Joira ja Anamarumiwa 7
7
Estevawu ohowonga zela yopangana Mulugu asakanyile liye na Abarahamu
1Evale mundimuwa wa anamakuta ohonfuka Estevawu eraga: <<Katiye, kodi munawonga atu mu pu mwemo?>> 2Estevawu ohowongaga eraga: <<Abalaga, ababi atene, nnafuna mudivuruwane pama. Mulugu Mundimuwa wa Ibaribari ohomutwanyuwela babihu Abarahamu ora yakala liye ilambo ya Mezopotamiya, ahanadowe ilambo ya Arani. 3Mulugu ohomuwandela ira: <Uvenye, uhiye ilambwawo, uhiye vande va ababawo, udowe ilambo inafuna miyo utonyiheda.> 4Evale Abarahamu ohovenya, akumaga ilambo ya Mezopotamiya wewo wakala aKalidewu, liye dowaga ilambo ya Arani. Kagafiyile ilambo ya Arani, babaye ohofiyeda mwezo okwa mwilamboni mwa Arani mule. Agakwile, tchi tempu Mulugu yamutamihile liye mulombwana Abarahamu ira akume Arani, aze ilambo imohive muli hiyo muno. 5Mbwenye Mulugu kanvahile Abarahamu ilambwela ira ikale yaye, nne isi tereno yokala ha vonyingala nnyalo. So Mulugu apanganne ira aavahe ilambwela ahimaye a musogolro kafuna za baliwa. Eto ora yawonga Mulugu eno, Abarahamu ali ahanambale mwana.>>
Estevawu ohowonga zela panduwa wa aIzarayeli
6<<Mulugu eto ohomuwandela mulombwana Abarahamu ira: <Ahimawo a musogolro anoza kakale anowenda mwilamboni mwa annya. Wewule anoza kakale azari, kaonihiwe goyi pakana yaka 400.> 7Eto Mulugu ohowonga ira: <Yaka dedo dakwakwana, miyo nnoza daatonge atu anno anafuna kaaire azari ahimawo ale. Evale ahimawo anoza kakumemo, kaditamalele miyo vano nimburo neni.> 8Mulugu eto ohonvaha Abarahamu yopangana zela ineliwa#7:8 yopangana zela ineliwa: Ineliwa unawongiwa va kahi nnga ineliwa wa tempu ili hiyo ila. Wanle Mulugu ohomuwandela Abarahamu ira: mwana wa mwanapongwe uli watene unabaliwege vande vawo, akwakwanihaga malambo matanu na mararu, inafwanela aineliwe. (Jenesesi 17:10-14) Eto aineliwa ali ahima a alombwana ve, kakwakwaniha malambo matanu na mararu. Ku wonga mwana agali nnyenya na mmandani. Nione Levitiku 12:3. Ku wonga ja lunga jinera azombwe eto ja zoma anamwali jinera atu tempu ili hiyo ila kajinna pandi na Mulugu. ira ikale ionihedo zela yapanganne atu. Evale Abarahamu ohombala mwanaye Izaki. Agamanle malambo matanu na mararu, ohomuinela. Izaki eto ohombala mwanaye Jako. Jako eto ohabala anapongwe kumi na ambinli anno kali makolo a malogo kumi na menli a aIzarayeli.
9<<Makolo ale kohokana nrima zela mbaliwa Joze, fiyeda mwezo omuguliha ira akale muzari ilambo ya Ijipitu. Mbwenye masiki kamugulihileve eno, wewo wadowa liye, Mulugu alive na liye 10eto ohonvunela zela makatamiho matene aona liye. Mulugu ohomukamiheda Joze anvahaga zelru dapama, liye sakanya ira Farawu mwene wa Ijipitu amuona, amuziveliwe. Evale Farawu ohomuhambiha ira akale mundimuwa osogolrelra jatene ja muIjipitu na jatene ja vande vaye.
