Juwawu 21
21
Yesu ohakumelela anamamuharaye atanu na ambinli ntiya na Galileya
1Jagaireyile enne, Yesu ohakumelela akoka anamamuharaye ntiya na Galileya, neno naitaniwa Tiberiya. Jaireyile eni: 2Siku nimohi anamamuhara Yesu atanu na ambinli kafwanyeyaga vamohi roma Simawu Peduru, Tome, wenno aitaniwa Mwanasambini, Natanayeli, wenno ali wa Kana wa Galileya, ana Zebedewu ambinli,#21:2-3 Ana Zebedewu anawongiwa gu Tiyagu na Juwawu. na anamamuhara Yesu amohiwa ambinli. 3Mwa enne Simawu Peduru ohowongaga na afwaye ale ira: <<Nnafuna didowe dameze!>> Evale afwaye ale na aliwene kohoiraga: <<Na hiyene nnouhara.>> Noira enne, atene anne kohogwela mwadeya kadowaga. Mbwenye mahiyu anne tchapilege yengo.
4Evale unde wagatchile na mabebehene, Yesu ohofiya tcherelani ule. Mbwenye anamamuharaye tchawandile muiziwa ira ali Yesu. 5Evale Yesu ohafuka, liye ira: <<Anaga kodi muhupa yengo?>> Aliwa kohorumelaga keraga: <<Nari, kanipileve yengo!>> 6Evale Yesu ohawandelaga eraga: <<Katukulani malritchelra enyu mutatilele ikukuru ya muwononi odjana wa mwadeya uyo, mwaira eno munopa somba.>> Evale aliwa kohotatilela ntavi nne mwiko mule. Kagabwinihile ntavi nne, mwa ora ing'onong'onove ira katavule ntavi nne tchawandaga, mwasiwa nohozalaga somba. 7Evale namamuhara wenno Yesu asimbwetcha liye muziveliwa, ohomuwongana Peduru eraga: <<Wenne gu Nabwiya!>> Simawu Peduru agavwile ira: <<Gu Nabwiya>>, ohahiyaga afwaye mmwadeyani mule na somba dile, liye wara kapaye mwasiwa tempu yenne afwanyeya agawungunle na mwasa wa mabasa alaba liye. Evale ohobwina mwiko mule, liye dowaga wali Yesu. 8Anamamuhara amohiwale kohalaga mmwadeyani mule katutumulaga ntavi na somba nne, tchoira lapela uwa ira kafiye unde vahanle wandamelana mameturu 100 bahi.
9Kagafiyile tcherela ya mwiko, kakumaga mmwadeyani mule, kohoonaga makalra a munlo eto vazulu va makalra vale vohokalaga somba. Eto vohokalaga pawu. 10Evale Yesu ohoira: <<Katukulani somba da vang'ono muwari mwa somba dedo dipile nyo, muzena uno.>> 11Evale Simawu Peduru agavwile enne ohogwela mmwadeyani mule, liye landa ntavi na somba nne liye roma tavula, moriheda vati. Ntavi nne nohozala somba 153 datene dilukuluve. Mbwenye masiki agamorihedile vati vale nagali nozala nene, ntavi nne kanatweyile.
12Mwa enne Yesu ohowonga eraga: <<Kazani mudje!>> Mbwenye muwari mwa anamamuharaye, kalivo nne mmohi awanda nfuka ira: <<Kodi nyo muli ani?>> Tchoira kohoiziwa ira ali Nabwiya. 13Evale Yesu ohotukulaga pawu ile, liye agawela. Nomala eno, ohotukula somba dowotcha dile, agawelaga. 14Yenne yali fendo yaneraru Yesu aakumelenle liye anamamuharaye agavenyile mokwani.
