Roma 8
8
Hiyo atene nnafwanyeya muwari mwa Kiristu kaninna mulandu
1Peno atu atene anafwanyeya muwari mwa Yesu Kiristu#8:1 muwari mwa Yesu Kiristu ku wonga zela ona wa Nabwiya Mulugu, atu omuroromela Yesu anafwanyeya vamohi na Kiristu, muUmweneni mmohive eto anafwanyeya nikuru nimohive. Muwari mwa Kiristu ku wonga Mulugu aaona atu atene omuroromela Yesu, kohomala gumanihiwa vamohi na Kiristu. kinna mulandu uli watene.#8:1 MaBibiliya amohiwa anawonga ira: Peno atu atene anafwanyeya muwari mwa Yesu Kiristu, anno kahanawenda mwa maningo mbwenye anawenda mwa Munemba, kinna mulandu uli watene. 2Tchoira hiyo muwari mokala muwari mwa Yesu Kiristu, malamulo ozela Munemba wa ingumi kohonikutcha mwa malamulo a jotega na ukwa.#8:2 malamulo ozela Munemba wa ingumi kohonikutcha mwa malamulo a jotega na ukwa: Ku wonga muwari mwa Munemba Otchena, ule ubaliwe fendo yanembinli uvahiwe kopolo dixa ira ahawendegenave jotega na ukwa wawendana liye wanle.
3-4Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.
5Tchoira ale anawenda na maningo, joumbuwela jiwa jinalimbela pandi ya jofuna ja maningo. Mbwenye ale anawenda na Munemba, joumbuwela jiwa jinalimbela pandi ya jofuna ja Munemba. 6Ale analimbela jofuna ja maningo, goma uwa ku ukwa. Ale analimbela jofuna ja Munemba, anagomela kana ingumi na murendele. 7Tchoira ale analimbela jofuna ja maningo anamuida Mulugu. Atu anno kinavwelela malamulo a Mulugu, tchoira kinawanda. 8Nona ale anawenda na jofuna ja maningo kiza eto kairana yengo yomuziveliha Mulugu. 9Mbwenye akala Munemba wa Mulugu uli mmirimani mwawo, weyo kuli mutu owenda na kopolo da maningo. Uli mutu owenda na kopolo da Munemba. Eto ule ahanna Munemba wa Kiristu, Mulugu amuona, kahi waye.
10Maningo anna hiyo bokwene na mwasa wa jotega jehu. Mbwenye voira Kiristu uli mmirimani mwehu, muzimu unna hiyo ukana ingumi. Nihikana ingumi mmuzimuni mwehu mwasiwa Mulugu aniona, unaniona nnga nili apama vamentoni vaye.#8:10 Owu hehi Masiki maningo awo kakale okwene na mwasa wa jotega jawo, Munemba uhuuvaha ingumi mwasiwa weyo uli wapama.
11Voira Munemba wa Mulugu wenno amuvenyihile Yesu mokwani uli mmirimani mwehu, hiyo nakwa, Mulugu mmohive amuvenyihile Yesu Kiristu mokwani unoza avenyihe mokwani maningo ehu okwene ala muwari mwa Munemba wenno uli mmirimani mwehu.
Inafwanela niiregena jofuna ja Munemba Otchena hiya jofuna ja maningo
12Nona abalaga nihikana mangawa ira niiregena jofuna ja Munemba. Mbwenye mangawa ninna hiyo kahi mangawa ira niwendegena jofuna ja maningo. 13Tchoira ule unawenda na jofuna ja maningo unokwa.#Galasiya 6:8 Mbwenye ule unakwiha jofuna ja maningo muwari mwa Munemba, liye kanakwa. Unokana ingumi.#8:13 ule unakwiha jofuna ja maningo muwari mwa Munemba, liye kanakwa: Ku wonga wenno ahanna Munemba Otchena kanawanda hiya jotega jaye. Nona mutu unoroma vulusiwa, liye vahiwa Munemba Otchena, amala unokana kopolo doirana japama. Mbwenye kuli irana upama wahanavulusiwe mwasiwa kunakayena Munemba Otchena. (Efezo 2:8-10) Mazwala eto anoniwandela ira mutu agavulusiwe ira awande gondjiha jofuna ja maningo, kanawanda mwa kopolo daye eka mbwenye muwari mwa kopolo da Munemba Otchena. 14Tchoira atu atene osogolrelriwa na Munemba wa Mulugu banafwanyeya kagali ahima a Mulugu aye.
15Tchoira Munemba Otchena nimuwatchenle hiyo kahi munemba oira unonioviha no ova wanna hiyo muuzarini mwehu. Munemba Otchena nimutambinlre hiyo gu Munemba onibeheda nnga ahimaye.#8:15 Munemba onibeheda nnga ahimaye: Beheda unawongiwa va unatapulela ira mutu ahanavulusiwe, uli muibalini mwa Satana. (Juwawu 8:44) Mbwenye ora inavulusiwa mutu, Mulugu unomukumihamo muibalini mwa Satana, liye muhela muibalini mwaye. (Juwawu 1:12; Koloso 1:13) Muwari mwa Munemba, hiyo nnomuitana Mulugu: <<Aba! Baba!>>#8:15 Aba! Baba! Ku wonga Papa! Baba! 16Munemba mwinnya gunahidedela umboni mmirimani mwehu ira hiyo niiziwe ira nili ahima a Mulugu.
Upama wehu unazela muwari mwa goyi nnafuna hiyo kana
17Muwari mokala ana Mulugu, hiyo nnoza nivahiwe upama unna Mulugu. Nnafuna nigane upama wenno Kiristu uvahiwe liye. Ira nivahiwe upama, unazela muwari mwa goyi nnaona hiyo, malringana nionihiwe goyi nnga goyi daonihiwe Yesu ira vasogolro nize nititimihiwe vamohi na liye. 18Daira diumbuwele upama unafuna kuma muwari mwa goyi da malambwala, miyo nnoona ira goyi nnaona hiyo malambwala kahi yengo. Goyi nnaona hiyo dihiyana na upama Mulugu unafuna liye za nioniha sogolro.
Mulugu vasogolro unoza atchindje jatene jopandutchiwa ira jikale pama akoka
19Vasogolro Mulugu ukana tempu inafuna liye aaoneyihe ahimaye#8:19 Mulugu ukana tempu inafuna liye aaoneyihe ahimaye: Tapulela ira tempu ili hiyo ila, atu atene anawenda nnga mpingo mmohive. So Mulugu gunaona kada mutu vaimenle liye. Mbwenye vasogolro Mulugu unoza aaoneyihe ahimaye. Ku wonga Mulugu unaaoniha atu ira: <<Anaga bavi? Ba ala.>> Tchi ora imohive inafuna liye atambilriha ahimaye na upama umohive unna Yesu Kiristu. ira iiziweye ira ahima a Mulugu ba ala. Eto fwanyeya ira jatene jopandutchiwa#8:19 jopandutchiwa jinawongiwa ti jengo jatene jinaoneya mwilamboni ya vati nnga mitengo, mwango, anavinyama, jalo, vamohi na jengo jimohi jiwa. jinnana ing'anela zela tempu inaza Mulugu aaoneyihe ahimaye. 20Tchoira Mulugu aza aaoneyiha ahimaye, tchi tempu imohive inafuna liye za tchindja jatene jopandutchiwa. Wanle Mulugu ohotonga jatene jopandutchiwa ira jionihiwe goyi.#8:20 Wanle Mulugu ohotonga jatene jopandutchiwa ira jionihiwe goyi mazu anno anawonga zela tempu yategile Adawu na Eva. Tchoira nnovwa voroma vene atu kahanatege, jatene jali pama. Mbwenye varomile atu tega, pa evo vazile ukwa no tembelrelreya ilambo ya vati. Tchoira Adawu na Eva muwari mokala ambwiye a jatene, vagwile atu, jatene jatonga atu johogwa. Jengo jopandutchiwa kajasakunlre oka ira jikayena goyi mbwenye ali funa wa Mulugu modediha ira: 21<<Malambwala jatene jopandutchiwa jihikana goyi. Mbwenye vasogolro miyo nnoza disakanye ira jengo jatene jopandutchiwa jihiye makalelo ovunda a malambwala.>> Mulugu aza atchindja jatene, pa evale vanafuna jatene jopandutchiwa jipwaseye na upama wenno unafuna ahima a Mulugu kakayena.