11<<Evale yaoneyile yali ndala ilukulu mwilamboni mwa Ijipitu fiyeda ilambo ya Kana wali Joze abalaye. Muwari mwa ndala ile, goyi danna atu kadali ding'ono. Fiyeda ababihu udja wanna atu wohamalela. 12Mbwenye Jako agavwile ira: <MuIjipitu munogulihiwa udja>, oharuma makolwihu fendo yoroma ira kadowe Ijipitu, kagule udja. 13Noira eno, funa welelawo fendo yanembinli, tchi tempu yavioneyiha mulombwana Joze vamentoni va abalaye. Evale za wa Joze abalaye muIjipitu wohovweya fiyeda wa mwene Farawu. 14Nomala eno, Joze ohorumiha milanyo ira babaye Jako na atu atene a muibalini mwaye kadowe Ijipitu. Aliwa kadowaga, indjiva uwa kali atu 75. 15Kagadowile muIjipitu, mundimuwa Jako ohofiyeda kwa emule vamohi na makolo ehu atene. 16Kagakwile, kohotukula mitembo dewa, dowa koya ilambo ya Sikemu#7:16 Ilambo ya Sikemu ili muwari mwa ilambo ya Izarayeli. masiye anno Abarahamu agunle liye na kobiri da parata na ana Amori.
17<<Mbwenye tempu ifunaga kwakwana ira Mulugu aavahe aIzarayeli ilambo ya Kana nnga mwalumbenle liye na Abarahamu, aIzarayeli mwali atu muIjipitu kohoindjiva, tchali ang'ono, 18fiyeda gwela vampandoni mwene mmohiwa ahaiziwile jatene jairile Joze. 19Mwene wenne ohoroma aoniha ababihu goyi muwari monyenga, ante liye fiyeda mwezo okumiha nlamulo ira aIzarayeli kaabalaga ahimiwa, katukuliwege, kahiyiwege unde ira kakwege. 20Tempu yenno tchi tempu yabaliwa Mozeji. Mozeji abaliwaga, ali mwana oriya, obaleya vamentoni va Mulugu. Ababaye kohomukoya mmba mwiwa pakana mala medi miraru. 21Evale kagamukumihedile unde, azile nfwanya ali mwana wa muhiyana mmohi wa Farawu. Liye ohomutukula, muulukuliha nnga mwanaye. 22Noira eno, Mozeji aulukulaga, kohonfundjiha zelru da muIjipitu mwemule. Ali eto mulombwana wa kopolo mowonga na mwa joira jaye.
23<<Mozeji aganna yaka 40, ohokana zelru doapanda abalaye Ana Izarayeli. 24Adowaga apanda, ohonfwanyaga muEberewu mmohi abubudiwaga vasayi na muIjipitu. Noira eno, Mozeji ohovenya, anvunelaga muEberewu nfwaye, liye muweliheda muIjipitule kunyakunya, liye mpa. 25Mozeji airagana ejo, aumbuwela ira: <Daira eni, abalaga anowanda onelramo ira Mulugu unafuna anivunele muwari mwa miyo.> Mbwenye ejo aIzarayeli tchaonenlremo. 26Noira enne unde ule mbe, ohowelelaga, liye nfwanya muEberewu na muEberewu nfwaye kawanaga. Mozeji afuna nnga aawandanihe mmohi na nfwaye, liye ira: <Alombwana, nyo muli muibalinive. Nnga munawanela nni?> 27Nomala eno, ule ampudja nfwaye, ohofiyeda mwezo omundunya Mozeji, liye ira: <Kodi bani uuhambihile we ira ukale musogolrelri wehu na namatonga wehu? 28Kodi unafuna udipe nnga umpile we muIjipitule nzilo?> 29Mozeji agavwile mazu anne, ohovenya, liye tawela ilambo ya Midiyani, kala wewo nnga mutu otawelawo. Agali ilambo ya Midiyani ule ohabala ahima ambinli anapongwe ve.
30<<Agamanlewo yaka 40 Midiyani, siku nimohi Mozeji agali muisalesaleni wandamelana mwango Sinayi, mungelro ohomutwanyuwela muwari mwa nlumi na munlo vanikupuni. 31Mozeji agaonne nikupu nihindaga munlo, ohotikiniheya. Evale liye akwivelagavo, ohovwa nizu na Nabwiya niwongaga niiraga: 32<Miyo vano dili Mulugu wa makolwawo, Mulugu wa Abarahamu, Mulugu wa Izaki na Mulugu wa Jako.> Mozeji agavwile eno, ohoroma ngurumela eto kawandile ing'anavo. 33Evale Nabwiya ohomuwongana ira: <Kawungula sapato dawo do. Tchoira nimburo nili we ni, totchena. 34Miyo dihimala ona na meswaga goyi da atwaga muIjipitu. Dihimala vwa nla wewa. Eni dihitita ira didowe daavunele atwaga. Weyo Mozeji, nnafuna durume udowe Ijipitu wakoka wene.> >>
35Estevawu ohowongagave eraga: <<Mozeji wenno aIzarayeli kamukonda atu, kanfukaga keraga: <Kodi bani uuhambihile we ira ukale musogolrelri wehu na namatonga wehu?>, gwenno mwinnyiwene Mulugu amurumile liye ira akale musogolrelri wewa na namaawombola wewa, muwari mokamihediwa na mungelro wenno azile mutwanyuwela vari va nikupu nohinda. 36Mulombwana Mozeji guwandile irana jotikiniha na jionihedo muIjipitu aakumihagamo aIzarayeli, fiyeda liye afiyana Bara Yofila, liye alambutcha, liye asogolrelraga yaka 40 muisalesaleni.
Estevawu ohowonga mazu awongile Mozeji zela namafiyiheda mmohiwa afuna za
37<<Mozeji mmohive ohawandela Ana Izarayeli eraga: <Muwari mwa nlogo nehu, Mulugu unoza anirumele namafiyiheda mmohiwa okala nnga ha miyo.> 38Mozeji gwasogolrenlre mulogo wa aIzarayeli muisalesaleni fiyeda mwango Sinayi. Sinayi ku wewo wagumana ababihu na Mozeji ira mungelro wa Mulugu amuwandele Mozeji mazu. Mozeji ohowatchela Mazu a ingumi ira anivahege.#7:38 Mozeji ohowatchela Mazu a ingumi: Fwanyeya ira Mulugu kapanganne ira: <<Mwaharihamo malamulo, munokana ingumi yohomala.>> Nari. Mulugu mbwenye ohopangana na aIzarayeli ira: <<Nyo mwairana jatene jinawonga miyo, munokalawo malambo madjindjene muwari mwa ilambo yapama inauvahani miyo.>> (Detoronomiyo 5:33, 11:8-9, 32:46-47) 39Mbwenye ababihu kohokonda nvwelela jawonga liye, kamuhiyaga Mozeji mmambalo, aliwa roma funa mmirimani mwewa jomanga ulrendo ira kawelelege muIjipitu. Eto fwanyeya ira Mozeji agadowile mwangoni, 40aIzarayeli, kohodowa muwongana Arawu keraga: <Hiyo nnafuna munisakanyele amilugu amohiwa ira kanisogolrelrege. Ineriha mulombwana Mozeji wenno anikumihile muIjipitu, ulrendo udowile liye, imuireyele wewo, hiyo kaniiziwile.> 41Tchi tempu yenno yasakannye atu mwana ng'ombe, karomaga ikutelaga mukuto ikwamutu yosemele. Yengo yasakannye atu na mandiwa, aliwa iziveliwaga yenne, aliwa hagalalaga.
Estevawu ohowonga zela takaleliwa wa Mulugu na aIzarayeli malambo kawenda atu muisalesaleni
42<<Mulugu mbwenye oharambela, aavahaga tempu ira katamalelege jinafwanyeya zulu. Kalaga nnga mazu kalrembiwe muwari mwa livuru na anamafiyiheda ira:
<Kodi nyo aIzarayeli mohodipela vinyama no dikutela mikuto yaka 40 mwawenda nyo muisalesaleni? 43Kamwairilena. Mofutukula nyo mwawenda na musasa okana ikwamutu yosema ya Moloki. Eto mwawenda na yosema imohi ya nyenyedi ya mulugu wenyu eriwa Renfa. Nyo mwawenda na vikwamutu josema jasakannye nyo ira mujitamalele. Nona miyo nnoutamangihedani olapela wene kwaranya ilambo ya Babiloniya ira mwakale azari wewo.> >>
44Estevawu ohowongagave eraga: <<Makolo ehu kawendawenda muisalesaleni na Musasa wa Yehova wa umboni.#7:44 Musasa wa Yehova wa umboni. Musasa wa Yehova ali umboni oawumbutcheda atu ira: <<Mulugu unawenda vamohi na hiyo.>> Ira kakayena musasole, Mulugu gwamuwongilena Mozeji ira asakanye musasa, amuonihaga makalelo matene afuna liye sakanya. 45Zagave sogolro, tempu yasogolrelra mulombwana Jozuwe, tempu yenno mwa kopolo da Mulugu, ababihu kohowanda za uno, kaatamangihagamo anamurala mwilamboni muno. Aliwa kavolowaga mwilamboni muno, kohozana Musasole, liye kala emuno fiyeda tempu ya mwene Davi. 46Mwene Davi ali mutu Mulugu amuziveliwe liye. Liye gunvepile ira asakanye nyumba yapama ira Mulugu wa Jako akalemo. 47Eto ammangele Nabwiya nyumbaye ali mwanaye Salomawu.
48<<Mbwenye Wenno Ukwaranyile Jatene kanakala nyumba yosakanyiwa na manda. Kalaga nnga mazu namafiyiheda awongile liye oira:
49 <Nabwiya uhuwonga ira: <<Zulu ti nimburo nnakala mpando waga wa umwene. Ilambo ya vati tchi yengo yonyingalihavo manyalo aga. Nyo munafuna mudimangele nyumba tchivi? Nyo munawanda avi dimangela nyumba ira miyo divumemo? 50Jatene jeji jilimo, usakannye gu miyo na mandagala.>> > >>
Piwa wa Estevawu
51Estevawu ohowongagave eraga: <<Nyo muli avuruvuru eto atu ovanda mirima eto ovanda mabaru. Nyo muli aliba konda jofuna ja Munemba Otchena. Nyo muli atu ohalana makalelo a ababinyu a wanle. 52Ababinyu wanle komuharaharetcha namafiyiheda uli watene. Aliwa baapile anamafiyiheda kawongetcha ira ukala Mutu Owongowa unafuna za. Wenno kamuwonga atu agazile, nyo mohomuguliha fiyeda mwezo ompa! 53Malambo a mundulrimu mohowatchela malamulo okumela wa angelro mbwenye muwari mompa mule, ku wonga nyo kamwaharihile malamulo mwawandeliwe nyo.>>
54Kagavwile jejo, atene kohotakaleliwa valukulu, kamutakunelaga meno. 55Estevawu eto ohozaleliwa Munemba Otchena. Againg'anne zulu, ohoona wareya undimuwa wa Mulugu. Ohomuona eto Yesu agali oimelene muwononi odjana wa Mulugu. 56Mwa enne Estevawu ohoiraga: <<Kaing'anani! Diing'anne miyo zulu, nnaona zulu unafwanyeya wagahuleyile eto Mwana wa Mutu#7:56 Mwana wa Mutu unawongiwa va gu Yesu Kiristu. Tchoira Yesu Kiristu awendaga mwilamboni ya vati, liye aviitanetcha Mwana wa Mutu. (Juwawu 3:13,14, 5:27, 6:27,53,62, 8:28, 9:35) Muwari moviitana Mwana wa Mutu, ku wonga Yesu gu mutu okwakwanela, mutu okala nnga Adawu ahanamutegele Mulugu. Yesu aviitanaga Mwana wa Mutu ku tapulela ira liye gu mutu wa ibaribari hiya kala niguruguzu nohokana mabasa. uli oimelene muwononi odjana wa Mulugu.>> 57Agawongile mazwale, aliwa kohosimbwaga kuwa katiyelaga baruni wewa ira kahavwe jawonga liye jile. Atene kohovenya vamohi momuringanela, 58aliwa mburulelaga unde wa sidadi, roma nvoka mabwe. Amboni anno karumelela ukwa wa Estevawu, kohowungula kapa diwa, aliwa nvaheda muzombwe mmohi eriwa Sawulo ira aing'anelege. 59Kankomaga Estevawu, liye oholobela ira: <<Nabwiya Yesu, watchelani munemba waga.>> 60Mwa enne ohokokoraga, liye wonga mokuwa eraga: <<Nabwiya, mwaalevelele atwala yotega inaira atu ila.>> Nowonga eno, liye mariheya, roma gona, gona wa ukwa.