Yesu ohomuruma Peduru ira aakumbuzege mabilaye
15Evale aliwa kagamanle dja, Yesu ohonfuka Simawu Peduru ira: <<Simawu mwana Juwawu, kodi weyo unodiziveliwetchetcha pama pama kwaranya diziveliwa unadiziveliwa afwawo ala?>> Liye ohorumela eraga: <<Nyo Nabwiya muhuiziwa ira miyo nnouziveliwani!>> Yesu ohomuwandela eraga: <<Waadjihege ana mabila aga!>> 16Evale Yesu ohowelela nfuka akoka fendo yanembinli eraga: <<Simawu mwana Juwawu, kodi weyo unodiziveliwa?>> Peduru ohorumela eraga: <<Nyo Nabwiya muhuiziwa ira miyo nnouziveliwani!>> Evale Yesu ohomuwandela akoka eraga: <<Waakumbuzege mabilaga!>> 17Noira eno, Yesu ohowelela nfuka akoka fendo yaneraru eraga: <<Simawu mwana Juwawu, kodi weyo unodiziveliwa?>> Evale Peduru ohokala okumbanyene na mwasa ofukiwa na Yesu yengo imohive fendo taru ira: <<Kodi weyo unodiziveliwa?>> Mwa enne ohorumela eraga: <<Nabwiya nyo muhuiziwa jatene eto muhuiziwa ira miyo nnouziveliwani!>> Evale Yesu ohomuwandela eraga: <<Waadjihege mabilaga!>>
18Yesu ohowonga eraga: <<Miyo nnafuna duwandele ibaribari. Weyo wagali muzombwe, wowanda viwariha wa mwinnya eto wodowa wewo wafuna we. Mbwenye vasogolro waulula, unoza utapule mandawo ira atu kaumange, kaudowena wewo wahanafuna we.>> 19(Yesu awongaga eji ali ira amuonelrihedemo Peduru zela makalelo afuna liye za kwa ira undimuwa wa Mulugu uoneye mwa liye.) Noira eno, Yesu ohowonga na Peduru akoka eraga: <<Kadiharege!>>
Yesu ohowonga zela namamuharaye asimbwetcha liye muziveliwa
20Evale Peduru ohorungunuwa, liye ing'ana mundulri. Againg'anne mundulri, ohomuonaga unduli waye namamuhara wenno Yesu asimbwa liye muziveliwa, wenno amukwivenle Yesu kadjaga jantari siku neno nafuna Yesu gulihiwa, anfukile Yesu eraga: <<Nabwiya, kodi unafuna ugulihani eva bani?>> 21Evale Peduru agamuonne namamuhara wenne, ohonfukaga Yesu eraga: <<Nabwiya, nnga nfwagola unafuna agomele avi?>> 22Evale Yesu ohomuwakula eraga: <<Akala miyo nnafuna ira liye ahakwe fiyeda siku nnafuna miyo za akoka, unaiziwa gu miyo meka. Jejo kahi jawo. Weyo mbwenye udiharege miyo.>> 23Yesu agawongile enne, kohokalawo atu muwari mwa abali omuroromela Yesu karomile balaletcha mazu oira: <<Yesu uwongile ira: <Namamuhara ule kanakwa, fiyeda za wa Yesu akoka.> >> Mbwenye Yesu kawongile eno. Liye awongile ira: <<Akala miyo nnafuna ira liye ahakwe fiyeda siku nnafuna miyo za akoka, unaiziwa gu miyo meka. Jejo kahi jawo.>>
24Namamuhara kamuwendjedile atu keraga: <<Kanakwa.>> gwenno unahidedela umboni zela jatene jeji. Eto nihiiziwa ira umboni waye gwa ibaribari.
Mazu ogomiheda a livuru ni
25Teto jihikalawo jengo jimohi jiwa joindjiva jiirile Yesu jahalrembiwe mulivuruni mu. Ahakale nnga jatene jiirile liye jilrembiwa imohi na imohi, miyo nnoona ira malivuruwa kafuna lrembiwa tchakwakwanamo mwilamboni!
Kukala mazu Juwawu alrembile liye muwari mwa Munemba Otchena zela jejo jaira Yesu agali mwilamboni ya vati.