22Tchoira hiyo nihiiziwa ira jatene jopandutchiwa na vanove jinodumbela nnga muhiyana afunaga bala. 23Eto kahi jopandutchiwave jinadumbela. Na hiyene atu olawiha japama ja Munemba, ninnana dumbela mmirimani mwehu niing'anelaga behediwa nnga ahima. Behediwa wewo ku womboliwa maningwihu.#8:23 behediwa nnga ahima: Beheda unawongiwa zela womboliwa maningwihu tapulela ira Mulugu ukana tempu inaza ira ahimaye kawendege na liye, kamuonege kove na kove. Tchoira tempu ili hiyo ila atu omuroromela Yesu ba ahima a Mulugu (Juwawu 1:12) mbwenye inakala nnga anakala ilambo imohiwene olapela wene na babiwa. Mbwenye yoing'anela ya mutu omuroromela Yesu ili ira avahiwe maningo maxa (1 Korinto 15:50-53), akalege vamohi na Mulugu vande vamohive. (Jowandeliwa 21:3)
24Tchoira kuma vavulusiwe hiyo, nnadedihave ira maningwihu ala kaze kawomboliwe. Fwanyeya ira dediha yengo inaona we, kahi dediheda. Tchoira kalivo unadediha yengo inna liye. 25Akala hiyo ninnave dediha yengo yahanaona hiyo, ku wonga ira nnadediha muwari movilela.
26Vamohive vevo muwari modediha, Munemba unonikamiheda hiyo tempu inavuta hiyo. Tchoira vamohi vuwa hiyo kannaiziwa pama makalelo ofwanelela ira hiyo nilobele mbwenye ora yenno Munemba unokala vari va hiyo na Mulugu, anilobelelaga, adumbelaga na makalelo ohoiziweya, anno uiziwile liye ekave.#8:26 Zela Munemba Otchena adumbelaga na makalelo ohoiziweya, anno uiziwile liye ekave: Sawasawa nnga makalelo anadumbela jopandutchiwa jatene (Roma 8:22) eto sawasawa nnga dumbela unakana atu omuroromela Yesu (Roma 8:23), Munemba Otchena na liyene unokana dumbela. Tchoira liye unodumbela anilobelelaga vamentoni va Mulugu movweyiha pama malobelo ehu. Ku wonga Munemba Otchena kananilobelela molramwisa mbwenye unanilobelela na mmirimani mwaye mwatene. 27Mulugu wenno unaiziwa jinafwanyeya mmirimani mwa kada mutu, unoiziwa joumbuwela ja Munemba. Tchoira Munemba wenno unanilobelela vari va hiyo atu otchenihiwa na Mulugu, unalobela nnga mwemo munafunela Mulugu.
Jatene jinaireya jinokana mpindu zela atu anne anamuziveliwa Mulugu
28Hiyo nihiiziwa ira jatene jinaireya, Mulugu unosakanya ira jiwande awendela pama atu anne anamuzivela Mulugu eto anno uaitanne liye mofuna mwaye. 29Tchoira ale aasakunlre Mulugu wanle, banno aafunnena liye ira katukule makalelo a Mwanaye Yesu ira Yesu akale Mwana Murandji, aakayena abalaye oindjiva owenda na makalelo aye. 30Ale aafunne Mulugu ira katukule makalelo a Mwanaye, banno aaitanile liye. Ale aaitanile liye, banno aakalihile liye apama. Ale aakalihile liye apama, banno aatitimihile liye.
31Kodi nnafuna niwonge avi muwari mwa jatene eji? Akala Mulugu gunanisogolrelra, kodi bani unafuna nigondjiha? 32Tchoira Mulugu kamupoparile Mwanaye. Amurumile Mwanaye Yesu ira aze apiwe ira hiyo nikale pama. Akala Mulugu univahile Mwanaye Yesu ira nikale pama, kodi agamanle nivaha Yesu, Mulugu na sayi daye kananivaha jengo jili jatene? Unonivaha. 33Kodi mutu guvi unawanda musumela mutu umusakunlre Mulugu? Kalivo.#8:33 mutu guvi unawanda musumela mutu umusakunlre Mulugu? Mazwala kinawonga ira mutu asakulriwa na Mulugu kanasumululiwa. So anawonga liye kanasumeliwa vamentoni va Mulugu. Ku wonga wenno unafwanyeya muwari mwa Yesu Kiristu, wenno uleveleliwe kanawanda sumeliwa vamentoni va Mulugu mwasiwa mulandu waye umala. Mbwenye mutu atega, inafwanela asumululiwe. (Matewuji 18:15-17; Galasiya 2:11-14; 6:1) Tchoira Mulugu gunamukaliha wapama. 34Nnga kodi bani unafuna mmanga mulandu? Kalivo. Mwasiwa Yesu Kiristu wenno akwile eto avenyihiwa mokwani, gunanilobelela vari va hiyo na Mulugu. Liye unafwanyeya agali muwononi odjana wa Mulugu.
Kilivo yengo inawanda nimwalaniha no niziveliwa wa Kiristu
35Kodi mutu guvi unafuna nimwalaniha hiyo no nizivela wa Kiristu? Kodi segedeya nari zuzumihiwa nari harahariwa nari ndala nari usiwa nari jowopiha nari piwa na supada, kodi ejo jinowanda nimwalaniha no nizivela wa Kiristu? Nari. 36Inakala nnga mazu kalrembiwe wanle oira:
<<Nabwiya, hiyo ninnana piwa malambo matene zela nzina nenyu. Ananiwesa nnga nili mabila ofwanela piwa.>> #
Salmu 44:22
37Mbwenye muwari mwa jabure jatene eji, hiyo ninnana gondjiha eto nihikwaranya vogondjiha, muwari mwa wenno unizivenle. 38Mwasiwa miyo dihikana ibaribari ira kilivo yengo ili yatene inawanda nimwalaniha hiyo no nizivela wa Mulugu. Nne ukwa, nne ingumi, nne angelro, nne minemba dabure, nne jengo ja tempu ili hiyo ila, nne jengo ja tempu inafuna za, nne kopolo dili datene, 39nne gwela zulu, nne masiki dowa vati, masiki yengo ili yatene inafwanyeya mwatene mwene mupandutchile Mulugu, kilivo yengo ili yatene inawanda nimwalaniha hiyo no niziveliwa wa Mulugu, wewo unafwanyeya muwari mwa Nabwiya wehu Yesu Kiristu.
Chwazi Kounye ya:
Roma 8: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Roma 8
8
Hiyo atene nnafwanyeya muwari mwa Kiristu kaninna mulandu
1Peno atu atene anafwanyeya muwari mwa Yesu Kiristu#8:1 muwari mwa Yesu Kiristu ku wonga zela ona wa Nabwiya Mulugu, atu omuroromela Yesu anafwanyeya vamohi na Kiristu, muUmweneni mmohive eto anafwanyeya nikuru nimohive. Muwari mwa Kiristu ku wonga Mulugu aaona atu atene omuroromela Yesu, kohomala gumanihiwa vamohi na Kiristu. kinna mulandu uli watene.#8:1 MaBibiliya amohiwa anawonga ira: Peno atu atene anafwanyeya muwari mwa Yesu Kiristu, anno kahanawenda mwa maningo mbwenye anawenda mwa Munemba, kinna mulandu uli watene. 2Tchoira hiyo muwari mokala muwari mwa Yesu Kiristu, malamulo ozela Munemba wa ingumi kohonikutcha mwa malamulo a jotega na ukwa.#8:2 malamulo ozela Munemba wa ingumi kohonikutcha mwa malamulo a jotega na ukwa: Ku wonga muwari mwa Munemba Otchena, ule ubaliwe fendo yanembinli uvahiwe kopolo dixa ira ahawendegenave jotega na ukwa wawendana liye wanle.
3-4Tchoira Mulugu ohoirana yenno malamulo yahawandile atu irana. Malamulo tchawanda gondjiha jofuna jehu ja maningo ira hiyo niwandege irana joira japama. Mulugu mbwenye ohomuruma Mwanaye na maningo nnga mutu otega ira awatchele mmaningoni mwaye tongiwa wafuna hiyo tongiwa zela jotega jehu ira hiyo niiregena jengo japama jinafwanyeya mmalamuloni muwari mwa Munemba. Ale anawenda na maningo kinawanda irana jengo japama jinafwanyeya mmalamuloni. Anawanda irana gu hiyo atu owenda na Munemba.
5Tchoira ale anawenda na maningo, joumbuwela jiwa jinalimbela pandi ya jofuna ja maningo. Mbwenye ale anawenda na Munemba, joumbuwela jiwa jinalimbela pandi ya jofuna ja Munemba. 6Ale analimbela jofuna ja maningo, goma uwa ku ukwa. Ale analimbela jofuna ja Munemba, anagomela kana ingumi na murendele. 7Tchoira ale analimbela jofuna ja maningo anamuida Mulugu. Atu anno kinavwelela malamulo a Mulugu, tchoira kinawanda. 8Nona ale anawenda na jofuna ja maningo kiza eto kairana yengo yomuziveliha Mulugu. 9Mbwenye akala Munemba wa Mulugu uli mmirimani mwawo, weyo kuli mutu owenda na kopolo da maningo. Uli mutu owenda na kopolo da Munemba. Eto ule ahanna Munemba wa Kiristu, Mulugu amuona, kahi waye.
10Maningo anna hiyo bokwene na mwasa wa jotega jehu. Mbwenye voira Kiristu uli mmirimani mwehu, muzimu unna hiyo ukana ingumi. Nihikana ingumi mmuzimuni mwehu mwasiwa Mulugu aniona, unaniona nnga nili apama vamentoni vaye.#8:10 Owu hehi Masiki maningo awo kakale okwene na mwasa wa jotega jawo, Munemba uhuuvaha ingumi mwasiwa weyo uli wapama.
11Voira Munemba wa Mulugu wenno amuvenyihile Yesu mokwani uli mmirimani mwehu, hiyo nakwa, Mulugu mmohive amuvenyihile Yesu Kiristu mokwani unoza avenyihe mokwani maningo ehu okwene ala muwari mwa Munemba wenno uli mmirimani mwehu.
Inafwanela niiregena jofuna ja Munemba Otchena hiya jofuna ja maningo
12Nona abalaga nihikana mangawa ira niiregena jofuna ja Munemba. Mbwenye mangawa ninna hiyo kahi mangawa ira niwendegena jofuna ja maningo. 13Tchoira ule unawenda na jofuna ja maningo unokwa.#Galasiya 6:8 Mbwenye ule unakwiha jofuna ja maningo muwari mwa Munemba, liye kanakwa. Unokana ingumi.#8:13 ule unakwiha jofuna ja maningo muwari mwa Munemba, liye kanakwa: Ku wonga wenno ahanna Munemba Otchena kanawanda hiya jotega jaye. Nona mutu unoroma vulusiwa, liye vahiwa Munemba Otchena, amala unokana kopolo doirana japama. Mbwenye kuli irana upama wahanavulusiwe mwasiwa kunakayena Munemba Otchena. (Efezo 2:8-10) Mazwala eto anoniwandela ira mutu agavulusiwe ira awande gondjiha jofuna ja maningo, kanawanda mwa kopolo daye eka mbwenye muwari mwa kopolo da Munemba Otchena. 14Tchoira atu atene osogolrelriwa na Munemba wa Mulugu banafwanyeya kagali ahima a Mulugu aye.
15Tchoira Munemba Otchena nimuwatchenle hiyo kahi munemba oira unonioviha no ova wanna hiyo muuzarini mwehu. Munemba Otchena nimutambinlre hiyo gu Munemba onibeheda nnga ahimaye.#8:15 Munemba onibeheda nnga ahimaye: Beheda unawongiwa va unatapulela ira mutu ahanavulusiwe, uli muibalini mwa Satana. (Juwawu 8:44) Mbwenye ora inavulusiwa mutu, Mulugu unomukumihamo muibalini mwa Satana, liye muhela muibalini mwaye. (Juwawu 1:12; Koloso 1:13) Muwari mwa Munemba, hiyo nnomuitana Mulugu: <<Aba! Baba!>>#8:15 Aba! Baba! Ku wonga Papa! Baba! 16Munemba mwinnya gunahidedela umboni mmirimani mwehu ira hiyo niiziwe ira nili ahima a Mulugu.
Upama wehu unazela muwari mwa goyi nnafuna hiyo kana
17Muwari mokala ana Mulugu, hiyo nnoza nivahiwe upama unna Mulugu. Nnafuna nigane upama wenno Kiristu uvahiwe liye. Ira nivahiwe upama, unazela muwari mwa goyi nnaona hiyo, malringana nionihiwe goyi nnga goyi daonihiwe Yesu ira vasogolro nize nititimihiwe vamohi na liye. 18Daira diumbuwele upama unafuna kuma muwari mwa goyi da malambwala, miyo nnoona ira goyi nnaona hiyo malambwala kahi yengo. Goyi nnaona hiyo dihiyana na upama Mulugu unafuna liye za nioniha sogolro.
Mulugu vasogolro unoza atchindje jatene jopandutchiwa ira jikale pama akoka
19Vasogolro Mulugu ukana tempu inafuna liye aaoneyihe ahimaye#8:19 Mulugu ukana tempu inafuna liye aaoneyihe ahimaye: Tapulela ira tempu ili hiyo ila, atu atene anawenda nnga mpingo mmohive. So Mulugu gunaona kada mutu vaimenle liye. Mbwenye vasogolro Mulugu unoza aaoneyihe ahimaye. Ku wonga Mulugu unaaoniha atu ira: <<Anaga bavi? Ba ala.>> Tchi ora imohive inafuna liye atambilriha ahimaye na upama umohive unna Yesu Kiristu. ira iiziweye ira ahima a Mulugu ba ala. Eto fwanyeya ira jatene jopandutchiwa#8:19 jopandutchiwa jinawongiwa ti jengo jatene jinaoneya mwilamboni ya vati nnga mitengo, mwango, anavinyama, jalo, vamohi na jengo jimohi jiwa. jinnana ing'anela zela tempu inaza Mulugu aaoneyihe ahimaye. 20Tchoira Mulugu aza aaoneyiha ahimaye, tchi tempu imohive inafuna liye za tchindja jatene jopandutchiwa. Wanle Mulugu ohotonga jatene jopandutchiwa ira jionihiwe goyi.#8:20 Wanle Mulugu ohotonga jatene jopandutchiwa ira jionihiwe goyi mazu anno anawonga zela tempu yategile Adawu na Eva. Tchoira nnovwa voroma vene atu kahanatege, jatene jali pama. Mbwenye varomile atu tega, pa evo vazile ukwa no tembelrelreya ilambo ya vati. Tchoira Adawu na Eva muwari mokala ambwiye a jatene, vagwile atu, jatene jatonga atu johogwa. Jengo jopandutchiwa kajasakunlre oka ira jikayena goyi mbwenye ali funa wa Mulugu modediha ira: 21<<Malambwala jatene jopandutchiwa jihikana goyi. Mbwenye vasogolro miyo nnoza disakanye ira jengo jatene jopandutchiwa jihiye makalelo ovunda a malambwala.>> Mulugu aza atchindja jatene, pa evale vanafuna jatene jopandutchiwa jipwaseye na upama wenno unafuna ahima a Mulugu kakayena.
22Tchoira hiyo nihiiziwa ira jatene jopandutchiwa na vanove jinodumbela nnga muhiyana afunaga bala. 23Eto kahi jopandutchiwave jinadumbela. Na hiyene atu olawiha japama ja Munemba, ninnana dumbela mmirimani mwehu niing'anelaga behediwa nnga ahima. Behediwa wewo ku womboliwa maningwihu.#8:23 behediwa nnga ahima: Beheda unawongiwa zela womboliwa maningwihu tapulela ira Mulugu ukana tempu inaza ira ahimaye kawendege na liye, kamuonege kove na kove. Tchoira tempu ili hiyo ila atu omuroromela Yesu ba ahima a Mulugu (Juwawu 1:12) mbwenye inakala nnga anakala ilambo imohiwene olapela wene na babiwa. Mbwenye yoing'anela ya mutu omuroromela Yesu ili ira avahiwe maningo maxa (1 Korinto 15:50-53), akalege vamohi na Mulugu vande vamohive. (Jowandeliwa 21:3)
24Tchoira kuma vavulusiwe hiyo, nnadedihave ira maningwihu ala kaze kawomboliwe. Fwanyeya ira dediha yengo inaona we, kahi dediheda. Tchoira kalivo unadediha yengo inna liye. 25Akala hiyo ninnave dediha yengo yahanaona hiyo, ku wonga ira nnadediha muwari movilela.
26Vamohive vevo muwari modediha, Munemba unonikamiheda hiyo tempu inavuta hiyo. Tchoira vamohi vuwa hiyo kannaiziwa pama makalelo ofwanelela ira hiyo nilobele mbwenye ora yenno Munemba unokala vari va hiyo na Mulugu, anilobelelaga, adumbelaga na makalelo ohoiziweya, anno uiziwile liye ekave.#8:26 Zela Munemba Otchena adumbelaga na makalelo ohoiziweya, anno uiziwile liye ekave: Sawasawa nnga makalelo anadumbela jopandutchiwa jatene (Roma 8:22) eto sawasawa nnga dumbela unakana atu omuroromela Yesu (Roma 8:23), Munemba Otchena na liyene unokana dumbela. Tchoira liye unodumbela anilobelelaga vamentoni va Mulugu movweyiha pama malobelo ehu. Ku wonga Munemba Otchena kananilobelela molramwisa mbwenye unanilobelela na mmirimani mwaye mwatene. 27Mulugu wenno unaiziwa jinafwanyeya mmirimani mwa kada mutu, unoiziwa joumbuwela ja Munemba. Tchoira Munemba wenno unanilobelela vari va hiyo atu otchenihiwa na Mulugu, unalobela nnga mwemo munafunela Mulugu.
Jatene jinaireya jinokana mpindu zela atu anne anamuziveliwa Mulugu
28Hiyo nihiiziwa ira jatene jinaireya, Mulugu unosakanya ira jiwande awendela pama atu anne anamuzivela Mulugu eto anno uaitanne liye mofuna mwaye. 29Tchoira ale aasakunlre Mulugu wanle, banno aafunnena liye ira katukule makalelo a Mwanaye Yesu ira Yesu akale Mwana Murandji, aakayena abalaye oindjiva owenda na makalelo aye. 30Ale aafunne Mulugu ira katukule makalelo a Mwanaye, banno aaitanile liye. Ale aaitanile liye, banno aakalihile liye apama. Ale aakalihile liye apama, banno aatitimihile liye.
31Kodi nnafuna niwonge avi muwari mwa jatene eji? Akala Mulugu gunanisogolrelra, kodi bani unafuna nigondjiha? 32Tchoira Mulugu kamupoparile Mwanaye. Amurumile Mwanaye Yesu ira aze apiwe ira hiyo nikale pama. Akala Mulugu univahile Mwanaye Yesu ira nikale pama, kodi agamanle nivaha Yesu, Mulugu na sayi daye kananivaha jengo jili jatene? Unonivaha. 33Kodi mutu guvi unawanda musumela mutu umusakunlre Mulugu? Kalivo.#8:33 mutu guvi unawanda musumela mutu umusakunlre Mulugu? Mazwala kinawonga ira mutu asakulriwa na Mulugu kanasumululiwa. So anawonga liye kanasumeliwa vamentoni va Mulugu. Ku wonga wenno unafwanyeya muwari mwa Yesu Kiristu, wenno uleveleliwe kanawanda sumeliwa vamentoni va Mulugu mwasiwa mulandu waye umala. Mbwenye mutu atega, inafwanela asumululiwe. (Matewuji 18:15-17; Galasiya 2:11-14; 6:1) Tchoira Mulugu gunamukaliha wapama. 34Nnga kodi bani unafuna mmanga mulandu? Kalivo. Mwasiwa Yesu Kiristu wenno akwile eto avenyihiwa mokwani, gunanilobelela vari va hiyo na Mulugu. Liye unafwanyeya agali muwononi odjana wa Mulugu.
Kilivo yengo inawanda nimwalaniha no niziveliwa wa Kiristu
35Kodi mutu guvi unafuna nimwalaniha hiyo no nizivela wa Kiristu? Kodi segedeya nari zuzumihiwa nari harahariwa nari ndala nari usiwa nari jowopiha nari piwa na supada, kodi ejo jinowanda nimwalaniha no nizivela wa Kiristu? Nari. 36Inakala nnga mazu kalrembiwe wanle oira:
<<Nabwiya, hiyo ninnana piwa malambo matene zela nzina nenyu. Ananiwesa nnga nili mabila ofwanela piwa.>> #
Salmu 44:22
37Mbwenye muwari mwa jabure jatene eji, hiyo ninnana gondjiha eto nihikwaranya vogondjiha, muwari mwa wenno unizivenle. 38Mwasiwa miyo dihikana ibaribari ira kilivo yengo ili yatene inawanda nimwalaniha hiyo no nizivela wa Mulugu. Nne ukwa, nne ingumi, nne angelro, nne minemba dabure, nne jengo ja tempu ili hiyo ila, nne jengo ja tempu inafuna za, nne kopolo dili datene, 39nne gwela zulu, nne masiki dowa vati, masiki yengo ili yatene inafwanyeya mwatene mwene mupandutchile Mulugu, kilivo yengo ili yatene inawanda nimwalaniha hiyo no niziveliwa wa Mulugu, wewo unafwanyeya muwari mwa Nabwiya wehu Yesu Kiristu.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral