Fakamulun 17
17
Pablu ay Silas sis Furuan Tesalunika
1Sanya ginan, Pablu ay Silas nadalan sas furuan Anfipulis ay Apulunya ay andasug sas furuan Tesalunika, ay sanya ngay taw Udyu e bale fakafulan. 2Pablu nasakbo sas bale fakafulan kata ebi ginan at fakamulun, ay gfayamag sa sangay taw Dius at Longan gina famiangalay fag menit. Ay nu gfakamulun katanya, tuluk Famiangalay fag menit. 3Pablu gfayamag ay gfatuyan sa anya fagayu te, masine Dius at nafili fag Fun#17:3 Dius at nafili fag Fun: sas Griegu, Kristu. nu nanginkidapan ay nu nangabul ay anggan nu gdog gleleg. Ay Pablu nalong te, “Ku foyungan fag Isus, kanya wan Dius at nafili fag Fun” 4Tibak taw nafanud sas Pablu at foyungan ay tibak taw ansadi yangay sas duama. Ay ngayu yangayk taw Gresya tagseg Dius ay takadungug fag ngay mangena at kinsadi sas duama.
5Ay sanya fag ngay taw Udyu galabian. Nu katanya, kanya fagayu nafaful at mauri fag ngay taw sas fagawean ay gfasigad e fagawayanun ay kanya fagayu nalao sas Asun at bale laman nanrvbvy Pablu ay Silas, ay namasalubang sa sangay taw. 6Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan. 7Ay Asun nafasakbo duama sat bale. Kanya fagayu wa gfaning talun Ruma at fun at ngay faugali, ay glong te, e tiba yayk fun, at ngayan Isus.” 8Ay fagayu taw ay at ngay tagfangguna nu nadungug takatanya, wa manabayan at ngay amatanganan. 9Ay gina kafag ngay tagfangguna nafalfas Asun ay tiba yak tagafanud, naet famayad laman at famatuyan te, kanya ban fagayu wa gfasakbo ya Pablu ay Silas sat ngay bale, ay arodi nafalfas wan.
Pablu ay Silas sis Furuan Berea
10Ay ginanya yangay fag yabi, ngay tagafanud nasugu Pablu ay Silas sas furuan Berea. Ay duama nu ndasug sanya, nasakbo sa sangay taw Udyu at bale fakafulan. 11Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan. 12Ay nu katanya, ngayuk taw Udyu at nafanud sis furuan Berea, katap yangay sanya sik ngay mangena siginans Gresya at ke fanambagun sit furuan, ay anggan yangay sik ngay mangama Gresya at nafanud.
13Ngay taw Udyu sis Tesalunika nu nadungug te, Pablu gfoyung Dius at longan sis furuan Berea, kanya fagayu nalo sanya laman nanlong sanya fag ngay taw te, faurii Pablu. 14Nu katanya, sanya fag ngay tagafanud nataban Pablu sas tigyangan dagat, ay dewa katanya Silas ay Timuteu anfamato yay sis Berea. 15Ay at nanangufud Pablu nanangalo yay sitsigons furuan Atenas. Sanya ginan, at ngay nanangufud Pablu anfoli sas Berea laman namasaful sas Silas ay Timuteu Pablu at suguan te, “Dewa gina, guyani wa vtv angku.”
Pablu sis Furuan Atenas
16Kaduge Pablu gfanya Silas ay Timuteu sis Atenas, kanya nalag ngayuk fagsegan, ay kabalu maksvn. 17Ay galay Famiangalay fag Menit, kanya gsakbo sas taw Udyu at bale fakafulan laman gfakamatoan tagsanya fag ngay taw Udyu ay ngay taw Gresya tagseg Dius, ay nafakamatoan yangay nusnga sinu fag taw at nalag sis fagawean. 18Ay sanya e duak gaban taw takamoyung, laman gfabadbaboan Pablu. At fasadik gaban, Epikureu, at faduak gaban, Estuiku. Ay sanya tiba glong te, “Nataw manga kanya at ngay nalong yud e tungkul?” Ay tiba glong te, “Kanya kamoyung sa baliwa tibak fagsegan.” Ngay taw at fagnalongun katanya, aroro Pablu gfoyung sabaliwas Isus ay anggan nu gdog naleleg. 19Ay kanya fagayu nataban Pablu sa sik fagnangafulan tagsis buksul Areupagu ay nalong te, “Fayamagi sa emi am foyungan, 20aroro yami batang gdungug takatanya, ay kaylat ami nu gfasaful o sa emi at masuad.” 21Ngay taw Atenas, ay tibak talun at taw tagbanwan sanya, kaylat gugat gdungugan ay gkamatoan sabaliwa at bagu fag ngay foyungan.
22Ay Pablu anlindug sis wabilug ngay taw at maful sis Areupagu, ay kanya nalong te, “Ngay taw Atenas, nalag au te, fagdaul ay amatanganan gseg am ay ngay fagsegan. 2323 Aroro gina au gdalan si ay furuan, nadama au ay ngay fagsegan. Ay nalag kyangay sanya sik fagdaranginan ke rirukan te, ‘Sa sik yud e gtoglag fag fagsegan.’ Katsi gfoyung au sa ayu sabaliwa kafag fagsegan, ay fagyudun toglag.
24“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale, 25ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain. 26Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga. 27Dius nafakamulun takatanya laman ban fagayu taw grvbvy tua anya, bangaran kaduge gyakapan tumoglag tua anya. Ay at matuyan, Dius wa ngayayu sas galay antam at sadi. 28Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’
29“Dakngani itam wan at sisian, lag tam gamatangan te, Dius kata way sik awatan siginans gintu ay sanbung salapi ay gang, siginans taw at kamakatuan ay at amatanganan. 30Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan. 31Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”
32Ay kanya nu nadungug Pablu at longan sabaliwa nu gdog gfaleleg at ngay kinbul, tibak taw gfalingun anya, ay tibak taw glong te, “Kaylat yaymi gdog gdungugan emu sabaliwa takatatuy fag foyungan.” 33Ay Pablu nalo wan siginan at fagmafulan. 34Ay tibak taw gafanud ay nangalo anya. At sadi sanya fag ngay taw at ngayan, Diunisyu. Kanya sik fagtainan at maful sas buksul Areupagu. Ay at sadi sik mangena at ngayan Demaris, ay e tiba yayk taw.
Chwazi Kounye ya:
Fakamulun 17: OCCT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2021 by OMF International, Philippines
Fakamulun 17
17
Pablu ay Silas sis Furuan Tesalunika
1Sanya ginan, Pablu ay Silas nadalan sas furuan Anfipulis ay Apulunya ay andasug sas furuan Tesalunika, ay sanya ngay taw Udyu e bale fakafulan. 2Pablu nasakbo sas bale fakafulan kata ebi ginan at fakamulun, ay gfayamag sa sangay taw Dius at Longan gina famiangalay fag menit. Ay nu gfakamulun katanya, tuluk Famiangalay fag menit. 3Pablu gfayamag ay gfatuyan sa anya fagayu te, masine Dius at nafili fag Fun#17:3 Dius at nafili fag Fun: sas Griegu, Kristu. nu nanginkidapan ay nu nangabul ay anggan nu gdog gleleg. Ay Pablu nalong te, “Ku foyungan fag Isus, kanya wan Dius at nafili fag Fun” 4Tibak taw nafanud sas Pablu at foyungan ay tibak taw ansadi yangay sas duama. Ay ngayu yangayk taw Gresya tagseg Dius ay takadungug fag ngay mangena at kinsadi sas duama.
5Ay sanya fag ngay taw Udyu galabian. Nu katanya, kanya fagayu nafaful at mauri fag ngay taw sas fagawean ay gfasigad e fagawayanun ay kanya fagayu nalao sas Asun at bale laman nanrvbvy Pablu ay Silas, ay namasalubang sa sangay taw. 6Ay kanya fagayu wa nalag duama, nu katanya, at nagamat Asun way ay tiba yak tagafanud. Ay kanya fagayu naguyudan kafag ngay tagafanud sa sangay tagfangguna at daga salubangan, ay guro te, “Kafag duama gfae fagawayanun nusnga nday siginan at ngay foyungan, ay katsi, andasug stie sa tam furuan. 7Ay Asun nafasakbo duama sat bale. Kanya fagayu wa gfaning talun Ruma at fun at ngay faugali, ay glong te, e tiba yayk fun, at ngayan Isus.” 8Ay fagayu taw ay at ngay tagfangguna nu nadungug takatanya, wa manabayan at ngay amatanganan. 9Ay gina kafag ngay tagfangguna nafalfas Asun ay tiba yak tagafanud, naet famayad laman at famatuyan te, kanya ban fagayu wa gfasakbo ya Pablu ay Silas sat ngay bale, ay arodi nafalfas wan.
Pablu ay Silas sis Furuan Berea
10Ay ginanya yangay fag yabi, ngay tagafanud nasugu Pablu ay Silas sas furuan Berea. Ay duama nu ndasug sanya, nasakbo sa sangay taw Udyu at bale fakafulan. 11Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan. 12Ay nu katanya, ngayuk taw Udyu at nafanud sis furuan Berea, katap yangay sanya sik ngay mangena siginans Gresya at ke fanambagun sit furuan, ay anggan yangay sik ngay mangama Gresya at nafanud.
13Ngay taw Udyu sis Tesalunika nu nadungug te, Pablu gfoyung Dius at longan sis furuan Berea, kanya fagayu nalo sanya laman nanlong sanya fag ngay taw te, faurii Pablu. 14Nu katanya, sanya fag ngay tagafanud nataban Pablu sas tigyangan dagat, ay dewa katanya Silas ay Timuteu anfamato yay sis Berea. 15Ay at nanangufud Pablu nanangalo yay sitsigons furuan Atenas. Sanya ginan, at ngay nanangufud Pablu anfoli sas Berea laman namasaful sas Silas ay Timuteu Pablu at suguan te, “Dewa gina, guyani wa vtv angku.”
Pablu sis Furuan Atenas
16Kaduge Pablu gfanya Silas ay Timuteu sis Atenas, kanya nalag ngayuk fagsegan, ay kabalu maksvn. 17Ay galay Famiangalay fag Menit, kanya gsakbo sas taw Udyu at bale fakafulan laman gfakamatoan tagsanya fag ngay taw Udyu ay ngay taw Gresya tagseg Dius, ay nafakamatoan yangay nusnga sinu fag taw at nalag sis fagawean. 18Ay sanya e duak gaban taw takamoyung, laman gfabadbaboan Pablu. At fasadik gaban, Epikureu, at faduak gaban, Estuiku. Ay sanya tiba glong te, “Nataw manga kanya at ngay nalong yud e tungkul?” Ay tiba glong te, “Kanya kamoyung sa baliwa tibak fagsegan.” Ngay taw at fagnalongun katanya, aroro Pablu gfoyung sabaliwas Isus ay anggan nu gdog naleleg. 19Ay kanya fagayu nataban Pablu sa sik fagnangafulan tagsis buksul Areupagu ay nalong te, “Fayamagi sa emi am foyungan, 20aroro yami batang gdungug takatanya, ay kaylat ami nu gfasaful o sa emi at masuad.” 21Ngay taw Atenas, ay tibak talun at taw tagbanwan sanya, kaylat gugat gdungugan ay gkamatoan sabaliwa at bagu fag ngay foyungan.
22Ay Pablu anlindug sis wabilug ngay taw at maful sis Areupagu, ay kanya nalong te, “Ngay taw Atenas, nalag au te, fagdaul ay amatanganan gseg am ay ngay fagsegan. 2323 Aroro gina au gdalan si ay furuan, nadama au ay ngay fagsegan. Ay nalag kyangay sanya sik fagdaranginan ke rirukan te, ‘Sa sik yud e gtoglag fag fagsegan.’ Katsi gfoyung au sa ayu sabaliwa kafag fagsegan, ay fagyudun toglag.
24“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale, 25ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain. 26Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga. 27Dius nafakamulun takatanya laman ban fagayu taw grvbvy tua anya, bangaran kaduge gyakapan tumoglag tua anya. Ay at matuyan, Dius wa ngayayu sas galay antam at sadi. 28Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’
29“Dakngani itam wan at sisian, lag tam gamatangan te, Dius kata way sik awatan siginans gintu ay sanbung salapi ay gang, siginans taw at kamakatuan ay at amatanganan. 30Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan. 31Aroro Dius nafalganan wan sik menit laman nanginsaful taw at asalanan, siginan at nafili fag taw. Kanya nafatuyan takatanya sas fagayu taw siginan nu gfadog gfaleleg at nafili fag taw.”
32Ay kanya nu nadungug Pablu at longan sabaliwa nu gdog gfaleleg at ngay kinbul, tibak taw gfalingun anya, ay tibak taw glong te, “Kaylat yaymi gdog gdungugan emu sabaliwa takatatuy fag foyungan.” 33Ay Pablu nalo wan siginan at fagmafulan. 34Ay tibak taw gafanud ay nangalo anya. At sadi sanya fag ngay taw at ngayan, Diunisyu. Kanya sik fagtainan at maful sas buksul Areupagu. Ay at sadi sik mangena at ngayan Demaris, ay e tiba yayk taw.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2021 by OMF International, Philippines