1 Timothée 5
5
Ndongi gukyelu bekwili, bivunde bi dibundu ne bevige
1Wuyasyembe givunde gi mutu, tumbe mugaremusi gere taye agu. Longe bane begegi gere batu be buru taye mosi, 2bivunde bi begetu gere nguye tsi agu, sige numbe gere ketu tsi agu, ne pikile tsi sungeme.
3Rare ne digobe bekwili be sandi ne biburu. 4Tumbe gere mukwili ane bane ne kage, nonge beyabi re yawu beni re barari gifumbe gi awu. Nane, begugabusile biburu mboti. Are dyarondi Nyambi. 5Tumbe mukwili wu vike, wu sandi ne mutu wugu murare, atsevere gitu gi andi gu Nyambi, agalembi negugitse Nyambi dibeti ne nyangu. 6Tumbe mukwili wune disube, afu ngenze, nesi agalabeni monyu. 7Berangemisi mambu mane nonge bekole togulu. 8Gere mutu sarari gifumbe gi andi gulu gulu biburu bi andi, amasagule gitu, ayi vyagunu ne mutu wu sandi ne gitu.
9Gu gube mu durangu du bekwili, nonge mugetu abi gu gindande gi megumi me syamenu me mipume. Abi gwandi re asefude mulumi andi. 10Nonge adumisu gukyelu meboti me agavagi, gubungule bane be andi dikengi, gusambegene beni, gugunge byeru bi bane be Nyambi, gwamuse bigaye ne guvage meboti ne munongu.
11Gukyelu bekwili beki numbe, wuyabevere mu durangu. Mbare migangu mi awu myabebegi gu kunde gongene, baligili Fumu nzime. 12La beke ne mbele, mbare besagobise pangeni rege yi betunge ne Fumu. 13Gwandi, neve be sandi ne gidyanzu, babongi divume di gwende ndagu ne ndagu. Gwandi la bekene dwadwambile ne gwake bilombi bisabegengili. 14Re dibandu nyarondi re bekwili be numbe bekundi gonge, beburi ne gurare ndagu tsi awu. Nane besaguvege baduvini gigumbi gi gudugele. 15Mbare bekwili bemosi batsyemugilu dibondu gu gubinge Sate. 16Pasi re, gu mwane Nyambi wu mugetu wune bekwili gu gifumbe gi andi, aberari. Vane dibundu digusingene ke ne gurare bekwili be sandi ne batu.
17Bivunde byabegisi dibundu dikengi, binonge vegu divane ne digobe, gulu gulu bine bidyaku bineni gwanze ne gunenze. 18Mbare direndu re «Wusagukale mubukitsi pinde guye pinde#5.18 Deteronome 25.4.» Sige, gwandi «Mudyanzitsi nonge vegu divane di andi.» 19Wuyasinge givunde gufuregilu dyambu, gotsu ne mbeyi beye, yireru. 20Pasi re givunde madyanze dibi, musyembi ve piti, nonge bembatsi bekube ne keri.
21Nyakulembigi ve wusu Nyambi, ve wusu Sesu Kirisete ne ve wusu yanze tsi rereri, gobise motsu mane wuyapagise mutu, wuyabe ne mbale ne gyari ne mutu. 22Wuyavuru negutsabige mutu mekake gu gumuvege gibyatsi gu dibundu. Wuyafwame gu mabi me batu, bange rereri.
23Kole gunungu ke mambe, nwangange be melamu gukyelu gifinzi mbare wabelingi.
24Mabi me batu bemosi malabeni nesi begusosisu. Tumbe gumbu bemosi, ke gere gigumbi gyavyoge. 25Mambu meboti gwandi malabeni, nesi mesalabeni vane ne vane mesagu benze gube mesweme.
Chwazi Kounye ya:
1 Timothée 5: SWJ
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
1 Timothée 5
5
Ndongi gukyelu bekwili, bivunde bi dibundu ne bevige
1Wuyasyembe givunde gi mutu, tumbe mugaremusi gere taye agu. Longe bane begegi gere batu be buru taye mosi, 2bivunde bi begetu gere nguye tsi agu, sige numbe gere ketu tsi agu, ne pikile tsi sungeme.
3Rare ne digobe bekwili be sandi ne biburu. 4Tumbe gere mukwili ane bane ne kage, nonge beyabi re yawu beni re barari gifumbe gi awu. Nane, begugabusile biburu mboti. Are dyarondi Nyambi. 5Tumbe mukwili wu vike, wu sandi ne mutu wugu murare, atsevere gitu gi andi gu Nyambi, agalembi negugitse Nyambi dibeti ne nyangu. 6Tumbe mukwili wune disube, afu ngenze, nesi agalabeni monyu. 7Berangemisi mambu mane nonge bekole togulu. 8Gere mutu sarari gifumbe gi andi gulu gulu biburu bi andi, amasagule gitu, ayi vyagunu ne mutu wu sandi ne gitu.
9Gu gube mu durangu du bekwili, nonge mugetu abi gu gindande gi megumi me syamenu me mipume. Abi gwandi re asefude mulumi andi. 10Nonge adumisu gukyelu meboti me agavagi, gubungule bane be andi dikengi, gusambegene beni, gugunge byeru bi bane be Nyambi, gwamuse bigaye ne guvage meboti ne munongu.
11Gukyelu bekwili beki numbe, wuyabevere mu durangu. Mbare migangu mi awu myabebegi gu kunde gongene, baligili Fumu nzime. 12La beke ne mbele, mbare besagobise pangeni rege yi betunge ne Fumu. 13Gwandi, neve be sandi ne gidyanzu, babongi divume di gwende ndagu ne ndagu. Gwandi la bekene dwadwambile ne gwake bilombi bisabegengili. 14Re dibandu nyarondi re bekwili be numbe bekundi gonge, beburi ne gurare ndagu tsi awu. Nane besaguvege baduvini gigumbi gi gudugele. 15Mbare bekwili bemosi batsyemugilu dibondu gu gubinge Sate. 16Pasi re, gu mwane Nyambi wu mugetu wune bekwili gu gifumbe gi andi, aberari. Vane dibundu digusingene ke ne gurare bekwili be sandi ne batu.
17Bivunde byabegisi dibundu dikengi, binonge vegu divane ne digobe, gulu gulu bine bidyaku bineni gwanze ne gunenze. 18Mbare direndu re «Wusagukale mubukitsi pinde guye pinde#5.18 Deteronome 25.4.» Sige, gwandi «Mudyanzitsi nonge vegu divane di andi.» 19Wuyasinge givunde gufuregilu dyambu, gotsu ne mbeyi beye, yireru. 20Pasi re givunde madyanze dibi, musyembi ve piti, nonge bembatsi bekube ne keri.
21Nyakulembigi ve wusu Nyambi, ve wusu Sesu Kirisete ne ve wusu yanze tsi rereri, gobise motsu mane wuyapagise mutu, wuyabe ne mbale ne gyari ne mutu. 22Wuyavuru negutsabige mutu mekake gu gumuvege gibyatsi gu dibundu. Wuyafwame gu mabi me batu, bange rereri.
23Kole gunungu ke mambe, nwangange be melamu gukyelu gifinzi mbare wabelingi.
24Mabi me batu bemosi malabeni nesi begusosisu. Tumbe gumbu bemosi, ke gere gigumbi gyavyoge. 25Mambu meboti gwandi malabeni, nesi mesalabeni vane ne vane mesagu benze gube mesweme.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES