Rom 14
14
Hasiyun bi pagkahi bi ma yaꞌ basag pangando da
1Na kasohean pagkahi tabi yaꞌ gi sina basag pangando da ni si Isa.#(14.1) Siga jama ma awnan si Pol yaꞌ basag pangando da ni si Isa, tuwaꞌ pa jama ma bosbos mangasa ni si Isa man da initung intong, bosbos mangasa ni sangsāꞌ da mogbogan jinisan saraꞌ. Sugaꞌ san meꞌ looy, subay sila hasiyun bi bong sila luu palamud pa jawom baanan bi. Maka san luu pamiki da ma yaꞌ numan ningkaam, san daa na kam magjawap. 2Sawpama ni hāl mangan lawuk, kuwan jama ma basag pangando da, mangan sila oy-oy karomanan da, yaꞌ luu hinaram. Boꞌ sila ma yaꞌ basag pangando da, isu-isu utan-utanan kakan da. 3Na sagannap ma mangan oy-oy lawuk, subay yaꞌ diyoꞌ meꞌ da ngandaꞌ siga pagkahi da ma niyaꞌ mangan. Damikiyan, kuwan sila ma mangan utan-utanan sadjaꞌ, daa du baw sila manding pagkahi da pa kalaatan ma mangan oy-oy lawuk. Ndang-ndang saliꞌ-saliꞌ du sila tinimaꞌ meꞌ Tuhan.
4Ddong na kitabi nahawi siga pagkahi tabi ata Tuhan batan saꞌ kitabi Papuꞌ da. Papuꞌ da sa si Isa manding bong tuwaꞌ pabuwatan da atawa niyaꞌ. Maka iya sa nabangan sila supaya tuwaꞌ pabuwatan da.
5Na kasohean ina mista luu siga llaw mas mehe pa Tuhan man ga llaw kasohean. Boꞌ kasohean baw, meꞌ da mista, mimon llaw sibuꞌ du pa Tuhan. Na ni hāl meꞌ naa ina, subay bean ta mamooy numan ni pamiki ta saltaꞌ na yaꞌ nulang ni honaꞌ-honaꞌ ta. 6San ina siga pagkahi ta magsitingka llaw atawa niyaꞌ, saliꞌ-saliꞌ du maksud da maehe Tuhan. Damikiyan, sagannap ma yaꞌ ngaharam kasohean lawuk sampay ma ngaharam, saliꞌ-saliꞌ du maksud da maehe Tuhan. Maka saliꞌ-saliꞌ du sila muwan pagsukuhan pa Tuhan ni lawuk da. 7Kitabi itu saliꞌ-saliꞌ du sukuꞌ Papuꞌ. Sangkon kaallum-kapatoy tabi, kahandak Papuꞌ jaꞌ sulut tabi, saꞌ ga dī tabi. 8Batan maksud tabi itu llum atawa matoy supaya Papuꞌ koleꞌ kabantugan njataꞌ tabi. Sangkon, kaallum-kapatoy tabi, basta sukuꞌ Papuꞌ du kitabi. 9Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum. 10Sangkon ddong na kitabi nahawi mbuwaꞌ danganakan tabi sukuꞌ si Isa. Yaꞌ sikatuwaꞌ bong diyoꞌ meꞌ tabi ngandaꞌ sila. Indanan bi. Luu sina mintu masa tabi sikamimon siawop ka Tuhan hinukum. 11Boꞌ magbēꞌ du silay ka suwat njawom kitab, ilooy ma yuk Tuhan,
“Meꞌ aku Papuꞌ llum saumu-umu, basta luu jaꞌ sina mintu masa manusiyaꞌ labbasakayi nujud aku sampay mangaku bana-bana aku Tuhan.”#(14.11) Kitab Nabi Isaya 45.23 maka Pilipi 2.10-11.
12Na ni waktu looy ilay mintu, saliꞌ-saliꞌ na kitabi siawop ka Tuhan magsabanna pasal mimon ma bay pabuwat tabi.
13Sangkon, pagka luu du Tuhan manding sikamimon, ddong na kita manding pagkahi ta pa kalaatan. Arapun inaa ya bintusan ta njawom atay ta meꞌ ta ngilagan siga pabuwatan ma kanna pagkahi ta tagga pa Tuhan. Yaꞌ kita doman siga danganakan ta taboo-boo buwat ilooy ma dusa ninsila. 14Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na. 15Sarī gi, bong ina mbuwaꞌ danganakan ta bay ngita kita mangan lawuk ma kanna na haram, mastiꞌ lingog jaꞌ kōk na. Dari bong ya mangan sabapan ta san nulang ni honaꞌ-honaꞌ na, tumatandaꞌ yaꞌ luu aseꞌ ta niiya. Intomun bi, iya ina hagaan ni Almasi, batan atas Almasi bay nongan umu na bong pin salamat jaꞌ ya. Sangkon, yaꞌ sikatuwaꞌ bong mintu pangando danganakan ta binasa sabap meꞌ ta bay mangan lawuk yaꞌ biddaꞌ ni awpan na. 16Sangkon oy-oy pabuwatan ma kanna danganakan tabi maat, daa na pabuwat tabi, san katoonan tabi yaꞌ luu kalaatan na. Ilooy ilagan tabi taggahaꞌ binitsala na baw pabuwatan tabi pa kalaatan. 17Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ. 18Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.
19Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan. 20Daa langkat tabi kaayaran ma pabuwat Tuhan njawom atay pagkahi tabi sat ga sabap lawuk. Bana na, yaꞌ sina luu lawuk haram. Sugaꞌ saꞌ sina aseꞌ bong kitabi mangan yaꞌ biddaꞌ ni pag-awpan siga danganakan tabi ma mista haram lawuk tabi. Ilooy ilagan tabi taggahaꞌ kitabi na baw dari poonan man da ndusa bong sila mmeꞌ na pin mangan ilooy ma kanna da haram. 21Sangkon, bong inawnan mangan lawuk, nginum tubaꞌ anggul, atawa buwat oy maka oy na, bong gantaꞌ man danganakan tabi ndusa, gam na yaꞌ pabuwat tabi.
22Dari oy-oy pamiki bi pasal ilooy ma bay sabbut ku siꞌ, sukup kaam na jaꞌ ka Tuhan tau. Tud gāk sina kitabi bong katoonan tabi na kabanahan maka bong tatantu tabi tuwaꞌ pabuwatan tabi. 23Sugaꞌ bong jama hawal-hawalan pasal lawuk na, malaingkan dapat dusa ya bong ya mangan. Kon na ilay meꞌ looy sabap oy-oy pabuwatan pangissahan ta yaꞌ tuwaꞌ, boꞌ darahan ta lagi, dari dusa ningkita batan yaꞌ kita bay ngasip ni honaꞌ-honaꞌ ta.
Chwazi Kounye ya:
Rom 14: sjm
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2021, Wycliffe Bible Translators, Inc. All rights reserved.
Rom 14
14
Hasiyun bi pagkahi bi ma yaꞌ basag pangando da
1Na kasohean pagkahi tabi yaꞌ gi sina basag pangando da ni si Isa.#(14.1) Siga jama ma awnan si Pol yaꞌ basag pangando da ni si Isa, tuwaꞌ pa jama ma bosbos mangasa ni si Isa man da initung intong, bosbos mangasa ni sangsāꞌ da mogbogan jinisan saraꞌ. Sugaꞌ san meꞌ looy, subay sila hasiyun bi bong sila luu palamud pa jawom baanan bi. Maka san luu pamiki da ma yaꞌ numan ningkaam, san daa na kam magjawap. 2Sawpama ni hāl mangan lawuk, kuwan jama ma basag pangando da, mangan sila oy-oy karomanan da, yaꞌ luu hinaram. Boꞌ sila ma yaꞌ basag pangando da, isu-isu utan-utanan kakan da. 3Na sagannap ma mangan oy-oy lawuk, subay yaꞌ diyoꞌ meꞌ da ngandaꞌ siga pagkahi da ma niyaꞌ mangan. Damikiyan, kuwan sila ma mangan utan-utanan sadjaꞌ, daa du baw sila manding pagkahi da pa kalaatan ma mangan oy-oy lawuk. Ndang-ndang saliꞌ-saliꞌ du sila tinimaꞌ meꞌ Tuhan.
4Ddong na kitabi nahawi siga pagkahi tabi ata Tuhan batan saꞌ kitabi Papuꞌ da. Papuꞌ da sa si Isa manding bong tuwaꞌ pabuwatan da atawa niyaꞌ. Maka iya sa nabangan sila supaya tuwaꞌ pabuwatan da.
5Na kasohean ina mista luu siga llaw mas mehe pa Tuhan man ga llaw kasohean. Boꞌ kasohean baw, meꞌ da mista, mimon llaw sibuꞌ du pa Tuhan. Na ni hāl meꞌ naa ina, subay bean ta mamooy numan ni pamiki ta saltaꞌ na yaꞌ nulang ni honaꞌ-honaꞌ ta. 6San ina siga pagkahi ta magsitingka llaw atawa niyaꞌ, saliꞌ-saliꞌ du maksud da maehe Tuhan. Damikiyan, sagannap ma yaꞌ ngaharam kasohean lawuk sampay ma ngaharam, saliꞌ-saliꞌ du maksud da maehe Tuhan. Maka saliꞌ-saliꞌ du sila muwan pagsukuhan pa Tuhan ni lawuk da. 7Kitabi itu saliꞌ-saliꞌ du sukuꞌ Papuꞌ. Sangkon kaallum-kapatoy tabi, kahandak Papuꞌ jaꞌ sulut tabi, saꞌ ga dī tabi. 8Batan maksud tabi itu llum atawa matoy supaya Papuꞌ koleꞌ kabantugan njataꞌ tabi. Sangkon, kaallum-kapatoy tabi, basta sukuꞌ Papuꞌ du kitabi. 9Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum. 10Sangkon ddong na kitabi nahawi mbuwaꞌ danganakan tabi sukuꞌ si Isa. Yaꞌ sikatuwaꞌ bong diyoꞌ meꞌ tabi ngandaꞌ sila. Indanan bi. Luu sina mintu masa tabi sikamimon siawop ka Tuhan hinukum. 11Boꞌ magbēꞌ du silay ka suwat njawom kitab, ilooy ma yuk Tuhan,
“Meꞌ aku Papuꞌ llum saumu-umu, basta luu jaꞌ sina mintu masa manusiyaꞌ labbasakayi nujud aku sampay mangaku bana-bana aku Tuhan.”#(14.11) Kitab Nabi Isaya 45.23 maka Pilipi 2.10-11.
12Na ni waktu looy ilay mintu, saliꞌ-saliꞌ na kitabi siawop ka Tuhan magsabanna pasal mimon ma bay pabuwat tabi.
13Sangkon, pagka luu du Tuhan manding sikamimon, ddong na kita manding pagkahi ta pa kalaatan. Arapun inaa ya bintusan ta njawom atay ta meꞌ ta ngilagan siga pabuwatan ma kanna pagkahi ta tagga pa Tuhan. Yaꞌ kita doman siga danganakan ta taboo-boo buwat ilooy ma dusa ninsila. 14Kamasaꞌ meꞌ aku itu disu jama tibuuk ka Papuꞌ Isa, basta katoonan ku baw tu, yaꞌ luu lawuk hinaram meꞌ Tuhan. Sugaꞌ bong baw luu pagkahi tabi mista luu lawuk haram niiya, malaingkan subay yaꞌ kakan na. Bong ilay ya bay mangan, dari dusa niiya batan nulang ni honaꞌ-honaꞌ na. 15Sarī gi, bong ina mbuwaꞌ danganakan ta bay ngita kita mangan lawuk ma kanna na haram, mastiꞌ lingog jaꞌ kōk na. Dari bong ya mangan sabapan ta san nulang ni honaꞌ-honaꞌ na, tumatandaꞌ yaꞌ luu aseꞌ ta niiya. Intomun bi, iya ina hagaan ni Almasi, batan atas Almasi bay nongan umu na bong pin salamat jaꞌ ya. Sangkon, yaꞌ sikatuwaꞌ bong mintu pangando danganakan ta binasa sabap meꞌ ta bay mangan lawuk yaꞌ biddaꞌ ni awpan na. 16Sangkon oy-oy pabuwatan ma kanna danganakan tabi maat, daa na pabuwat tabi, san katoonan tabi yaꞌ luu kalaatan na. Ilooy ilagan tabi taggahaꞌ binitsala na baw pabuwatan tabi pa kalaatan. 17Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ. 18Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.
19Sangkon, pagbuli-bulihan bi meꞌ bi wā njawom kasalassayan ka siga pagkahi bi. Maka sipaintom-paintom kam supaya pataggu na pin iman bi dambaanan. 20Daa langkat tabi kaayaran ma pabuwat Tuhan njawom atay pagkahi tabi sat ga sabap lawuk. Bana na, yaꞌ sina luu lawuk haram. Sugaꞌ saꞌ sina aseꞌ bong kitabi mangan yaꞌ biddaꞌ ni pag-awpan siga danganakan tabi ma mista haram lawuk tabi. Ilooy ilagan tabi taggahaꞌ kitabi na baw dari poonan man da ndusa bong sila mmeꞌ na pin mangan ilooy ma kanna da haram. 21Sangkon, bong inawnan mangan lawuk, nginum tubaꞌ anggul, atawa buwat oy maka oy na, bong gantaꞌ man danganakan tabi ndusa, gam na yaꞌ pabuwat tabi.
22Dari oy-oy pamiki bi pasal ilooy ma bay sabbut ku siꞌ, sukup kaam na jaꞌ ka Tuhan tau. Tud gāk sina kitabi bong katoonan tabi na kabanahan maka bong tatantu tabi tuwaꞌ pabuwatan tabi. 23Sugaꞌ bong jama hawal-hawalan pasal lawuk na, malaingkan dapat dusa ya bong ya mangan. Kon na ilay meꞌ looy sabap oy-oy pabuwatan pangissahan ta yaꞌ tuwaꞌ, boꞌ darahan ta lagi, dari dusa ningkita batan yaꞌ kita bay ngasip ni honaꞌ-honaꞌ ta.
Chwazi Kounye ya:
:
Pati Souliye
Kopye
Konpare
Pataje
Ou vle gen souliye ou yo sere sou tout aparèy ou yo? Enskri oswa konekte
© 2021, Wycliffe Bible Translators, Inc. All rights reserved.