Chwazi Kounye ya:
Juwawu 21: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Juwawu 21
21
Yesu ohakumelela anamamuharaye atanu na ambinli ntiya na Galileya
1Jagaireyile enne, Yesu ohakumelela akoka anamamuharaye ntiya na Galileya, neno naitaniwa Tiberiya. Jaireyile eni: 2Siku nimohi anamamuhara Yesu atanu na ambinli kafwanyeyaga vamohi roma Simawu Peduru, Tome, wenno aitaniwa Mwanasambini, Natanayeli, wenno ali wa Kana wa Galileya, ana Zebedewu ambinli,#21:2-3 Ana Zebedewu anawongiwa gu Tiyagu na Juwawu. na anamamuhara Yesu amohiwa ambinli. 3Mwa enne Simawu Peduru ohowongaga na afwaye ale ira: <<Nnafuna didowe dameze!>> Evale afwaye ale na aliwene kohoiraga: <<Na hiyene nnouhara.>> Noira enne, atene anne kohogwela mwadeya kadowaga. Mbwenye mahiyu anne tchapilege yengo.
4Evale unde wagatchile na mabebehene, Yesu ohofiya tcherelani ule. Mbwenye anamamuharaye tchawandile muiziwa ira ali Yesu. 5Evale Yesu ohafuka, liye ira: <<Anaga kodi muhupa yengo?>> Aliwa kohorumelaga keraga: <<Nari, kanipileve yengo!>> 6Evale Yesu ohawandelaga eraga: <<Katukulani malritchelra enyu mutatilele ikukuru ya muwononi odjana wa mwadeya uyo, mwaira eno munopa somba.>> Evale aliwa kohotatilela ntavi nne mwiko mule. Kagabwinihile ntavi nne, mwa ora ing'onong'onove ira katavule ntavi nne tchawandaga, mwasiwa nohozalaga somba. 7Evale namamuhara wenno Yesu asimbwetcha liye muziveliwa, ohomuwongana Peduru eraga: <<Wenne gu Nabwiya!>> Simawu Peduru agavwile ira: <<Gu Nabwiya>>, ohahiyaga afwaye mmwadeyani mule na somba dile, liye wara kapaye mwasiwa tempu yenne afwanyeya agawungunle na mwasa wa mabasa alaba liye. Evale ohobwina mwiko mule, liye dowaga wali Yesu. 8Anamamuhara amohiwale kohalaga mmwadeyani mule katutumulaga ntavi na somba nne, tchoira lapela uwa ira kafiye unde vahanle wandamelana mameturu 100 bahi.
9Kagafiyile tcherela ya mwiko, kakumaga mmwadeyani mule, kohoonaga makalra a munlo eto vazulu va makalra vale vohokalaga somba. Eto vohokalaga pawu. 10Evale Yesu ohoira: <<Katukulani somba da vang'ono muwari mwa somba dedo dipile nyo, muzena uno.>> 11Evale Simawu Peduru agavwile enne ohogwela mmwadeyani mule, liye landa ntavi na somba nne liye roma tavula, moriheda vati. Ntavi nne nohozala somba 153 datene dilukuluve. Mbwenye masiki agamorihedile vati vale nagali nozala nene, ntavi nne kanatweyile.
12Mwa enne Yesu ohowonga eraga: <<Kazani mudje!>> Mbwenye muwari mwa anamamuharaye, kalivo nne mmohi awanda nfuka ira: <<Kodi nyo muli ani?>> Tchoira kohoiziwa ira ali Nabwiya. 13Evale Yesu ohotukulaga pawu ile, liye agawela. Nomala eno, ohotukula somba dowotcha dile, agawelaga. 14Yenne yali fendo yaneraru Yesu aakumelenle liye anamamuharaye agavenyile mokwani.
Yesu ohomuruma Peduru ira aakumbuzege mabilaye
15Evale aliwa kagamanle dja, Yesu ohonfuka Simawu Peduru ira: <<Simawu mwana Juwawu, kodi weyo unodiziveliwetchetcha pama pama kwaranya diziveliwa unadiziveliwa afwawo ala?>> Liye ohorumela eraga: <<Nyo Nabwiya muhuiziwa ira miyo nnouziveliwani!>> Yesu ohomuwandela eraga: <<Waadjihege ana mabila aga!>> 16Evale Yesu ohowelela nfuka akoka fendo yanembinli eraga: <<Simawu mwana Juwawu, kodi weyo unodiziveliwa?>> Peduru ohorumela eraga: <<Nyo Nabwiya muhuiziwa ira miyo nnouziveliwani!>> Evale Yesu ohomuwandela akoka eraga: <<Waakumbuzege mabilaga!>> 17Noira eno, Yesu ohowelela nfuka akoka fendo yaneraru eraga: <<Simawu mwana Juwawu, kodi weyo unodiziveliwa?>> Evale Peduru ohokala okumbanyene na mwasa ofukiwa na Yesu yengo imohive fendo taru ira: <<Kodi weyo unodiziveliwa?>> Mwa enne ohorumela eraga: <<Nabwiya nyo muhuiziwa jatene eto muhuiziwa ira miyo nnouziveliwani!>> Evale Yesu ohomuwandela eraga: <<Waadjihege mabilaga!>>
18Yesu ohowonga eraga: <<Miyo nnafuna duwandele ibaribari. Weyo wagali muzombwe, wowanda viwariha wa mwinnya eto wodowa wewo wafuna we. Mbwenye vasogolro waulula, unoza utapule mandawo ira atu kaumange, kaudowena wewo wahanafuna we.>> 19(Yesu awongaga eji ali ira amuonelrihedemo Peduru zela makalelo afuna liye za kwa ira undimuwa wa Mulugu uoneye mwa liye.) Noira eno, Yesu ohowonga na Peduru akoka eraga: <<Kadiharege!>>
Yesu ohowonga zela namamuharaye asimbwetcha liye muziveliwa
20Evale Peduru ohorungunuwa, liye ing'ana mundulri. Againg'anne mundulri, ohomuonaga unduli waye namamuhara wenno Yesu asimbwa liye muziveliwa, wenno amukwivenle Yesu kadjaga jantari siku neno nafuna Yesu gulihiwa, anfukile Yesu eraga: <<Nabwiya, kodi unafuna ugulihani eva bani?>> 21Evale Peduru agamuonne namamuhara wenne, ohonfukaga Yesu eraga: <<Nabwiya, nnga nfwagola unafuna agomele avi?>> 22Evale Yesu ohomuwakula eraga: <<Akala miyo nnafuna ira liye ahakwe fiyeda siku nnafuna miyo za akoka, unaiziwa gu miyo meka. Jejo kahi jawo. Weyo mbwenye udiharege miyo.>> 23Yesu agawongile enne, kohokalawo atu muwari mwa abali omuroromela Yesu karomile balaletcha mazu oira: <<Yesu uwongile ira: <Namamuhara ule kanakwa, fiyeda za wa Yesu akoka.> >> Mbwenye Yesu kawongile eno. Liye awongile ira: <<Akala miyo nnafuna ira liye ahakwe fiyeda siku nnafuna miyo za akoka, unaiziwa gu miyo meka. Jejo kahi jawo.>>
24Namamuhara kamuwendjedile atu keraga: <<Kanakwa.>> gwenno unahidedela umboni zela jatene jeji. Eto nihiiziwa ira umboni waye gwa ibaribari.
Mazu ogomiheda a livuru ni
25Teto jihikalawo jengo jimohi jiwa joindjiva jiirile Yesu jahalrembiwe mulivuruni mu. Ahakale nnga jatene jiirile liye jilrembiwa imohi na imohi, miyo nnoona ira malivuruwa kafuna lrembiwa tchakwakwanamo mwilamboni!
Kukala mazu Juwawu alrembile liye muwari mwa Munemba Otchena zela jejo jaira Yesu agali mwilamboni ya vati.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral