लूका हेंद-पेचाण

हेंद-पेचाण

लूका को लिक्यो तको हव हमच्यार लूका को लिक्यो तको हव हमच्यार ईसू ने इजराएल का वाते मुगतीदाता अन हाराई मनक जात का मुगतीदाता का रूप में बताया ग्या हे। लूको लिके हे, “कंगाळा ने हव हमच्यार हुणाबा का वाते” परबू की आत्मा बलाया हा। अणीस वाते यो हव हमच्यार नरी तरियाँ की दुक में पड़्या तका मनकाँ की चन्ताऊँ भरियो तको पड़्यो हे। लूका को लिक्यो तको हव हमच्यार में आणन्द का भाव की खास जगाँ हे। खासतोरऊँ सरू का पाटा में, ज्यामें ईसू का आबा की घोसणा किदी गी हे। अन अंत में भी जटे ईसू हरग में जाबा को बखाण हे। ईसू के हरग में जाया का केड़े मसी विस्वास को विकास को बखाण अणी लेकक को “थरप्या तका काम” नाम की किताब में दिदो ग्यो हे। दूजाँ अन छटा भाग में किदी तकी बाताँ बेस अणी हव हमच्यार मेंईस हे। जस्यान के, ईसू का जनम वेबा पे हरग-दुताँ को गान, गवाळ्याँ मनकाँ को ईसू ने देकबा जाणो, यरूसलेम का मन्दर में बाळक ईसू, अन दयाळू सामरी अन उड़ाऊ बेटा की केणी। पूरा हव हमच्यार में परातना, पुवितर आत्मा, ईसू की सेवा में लुगायाँ की भागेदारी, अन परमेसर को पाप की मापी पे घणो जोर दिदो ग्यो हे।

रूप-रेखा

हेंद-पेचाण 1:1–4

यहुन्ना बतिस्मो देबावाळो अन ईसू को जनम अन बाळकपणो 1:5—2:52

यहुन्ना बतिस्मा देबावाळा की सेवा 3:1–20

ईसू को बतिस्मो अन परिकसा 3:21—4:13

गलील में ईसू की सेवा 4:14—9:50

गलीलऊँ यरूसलेम तईं की यातरा 9:51—19:27

यरूसलेम में आकरी हपतो 19:28—23:56

परबू को पाछो जीवतो वेणो, दिकई देणो अन हरग में जाणो 24:1–53

Chwazi Kounye ya:

लूका हेंद-पेचाण: एम टी आर

Pati Souliye

Pataje

Kopye

Ou vle gen souliye ou yo sere sou tout aparèy ou yo? Enskri oswa konekte

Aprann plis bagay sou नुवो नेम (मेवड़ी नया नियम)