1 Kurintu 5
5
Faurianan sa Tagasalanan
1At matuyan, andasug sa angku sik barita te, si ayu e gfanugtug, ay nu gfanugtug, gtungud yay at yud gafanud. Aroro si ayu at sadi naago at mama at bubay. 2Ay kamatungudun am takatanya fag fakamulun. Wam nangus kamatungudun, abat ngate, mabaluani way ay aiyani wan tagfakamulun takatanya. 3Dewa au yud sanya, sa ku amatanganan si kwa ayu. Ay nu katanya kata kyangay nu sanya au, ay aroro katanya, sa tam Fun Isus at ngayan nafatuyan kwa fia te, kanya fag taw sik tagasalanan. 4Ay kaduge am maful, amatangani te, ku amatanganan maful yangay si ayu. Ay sa tam Fun Isus at fagmabalyananun, 5foni wan kanya fag taw sas Satanas, laman at bilug umfaurianan, ay bangaran ban at falad umlangfe yay nu ndasug tam Fun at menit.
6Lag am kamatungudun. O yam nasaful sik longan te, dewa alay fag asalanan karapyag sas fagayu taw, kata sik famabia tinapay dewa alay way sirut karapyag sas fagdaul fangawat tinapay? 7Ukasi wan at dan fag famabia, at masuad, asalanan, laman wam e malong ya. Nu katanya, umkata am sik bagu fag tinapay at yud e famabia. Ay katanya wam fia, aroro tam Fun Isus nafon wan laman sik fanggalangun kata sik tupa riangan fag fanggalangun sabaliwa Tagbarita nu Glangfe. 8Amatangani gugat kanya fag fagmafulun, ay fakamuluni takatanya bunwa siginan ay fagmauriun, kata at ke famabia fag tinapay, nu bunway ugalii at masine ay at matuyan, kata sik tinapay at yud e famabia.
9Nariruk au sa ayu te, “Lag am gfadkaylatan tagfanugtug.” 10Ku longan at masuad, kwa glong te, lag gfadkaylatan yud gafanud fag ngay taw tagfanugtug, ay tagfanganuran ay tagfangkamul ay tagseg yud matuyan fag ngay fagsegan. Nu gsaruyan way am at yud gafanud tagfakamulun takatanya, at masine loi wan ste ginan swa daga. 11Ku longan fia te, lag am gfadkaylatan ya sik taw taglong te, “Gafanud au sa tam Fun Isus,” ay aroro mangaro gfanugtug way, ay gfanganuran, ay gseg at yud matuyan fag fagsegan, ay glong at mauri sat iba, ay gfanlanguan, ay gfangkamul. Lag am gfasfuan gfangon takatanya fag taw.
12Aroro bunwa au at ke fakamulun taginsaful at ngay yud gafanud te, o e asalanan. Am wan taginsaful sas Dius at furuan te, o e asalanan. 13Dius wan at nanginsaful sa sangay yud gafanud te, o e asalanan. Kata at Rirukan te,
“Aiyani wan at mauri fag taw siginan ayu.”#5:13 Deuterunumyu 13:5; 17:7; 19:19; 21:21; 22:21,24; 24:7.
Chwazi Kounye ya:
1 Kurintu 5: OCCT
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2021 by OMF International, Philippines
1 Kurintu 5
5
Faurianan sa Tagasalanan
1At matuyan, andasug sa angku sik barita te, si ayu e gfanugtug, ay nu gfanugtug, gtungud yay at yud gafanud. Aroro si ayu at sadi naago at mama at bubay. 2Ay kamatungudun am takatanya fag fakamulun. Wam nangus kamatungudun, abat ngate, mabaluani way ay aiyani wan tagfakamulun takatanya. 3Dewa au yud sanya, sa ku amatanganan si kwa ayu. Ay nu katanya kata kyangay nu sanya au, ay aroro katanya, sa tam Fun Isus at ngayan nafatuyan kwa fia te, kanya fag taw sik tagasalanan. 4Ay kaduge am maful, amatangani te, ku amatanganan maful yangay si ayu. Ay sa tam Fun Isus at fagmabalyananun, 5foni wan kanya fag taw sas Satanas, laman at bilug umfaurianan, ay bangaran ban at falad umlangfe yay nu ndasug tam Fun at menit.
6Lag am kamatungudun. O yam nasaful sik longan te, dewa alay fag asalanan karapyag sas fagayu taw, kata sik famabia tinapay dewa alay way sirut karapyag sas fagdaul fangawat tinapay? 7Ukasi wan at dan fag famabia, at masuad, asalanan, laman wam e malong ya. Nu katanya, umkata am sik bagu fag tinapay at yud e famabia. Ay katanya wam fia, aroro tam Fun Isus nafon wan laman sik fanggalangun kata sik tupa riangan fag fanggalangun sabaliwa Tagbarita nu Glangfe. 8Amatangani gugat kanya fag fagmafulun, ay fakamuluni takatanya bunwa siginan ay fagmauriun, kata at ke famabia fag tinapay, nu bunway ugalii at masine ay at matuyan, kata sik tinapay at yud e famabia.
9Nariruk au sa ayu te, “Lag am gfadkaylatan tagfanugtug.” 10Ku longan at masuad, kwa glong te, lag gfadkaylatan yud gafanud fag ngay taw tagfanugtug, ay tagfanganuran ay tagfangkamul ay tagseg yud matuyan fag ngay fagsegan. Nu gsaruyan way am at yud gafanud tagfakamulun takatanya, at masine loi wan ste ginan swa daga. 11Ku longan fia te, lag am gfadkaylatan ya sik taw taglong te, “Gafanud au sa tam Fun Isus,” ay aroro mangaro gfanugtug way, ay gfanganuran, ay gseg at yud matuyan fag fagsegan, ay glong at mauri sat iba, ay gfanlanguan, ay gfangkamul. Lag am gfasfuan gfangon takatanya fag taw.
12Aroro bunwa au at ke fakamulun taginsaful at ngay yud gafanud te, o e asalanan. Am wan taginsaful sas Dius at furuan te, o e asalanan. 13Dius wan at nanginsaful sa sangay yud gafanud te, o e asalanan. Kata at Rirukan te,
“Aiyani wan at mauri fag taw siginan ayu.”#5:13 Deuterunumyu 13:5; 17:7; 19:19; 21:21; 22:21,24; 24:7.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2021 by OMF International, Philippines