Joira ja Anamarumiwa 27
27
Pawulo ohovenyihana ulrendo waye wodowa Roma
1Kagaonne ira ora ikwakwana ira nigwele mwadeya, nidowe Italiya,#27:1 nigwele mwadeya, nidowe Italiya: Ku wonga maliba lremba Lukaji ali muulrendoni vamohi na Pawulo. Pawulo na anyakadeya amohiwa kohovahediwa mmandani mwa musogolrelri mmohi wa anyakondo 100 eriwa Juliyo okumela Nikuru na Agusta.#27:1 okumela Nikuru na Agusta: Juliyo ule na anyakondwaye asogolrelra liye kali vamohi na anyakondo amohiwa ahaasogolrelra liye muwari mogumanela kala nikuru naitaniwa Nikuru na Agusta. Mbwenye mwa anyakondo atene kafwanyeya muNikuruni mwa Agusta adowilewo kaali atene. Ali Juliyo na anyakondo angasi angasi asogolrelra liye. 2Mwadeya nagwenle hiyo ali mwadeya mmohi wa Aramitiyo. Mwadeyole mwinnya ofunaga nnga nidowe ikukuru ya Aziya, niperuwe sidadi dafwanyeya tcherela ya bara ya Aziya ule. Nivenyagavo, Aristarku wa sidadi ya Tesalonika muwari mwa ilambo ya Masedoniya ohodowa vamohi na hiyo. 3Unde ule mbe, nohofiyaga sidadi yeriwa Sidoni. Nagali wewule, mundimuwa Juliyo ule ohomusasanya Pawulo pama, liye muhiya ira adowe agumane na afwaye a wewule, kanvahege jimohi jamuhalenle. 4Nikumaga Sidoni, nipevo nohoroma nindunyela wahafuna hiyo dowa. Evale aliba mwadeya kohelavo zelru ira nivire ikukuru ya vasuwa va Xipire wewo wahaomba nipevo bure. 5Noira eno, hiyo kwaranya, fiya bara ili tcherela ya Silisiya na Panfiliya, hiyo kwaranya fiyeda sidadi ya Mira, ilambo ya Lisiya.
6Nagafiyile wewule, nohotita, hiyo hiya mwadeya. Vevale mundimuwa wa anyakondo ule ohonivendela mwadeya mmohiwa akuma Alexandiriya adowaga Italiya. Evale liye ohonigweliha, hiyo dowaga. 7Nohomalaga malambo mangasi mangasi nidowaga vang'ono vang'ono. Mosanyeya mwene, nohofiya wandamelana Kinidu. Evale nipevo nohoroma nindunyela wahafuna hiyo dowa. Evale nohovira ikukuru ya vasuwa va Kereta wewo wahaomba nipevo bure wandamelana sidadi ya Salimone. 8Nidowagave sogolro mosanyeya mwene, nohowanda fiya sidadi yeriwa Tcherela Dapama wandamelana sidadi ya Lazeya.
Makatamiho kaoneyile aPawulo kagali mmwadeyani
9Voira wali hiyo ule nohosimbwa dibeliwawo, siku nojejuwari nohovira eto yohofiya tempu inazetcha nipevo nowopiha.#27:9 siku nojejuwari nohovira eto yohofiya tempu inazetcha nipevo nowopiha: Wanle aJudewu kohokana siku nojejuwari. Siku nojejuwari nne nalingana na tempu yafuna za muzongwe na nipevo nowopiha. Atu wanle kohoiziwa ira siku neno navira, kavakala tempu ira mutu akayena ulrendo olapa mwiko. Pawulo ohowonga na aliba mwadeya aawandelaga eraga: 10<<Alombwana, ira nidowege eno, miyo nnoona ira ulrendo wehu unafuna ukale owopiha. Romana mitolro datene dilimo na mwadeya wenna ante vingumi dehu, miyo kannaona pama fiya uwa.>> 11Mbwenye mundimuwa wa anyakondole agavwile eno, kambalra Pawulo. Mwasiwa ndimuwole ambalraga mwinnya wa mwadeya na musogolrelri nfwaye. 12Eto fwanyeya ira vali hiyo kananna nimburo nofwanela garati evo na mwasa wa medi da muzongwe dafuna za.#27:12 medi da muzongwe: Sawasawa nnga uno, wewo wali atu, wohokala ora ya muzongwe na ora ya ilimwe. Atu keretcha wenda na mwadeya ora ya ilimwe. Mbwenye ora ya muzongwe kavali jowandeya wenda na mwadeya pama na mwasa wa nipevo na mahindje omanganyeya. Bingwi yazaga, muzongwe aroma rumbwa kada mwadeya wali liye ovenda nimburo napama ira atu katawe, kagarati medi edo da nipevo fiyeda bara imiyale. Evale oindjiva kohelagavo zelru ira nione akala nnowanda susa vang'ono, nivolowe sidadi ya Fenisi, suwa ya Kereta. Tchoira wewule yohokalawo tcherela yapama yafwanyeya pandi ya mavirelo wa nzuwa wa suwa ile. Yali yofwanela ira mwadeya agarati mutcherelani mule medi da muzongwe dafuna za.
13Evale nagaoneyile nipevo napama na vang'ono, kaumbuwela ira nnowanda fiya pama na nipevo nenne. Kohogweliha momba donyemela dali mmahindjeni ira mwadeya awande dowa,#27:13 momba donyemela nnawongiwa dalaba ira mwadeya ahakumevo vali atu. Tchoira mwadeya ali yengo yombelruwa, na nipevo na nipevo, nari na mahindje omanganyeya, mutu ahiya mwadeya burebure mmahindjeni, erege mbelruwa dowaga jaye. Na mwasa wenno, atwale kotukula momba dilukulu donyemela, aliwa mangiha na ngohi, tatilela mmahindjeni, mangiha mingohi wu na wu wa mwadeya. Momba dile dora wadora atu vati vale na mwasa onyemela, mwadeya kasusa. So mbwenye kafunaga venya, pagwelihamo atu momba dile, aliwa hela mmwadeyani ira kawande tchikuwavo vali atu. roma wenda vakwikwive na tcherela ya vasuwa va Kereta. 14Mbwenye mohodibeliwa, nohozaga nipevo nimohi niwa nohokala na masika nikumaga ikukuru ya Kereta. Nipevo neno, nali nipevo nneriwa Nipevo na Yaka. 15Nomala evo, aliwa roma nindunya. Evale kavawandeya ira aliba wendiha mwadeya kawendihe mwadeya pandi yafuna atu hara. Nipevo nne nohofiyeda nindunya, nidowagana wafuna atu.
16Evale nohofiya wandamelana mwana suwa eni yaitaniwa Kawuda, ikukuru ya wewo wahaomba nipevo bure. Mosanyeya mwene nohowanda tukula isi mwadeya otutumuliwa na mwadeya mundimuwa, hiyo mugweliha, mangelela na mwadeya mulukulu ule tawiha ira unadimele.#27:16 isi mwadeya wenno atutumuliwa na mwadeya mundimuwa anna mabasa ira kafiya tcherela ya bara, voira mwadeya mulukulu kafiya tcherela ya bara tawiha ira unadore, kagwela isi mwadeyole ira kawande fiya tcherela. Na mwasa wa nipevo na mahindje omanganyeya, kohogweliha isi mwadeya mmwadeyani tawiha ira inadimele. 17Nagagwelihile isi mwadeya ule, aliba mwadeya kohotukula mingohi, roma viriha vati va mwadeya mulukulu ule, aliwa mmangaga tawiha ira mwadeya ule unabwanyuwe. Aliwa eto kohotitiha nguwo ilukulu. Tchoira aliwa kohoova ira no tamanga no tamanga, mwadeya unaze adore na miseva dali mwiko tcherela ya Libiya. Nipevo nohokalelave nindunya mofuna mwewa.
18Mmetcheloni muwa, nohosimbwa ndunyeliwa wu na wu na nipevo na mahindje omanganyeya. Evale kohoroma tukula mitolro dagwelihile atu, aliwa tatilelaga mwiko ira mwadeya aluluve vang'ono. 19Mmetcheloni muwa, siku naneraru kuma varomile nipevo nne, annya a mwadeya kohofiyeda mwezo otukula fwaramento dimohi da mwadeya ule, aliwa tatilelaga mwiko na mandiwa. 20Evale nohomala malambo mangasi mangasi nahaonaga nzuwa nne nyenyedi nne nni. Jengo jaireyile unde kajali ja masika. Kalivo ahanlena yodediha ira nnoza nivulumuwe.
21Vagamanle malambo oindjiva atu kahadjaga, Pawulo ohoimela vamentoni va atu, roma wonga eraga: <<Alombwana, ahakale mudivwa tempu yawongile miyo ile, Kereta wali hiyo ule kanavenyawo. Hiyo na mitolro datene vamohi na mwadeyola, jatene jakala japama jene. 22Mbwenye masiki eno, nnouwandelani eni ira kamukukumuwe. Kalivo unafuna kwa. Mwadeyola mbwenye unomala bwanyuwa. 23Tchoira mahiyu ohoza wa miyo mungelro wa Mulugu wenno uli Mbwiyaga unamutamalela miyo. 24Mungelrole ohowonga ira: <We Pawulo kuove. Weyo kunakwa mwasiwa inofuneya ira udowe wasumeliwe vamentoni va Sezare. Kaing'ana, Mulugu uhumala akoya atu atene ali mmwadeyani mu na mwasa wa weyo.> >> 25Evale Pawulo ohowongave eraga: <<Nyo kamukukumuwe. Tchoira miyo nnamuroromela Mulugu ira jatene jinoireya nnga mwemo muwandeliwe miyo. 26Mbwenye hiyo va nnadediheda ira mwadeyola afiyaga suwa imohi eni, unodora.>>
27Nagamanle malambo kumi na mannayi nagali bara yeriwa Adiriyatiko nindunyiwaga na nipevo, siku nenne nnga ora ya mahiyu vari na vari, tchi tempu yenno yaromile annya a mwadeya ona ira nnofuna fiya tcherela ya ilambo. 28Kagapimile diha wa mahindje, kafwannyege mameturu 40. Nagadowile vang'ono, kagapimile akoka, kafwannyege mameturu 30. 29Evale muwari moova ira nera nidowegeve eni, afwase nnoguzula mabwe anafwanyeya mwiko mu, kohobwiniha momba donyemela minnayi na mingohi domangelela na mundulri mwa mwadeya ira dadora, mwadeya abihe imela. Evale aliwa kalobela ira unde utche mobaranya.
30Eto tempu yenne annya a mwadeya kohoroma umbuwela zelru dofuna tawa. Mwa enne kohotitiha isi mwadeya kanamaga ira: <<Nnafuna nitukule momba donyemela, nidowe nabwinihe sogolro wa mwadeyola.>> 31Evale mulombwana Pawulo ohowonga na ndimuwole na anyakondo afwaye eraga: <<Aliba mwadeya kahakale na hiyo mmwadeyani muno, nyo mbwenye kamunavulumuwa.>> 32Anyakondwale kagavwile eno, kohogwadaga mingohi damangilena atu isi mwadeyole, aliwa hiya dowaga jaye.
33Unde ufunaga tcha, Pawulo ohowonga na atu atene eraga: <<Inafwanela mudje. Tchoira muhumala malambo kumi na mannayi mwahadjaga, mukukumuwaga. 34Nona ili pama mudje ira mukayena kopolo. Tchoira mwa hiyo atene, kalivo unaporeya nne dimela nsisi naye nimohi.>> 35Evale Pawulo agawongile eno, ohotukula pawu, liye mutamalela Mulugu vamentoni va atene, liye meyawo, roma djaga. 36Evale atene koholimbiha kopolo, na aliwene roma dja. 37Hiyo atene nali mmwadeyani mule, nafwanyeya nagali atu 276. 38Kagamanle dja, kohotukulaga mutolro ahanlegemo wa tirigu, aliwa tatilela mwiko ira mwadeya aluluve.
Vulumuwa wa aliba mwadeya
39Unde wagatchile, aliba mwadeya kohoonaga ilambo, mbwenye yali ilambo yahanonne atu. Kagaonne tcherela yofwanelela, kohokagana funafuna ira nidowe naone akala nnowanda wendiha mwadeya, nadorihe tcherela yapama ile. 40Kohopazaga mingohi da momba donyemela dile ira mwadeya awande wenda, momba dile aliwa hiya mwiko. Ora imohive kohotapula mingohi damangihilena atu lemi eto kohovenyihaga nguwo ya sogolro ira nipevo nindunye mwadeya ante tcherela yapama ile. 41Mbwenye mwadeya ahanafiye tcherela yafuna atu ile, sogolro wa mwadeya wohodoraga na miseva da vati, evale kawandile wenda. Na kopolo da mahindje omanganyeya kabubuda mwadeya, mundulri mwa mwadeya mohoroma karakasuwa.
42Mwadeyole aromaga karakasuwa, anyakondo kaligi emule kohopiya zelru ira kaape anyakadeya atene anne tawiha ira anaze kahambelrelre, amala katawe. 43-44Mbwenye mundimuwa wa anyakondo ale, mofuna ira anvunele Pawulo, ohokwiha zelru diwa. So liye aarumile atu ira: <<Unawanda hambelrelra, ahambelrelrege, adowege sogolro fiyeda kombela ule. Ule ahanonne hambelrelra, ahidede matabwa a mwadeya anabwanyuwa ala na johala ja mwadeya, aharege eji fiyeda fiya tcherela.>> Mwa zelru daye dile, atene kohofiya tcherela ya vasuwa vale apamene.
Chwazi Kounye ya:
Joira ja Anamarumiwa 27: iLolo
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral
Joira ja Anamarumiwa 27
27
Pawulo ohovenyihana ulrendo waye wodowa Roma
1Kagaonne ira ora ikwakwana ira nigwele mwadeya, nidowe Italiya,#27:1 nigwele mwadeya, nidowe Italiya: Ku wonga maliba lremba Lukaji ali muulrendoni vamohi na Pawulo. Pawulo na anyakadeya amohiwa kohovahediwa mmandani mwa musogolrelri mmohi wa anyakondo 100 eriwa Juliyo okumela Nikuru na Agusta.#27:1 okumela Nikuru na Agusta: Juliyo ule na anyakondwaye asogolrelra liye kali vamohi na anyakondo amohiwa ahaasogolrelra liye muwari mogumanela kala nikuru naitaniwa Nikuru na Agusta. Mbwenye mwa anyakondo atene kafwanyeya muNikuruni mwa Agusta adowilewo kaali atene. Ali Juliyo na anyakondo angasi angasi asogolrelra liye. 2Mwadeya nagwenle hiyo ali mwadeya mmohi wa Aramitiyo. Mwadeyole mwinnya ofunaga nnga nidowe ikukuru ya Aziya, niperuwe sidadi dafwanyeya tcherela ya bara ya Aziya ule. Nivenyagavo, Aristarku wa sidadi ya Tesalonika muwari mwa ilambo ya Masedoniya ohodowa vamohi na hiyo. 3Unde ule mbe, nohofiyaga sidadi yeriwa Sidoni. Nagali wewule, mundimuwa Juliyo ule ohomusasanya Pawulo pama, liye muhiya ira adowe agumane na afwaye a wewule, kanvahege jimohi jamuhalenle. 4Nikumaga Sidoni, nipevo nohoroma nindunyela wahafuna hiyo dowa. Evale aliba mwadeya kohelavo zelru ira nivire ikukuru ya vasuwa va Xipire wewo wahaomba nipevo bure. 5Noira eno, hiyo kwaranya, fiya bara ili tcherela ya Silisiya na Panfiliya, hiyo kwaranya fiyeda sidadi ya Mira, ilambo ya Lisiya.
6Nagafiyile wewule, nohotita, hiyo hiya mwadeya. Vevale mundimuwa wa anyakondo ule ohonivendela mwadeya mmohiwa akuma Alexandiriya adowaga Italiya. Evale liye ohonigweliha, hiyo dowaga. 7Nohomalaga malambo mangasi mangasi nidowaga vang'ono vang'ono. Mosanyeya mwene, nohofiya wandamelana Kinidu. Evale nipevo nohoroma nindunyela wahafuna hiyo dowa. Evale nohovira ikukuru ya vasuwa va Kereta wewo wahaomba nipevo bure wandamelana sidadi ya Salimone. 8Nidowagave sogolro mosanyeya mwene, nohowanda fiya sidadi yeriwa Tcherela Dapama wandamelana sidadi ya Lazeya.
Makatamiho kaoneyile aPawulo kagali mmwadeyani
9Voira wali hiyo ule nohosimbwa dibeliwawo, siku nojejuwari nohovira eto yohofiya tempu inazetcha nipevo nowopiha.#27:9 siku nojejuwari nohovira eto yohofiya tempu inazetcha nipevo nowopiha: Wanle aJudewu kohokana siku nojejuwari. Siku nojejuwari nne nalingana na tempu yafuna za muzongwe na nipevo nowopiha. Atu wanle kohoiziwa ira siku neno navira, kavakala tempu ira mutu akayena ulrendo olapa mwiko. Pawulo ohowonga na aliba mwadeya aawandelaga eraga: 10<<Alombwana, ira nidowege eno, miyo nnoona ira ulrendo wehu unafuna ukale owopiha. Romana mitolro datene dilimo na mwadeya wenna ante vingumi dehu, miyo kannaona pama fiya uwa.>> 11Mbwenye mundimuwa wa anyakondole agavwile eno, kambalra Pawulo. Mwasiwa ndimuwole ambalraga mwinnya wa mwadeya na musogolrelri nfwaye. 12Eto fwanyeya ira vali hiyo kananna nimburo nofwanela garati evo na mwasa wa medi da muzongwe dafuna za.#27:12 medi da muzongwe: Sawasawa nnga uno, wewo wali atu, wohokala ora ya muzongwe na ora ya ilimwe. Atu keretcha wenda na mwadeya ora ya ilimwe. Mbwenye ora ya muzongwe kavali jowandeya wenda na mwadeya pama na mwasa wa nipevo na mahindje omanganyeya. Bingwi yazaga, muzongwe aroma rumbwa kada mwadeya wali liye ovenda nimburo napama ira atu katawe, kagarati medi edo da nipevo fiyeda bara imiyale. Evale oindjiva kohelagavo zelru ira nione akala nnowanda susa vang'ono, nivolowe sidadi ya Fenisi, suwa ya Kereta. Tchoira wewule yohokalawo tcherela yapama yafwanyeya pandi ya mavirelo wa nzuwa wa suwa ile. Yali yofwanela ira mwadeya agarati mutcherelani mule medi da muzongwe dafuna za.
13Evale nagaoneyile nipevo napama na vang'ono, kaumbuwela ira nnowanda fiya pama na nipevo nenne. Kohogweliha momba donyemela dali mmahindjeni ira mwadeya awande dowa,#27:13 momba donyemela nnawongiwa dalaba ira mwadeya ahakumevo vali atu. Tchoira mwadeya ali yengo yombelruwa, na nipevo na nipevo, nari na mahindje omanganyeya, mutu ahiya mwadeya burebure mmahindjeni, erege mbelruwa dowaga jaye. Na mwasa wenno, atwale kotukula momba dilukulu donyemela, aliwa mangiha na ngohi, tatilela mmahindjeni, mangiha mingohi wu na wu wa mwadeya. Momba dile dora wadora atu vati vale na mwasa onyemela, mwadeya kasusa. So mbwenye kafunaga venya, pagwelihamo atu momba dile, aliwa hela mmwadeyani ira kawande tchikuwavo vali atu. roma wenda vakwikwive na tcherela ya vasuwa va Kereta. 14Mbwenye mohodibeliwa, nohozaga nipevo nimohi niwa nohokala na masika nikumaga ikukuru ya Kereta. Nipevo neno, nali nipevo nneriwa Nipevo na Yaka. 15Nomala evo, aliwa roma nindunya. Evale kavawandeya ira aliba wendiha mwadeya kawendihe mwadeya pandi yafuna atu hara. Nipevo nne nohofiyeda nindunya, nidowagana wafuna atu.
16Evale nohofiya wandamelana mwana suwa eni yaitaniwa Kawuda, ikukuru ya wewo wahaomba nipevo bure. Mosanyeya mwene nohowanda tukula isi mwadeya otutumuliwa na mwadeya mundimuwa, hiyo mugweliha, mangelela na mwadeya mulukulu ule tawiha ira unadimele.#27:16 isi mwadeya wenno atutumuliwa na mwadeya mundimuwa anna mabasa ira kafiya tcherela ya bara, voira mwadeya mulukulu kafiya tcherela ya bara tawiha ira unadore, kagwela isi mwadeyole ira kawande fiya tcherela. Na mwasa wa nipevo na mahindje omanganyeya, kohogweliha isi mwadeya mmwadeyani tawiha ira inadimele. 17Nagagwelihile isi mwadeya ule, aliba mwadeya kohotukula mingohi, roma viriha vati va mwadeya mulukulu ule, aliwa mmangaga tawiha ira mwadeya ule unabwanyuwe. Aliwa eto kohotitiha nguwo ilukulu. Tchoira aliwa kohoova ira no tamanga no tamanga, mwadeya unaze adore na miseva dali mwiko tcherela ya Libiya. Nipevo nohokalelave nindunya mofuna mwewa.
18Mmetcheloni muwa, nohosimbwa ndunyeliwa wu na wu na nipevo na mahindje omanganyeya. Evale kohoroma tukula mitolro dagwelihile atu, aliwa tatilelaga mwiko ira mwadeya aluluve vang'ono. 19Mmetcheloni muwa, siku naneraru kuma varomile nipevo nne, annya a mwadeya kohofiyeda mwezo otukula fwaramento dimohi da mwadeya ule, aliwa tatilelaga mwiko na mandiwa. 20Evale nohomala malambo mangasi mangasi nahaonaga nzuwa nne nyenyedi nne nni. Jengo jaireyile unde kajali ja masika. Kalivo ahanlena yodediha ira nnoza nivulumuwe.
21Vagamanle malambo oindjiva atu kahadjaga, Pawulo ohoimela vamentoni va atu, roma wonga eraga: <<Alombwana, ahakale mudivwa tempu yawongile miyo ile, Kereta wali hiyo ule kanavenyawo. Hiyo na mitolro datene vamohi na mwadeyola, jatene jakala japama jene. 22Mbwenye masiki eno, nnouwandelani eni ira kamukukumuwe. Kalivo unafuna kwa. Mwadeyola mbwenye unomala bwanyuwa. 23Tchoira mahiyu ohoza wa miyo mungelro wa Mulugu wenno uli Mbwiyaga unamutamalela miyo. 24Mungelrole ohowonga ira: <We Pawulo kuove. Weyo kunakwa mwasiwa inofuneya ira udowe wasumeliwe vamentoni va Sezare. Kaing'ana, Mulugu uhumala akoya atu atene ali mmwadeyani mu na mwasa wa weyo.> >> 25Evale Pawulo ohowongave eraga: <<Nyo kamukukumuwe. Tchoira miyo nnamuroromela Mulugu ira jatene jinoireya nnga mwemo muwandeliwe miyo. 26Mbwenye hiyo va nnadediheda ira mwadeyola afiyaga suwa imohi eni, unodora.>>
27Nagamanle malambo kumi na mannayi nagali bara yeriwa Adiriyatiko nindunyiwaga na nipevo, siku nenne nnga ora ya mahiyu vari na vari, tchi tempu yenno yaromile annya a mwadeya ona ira nnofuna fiya tcherela ya ilambo. 28Kagapimile diha wa mahindje, kafwannyege mameturu 40. Nagadowile vang'ono, kagapimile akoka, kafwannyege mameturu 30. 29Evale muwari moova ira nera nidowegeve eni, afwase nnoguzula mabwe anafwanyeya mwiko mu, kohobwiniha momba donyemela minnayi na mingohi domangelela na mundulri mwa mwadeya ira dadora, mwadeya abihe imela. Evale aliwa kalobela ira unde utche mobaranya.
30Eto tempu yenne annya a mwadeya kohoroma umbuwela zelru dofuna tawa. Mwa enne kohotitiha isi mwadeya kanamaga ira: <<Nnafuna nitukule momba donyemela, nidowe nabwinihe sogolro wa mwadeyola.>> 31Evale mulombwana Pawulo ohowonga na ndimuwole na anyakondo afwaye eraga: <<Aliba mwadeya kahakale na hiyo mmwadeyani muno, nyo mbwenye kamunavulumuwa.>> 32Anyakondwale kagavwile eno, kohogwadaga mingohi damangilena atu isi mwadeyole, aliwa hiya dowaga jaye.
33Unde ufunaga tcha, Pawulo ohowonga na atu atene eraga: <<Inafwanela mudje. Tchoira muhumala malambo kumi na mannayi mwahadjaga, mukukumuwaga. 34Nona ili pama mudje ira mukayena kopolo. Tchoira mwa hiyo atene, kalivo unaporeya nne dimela nsisi naye nimohi.>> 35Evale Pawulo agawongile eno, ohotukula pawu, liye mutamalela Mulugu vamentoni va atene, liye meyawo, roma djaga. 36Evale atene koholimbiha kopolo, na aliwene roma dja. 37Hiyo atene nali mmwadeyani mule, nafwanyeya nagali atu 276. 38Kagamanle dja, kohotukulaga mutolro ahanlegemo wa tirigu, aliwa tatilela mwiko ira mwadeya aluluve.
Vulumuwa wa aliba mwadeya
39Unde wagatchile, aliba mwadeya kohoonaga ilambo, mbwenye yali ilambo yahanonne atu. Kagaonne tcherela yofwanelela, kohokagana funafuna ira nidowe naone akala nnowanda wendiha mwadeya, nadorihe tcherela yapama ile. 40Kohopazaga mingohi da momba donyemela dile ira mwadeya awande wenda, momba dile aliwa hiya mwiko. Ora imohive kohotapula mingohi damangihilena atu lemi eto kohovenyihaga nguwo ya sogolro ira nipevo nindunye mwadeya ante tcherela yapama ile. 41Mbwenye mwadeya ahanafiye tcherela yafuna atu ile, sogolro wa mwadeya wohodoraga na miseva da vati, evale kawandile wenda. Na kopolo da mahindje omanganyeya kabubuda mwadeya, mundulri mwa mwadeya mohoroma karakasuwa.
42Mwadeyole aromaga karakasuwa, anyakondo kaligi emule kohopiya zelru ira kaape anyakadeya atene anne tawiha ira anaze kahambelrelre, amala katawe. 43-44Mbwenye mundimuwa wa anyakondo ale, mofuna ira anvunele Pawulo, ohokwiha zelru diwa. So liye aarumile atu ira: <<Unawanda hambelrelra, ahambelrelrege, adowege sogolro fiyeda kombela ule. Ule ahanonne hambelrelra, ahidede matabwa a mwadeya anabwanyuwa ala na johala ja mwadeya, aharege eji fiyeda fiya tcherela.>> Mwa zelru daye dile, atene kohofiya tcherela ya vasuwa vale apamene.
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
© 2018 Visão Integral