ bere nɩ, 'n ‑ka ‑nëmä mrɛɛ ‑a ji 'plɔʋ, 'nyɩ ‑pɩ 'ɔɔn ‑balʋ 'lɩ be.
Chwazi Kounye ya:
1 Korɛɛntënyüü 8: Bakwé
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© Wycliffe Bible Translators, Inc.