Joira ja Anamarumiwa 4
4
Peduru na Juwawu kohalaleya andimuwa
1Peduru na Juwawu kawongagave na atwale, azilevo ali anamakuta na mundimuwa wa agwarda a Nyumba ya Yehova na aSadusewu.#4:1 aSadusewu: Muwari mwa nlogo na aJudewu, kohokalawo atu kafwanyeya kagali aSadusewu. ASadusewu vamohi na aFarizewu kafwanyeya kagali andimuwa oasogolrelra aJudewu zela ja Mulugu. ASadusewu eto tcharumela ira mutu akwa, unovenya mokwani. Eto tcharumela ira angelro kohokalawo. (Joira ja Anamarumiwa 23:8) 2Kagafiyile vevale, aliwa kohotakaleliwa mwasiwa kanfwannye Peduru na Juwawu kaafundjihaga atwale, kaalaleyaga venya mokwani muwari momuroromela Yesu. 3Aliwa kohomuhinda Peduru na Juwawu, ahela kadeya ira katongiwe mmetcheloni muwa mwasiwa nzuwa nohoviraga. 4Mbwenye kahanahindiwe, mwa ale kavwile laleya wa Peduru na Juwawu, adjindji kohomuroromela Yesu. Evale numero na atu omuroromela Yesu nohofiyaga wandamelana 5.000, alombwana ve.#4:4 numero na atu omuroromela Yesu nohofiyaga wandamelana 5.000: Ku wonga anamamuhara Yesu a mundulri na ale kamuroromenle Yesu siku nenne, kagagumanele a wanle na axa kohokwakwanaga wandamelana 5.000.
5Unde wagatchile kohogumanela anamasogolrelra na andimuwa a aJudewu na anamafundjiha malamulo vevale valigi atu muJeruzalemu. 6Ohokalavo eto mundimuwa wa anamakuta eriwa Anasi na mundimuwa nfwaye Kayafasi na Juwawu na Alexandiri na atene a muibalini mwa mundimuwa wa anamakuta. 7Aliwa kagaadowenle aPeduru, kagaazilena, kohafuka keraga: <<Ira nyo munvulumutche mutula, munvulumutchile na kopolo da ani? Na nzina na ani muirilena nyo jeji?>> 8Evale mulombwana Peduru ohozaleliwa Munemba Otchena, liye kwi: <<Nyo anamasogolrelra a ilambwela, nyo andimuwa andimuwa, 9zela yengo yapama imuirele hiyo mutu ohowendola, mwanifuka ira: <Mutula uvulumutchiwe na makalelo bavi?>, 10hiyo nnouwandelani nyo andimuwa na aIzarayeli atene ira mutula munamuona nyo peno eva, uvulumutchiwe muwari mwa nzina na Yesu Kiristu wa Nazareti wenno mumpile nyo monkomela vaimirini eto wenno Mulugu amuvenyihile liye mokwani.>>
11<<Yesu wenno gu nibwe neno nikondile nyo aliba manga, nibwe neno Mulugu ahenle liye ira nikale nibwe na vamwendoni. 12Kalivo unavulusiwa mwa mutu mmohiwa. Eto kanilivo nzina nimohi niwa mwilamboni ya vati nonivulusa, tchoira Mulugu univahile ira nivulusiwe mwa nzina naye bahi.>>
Andimuwa kohatonga aPeduru ira kahawongegeve zela nzina na Yesu
13Evale aliwa kagaonne limba wa Peduru na Juwawu eto kagaonne ira aliwa kali atu a vaheno vene, hiya atu ofundjetchetcha, kohotikinaga eto kohowanda onelramo ira: <<Atwala kawendetcha vamohi na Yesu.>> 14Mbwenye tchawandile wonga mazu oaruniha aPeduru mwasiwa komuona ira mutule kanvulumutchile atu afwanyeya oimelene vari vewa. 15Vevale anamatongale koharuma aPeduru ira kakumevo. Evale andimuwale vahanle atu okave, kohotapanyaga jotapanya jewa, aliwa ira: 16<<Naaireleni nni atwala? Tchoira ionihedo yotikiniha iirile atu ihimala vweya na atu atene anakala muJeruzalemu muno. Hiyo kaninna makalelo oruniha. 17Mbwenye ira yahavweyeve mwa atu amohiwa, naawongena aliwa ira kahawelele wonga na mutu uli watene zela nzina neno.>>