Chwazi Kounye ya:
Joira ja Anamarumiwa 7: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 7
7
Estevawu ohowonga zela yopangana Mulugu asakanyile liye na Abarahamu
1Evale mundimuwa wa anamakuta ohonfuka Estevawu eraga: <<Katiye, kodi munawonga atu mu pu mwemo?>> 2Estevawu ohowongaga eraga: <<Abalaga, ababi atene, nnafuna mudivuruwane pama. Mulugu Mundimuwa wa Ibaribari ohomutwanyuwela babihu Abarahamu ora yakala liye ilambo ya Mezopotamiya, ahanadowe ilambo ya Arani. 3Mulugu ohomuwandela ira: <Uvenye, uhiye ilambwawo, uhiye vande va ababawo, udowe ilambo inafuna miyo utonyiheda.> 4Evale Abarahamu ohovenya, akumaga ilambo ya Mezopotamiya wewo wakala aKalidewu, liye dowaga ilambo ya Arani. Kagafiyile ilambo ya Arani, babaye ohofiyeda mwezo okwa mwilamboni mwa Arani mule. Agakwile, tchi tempu Mulugu yamutamihile liye mulombwana Abarahamu ira akume Arani, aze ilambo imohive muli hiyo muno. 5Mbwenye Mulugu kanvahile Abarahamu ilambwela ira ikale yaye, nne isi tereno yokala ha vonyingala nnyalo. So Mulugu apanganne ira aavahe ilambwela ahimaye a musogolro kafuna za baliwa. Eto ora yawonga Mulugu eno, Abarahamu ali ahanambale mwana.>>
Estevawu ohowonga zela panduwa wa aIzarayeli
6<<Mulugu eto ohomuwandela mulombwana Abarahamu ira: <Ahimawo a musogolro anoza kakale anowenda mwilamboni mwa annya. Wewule anoza kakale azari, kaonihiwe goyi pakana yaka 400.> 7Eto Mulugu ohowonga ira: <Yaka dedo dakwakwana, miyo nnoza daatonge atu anno anafuna kaaire azari ahimawo ale. Evale ahimawo anoza kakumemo, kaditamalele miyo vano nimburo neni.> 8Mulugu eto ohonvaha Abarahamu yopangana zela ineliwa#7:8 yopangana zela ineliwa: Ineliwa unawongiwa va kahi nnga ineliwa wa tempu ili hiyo ila. Wanle Mulugu ohomuwandela Abarahamu ira: mwana wa mwanapongwe uli watene unabaliwege vande vawo, akwakwanihaga malambo matanu na mararu, inafwanela aineliwe. (Jenesesi 17:10-14) Eto aineliwa ali ahima a alombwana ve, kakwakwaniha malambo matanu na mararu. Ku wonga mwana agali nnyenya na mmandani. Nione Levitiku 12:3. Ku wonga ja lunga jinera azombwe eto ja zoma anamwali jinera atu tempu ili hiyo ila kajinna pandi na Mulugu. ira ikale ionihedo zela yapanganne atu. Evale Abarahamu ohombala mwanaye Izaki. Agamanle malambo matanu na mararu, ohomuinela. Izaki eto ohombala mwanaye Jako. Jako eto ohabala anapongwe kumi na ambinli anno kali makolo a malogo kumi na menli a aIzarayeli.
9<<Makolo ale kohokana nrima zela mbaliwa Joze, fiyeda mwezo omuguliha ira akale muzari ilambo ya Ijipitu. Mbwenye masiki kamugulihileve eno, wewo wadowa liye, Mulugu alive na liye 10eto ohonvunela zela makatamiho matene aona liye. Mulugu ohomukamiheda Joze anvahaga zelru dapama, liye sakanya ira Farawu mwene wa Ijipitu amuona, amuziveliwe. Evale Farawu ohomuhambiha ira akale mundimuwa osogolrelra jatene ja muIjipitu na jatene ja vande vaye.
11<<Evale yaoneyile yali ndala ilukulu mwilamboni mwa Ijipitu fiyeda ilambo ya Kana wali Joze abalaye. Muwari mwa ndala ile, goyi danna atu kadali ding'ono. Fiyeda ababihu udja wanna atu wohamalela. 12Mbwenye Jako agavwile ira: <MuIjipitu munogulihiwa udja>, oharuma makolwihu fendo yoroma ira kadowe Ijipitu, kagule udja. 13Noira eno, funa welelawo fendo yanembinli, tchi tempu yavioneyiha mulombwana Joze vamentoni va abalaye. Evale za wa Joze abalaye muIjipitu wohovweya fiyeda wa mwene Farawu. 14Nomala eno, Joze ohorumiha milanyo ira babaye Jako na atu atene a muibalini mwaye kadowe Ijipitu. Aliwa kadowaga, indjiva uwa kali atu 75. 15Kagadowile muIjipitu, mundimuwa Jako ohofiyeda kwa emule vamohi na makolo ehu atene. 16Kagakwile, kohotukula mitembo dewa, dowa koya ilambo ya Sikemu#7:16 Ilambo ya Sikemu ili muwari mwa ilambo ya Izarayeli. masiye anno Abarahamu agunle liye na kobiri da parata na ana Amori.
17<<Mbwenye tempu ifunaga kwakwana ira Mulugu aavahe aIzarayeli ilambo ya Kana nnga mwalumbenle liye na Abarahamu, aIzarayeli mwali atu muIjipitu kohoindjiva, tchali ang'ono, 18fiyeda gwela vampandoni mwene mmohiwa ahaiziwile jatene jairile Joze. 19Mwene wenne ohoroma aoniha ababihu goyi muwari monyenga, ante liye fiyeda mwezo okumiha nlamulo ira aIzarayeli kaabalaga ahimiwa, katukuliwege, kahiyiwege unde ira kakwege. 20Tempu yenno tchi tempu yabaliwa Mozeji. Mozeji abaliwaga, ali mwana oriya, obaleya vamentoni va Mulugu. Ababaye kohomukoya mmba mwiwa pakana mala medi miraru. 21Evale kagamukumihedile unde, azile nfwanya ali mwana wa muhiyana mmohi wa Farawu. Liye ohomutukula, muulukuliha nnga mwanaye. 22Noira eno, Mozeji aulukulaga, kohonfundjiha zelru da muIjipitu mwemule. Ali eto mulombwana wa kopolo mowonga na mwa joira jaye.
23<<Mozeji aganna yaka 40, ohokana zelru doapanda abalaye Ana Izarayeli. 24Adowaga apanda, ohonfwanyaga muEberewu mmohi abubudiwaga vasayi na muIjipitu. Noira eno, Mozeji ohovenya, anvunelaga muEberewu nfwaye, liye muweliheda muIjipitule kunyakunya, liye mpa. 25Mozeji airagana ejo, aumbuwela ira: <Daira eni, abalaga anowanda onelramo ira Mulugu unafuna anivunele muwari mwa miyo.> Mbwenye ejo aIzarayeli tchaonenlremo. 26Noira enne unde ule mbe, ohowelelaga, liye nfwanya muEberewu na muEberewu nfwaye kawanaga. Mozeji afuna nnga aawandanihe mmohi na nfwaye, liye ira: <Alombwana, nyo muli muibalinive. Nnga munawanela nni?> 27Nomala eno, ule ampudja nfwaye, ohofiyeda mwezo omundunya Mozeji, liye ira: <Kodi bani uuhambihile we ira ukale musogolrelri wehu na namatonga wehu? 28Kodi unafuna udipe nnga umpile we muIjipitule nzilo?> 29Mozeji agavwile mazu anne, ohovenya, liye tawela ilambo ya Midiyani, kala wewo nnga mutu otawelawo. Agali ilambo ya Midiyani ule ohabala ahima ambinli anapongwe ve.
30<<Agamanlewo yaka 40 Midiyani, siku nimohi Mozeji agali muisalesaleni wandamelana mwango Sinayi, mungelro ohomutwanyuwela muwari mwa nlumi na munlo vanikupuni. 31Mozeji agaonne nikupu nihindaga munlo, ohotikiniheya. Evale liye akwivelagavo, ohovwa nizu na Nabwiya niwongaga niiraga: 32<Miyo vano dili Mulugu wa makolwawo, Mulugu wa Abarahamu, Mulugu wa Izaki na Mulugu wa Jako.> Mozeji agavwile eno, ohoroma ngurumela eto kawandile ing'anavo. 33Evale Nabwiya ohomuwongana ira: <Kawungula sapato dawo do. Tchoira nimburo nili we ni, totchena. 34Miyo dihimala ona na meswaga goyi da atwaga muIjipitu. Dihimala vwa nla wewa. Eni dihitita ira didowe daavunele atwaga. Weyo Mozeji, nnafuna durume udowe Ijipitu wakoka wene.> >>
35Estevawu ohowongagave eraga: <<Mozeji wenno aIzarayeli kamukonda atu, kanfukaga keraga: <Kodi bani uuhambihile we ira ukale musogolrelri wehu na namatonga wehu?>, gwenno mwinnyiwene Mulugu amurumile liye ira akale musogolrelri wewa na namaawombola wewa, muwari mokamihediwa na mungelro wenno azile mutwanyuwela vari va nikupu nohinda. 36Mulombwana Mozeji guwandile irana jotikiniha na jionihedo muIjipitu aakumihagamo aIzarayeli, fiyeda liye afiyana Bara Yofila, liye alambutcha, liye asogolrelraga yaka 40 muisalesaleni.
Estevawu ohowonga mazu awongile Mozeji zela namafiyiheda mmohiwa afuna za
37<<Mozeji mmohive ohawandela Ana Izarayeli eraga: <Muwari mwa nlogo nehu, Mulugu unoza anirumele namafiyiheda mmohiwa okala nnga ha miyo.> 38Mozeji gwasogolrenlre mulogo wa aIzarayeli muisalesaleni fiyeda mwango Sinayi. Sinayi ku wewo wagumana ababihu na Mozeji ira mungelro wa Mulugu amuwandele Mozeji mazu. Mozeji ohowatchela Mazu a ingumi ira anivahege.#7:38 Mozeji ohowatchela Mazu a ingumi: Fwanyeya ira Mulugu kapanganne ira: <<Mwaharihamo malamulo, munokana ingumi yohomala.>> Nari. Mulugu mbwenye ohopangana na aIzarayeli ira: <<Nyo mwairana jatene jinawonga miyo, munokalawo malambo madjindjene muwari mwa ilambo yapama inauvahani miyo.>> (Detoronomiyo 5:33, 11:8-9, 32:46-47) 39Mbwenye ababihu kohokonda nvwelela jawonga liye, kamuhiyaga Mozeji mmambalo, aliwa roma funa mmirimani mwewa jomanga ulrendo ira kawelelege muIjipitu. Eto fwanyeya ira Mozeji agadowile mwangoni, 40aIzarayeli, kohodowa muwongana Arawu keraga: <Hiyo nnafuna munisakanyele amilugu amohiwa ira kanisogolrelrege. Ineriha mulombwana Mozeji wenno anikumihile muIjipitu, ulrendo udowile liye, imuireyele wewo, hiyo kaniiziwile.> 41Tchi tempu yenno yasakannye atu mwana ng'ombe, karomaga ikutelaga mukuto ikwamutu yosemele. Yengo yasakannye atu na mandiwa, aliwa iziveliwaga yenne, aliwa hagalalaga.
Estevawu ohowonga zela takaleliwa wa Mulugu na aIzarayeli malambo kawenda atu muisalesaleni
42<<Mulugu mbwenye oharambela, aavahaga tempu ira katamalelege jinafwanyeya zulu. Kalaga nnga mazu kalrembiwe muwari mwa livuru na anamafiyiheda ira:
<Kodi nyo aIzarayeli mohodipela vinyama no dikutela mikuto yaka 40 mwawenda nyo muisalesaleni? 43Kamwairilena. Mofutukula nyo mwawenda na musasa okana ikwamutu yosema ya Moloki. Eto mwawenda na yosema imohi ya nyenyedi ya mulugu wenyu eriwa Renfa. Nyo mwawenda na vikwamutu josema jasakannye nyo ira mujitamalele. Nona miyo nnoutamangihedani olapela wene kwaranya ilambo ya Babiloniya ira mwakale azari wewo.> >>
44Estevawu ohowongagave eraga: <<Makolo ehu kawendawenda muisalesaleni na Musasa wa Yehova wa umboni.#7:44 Musasa wa Yehova wa umboni. Musasa wa Yehova ali umboni oawumbutcheda atu ira: <<Mulugu unawenda vamohi na hiyo.>> Ira kakayena musasole, Mulugu gwamuwongilena Mozeji ira asakanye musasa, amuonihaga makalelo matene afuna liye sakanya. 45Zagave sogolro, tempu yasogolrelra mulombwana Jozuwe, tempu yenno mwa kopolo da Mulugu, ababihu kohowanda za uno, kaatamangihagamo anamurala mwilamboni muno. Aliwa kavolowaga mwilamboni muno, kohozana Musasole, liye kala emuno fiyeda tempu ya mwene Davi. 46Mwene Davi ali mutu Mulugu amuziveliwe liye. Liye gunvepile ira asakanye nyumba yapama ira Mulugu wa Jako akalemo. 47Eto ammangele Nabwiya nyumbaye ali mwanaye Salomawu.
48<<Mbwenye Wenno Ukwaranyile Jatene kanakala nyumba yosakanyiwa na manda. Kalaga nnga mazu namafiyiheda awongile liye oira:
49 <Nabwiya uhuwonga ira: <<Zulu ti nimburo nnakala mpando waga wa umwene. Ilambo ya vati tchi yengo yonyingalihavo manyalo aga. Nyo munafuna mudimangele nyumba tchivi? Nyo munawanda avi dimangela nyumba ira miyo divumemo? 50Jatene jeji jilimo, usakannye gu miyo na mandagala.>> > >>
Piwa wa Estevawu
51Estevawu ohowongagave eraga: <<Nyo muli avuruvuru eto atu ovanda mirima eto ovanda mabaru. Nyo muli aliba konda jofuna ja Munemba Otchena. Nyo muli atu ohalana makalelo a ababinyu a wanle. 52Ababinyu wanle komuharaharetcha namafiyiheda uli watene. Aliwa baapile anamafiyiheda kawongetcha ira ukala Mutu Owongowa unafuna za. Wenno kamuwonga atu agazile, nyo mohomuguliha fiyeda mwezo ompa! 53Malambo a mundulrimu mohowatchela malamulo okumela wa angelro mbwenye muwari mompa mule, ku wonga nyo kamwaharihile malamulo mwawandeliwe nyo.>>
54Kagavwile jejo, atene kohotakaleliwa valukulu, kamutakunelaga meno. 55Estevawu eto ohozaleliwa Munemba Otchena. Againg'anne zulu, ohoona wareya undimuwa wa Mulugu. Ohomuona eto Yesu agali oimelene muwononi odjana wa Mulugu. 56Mwa enne Estevawu ohoiraga: <<Kaing'anani! Diing'anne miyo zulu, nnaona zulu unafwanyeya wagahuleyile eto Mwana wa Mutu#7:56 Mwana wa Mutu unawongiwa va gu Yesu Kiristu. Tchoira Yesu Kiristu awendaga mwilamboni ya vati, liye aviitanetcha Mwana wa Mutu. (Juwawu 3:13,14, 5:27, 6:27,53,62, 8:28, 9:35) Muwari moviitana Mwana wa Mutu, ku wonga Yesu gu mutu okwakwanela, mutu okala nnga Adawu ahanamutegele Mulugu. Yesu aviitanaga Mwana wa Mutu ku tapulela ira liye gu mutu wa ibaribari hiya kala niguruguzu nohokana mabasa. uli oimelene muwononi odjana wa Mulugu.>> 57Agawongile mazwale, aliwa kohosimbwaga kuwa katiyelaga baruni wewa ira kahavwe jawonga liye jile. Atene kohovenya vamohi momuringanela, 58aliwa mburulelaga unde wa sidadi, roma nvoka mabwe. Amboni anno karumelela ukwa wa Estevawu, kohowungula kapa diwa, aliwa nvaheda muzombwe mmohi eriwa Sawulo ira aing'anelege. 59Kankomaga Estevawu, liye oholobela ira: <<Nabwiya Yesu, watchelani munemba waga.>> 60Mwa enne ohokokoraga, liye wonga mokuwa eraga: <<Nabwiya, mwaalevelele atwala yotega inaira atu ila.>> Nowonga eno, liye mariheya, roma gona, gona wa ukwa.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral