MATTHAI 17
17
Jesuh Muihmai Thlennak
(Mar 9.2-13; Luk 9.28-36)
1Cu hnu ni ruk ah Jesuh nih Peter le Jeim le a nau Johan kha tlang sangpi cungah anmah lawng tein aa kaipi hna. 2An hmaiah cun a mui kha aa thleng i a hmai cu ni bangin a ceu i a hnipuan cu ceu bantukin an rang. 3Cun a zultu pathum hna nih cun Jesuh cu Moses le Elijah he bia an i ruah kha an hmuh. 4Cucaah Peter nih cun Jesuh cu a hun thawh i, “Bawipa, hika um hi a nuam; na duh ahcun thlam pathum in kan sakpiak hna lai, nang caah pakhat, Moses caah pakhat, Elijah caah pakhat,” tiah a ti.
5Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti. #2Pet 1.17-18 #Gen 22.2; Deu 18.15; Slm 2.7; Isa 42.1; Mat 3.17; 12.18; Mar 1.1; Luk 3.22
6A zultu pawl nih aw kha an theih tikah an thin a phang tuk i vawlei ah an bawk. 7Jesuh cu a ra i a tongh hna i, “Tho u, nan thin phang hlah u!” tiah a ti hna. 8Cucaah van lei kha an hun zoh i Jesuh lawnglawng kha an hmuh.
9Tlang cungin an ṭum pah ah khan, “Hi thil nan hmuhmi hi, Mi Fapa hi thihnak in thawhter ka si ṭhan hlanah cun ahohmanh chim hna hlah u,” tiah a ti hna.
10Cun a zultu pawl nih Jesuh cu, “Zeicahdah Phungbia cawnpiaktu saya pawl nih, Elijah cu a rat hmasa awk a si, an ti?” tiah an hal. #Mal 4.5
11Jesuh nih cun, “Elijah cu a ra hmasa taktak i zeizong vialte kha timhtuah hram a thawk taktak. 12Sihmanhsehlaw hihi kan chimh hna: Elijah cu a ra ko cang, sihmanhsehlaw mi nih an hngal lo i an duhduh in an tuah. Cu bantuk ṭhiamṭhiam in Mi Fapa zong hi an ka serhsat ve lai.” tiah a ti hna. #Mat 11.14
13Khi tikah a zultu pawl nih cun, a kan chimhmi hi tipil petu Johan kong a si, ti kha an hngalh.
Khuavang Tuahmi A Damter
(Mar 9.14-29; Luk 9.37-43a)
14Mizapi sin kha an phak ṭhan tikah Jesuh sinah cun mipa pakhat a ra i a hmaiah a khuk aa bil i 15“Bawipa, ka fapa hi ka zaangfahpiak tuah. Amah cu mitlu a si i a tluk tikah hin mei chung le ti chung zongah a tlu tawn. 16Na zultu pawl sinah ka ratpi nain an damter kho lo,” tiah a ti.
17Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna. 18Jesuh nih khuachia cu, chuak, a ti i a chuak i cu caan thawk te cun ngakchiapa cu a dam colh.
19Cun a zultu pawl kha Jesuh sinah cun anmah lawngin an ra i, “Zeicahdah khuachia kha kan ṭhawl khawh lo?” tiah an hal.
20Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai. #Mat 21.21; Mar 11.23; 1Kor 13.2 21Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.
A Thih Lainak A Chim Ṭhan
(Mar 9.30-32; Luk 9.43b-45)
22A zultu hna cu Galilee ah khan an i pumh dih ṭhan tikah, Jesuh nih khan a thawh hna i, “Mi Fapa hi mi kut chungah tuan ah pek a si cang lai, 23annih nih an thah lai, sihmanhsehlaw ni thum ni ah nunter a si ṭhan lai,” tiah a ti hna.
A zultu cu an ngaih a chia ngaingai.
Biakinn Ngunkhuai Peknak
24Jesuh le a zultu hna kha Kapernaum khua i an rat tikah biakinn ngunkhuai khawltu pawl nih khan Peter cu, “Nan sayapa nih biakinn ngunkhuai a pe bal maw?” tiah an hal. #Exo 30.13; 38.26
25Peter nih cun, “A pek ko,” tiah a leh hna.
Peter cu inn chung i a vung luh ah khan Jesuh nih cun a rak hlehkanh i, “Simon, zeitindah na ruah? Aho nih dah vawlei cung siangpahrang hna hi ram dang thil luh man le ngunkhuai an pek tawn hna? Cuka ram mi hna nih cun maw ramdangmi nih dah?” tiah a hal.
26Peter nih cun, “Ramdangmi nih ta,” tiah a leh.
Cun Jesuh nih, “A ṭha ko, cu ti a si ahcun ramchungmi nih cun pek a herh lo. 27Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.
Chwazi Kounye ya:
MATTHAI 17: HCL06
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Lai (Hakha) Common Language Bible © Bible Society of Myanmar 2006
MATTHAI 17
17
Jesuh Muihmai Thlennak
(Mar 9.2-13; Luk 9.28-36)
1Cu hnu ni ruk ah Jesuh nih Peter le Jeim le a nau Johan kha tlang sangpi cungah anmah lawng tein aa kaipi hna. 2An hmaiah cun a mui kha aa thleng i a hmai cu ni bangin a ceu i a hnipuan cu ceu bantukin an rang. 3Cun a zultu pathum hna nih cun Jesuh cu Moses le Elijah he bia an i ruah kha an hmuh. 4Cucaah Peter nih cun Jesuh cu a hun thawh i, “Bawipa, hika um hi a nuam; na duh ahcun thlam pathum in kan sakpiak hna lai, nang caah pakhat, Moses caah pakhat, Elijah caah pakhat,” tiah a ti.
5Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti. #2Pet 1.17-18 #Gen 22.2; Deu 18.15; Slm 2.7; Isa 42.1; Mat 3.17; 12.18; Mar 1.1; Luk 3.22
6A zultu pawl nih aw kha an theih tikah an thin a phang tuk i vawlei ah an bawk. 7Jesuh cu a ra i a tongh hna i, “Tho u, nan thin phang hlah u!” tiah a ti hna. 8Cucaah van lei kha an hun zoh i Jesuh lawnglawng kha an hmuh.
9Tlang cungin an ṭum pah ah khan, “Hi thil nan hmuhmi hi, Mi Fapa hi thihnak in thawhter ka si ṭhan hlanah cun ahohmanh chim hna hlah u,” tiah a ti hna.
10Cun a zultu pawl nih Jesuh cu, “Zeicahdah Phungbia cawnpiaktu saya pawl nih, Elijah cu a rat hmasa awk a si, an ti?” tiah an hal. #Mal 4.5
11Jesuh nih cun, “Elijah cu a ra hmasa taktak i zeizong vialte kha timhtuah hram a thawk taktak. 12Sihmanhsehlaw hihi kan chimh hna: Elijah cu a ra ko cang, sihmanhsehlaw mi nih an hngal lo i an duhduh in an tuah. Cu bantuk ṭhiamṭhiam in Mi Fapa zong hi an ka serhsat ve lai.” tiah a ti hna. #Mat 11.14
13Khi tikah a zultu pawl nih cun, a kan chimhmi hi tipil petu Johan kong a si, ti kha an hngalh.
Khuavang Tuahmi A Damter
(Mar 9.14-29; Luk 9.37-43a)
14Mizapi sin kha an phak ṭhan tikah Jesuh sinah cun mipa pakhat a ra i a hmaiah a khuk aa bil i 15“Bawipa, ka fapa hi ka zaangfahpiak tuah. Amah cu mitlu a si i a tluk tikah hin mei chung le ti chung zongah a tlu tawn. 16Na zultu pawl sinah ka ratpi nain an damter kho lo,” tiah a ti.
17Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna. 18Jesuh nih khuachia cu, chuak, a ti i a chuak i cu caan thawk te cun ngakchiapa cu a dam colh.
19Cun a zultu pawl kha Jesuh sinah cun anmah lawngin an ra i, “Zeicahdah khuachia kha kan ṭhawl khawh lo?” tiah an hal.
20Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai. #Mat 21.21; Mar 11.23; 1Kor 13.2 21Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.
A Thih Lainak A Chim Ṭhan
(Mar 9.30-32; Luk 9.43b-45)
22A zultu hna cu Galilee ah khan an i pumh dih ṭhan tikah, Jesuh nih khan a thawh hna i, “Mi Fapa hi mi kut chungah tuan ah pek a si cang lai, 23annih nih an thah lai, sihmanhsehlaw ni thum ni ah nunter a si ṭhan lai,” tiah a ti hna.
A zultu cu an ngaih a chia ngaingai.
Biakinn Ngunkhuai Peknak
24Jesuh le a zultu hna kha Kapernaum khua i an rat tikah biakinn ngunkhuai khawltu pawl nih khan Peter cu, “Nan sayapa nih biakinn ngunkhuai a pe bal maw?” tiah an hal. #Exo 30.13; 38.26
25Peter nih cun, “A pek ko,” tiah a leh hna.
Peter cu inn chung i a vung luh ah khan Jesuh nih cun a rak hlehkanh i, “Simon, zeitindah na ruah? Aho nih dah vawlei cung siangpahrang hna hi ram dang thil luh man le ngunkhuai an pek tawn hna? Cuka ram mi hna nih cun maw ramdangmi nih dah?” tiah a hal.
26Peter nih cun, “Ramdangmi nih ta,” tiah a leh.
Cun Jesuh nih, “A ṭha ko, cu ti a si ahcun ramchungmi nih cun pek a herh lo. 27Sihmanhsehlaw hi mi hna hi an thinhunter ka duh lo. Cucaah rili ah va kal law sio va thla, na sio hmasa bikmi nga kha a ka va keu law a ka chungah cun kan pahnih ca i a za ding tangka na hmuh lai; cun va kal law biakinn ngunkhuai cu va pe hna,” tiah a ti.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
Lai (Hakha) Common Language Bible © Bible Society of Myanmar 2006