18Vevale kohomuitana Peduru na Juwawu ira kaakamelihe welela wonga nzina na Yesu. 19Mbwenye Peduru na Juwawu kohoruniha keraga: <<Nyo munaona avi, yapamiwa vamentoni va Mulugu tchivi? Kodi yapamiwa niharege yofuna yenyu owu niharege yofuna ya Mulugu yaye?#4:19 niharege yofuna yenyu owu niharege yofuna ya Mulugu yaye? Ku wonga Peduru unawonga ira: <<Jofuna jenyu na jofuna ja Mulugu kahi jimohive. Nahara jofuna jenyu, ku wonga kannahara jofuna ja Mulugu.>> Fwanyeya ira ora yenno Peduru awonga mazu anno vamentoni va andimuwa oafundjiha afwiwa mazu, anno kawara bata dolapa. Mazwala anoniwendjeliha ira niiziwe ira masiki andimuwa owara pama oafundjiha afwiwa mazu anowanda viringana. Inafwanela nifundje mazu a Mulugu ira nahanyengiwe na mutu uli watene. Eto naona ira yowonga ya andimuwa na yowonga ya Mulugu kahi imohive, inafwanela nitamangele yenno iwongile Mulugu. 20Hiyo mbwenye kannanda miyala wonga jaonne hiyo na javwile hiyo.>> 21-22Fwanyeya ira ora yenno atu atene kavwile zela vulumutchiwa wa mutule, kamutitimiha Mulugu. Tchoira mutu avulumutchiwole kaali mwana. Yotikiniha ile imuireyelaga, liye ohokana kwaranya yaka 40. Andimuwale kagaaonne atu oindjiva kamutitimihaga Mulugu, kohoira: <<Veva hiyo kaninna muselu ofwanela hiyo agwihana mulandu atwala.>> Evale kohomututchagave Peduru na Juwawu, nomala aliwa akutcha.
Atu omuroromela Yesu kohonvepa Mulugu ira aavahe kopolo
23Peduru na Juwawu kagakutchiwe, kagadowile wa afwiwa omuroromela Yesu, kohawandela jengo jawonga andimuwa a anamakuta na andimuwa afwiwa. 24Afwiwa kagavwile jatene jejo, atene kohonvepa Mulugu keraga: <<Nabwiya Mwinnya otonga Jatene, nyo gupandutchile zulu na ilambo ya vati na bara na jatene jinafwanyeyamo. 25Nabwiya jinaireya malambwala jinakala nnga mazu mwawongile nyo mwa namalaba wenyu, mbwiyihu Davi, muwari mwa Munemba Otchena ira:
<Mwasiwa gwa nni atu a vilambo dohiyana-hiyana funaga jokonda utongi eto malogo ohiyana-hiyana umbuwelaga jengo johokana mabasa? 26Amwene atene a mwilamboni anovenyela eto asogolrelri atene anogumanela, aliwa mpanganelaga Nabwiya vamohi na wenno umuhambihile liye.> >>
27Aliwa koholobelave keraga: <<Mwa ibaribari so Nabwiya, sidadi ili hiyo ila, jatene jawongile Davi jihifiya mwa Yesu. Tchoira nyo mwagamuhambihile Namalaba wenyu Otchena, mwene Erodi na Ponsiyu Pilatu na atu amohi ohokala aJudewu vamohi na aIzarayeli kohogumanela ira kawanawane na liye. 28Ejo johokwakwanela nnga mwafunele nyo wanle mwa kopolo denyu ira jiireye. 29Nabwiya peno hiyo nnauvepani ira muvwe jotutcha jinawonga atu ji. Munivahe kopolo hiyo anamalaba enyu ira niwandege wonga mazwinyu molimbiha murima. 30Muwongole muwono wenyu wa kopolo ira hiyo niwande avulumutcha arenda no irana jionihedo na jotikiniha na nzina na Mwaninyu Yesu, Namalaba wenyu Otchena.>> 31Kagamanle lobela, nimburo nagumanne atu nohotekenyeyaga, atwale zaleliwa Munemba Otchena. Kuma evale kodowave kalaleyaga mazu a Mulugu molimbiha murima.
Atu omuroromela Yesu oroma kovahana
32Mwa ora yenno atu atene omuroromela Yesu kohokana joumbuwela jimohive na mirima dimohive. Kalivo awonga zela jaye ira: <<Eji jaga>>, mbwenye kovahana jatene janna atu. 33Anamarumiwa kalaleya mwa kopolo dindimuwa zela umboni ovenya wa Nabwiya Yesu mokwani. Eto Mulugu oavaha mareliho madjindji#4:33 Mulugu oavaha mareliho madjindji: Atu koona matikiniho madjindji kaireya muwari mwa anamarumiwa. Aliwa koavulumutcha atu, koavenyiha atu mokwani eto masiki aliwa kaalaleyaga atu, adjindji korumela muselu kalaleya atu, nikuru na atu omuroromela Yesu dowagave sogolro. aliwa atene. 34-35Mwa ora yenno, ale kafwanyeyana minda diwa, nyumba diwa, koguliha, tukula kobiriwa, dowa velela wa anamarumiwa. Anamarumiwa batukula kobiriwa, roma agawelaga afwiwa omuroromela Yesu kasimenle. Kada mutu ovahiwa malringana makatamiho anna liye. Muwari movahana mule, muwari mwewa kafwanyeyamo mutu asimenle.#4:34-35 muwari mwewa kafwanyeyamo mutu asimenle: Mazwala kinaniwandela ira atu atene omuroromela Yesu kafwanyeya kagali abufu. Kahi ira atene kali orayela. So mbwenye kalivo asimenle. Atu atene kohokwaranya simela, aliwa fiya vokana jodja na jowara na vogona. Nafwanya Joira ja Anamarumiwa 6:1, nnovwa ira kohokalawo amakwele a ahiyana kavahiwa kobiri owu yodja siku na siku. Ku wonga aliwa tchanna udja mmba mwiwa. Mbwenye voira siku nenne aliwa kohodja, ku wonga aliwa tchasimenle. 36Kalaga nnga mulombwana mmohi nzina naye eriwa Joze wenno anamarumiwa kamuitanetcha atu Barnabe (ku wonga mutu oalimbiha afwaye.) Barnabe ali wa nlogo na Levi eto waniwa ali vasuwa va Xipire. 37Na liyene ohokana munda waye agulihile liye, tukula kobiriwa, liye dowana velela wa anamarumiwa.
Chwazi Kounye ya:
Joira ja Anamarumiwa 4: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 4
4
Peduru na Juwawu kohalaleya andimuwa
1Peduru na Juwawu kawongagave na atwale, azilevo ali anamakuta na mundimuwa wa agwarda a Nyumba ya Yehova na aSadusewu.#4:1 aSadusewu: Muwari mwa nlogo na aJudewu, kohokalawo atu kafwanyeya kagali aSadusewu. ASadusewu vamohi na aFarizewu kafwanyeya kagali andimuwa oasogolrelra aJudewu zela ja Mulugu. ASadusewu eto tcharumela ira mutu akwa, unovenya mokwani. Eto tcharumela ira angelro kohokalawo. (Joira ja Anamarumiwa 23:8) 2Kagafiyile vevale, aliwa kohotakaleliwa mwasiwa kanfwannye Peduru na Juwawu kaafundjihaga atwale, kaalaleyaga venya mokwani muwari momuroromela Yesu. 3Aliwa kohomuhinda Peduru na Juwawu, ahela kadeya ira katongiwe mmetcheloni muwa mwasiwa nzuwa nohoviraga. 4Mbwenye kahanahindiwe, mwa ale kavwile laleya wa Peduru na Juwawu, adjindji kohomuroromela Yesu. Evale numero na atu omuroromela Yesu nohofiyaga wandamelana 5.000, alombwana ve.#4:4 numero na atu omuroromela Yesu nohofiyaga wandamelana 5.000: Ku wonga anamamuhara Yesu a mundulri na ale kamuroromenle Yesu siku nenne, kagagumanele a wanle na axa kohokwakwanaga wandamelana 5.000.
5Unde wagatchile kohogumanela anamasogolrelra na andimuwa a aJudewu na anamafundjiha malamulo vevale valigi atu muJeruzalemu. 6Ohokalavo eto mundimuwa wa anamakuta eriwa Anasi na mundimuwa nfwaye Kayafasi na Juwawu na Alexandiri na atene a muibalini mwa mundimuwa wa anamakuta. 7Aliwa kagaadowenle aPeduru, kagaazilena, kohafuka keraga: <<Ira nyo munvulumutche mutula, munvulumutchile na kopolo da ani? Na nzina na ani muirilena nyo jeji?>> 8Evale mulombwana Peduru ohozaleliwa Munemba Otchena, liye kwi: <<Nyo anamasogolrelra a ilambwela, nyo andimuwa andimuwa, 9zela yengo yapama imuirele hiyo mutu ohowendola, mwanifuka ira: <Mutula uvulumutchiwe na makalelo bavi?>, 10hiyo nnouwandelani nyo andimuwa na aIzarayeli atene ira mutula munamuona nyo peno eva, uvulumutchiwe muwari mwa nzina na Yesu Kiristu wa Nazareti wenno mumpile nyo monkomela vaimirini eto wenno Mulugu amuvenyihile liye mokwani.>>
11<<Yesu wenno gu nibwe neno nikondile nyo aliba manga, nibwe neno Mulugu ahenle liye ira nikale nibwe na vamwendoni. 12Kalivo unavulusiwa mwa mutu mmohiwa. Eto kanilivo nzina nimohi niwa mwilamboni ya vati nonivulusa, tchoira Mulugu univahile ira nivulusiwe mwa nzina naye bahi.>>
Andimuwa kohatonga aPeduru ira kahawongegeve zela nzina na Yesu
13Evale aliwa kagaonne limba wa Peduru na Juwawu eto kagaonne ira aliwa kali atu a vaheno vene, hiya atu ofundjetchetcha, kohotikinaga eto kohowanda onelramo ira: <<Atwala kawendetcha vamohi na Yesu.>> 14Mbwenye tchawandile wonga mazu oaruniha aPeduru mwasiwa komuona ira mutule kanvulumutchile atu afwanyeya oimelene vari vewa. 15Vevale anamatongale koharuma aPeduru ira kakumevo. Evale andimuwale vahanle atu okave, kohotapanyaga jotapanya jewa, aliwa ira: 16<<Naaireleni nni atwala? Tchoira ionihedo yotikiniha iirile atu ihimala vweya na atu atene anakala muJeruzalemu muno. Hiyo kaninna makalelo oruniha. 17Mbwenye ira yahavweyeve mwa atu amohiwa, naawongena aliwa ira kahawelele wonga na mutu uli watene zela nzina neno.>>
18Vevale kohomuitana Peduru na Juwawu ira kaakamelihe welela wonga nzina na Yesu. 19Mbwenye Peduru na Juwawu kohoruniha keraga: <<Nyo munaona avi, yapamiwa vamentoni va Mulugu tchivi? Kodi yapamiwa niharege yofuna yenyu owu niharege yofuna ya Mulugu yaye?#4:19 niharege yofuna yenyu owu niharege yofuna ya Mulugu yaye? Ku wonga Peduru unawonga ira: <<Jofuna jenyu na jofuna ja Mulugu kahi jimohive. Nahara jofuna jenyu, ku wonga kannahara jofuna ja Mulugu.>> Fwanyeya ira ora yenno Peduru awonga mazu anno vamentoni va andimuwa oafundjiha afwiwa mazu, anno kawara bata dolapa. Mazwala anoniwendjeliha ira niiziwe ira masiki andimuwa owara pama oafundjiha afwiwa mazu anowanda viringana. Inafwanela nifundje mazu a Mulugu ira nahanyengiwe na mutu uli watene. Eto naona ira yowonga ya andimuwa na yowonga ya Mulugu kahi imohive, inafwanela nitamangele yenno iwongile Mulugu. 20Hiyo mbwenye kannanda miyala wonga jaonne hiyo na javwile hiyo.>> 21-22Fwanyeya ira ora yenno atu atene kavwile zela vulumutchiwa wa mutule, kamutitimiha Mulugu. Tchoira mutu avulumutchiwole kaali mwana. Yotikiniha ile imuireyelaga, liye ohokana kwaranya yaka 40. Andimuwale kagaaonne atu oindjiva kamutitimihaga Mulugu, kohoira: <<Veva hiyo kaninna muselu ofwanela hiyo agwihana mulandu atwala.>> Evale kohomututchagave Peduru na Juwawu, nomala aliwa akutcha.
Atu omuroromela Yesu kohonvepa Mulugu ira aavahe kopolo
23Peduru na Juwawu kagakutchiwe, kagadowile wa afwiwa omuroromela Yesu, kohawandela jengo jawonga andimuwa a anamakuta na andimuwa afwiwa. 24Afwiwa kagavwile jatene jejo, atene kohonvepa Mulugu keraga: <<Nabwiya Mwinnya otonga Jatene, nyo gupandutchile zulu na ilambo ya vati na bara na jatene jinafwanyeyamo. 25Nabwiya jinaireya malambwala jinakala nnga mazu mwawongile nyo mwa namalaba wenyu, mbwiyihu Davi, muwari mwa Munemba Otchena ira:
<Mwasiwa gwa nni atu a vilambo dohiyana-hiyana funaga jokonda utongi eto malogo ohiyana-hiyana umbuwelaga jengo johokana mabasa? 26Amwene atene a mwilamboni anovenyela eto asogolrelri atene anogumanela, aliwa mpanganelaga Nabwiya vamohi na wenno umuhambihile liye.> >>
27Aliwa koholobelave keraga: <<Mwa ibaribari so Nabwiya, sidadi ili hiyo ila, jatene jawongile Davi jihifiya mwa Yesu. Tchoira nyo mwagamuhambihile Namalaba wenyu Otchena, mwene Erodi na Ponsiyu Pilatu na atu amohi ohokala aJudewu vamohi na aIzarayeli kohogumanela ira kawanawane na liye. 28Ejo johokwakwanela nnga mwafunele nyo wanle mwa kopolo denyu ira jiireye. 29Nabwiya peno hiyo nnauvepani ira muvwe jotutcha jinawonga atu ji. Munivahe kopolo hiyo anamalaba enyu ira niwandege wonga mazwinyu molimbiha murima. 30Muwongole muwono wenyu wa kopolo ira hiyo niwande avulumutcha arenda no irana jionihedo na jotikiniha na nzina na Mwaninyu Yesu, Namalaba wenyu Otchena.>> 31Kagamanle lobela, nimburo nagumanne atu nohotekenyeyaga, atwale zaleliwa Munemba Otchena. Kuma evale kodowave kalaleyaga mazu a Mulugu molimbiha murima.
Atu omuroromela Yesu oroma kovahana
32Mwa ora yenno atu atene omuroromela Yesu kohokana joumbuwela jimohive na mirima dimohive. Kalivo awonga zela jaye ira: <<Eji jaga>>, mbwenye kovahana jatene janna atu. 33Anamarumiwa kalaleya mwa kopolo dindimuwa zela umboni ovenya wa Nabwiya Yesu mokwani. Eto Mulugu oavaha mareliho madjindji#4:33 Mulugu oavaha mareliho madjindji: Atu koona matikiniho madjindji kaireya muwari mwa anamarumiwa. Aliwa koavulumutcha atu, koavenyiha atu mokwani eto masiki aliwa kaalaleyaga atu, adjindji korumela muselu kalaleya atu, nikuru na atu omuroromela Yesu dowagave sogolro. aliwa atene. 34-35Mwa ora yenno, ale kafwanyeyana minda diwa, nyumba diwa, koguliha, tukula kobiriwa, dowa velela wa anamarumiwa. Anamarumiwa batukula kobiriwa, roma agawelaga afwiwa omuroromela Yesu kasimenle. Kada mutu ovahiwa malringana makatamiho anna liye. Muwari movahana mule, muwari mwewa kafwanyeyamo mutu asimenle.#4:34-35 muwari mwewa kafwanyeyamo mutu asimenle: Mazwala kinaniwandela ira atu atene omuroromela Yesu kafwanyeya kagali abufu. Kahi ira atene kali orayela. So mbwenye kalivo asimenle. Atu atene kohokwaranya simela, aliwa fiya vokana jodja na jowara na vogona. Nafwanya Joira ja Anamarumiwa 6:1, nnovwa ira kohokalawo amakwele a ahiyana kavahiwa kobiri owu yodja siku na siku. Ku wonga aliwa tchanna udja mmba mwiwa. Mbwenye voira siku nenne aliwa kohodja, ku wonga aliwa tchasimenle. 36Kalaga nnga mulombwana mmohi nzina naye eriwa Joze wenno anamarumiwa kamuitanetcha atu Barnabe (ku wonga mutu oalimbiha afwaye.) Barnabe ali wa nlogo na Levi eto waniwa ali vasuwa va Xipire. 37Na liyene ohokana munda waye agulihile liye, tukula kobiriwa, liye dowana velela wa anamarumiwa.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral