Roma 10
10
AIzarayeli tchafunne vwa zela vulusiwa muwari mwa Yesu
1Miyo abalaga, nnouwandelani ira yofuna yaga mmirimani mwaga, inanvepa miyo Mulugu, nnafuna nnga aJudewu kavulusiwe. 2Miyo nnoahidedela umboni aJudewu ira mwa ibaribari aliwa anozuzumela ja Mulugu. Mbwenye muwari mozuzumela ja Mulugu mule, kinna ibaribari. 3Tchoira aliwa kiiziwile makalelo okala pama anno anakumela wa Mulugu. Muwari mohoiziwa makalelo Mulugu univahile liye ira nikale apama vamentoni vaye, anavenda jokunga makalelo ewene okala pama muwari mwa joira jiwa. Mwa enne aliwa kinawanda rumela makalelo Mulugu univahile liye. 4Tchoira zela mutu uli watene unamuroromela, Kiristu gunakwiha makalelo ofuna kala pama muwari mwa malamulo.#10:4 Owu hehi Tchoira kwakwanela wa malamulo unafwanyeya agali Kiristu ira mutu wenne unamuroromela liye bahi, awande kala wapama. Owu hehi Tchoira muwari mwa Yesu, malamulo kohofiyeda mwezo ogoma. Peno ale anamuroromela anokalihiwa apama vamentoni va Mulugu.
5Mozeji oholremba zela kala pama wewo unazela muwari mwa malamulo ira:
<<Ule unakwakwaneliheda malamulo, liye gunafuna kana ingumi muwari mwa malamulo.>> #
Levitiku 18:5
#10:5 Ule unakwakwaneliheda malamulo, liye gunafuna kana ingumi muwari mwa malamulo. Mulugu kapanganne ira: <<Mwaharihamo malamulo, munokana ingumi yohomala.>> Nari. Mulugu mbwenye ohopangana na aIzarayeli ira: <<Nyo mwairana jatene jinawonga miyo, munokalawo malambo madjindjene ilambo yenno inauvahani miyo.>> (Detoronomiyo 5:33, 11:8-9, 32:46-47) Mazu matene anno anarumelela ira zela nipangano na wanle Yesu ahanaze nikwela, mutu aharihamo malamulo, ingumi yaye yolapa mwilamboni ya vati. Mbwenye kahi ira malamulo ale kolaba ira mutu avulusiwe.
6Mbwenye kala wapama muwari mwa nroromelo kunazela moharihamo malamulo. Tchoira Mozeji oholremba ira:
<<Kuumbuwele mmirimani mwawo ira: <Unafuna gwela zulu bani?> >>
Ku wonga kalivo mutu unafuna mudowela Kiristu zulu. 7Mozeji eto ohowonga ira:
<<Kuumbuwele mmirimani mwawo ira: <Unafuna tita dowa muliha odiha ohokana magomelo bani?> >>
Ku wonga ira kalivo mutu unafuna mudowela Kiristu wewo uli atu kakwile.
8Fwanyeya ira makalelo okala wapama kohonikwivela. Kalaga nnga mwawongele Mozeji ira:
<<Mazu a Mulugu kohoukwivelani. Anafwanyeya vamulomoni venyu, eto anafwanyeya mmirimani mwenyu.>>
Mazuwa kanikwivenle banno analaleya hiyo zela muselu omuroromela Yesu. 9Muselu unalaleya hiyo, nnalaleya ira wenno unarumelela na wanoni waye ira: <<Yesu gu Mbwiye>>, wenno unaroromela na mmirimani mwaye ira Mulugu ohomuvenyiha mokwani, gwenno unafuna vulusiwa. 10Tchoira mutu amuroromela Yesu na mmirimani mwaye unokalihiwa wapama. Arumelela na wanoni waye ira: <<Yesu gu Mbwiye.>> unovulusiwa.
11Vulusiwa momuroromela Yesu inakala nnga ilrembiwe mMazuni ira: <<Mutu wenne unaroromele nibwe nne, kaza anyaswa.>>#Izaiya 28:16 12Eto fwanyeya ira kavali hiyana mwa aJudewu na atu ohokala aJudewu. Nabwiya mmohive gu Nabwiya wa atu atene. Liye gunaavaha upama waye atene ananvepa. 13Kalaga nnga ilrembiwe mMazuni ira: <<Mutu wenno unavepe na nzina na Nabwiya ira akamihediwe unovulusiwa.>>
14Kodi aJudewu anowanda muitana ule kahamuroromenle atu? Nnga kodi anowanda muroromela wenno kahanvwile atu? Aliwa anavwe avi, agali kalivo udowile alaleya? 15Eto maliba laleya aharumiwe, unawanda avi dowa laleya? Kalaga nnga mazu a Mulugu kalrembiwe wanle oira: <<Oriya ba manyalo a wenno unawenda avweyihaga Muselu Wapama.>>#Izaiya 52:7
16Eto fwanyeya ira aJudewu kagavwile Muselu Wapama, kahi atene karumenle muselu kavwile atu. Kalaga nnga mazu Izaiya alrembile liye wanle oira: <<Nabwiya, kalivo uroromenle muselu nilaleyile hiyo!>>#Izaiya 53:1
17Fwanyeya ira nroromelo nnakumela muwari movwa mazu. Mazuwa, ba mazu zela Kiristu. 18Va nnafuna difuke. Kodi aJudewu kivwile Muselu Wapama zela Kiristu? Na ibaribari kohomala vwa. Nizu na anamalaleya nihimala vweya mwatene mwene. Kalaga nnga mulrembiwele atu mMazuni ira:
<<Nizu newa nihimala vweya mwilamboni mwatene ya vati. Jowonga jewa jihimala fiya pakana magomo wa ilambo.>>
19Eto nnafuna difukeve akoka. Kodi aIzarayeli tchaiziwile ibaribari zela Yesu? Kohoiziwa. Tchoira voroma Mozeji ohowonga mazu a Mulugu ira:
<<Miyo Mulugu nnafuna disakanye makalelo ira nyo aIzarayeli mwaza muona makalelo anafuna miyo airela atu kahaoneya nnga yengo, # 10:19 Owu hehi ziza . mwaasilrilrege makalelo ewa. Nnafuna disakanye makalelo ira nyo aIzarayeli mwaza muona upama unafuna miyo airela atu ohokana zelru, mutakaleliwe.>>#10:19 Atu kahaoneya nnga yengo nari ohokana zelru kaonelramo ibaribari zela vulusiwa, pa evale vafuna aIzarayeli kaaona, kaasilrilrege vulusiwa wewo. Ali ira kagamanle silrilra, amohiwa katwaruwe ira na aliwene kavulusiwe. (Roma 11:14)
20Eto fwanyeya ira Izaiya oholimbiha kopolo ira alrembe mazu a Mulugu oira:
<<Ale kahadivendile badifwannye. Miyo dihivioneyiha vamentoni va atu anne kahadisakile.>> # 10:20 Ale kahadivendile badifwannye. Ku wonga akala atu ohokala aJudewu kahanvendile Mulugu kohonfwanya, na aIzarayelene kahafune vwa, kogonfwanya. Nione Izaiya 65:1.
21Mbwenye zela aIzarayeli, Izaiya oholremba mazu a Mulugu oira:
<<Miyo dihitapula mandaga siku nompumbula para atu ohovwelela, atu a uvuruvuru.>> #
Izaiya 65:2
Chwazi Kounye ya:
Roma 10: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Roma 10
10
AIzarayeli tchafunne vwa zela vulusiwa muwari mwa Yesu
1Miyo abalaga, nnouwandelani ira yofuna yaga mmirimani mwaga, inanvepa miyo Mulugu, nnafuna nnga aJudewu kavulusiwe. 2Miyo nnoahidedela umboni aJudewu ira mwa ibaribari aliwa anozuzumela ja Mulugu. Mbwenye muwari mozuzumela ja Mulugu mule, kinna ibaribari. 3Tchoira aliwa kiiziwile makalelo okala pama anno anakumela wa Mulugu. Muwari mohoiziwa makalelo Mulugu univahile liye ira nikale apama vamentoni vaye, anavenda jokunga makalelo ewene okala pama muwari mwa joira jiwa. Mwa enne aliwa kinawanda rumela makalelo Mulugu univahile liye. 4Tchoira zela mutu uli watene unamuroromela, Kiristu gunakwiha makalelo ofuna kala pama muwari mwa malamulo.#10:4 Owu hehi Tchoira kwakwanela wa malamulo unafwanyeya agali Kiristu ira mutu wenne unamuroromela liye bahi, awande kala wapama. Owu hehi Tchoira muwari mwa Yesu, malamulo kohofiyeda mwezo ogoma. Peno ale anamuroromela anokalihiwa apama vamentoni va Mulugu.
5Mozeji oholremba zela kala pama wewo unazela muwari mwa malamulo ira:
<<Ule unakwakwaneliheda malamulo, liye gunafuna kana ingumi muwari mwa malamulo.>> #
Levitiku 18:5
#10:5 Ule unakwakwaneliheda malamulo, liye gunafuna kana ingumi muwari mwa malamulo. Mulugu kapanganne ira: <<Mwaharihamo malamulo, munokana ingumi yohomala.>> Nari. Mulugu mbwenye ohopangana na aIzarayeli ira: <<Nyo mwairana jatene jinawonga miyo, munokalawo malambo madjindjene ilambo yenno inauvahani miyo.>> (Detoronomiyo 5:33, 11:8-9, 32:46-47) Mazu matene anno anarumelela ira zela nipangano na wanle Yesu ahanaze nikwela, mutu aharihamo malamulo, ingumi yaye yolapa mwilamboni ya vati. Mbwenye kahi ira malamulo ale kolaba ira mutu avulusiwe.
6Mbwenye kala wapama muwari mwa nroromelo kunazela moharihamo malamulo. Tchoira Mozeji oholremba ira:
<<Kuumbuwele mmirimani mwawo ira: <Unafuna gwela zulu bani?> >>
Ku wonga kalivo mutu unafuna mudowela Kiristu zulu. 7Mozeji eto ohowonga ira:
<<Kuumbuwele mmirimani mwawo ira: <Unafuna tita dowa muliha odiha ohokana magomelo bani?> >>
Ku wonga ira kalivo mutu unafuna mudowela Kiristu wewo uli atu kakwile.
8Fwanyeya ira makalelo okala wapama kohonikwivela. Kalaga nnga mwawongele Mozeji ira:
<<Mazu a Mulugu kohoukwivelani. Anafwanyeya vamulomoni venyu, eto anafwanyeya mmirimani mwenyu.>>
Mazuwa kanikwivenle banno analaleya hiyo zela muselu omuroromela Yesu. 9Muselu unalaleya hiyo, nnalaleya ira wenno unarumelela na wanoni waye ira: <<Yesu gu Mbwiye>>, wenno unaroromela na mmirimani mwaye ira Mulugu ohomuvenyiha mokwani, gwenno unafuna vulusiwa. 10Tchoira mutu amuroromela Yesu na mmirimani mwaye unokalihiwa wapama. Arumelela na wanoni waye ira: <<Yesu gu Mbwiye.>> unovulusiwa.
11Vulusiwa momuroromela Yesu inakala nnga ilrembiwe mMazuni ira: <<Mutu wenne unaroromele nibwe nne, kaza anyaswa.>>#Izaiya 28:16 12Eto fwanyeya ira kavali hiyana mwa aJudewu na atu ohokala aJudewu. Nabwiya mmohive gu Nabwiya wa atu atene. Liye gunaavaha upama waye atene ananvepa. 13Kalaga nnga ilrembiwe mMazuni ira: <<Mutu wenno unavepe na nzina na Nabwiya ira akamihediwe unovulusiwa.>>
14Kodi aJudewu anowanda muitana ule kahamuroromenle atu? Nnga kodi anowanda muroromela wenno kahanvwile atu? Aliwa anavwe avi, agali kalivo udowile alaleya? 15Eto maliba laleya aharumiwe, unawanda avi dowa laleya? Kalaga nnga mazu a Mulugu kalrembiwe wanle oira: <<Oriya ba manyalo a wenno unawenda avweyihaga Muselu Wapama.>>#Izaiya 52:7
16Eto fwanyeya ira aJudewu kagavwile Muselu Wapama, kahi atene karumenle muselu kavwile atu. Kalaga nnga mazu Izaiya alrembile liye wanle oira: <<Nabwiya, kalivo uroromenle muselu nilaleyile hiyo!>>#Izaiya 53:1
17Fwanyeya ira nroromelo nnakumela muwari movwa mazu. Mazuwa, ba mazu zela Kiristu. 18Va nnafuna difuke. Kodi aJudewu kivwile Muselu Wapama zela Kiristu? Na ibaribari kohomala vwa. Nizu na anamalaleya nihimala vweya mwatene mwene. Kalaga nnga mulrembiwele atu mMazuni ira:
<<Nizu newa nihimala vweya mwilamboni mwatene ya vati. Jowonga jewa jihimala fiya pakana magomo wa ilambo.>>
19Eto nnafuna difukeve akoka. Kodi aIzarayeli tchaiziwile ibaribari zela Yesu? Kohoiziwa. Tchoira voroma Mozeji ohowonga mazu a Mulugu ira:
<<Miyo Mulugu nnafuna disakanye makalelo ira nyo aIzarayeli mwaza muona makalelo anafuna miyo airela atu kahaoneya nnga yengo, # 10:19 Owu hehi ziza . mwaasilrilrege makalelo ewa. Nnafuna disakanye makalelo ira nyo aIzarayeli mwaza muona upama unafuna miyo airela atu ohokana zelru, mutakaleliwe.>>#10:19 Atu kahaoneya nnga yengo nari ohokana zelru kaonelramo ibaribari zela vulusiwa, pa evale vafuna aIzarayeli kaaona, kaasilrilrege vulusiwa wewo. Ali ira kagamanle silrilra, amohiwa katwaruwe ira na aliwene kavulusiwe. (Roma 11:14)
20Eto fwanyeya ira Izaiya oholimbiha kopolo ira alrembe mazu a Mulugu oira:
<<Ale kahadivendile badifwannye. Miyo dihivioneyiha vamentoni va atu anne kahadisakile.>> # 10:20 Ale kahadivendile badifwannye. Ku wonga akala atu ohokala aJudewu kahanvendile Mulugu kohonfwanya, na aIzarayelene kahafune vwa, kogonfwanya. Nione Izaiya 65:1.
21Mbwenye zela aIzarayeli, Izaiya oholremba mazu a Mulugu oira:
<<Miyo dihitapula mandaga siku nompumbula para atu ohovwelela, atu a uvuruvuru.>> #
Izaiya 65:2
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral